深井陳記燒鵝 (欣榮商場)

Open Now

Now Closed

夜晚6:00左右時候幫襯， OpenRice有$80減$15優惠，第一次用。手機Order好快就ready啦。叉燒飯啲叉燒乾爭爭個青紅蘿蔔湯味道都還可以。燒鵝叉燒飯啲燒鵝份量又少，又係骨頭肉少。輸咗OpenRice嘅$15優惠，但係都係食得唔開心。

難食 服務差 態度差 你有你投訴 她只會答你 唔係出品品質有問題 係你有問題 出現問題，服務員從沒想過要調解 總之你要換過第二碟就請再落單 雖然唔係一餐貴嘅飯 但換來一肚氣 真係唔會再有下次

每次經過都比陳記燒鵝的大名吸引，今天終於來到一試。這店空間較少，只佔商場的小小位置，地下又是非常滑，要慢慢找個位置坐。來這裡當然就是試燒鵝啦，點了燒鵝瀨粉+凍飲$60，若果是有質素的燒鵝，這個價錢是很合理。一來到賣相還不錯，但夾起一件就知已中伏一半。份量還可以，但那隻鵝近乎沒有肉，只有皮，真正的皮包骨。第一次吃這種沒有肉，只有皮的鵝，很驚訝一間食店招牌菜是燒鵝，但只賣這種嚇人的級數。皮燒得有點脆，但食落很鹹。這些質素的燒鵝一次都不應幫襯。

🍖🍚燒味餐廳評論 🍖🍚這家燒味餐廳的食物味道還算可以，但並沒有什麼特別之處。餐廳的空間比較小，座位有限，環境也不是很好，感覺有些擁擠。份量比較普通，價格也算合理。餐廳的服務員表現還可以，但沒有什麼特別之處。地理位置還算可以，但需要一些時間才能到達。總的來說，這家燒味餐廳還算可以，但沒有什麼太多亮點。如果你只是想吃點普通的燒味，這裡可以是一個選擇。但如果你想要享受一個更好的用餐體驗，這裡可能不是最好的選擇。🍖🍚

忽然間心血來潮想食燒鵝, 所以就去咗陳記買外賣喇。以前細個只會喺拜山嘅時候先會食到燒鵝, 大個之後發現原來除咗酒樓都有好多燒鵝店可以食到, 而深井陳記本身好有名氣, 所以要試吓佢嘅燒鵝。🍗 半隻燒鵝特登叫師傅唔好切隻燒鵝脾, 成隻食😆 燒鵝皮燒得好脆, 而d 肉質好嫩滑, 拎住成隻燒鵝脾咁食, 好爽呀。🥢 叉燒飯半肥瘦叉燒有淡淡蜜汁味, 肉質鮮嫩, 食落唔會覺得太肥膩亦唔會太瘦乾爭爭。配埋秘製醬汁咁餸飯食, 好好味。💭 整體食物都好食, 如果想食燒鵝, 實在推薦呢間餐廳。

早前購買了這食店的盤菜團購，取貨那天下午5時多去拿，拿到回家翻熱時，發覺西蘭花，蘿蔔，豬皮，甚至湯汁都有一陣酸餿味，這些食物吃下去也帶酸味。而雞，蝦肉質是發霉的，不知放了多久，和用了怎麼樣的食材，還要1300多元！本人立刻致電店鋪電話: 31884683，也致電了提醒我們取盤菜的電話: 55155897，均沒有人接聽。本人亦按照團購紙上的whatsapp號碼: 68750534，帳號顯示在線上，卻一直沒有答覆！求助無門，把盤菜也倒了，因為實在吃不下。另外，最嚴重的事，倒了盤菜，洗好剩菜的盤時，發現盤裡，不銹鋼隔層背面居然剩下不規則的，還沒完全溶掉的膠紙(附相片)，我不知道在翻熱盤菜過程中溶了多少到食物內！這行為實在無法原諒，店舖亦太沒良心，可恥至極，黑心，沒品！會報食環！

中秋節訂了個盤菜，但盤菜變壞，打了成個鐘電話又冇人聽，又聯絡不到負責人，以後不會考慮這間垃圾店鋪..............................

陳記燒鵝已位於深井多年，質素有保證！近10年，已增設不同分店在港九，要食燒鵝已經唔使再去深井了。燒鵝飯加例湯$53燒鵝香甜美味，鵝皮香脆可口，鵝油滿滿，入口香濃，鵝肉嫩滑，即燒即賣，碟碟燒鵝都熱辣辣的。例湯，天天不同，多數是蓮藕煲豬骨，有時是青紅蘿蔔煲豬骨。例湯水準合格，不太咸，味精不太多，飲後不需要大量灌水，有豬骨味，也會帶幾舊蔬菜！好味又健康點。熱咖啡，不是即冲咖啡粉，也不是蒸餾咖啡！似一般茶餐廳式咖啡，需煲煮但有更香咖啡味。

今日去咗土瓜灣 未食早餐太肚餓就隨街睇下有啲乜嘢好食啦 見到呢間食深井燒鵝嘅餐廳 見自己有未食過深井燒鵝就入去試下係點啦😁😁我同朋友一人嗌咗一個飯 我就要咗燒鵝叉燒飯 我朋友就要咗一個燒鵝燒腩飯😋😋嗰啲燒鵝嘅皮好脆 肉幾香 但我覺得唔夠肥 我覺得燒鵝應該要咬落去有啲油份必反出嚟先至好食但反而嗰啲叉燒我覺得好好食 半肥瘦 又有少少燒焦嘅感覺😍😍不過如果唔係諗唔到食啲咩 求其食 我諗我都唔會食呢一間 因為燒鵝週街都有 不過呢個飯依套一流 因為份量夠😂😂

星期日的晚餐選擇了這間以深井燒鵝起家的連鎖食店，不知道是不是分店的問題， 8:45進去，店員已經好像急於下班似的，沒有熱情招待，也早早收起很多本應掛出來的燒鵝。我們點了兩份燒鵝米粉，才見師傅不知從那裏拿出半邊燒鵝斬給我們，但燒鵝質素是不錯的，皮脆多汁，有水準的。可惜米粉就很一般了，湯不夠熱，米粉就像平時連鎖快餐店吃的下午茶的米粉一樣，質素很一般，很行貨的感覺。另外也點了一份豆豉鯪魚油麥菜，不過不失，有稍為多了一點。

小編叫外賣嘅兩個堅持：1. 外賣兜唔可以係發泡膠。食用發泡膠裝嘅熱食簡直好似食化學品，正在慢性自殺咁。2.食物到達時候仲係熱嘅。深井陳記燒鵝(土瓜灣店)符合本小編以上的小堅持所以亦係我差不多每星期都會叫外賣的食店。今次無叫燒鵝，點咗幾味小菜。薑蔥魚腩煲係廚師推介。薑蔥好香，食落一啲都唔油膩，包住魚嘅炸粉亦唔厚。一個好好嘅廚師推介。滑蛋炒蝦仁味道同張相一樣 - 淡。煮嘅時候應該係油未夠熱就已經落蛋，所以蛋一啲都唔滑，好碎，又唔香、蝦仲有啲出水添。係失敗之作。蒜蓉炒油麥菜顧名思義，係蒜蓉炒油麥菜。優點係，一啲都唔油。豉油雞拼叉燒豉油雞 - 皮好爽，肉好滑，好入味。好好味！叉燒 - 蜜汁香甜，肉地唔乾但係舊叉燒好似啱啱絕食完三日咁瘦。

今天到了下午茶時間，從荃灣回到土瓜灣，忽然之間，很想吃燒鵝瀨粉，想起這裏的燒鵝瀨粉也不錯，就來到了。下午茶時間，燒鵝瀨粉$38，包熱飲。燒鵝皮脆肉嫩，瀬粉的份量也很多。

很久沒有吃鵝瀬了，附近有燒鵝的餐廳都吃過了，終覺得不夠好。而這裡以燒鵝為主打，點都要試試。來到時已經是下午茶，燒鵝瀬加飲品$38。燒鵝是鵝肶，鵝皮夠脆，肉質鮮嫩，不愧是燒鵝專家。瀬粉份量尙可。

其實這間餐廳已經開了一段日子,但因為之前在深井總店食過,味道強差人意,印象不太好,所以一直都沒有興趣和動力去光顧佢旗下嘅餐廳,但由於當天是公衆假期, 很多餐廳都要排隊等很久, 唯有去比較少人的餐廳用晚餐,坐低後點了二人套餐,有一份例牌燒鵝,燒鵝皮都算脆口,但微暖不夠熱,而且肉質偏韌鞋口,另外包一款小菜,我們選了粟米魚塊,味道不錯,例湯好濃郁,老火湯的感覺,套餐可選白飯或瀨粉,我們選了瀨粉,瀨粉湯底普通,整體來說只是不過不失

點了一個常餐，午餐肉有酸(宿）味,咬了一啖即嘔返出來，要求店員更換態度惡劣,仲好大聲叫我報食環，真係估唔今時今日仲有D咁嘅服務態度，永遠絕不再去，陳記燒鵝唔好淨係賣個名出來淨錢先得架，又唔管理下D所謂分店，不知所謂！集團經營做到咁乞衣,正廢柴!已報食環署，出街食野咁多年都未試過嬲到要報食環署就知員工態度惡劣有錯都唔改等食環署票控喇，我永遠唔會再食深井陳記燒鵝.正垃圾！唔怪得下午lunch時間得嗰幾台客