深井陳記燒鵝 (欣榮商場)

Open Now

Now Closed

又來都土瓜灣上堂.....竟然未上堂前見到有間陳記燒鵝....我惜我手術冇幾耐....所以一定要戒口....但係見到佢啲燒鵝真係好肥美有得睇無得食....真係好難頂不過佢啲叉燒都唔差咁就試叉燒拉....環境有別於一般燒臘舖款式種類都有好多選擇又有小炒又有燒臘又有常餐黎個霸王花來湯我叫左呢個叉燒飯啲叉燒瘦得來有少少肥肉食落去都有啲鬆軟我自己一個人都食晒成碟叉燒飯最可惜吾食得燒鵝拉下次來一定要試過.....

成日經過哩間深井陳記燒鵝，都好想試，我今晚終於去試，但好後悔！非常後悔！相信唔會有下次，我係想食燒鵝，至少可以平均D，唔駛你俾鵝肶我，都應該有舊肉食吓啩？！唔多講，睇相就明白。。。我食到最後真係好嬲，又肚餓，係咁食白飯，只覺得好肥！好咸！好漏！話晒係晚餐！唔係下午茶！唔係午餐喎？！就算係都唔收貨啦！！唔怪得無人食啦！個湯又係難飲，無味㗎！無言！咁樣可以開舖，俾人食真係好嘢！仲有燒腩仔呀！又係肥燒肉，得個咸字！成餐都伏！激氣！

深井本來係香港一個地方的名字，可是香港人一聽見深井，第一感覺聯想就是燒鵝，因為八十年代深井出了幾間出名的燒鵝飯店，中學畢業後曾經特意去了幾次，就是為了即燒的炭火燒鵝，吃時熱辣的燒鵝淋上燒鵝汁，到現在這個味道還記憶猶新。自從禽流感之後，香港已經沒有了新鮮的雞鴨鵝了，所以那味道只有在回憶中。到了近年有間陳記標榜深井燒鵝，由深井開始，開了幾間分店，我在旺角、荃灣都幫襯過幾次，可惜全都已經消失了。而位於土瓜灣的這間，我反而沒有衝動想幫襯，因為它開張時，我買了一個燒鵝飯外賣給老公，點知打開時，都係骨多過肉，而燒鵝皮唔脆不特止，仲要係淋的。今天下午想來想去都唔知食乜，忽然記得有個朋友話這間下午茶都幾好，就入去試一試，看到餐牌，下午茶有燒鵝瀬粉都係$40，仲連一杯熱飲，我就姑且一試，如果唔得以後都唔幫襯，因為連招牌的燒鵝都做唔好，其他野食都唔會好啦。到燒鵝瀬送上時，我目測就發現燒鵝皮好似幾脆，將燒鵝放落嘴後，發覺鵝皮真的很脆，皮和肉中間仲有少少肥膏，而肥膏和鵝肉都好有鵝味，令我想多年前的味道，雖然和以前的味道難以相比，因為以前是新鮮的鵝，而現在是急凍的，雖然如此亦懷緬以前的味道。😋😋😋至於咖啡就係一

周日去午飯，見到深井陳記有好多位，就入去一試，叫了個陳記鵝絲炆米，來了個”鵝皮”炆米，先向服務員要求要換，她去了廚房問，然後說換不了，我就叫經理換，她也說沒法換，她說這裡的鵝絲炆米就是這樣的，（因為雖然寫是”鵝絲”，但實質只用鵝皮）所以換也是一樣，太實在不可思議了!  這明顯是違反了商品說明條例，唔通我叫個牛肉絲妙麵，就可以給我”牛皮”妙麵，實在太過份! 怪不得這家餐廳常常都有好多位，之後我也不會再去了！ 結果我堅持要退錢。這是我人生中的第一份食評。

今次要介紹係深井陳記燒鵝，因為食過幾次都覺得食物質素唔錯。我自己就最鐘意食佢嘅燒腩骨同燒鵝雙拼飯。先講下燒腩骨啦，燒腩骨嘅肉質會比普通燒肉滑，因為燒腩骨嘅嘅肉近骨附近。此外呢一間燒味嘅燒肉皮好脆。加埋芥辣汁食好好味。而燒鵝呢，個人認為呢一間做得幾好，因為燒鵝嘅肥肉唔算多，而且鵝味夠香。肉質都算鮮嫩。除外飯之外，佢個例湯都值得一讚。因為無乜油見到喺湯度。上次飲咗個青蘿蔔湯，清清哋，食咗咗多肉正好中和一下。飲得出係老火湯，LIKE!

好日都唔試，一試就出事！買左一盒义鵝飯同燒鵝四寶飯，全部鵝都係骨，搵一啖肉食都難，仲衰過太興！好在有隻咸蛋送飯咋！唔怪之得成日都冇人食！改名啦！以後都唔再幫襯！真激氣！

開章果排買過黎食, 燒鵝夠熱好味, 想唔到一年都無, 再買黎食, 一盒反得4舊食得嘅鵝胸肉, 1條切開嘅小棠菜同6舊用黎睇都唔系好得嘅肥油皮, 鵝涷冰冰靠飯焗反熱, 街市檔都不如, 以後都系去連鎖快餐算

難得返一天夜更，今天也正是又係我發揮找尋我的新試食引擎，在土瓜灣這一區，近年都開了一些新的食肆，但今日下午又不是太想去茶記食常餐，偶然經過了一間深井陳記燒鵝，有一位店員正在派發傳單，眼見店內又不是好多人，都可以安靜地食番一餐安樂茶飯，所以都抱住不仿一試的心態去食個燒味飯。一場來到深井陳記燒鵝，當然必試的就是燒鵝飯，馳名燒味飯套餐都有13款，也可以轉米粉、河粉、生麵......不過價錢都不是好便宜，單點一個單拚燒味飯最便宜都要$45，雙拚都要$47，另配兩款配菜及熱飲/例湯，凍飲另加$2。另有兩配菜分別是菜莆花生、鹹酸菜，燒鵝飯終於上枱了，碟飯的份量都適中，燒鵝都有8-10 件，鵝皮都幾脆帶有光澤，肉都好嫩口多汁，不過近頸部份一定會比較韌一點，微熱的燒鵝呈半肥狀態，咬下肉汁豐富，加上酸梅汁更令人開胃。最後餐飲我點了杯凍檸檬茶消滯，可是紅茶味淡，檸檬片切得好薄，晤夠檸檬味。除了燒味飯都有一些全日餐(即是好似平時食的早餐般有雞蛋、茄汁豆及奶油脆豬)、快樂/開心一、二及四人餐(有燒味加一些炒小菜、白飯及例湯)、炒飯粉麵類......都好大眾化多選擇，可能是下午時份，店內都是只有一兩位客人，衛生

As soon as we arrived, the waiter highly recommended the set dinner for 2, saying that it's worth it. So we decided to give it a try. The dinner set includes a soup, some side dishes, siu mei (you can choose 2 out of the list), 1-2 other dishes and rice. It's around 8pm when we placed our order, yet most of the siu mei on the list have already sold out. So we just took what was left (roasted goose and chicken), at least we got to try it's famous goose.We prefer soup that is hot or warm, but the

有同事住深井久不久就會說起入深井食燒鵝但深井對我來說不比火星近 (絕無冒犯之意)所以一直沒有成事@@某一天在北帝街繾綣時嚇然發現在掉彩虹樂園旁邊有一家準備開張的餐廳一塊大玻璃後面有兩支打橫的支架很明顯是用來掛燒味引誘餓腸轆轆的途人的再抬頭一看“深井陳記燒鵝”!!!!!!!好野!!以後不用去火星都可以食到火星燒鵝了!!今天午飯又無飯想起新開的火星燒鵝就和MB去做新C坑了一去到證明好多土瓜灣街坊都是新C坑 圍觀者眾有買外賣的有在等位的我們得幸運之神眷顧一去到就遇上有人埋單我們就坐下來了雖然隔離就是其他圍觀者…但都OK啦招呼客人入座的哥仔都幾有禮貌看了看餐牌沒有想太多就叫了火星燒鵝飯(難道來深井陳記燒鵝食乾炒牛河咩…)很快就看到兩碟火星燒鵝飯上檯了MB向著我那碟投以艷羨目光喔他說好似是燒鵝髀我不肯定覺得是燒鵝翼附近D friend後來看看餐牌幾乎可以肯定一定不是燒鵝髀因為燒鵝髀飯叫價是燒鵝飯的兩倍呢!雖然不是燒鵝髀但燒鵝肉質尚算OK不是很突出但算lum身燒鵝皮跟肉之間的肥膏不算太多但我的疑似燒鵝髀其中一塊就略嫌太多肥膏還依然看到燒鵝毛(雖然是燒焦了)有點核酸 ><飯是暖的一上