渣哥一九九六 (Closed)

口癢想食d小吃，就比我見到黎間野有曬我想食ge野 $25 蚊 有燒賣，魚蛋同腸粉 一盒有曬我想食ge野又唔太貴就即刻叫了! 滿意! 好味道! 熱辣辣 唔系話真係有咩特別，但幾好味，燒賣軟軟的，魚蛋QQ的，腸粉滑滑的，食完曬都飽左一半了。 下次會再黎

名人譚小環揸哥，聞名己久，報章雜誌經常介紹因為剛剛轉了新的工作地方正正在公司樓下，所以午餐就去試了一下，基本上來說腸粉滑溜晶瑩剔透，魚肉燒賣一般般加上甜醬辣醬正宗道地香港小食

銅鑼灣區，出名舖租貴！算是全球數一數二的了！當然，能夠在這個地方開店，一定有番甘上下人氣撐得一片天。今日，吃飽了晚餐仍覺肚餓，我與肥膏走到了渣甸街尋找「渣哥」。早已聽聞，這間渣哥是港姐譚小環開的，所以我想人氣是相當的不錯。當天晚上九時多，店前一個客人都沒有，店內有兩名穿了綠衣的店員。我們兩人行前去看看有甚麼可以點的，看到價錢，真是感嘆！身為香港人，面對從小食到大的魚蛋，變得愈來愈貴，那種感嘆，真係非筆墨所能形容。物價通賬，真是避無可避！說回「渣哥」，第一次幫襯。不想食好貴的魚蛋，所以揀了也好貴的滷水食物。(相較之下，如果大家都係貴，不如揀滷水都抵過食貴魚蛋。這是我們的心態。)HKD 12.00 一串的滷味食物。紅腸 HKD 12.00切得厚身，但雪得偏硬身。咬落口比一般街出面食的較厚實。不過味道不錯。生腸 HKD 12.00細生腸也還可以，無咩滷水味，加了甜醬及芥辣才有番少少味道。不過，生腸的溫度感覺好室溫，軟身，好稔。我還是喜歡雪凍一點的爽生腸。雞腎 HKD 12.00這個很一般，也沒甚麼味道，雪了很久的感覺。吃完之後，覺得加了甜醬與芥辣醬，滷水食物比較好味！應該要多落一點！因為單吃

前幾日行行下好肚餓, 但又就黎食飯, 就是但買d野食下因為名人效應, 渣哥好似好出名, 又多人食, 所以就去試下渣哥魚蛋 10蚊6粒, 非常細粒, 魚蛋一d都唔彈牙爽口，似面粉咁, 完全冇魚味, 深水埗魚蛋仲好味過佢, 仲要平佢多多聲. 面頭有蒜蓉汁, 普遍蒜蓉味, 味道淡淡地, 唔明個醬有乜特別我覺得咁ge食物質素, 又收得貴, 真係一d良心都冇....

行行下銅鑼灣，行到有d 肚餓，聽左渣哥呢間小食店好耐，今次就去試下。十元六粒，已經算係好貴，仲要比起平時既魚蛋細粒好多。魚蛋無魚味，得麵粉味，仲想用蒜味蓋過所有味道，失敗，真係好失敗。

渣哥，果然名乎其實。前排食完尖沙咀店，失望，今次經銅鑼灣，又忽忽痕想試翻上次食唔到既渣哥三寶，今次有豬皮喇！個伙記一遞埋黎，我都打左個突，實在少得可憐。唔講真係以為偷食左一半。。。相比貼岀黎個圖，會唔會大對比左d呢？魚蛋，見其他食評大讚，但不是我杯茶，完全不彈牙。豬皮夠淋。蘿蔔都係白洽，無乜味，又無乜汁醬。$30這個質素，倒不如選擇可堂食既快餐。

早年在報紙報導譚小姐賣魚蛋 ,一直好奇是否真的好吃,亦有不少食家推介，我不是成日行CWB,早前和朋友在Cwb吃飯後行去MTR經過渣哥,決定試下它的魚蛋,價錢20元/6粒,10元不是太貴，我今次見不到譚小姐啦,服務都OK,魚蛋的口感太粉,亦不夠彈牙,吃過1次未必再光顧 ,味道就一般 ,我唔要咖哩，亦唔使豉油都唔俾，我覺得魚蛋只是一般，未去到太難吃,只是俾OK味道魚蛋 ,魚肉口感好粉,亦不夠彈牙，豉油都唔俾，冇豉油的魚蛋不是太好吃服務:我覺得都OK價錢;10元/6粒

收工趕返屋企，小巴站對面有間小食店，時時都好多人排隊買嘢，最近先知原來係明星開嘅， 店面好細，大家都要在門口排隊同食，我去到門口見好多圖片餐牌！ 店員招呼完一個先一個客人！我要外賣，所以店員幫我袋好！ 腸粉套餐（$25）走麻醬，回家打開，第一反應係點解無魚蛋！因為圖片講腸粉套餐有魚蛋燒賣各3粒，點解打開盒，得4粒燒賣？店員都無講過同參考圖片唔同！燒賣皮唔夠水氣，比較韌，燒賣本身彈牙！腸粉滑溜彈牙，太多甜醬，太杰身，我自己喜歡豉油多，芝麻香口！ 八爪魚（$15）獨立膠兜盛載，見住店員在雪櫃攞出來，淋上醬汁，加黃芥辣，八爪魚唔韌，咬落只有少許彈牙！黃芥辣幾香！醬油微鹹！吊味幾成功！但八爪魚肉質比較削！一般！雖然店員有禮，服務爽手！可惜食物同餐牌有出入又唔講！我想叫生腸又無，冬菇又無！食物只可以話ok！以呢個價錢，唔值！

我問嬸嬸請問知唔知實惠係邊年紀大的嬸嬸望住佢係一d都冇想答嘅感覺其中一位客人望住佢見佢唔答我氣氛好尷尬好善良咁樣形容一次俾我聽所以港女真係好好架因為嬸嬸的反應令我好surprised所以我即時試下係咪真係咁好味需要咁寸真係好好味喎！醬汁夠辣不特止仲有陣陣沙茶味魚蛋爽口彈牙雖然唔係好夠魚味但醬汁彈牙也已經攞曬分

店名:渣哥一九九六地址：銅鑼灣渣甸街30號B鋪地下好味指數：7.8/10價錢：$10辣魚蛋魚蛋一串有六粒，魚蛋上有秘製醬料，味道有點像沙茶+辣醬。魚蛋爽口彈牙，味道尚可，但不夠辣。 

*炎熱的星期六*途經銅鑼灣往赤柱，順便求求其其吃個午餐。怎料去找一間餐廳去吃都咁難！很多地方都爆滿😓😓兜兜轉轉，諗住直接搭車算了～ 行過見到「渣哥」有小吃食，便過馬路看看！見到有腸粉套裝已經岩哂，即刻買了一盒，朋友又岩食，又買多盒。買完未即時吃，去等巴士，等了差不多30分鐘還未有車，打去新巴公司問問，怎料假期才有😅😅，又要去另一個巴士站。。救命！想轉搭小巴又找不到⋯⋯真是又熱又黑仔！😓😓😓最後，差不多一小時，在等巴士的時候，終於有得吃了。。一開，原整無缺😂😂還暖暖的。雖然是普通食材，但也吃岀有心的食品。甜醬搶去了鼓油的味道，是偏甜的。但腸粉依然滑、燒賣也好吃、魚蛋也美味！😋😋 

我家小姐之前動了一個小手術，某日往銅鑼灣覆診，路經渣哥，聽聞是港姐譚小環主理，製作認真，便欲一試。小朋友吃的魚蛋和腸粉普通貨色，不見得如何認真特別，來碗牛雜試試看吧。蘿蔔不入味亦不夠腍，其餘牛雜也不算好吃，應該是那個湯底味道調得不夠香濃，食物燜得不夠腍和入味；抱著一絲期望來試，吃到的卻是一絲失望，渣哥... 渣咗啲喎!

前香港小姐譚小環轉行開店賣魚蛋消息一出，旋即引來熱話。不少市民光顧有幸親眼見證這位全港至靚的魚蛋妹。位於銅鑼灣的店舖「渣哥一九九六」, 舖名由小環其中一名男拍檔改的，因為他從小到大都是在渣甸街生活，因此改名為「渣哥」。至於，「一九九六」中的九六則是小環的出生月日。小店主打香港懷舊街頭小食，最具代表性的咖哩魚蛋當然是必試的。魚蛋$10有六粒 , 價錢在2015年來說尚算合理。如果價錢有懷舊價(學生時代$2 8粒!)就更加好。魚蛋咖哩味香濃，口感尚算彈牙。合格!如果唔係譚小環, 依然有那麼食客嗎?

I know that a former Miss Hong Kong has opened a stall in Causeway Bay selling local street snacks and curiousity took me there to try. I love some curry fishballs here and there as snacks so I've tried quite a few around HK island and Kowloon as well. Unfortunately the fishballs here were too small and firm while I found have preferred a bouncier texture. The price of $10 is also quite expensive compared to most places that are selling them for $3-6 usually. I liked the sauce though as it was q

傳媒廣泛報導譚小環在銅鑼灣開了港式小食店，好奇心驅使加上有一點希望見到小環真人，星期五決定到渣哥碰碰運氣～渣哥咖喱魚蛋，口感彈牙！汁料混入甜醬味道，但又能保持辣味～渣哥魚肉碗仔翅熱辣辣，相當足料，口感剛剛好！不會太杰，又不會太稀！加上胡椒粉後，相當惹味！雖然最後沒有見到小環，不過可以品嚐好味港式小食，已經是今晚的小確幸！