滷府 (Closed)

今晚諗住煲白粥，那便要買些滷味做餸，不期然就想起了滷府，放工一於去行一轉。一入門口，已飄來濃濃的滷水香味，櫥窗掛滿滷水鵝，及各式各樣的滷味，看到已口水直流了看完餐牌後，叫了滷水鵝腎、鵝腸、墨魚、千層腐皮、紅腸，及滷水雞蛋，共有六款之多。滷水鵝腎及鵝腸不單有咬口，亦有爽口之感覺，滷水入味，非常地道墨魚入口腍腍的，有口感，一口一件，yum yum 呀千層腐皮也是我的至愛，食落很有豆香，不錯。紅腸及滷水雞蛋同樣入味，也是滷味的熱門之選，小朋友一定喜歡整體來說，滷府的出品非常地道，滷水的質素高，看來累積的年資不淺，值得向大家推介

Lunch同同事一齊食滷水飯，比平時燒味舖貴少少，望落舖頭乾乾淨淨，雖然格局同平時嗰d一樣都係隔住玻璃望到入去，一隻隻燒鵝掛起晒，但清潔好多，會多d信心。食物睇落都仲分到邊樣打邊樣，唔似平時全部一樣色。自己真係好少食燒味，除咗叉燒同油雞，因為d滷水野成日整到好深色，d滷水好似好污糟咁。雙拼飯鵝肝同鵝肉飯，再加個百頁豆腐同滷水蛋。點知原來個飯配咗我另加嘅野，哭𠹌咗！any肥，同同事交換！鵝肉好滑，肉好香，無咩滷水過嘅痕跡，食到佢嘅原味。百頁豆腐都係，滷水蛋都還好，深色咗，都係無經過長時間滷水嘅感覺，唔會喧賓奪主如果下次再食，想叫佢多泡菜，超微辣，好開胃嘅配菜。比咗幾兜醬汁我，但唔覺得要點，好似係豉油黎。個飯本身都有滷水汁，夠晒味。

疫情已經援和，加上政府派發免費消費券，大部份食肆疫情嚴重期間推出的優惠已經取消，今日食宴經過，見到呢間滷水食品外賣店「滷府」的優惠仍然有，即刻唔執輸快快買。$55慢煮滷水鵝肉飯，鵝肉與鵝片的分別是有骨或無骨，近骨肉會滑啲，包飲品。幾多餸呀！鵝肉切細件，有咬口，皮很爽，皮下脂肪，滷水味道香，飯有少少汁，仲有半隻滷水蛋及腐皮，意料之外，早知道額外就唔多買一份腐皮。我額外加了一個細鵝肝 $38 及一份滷水千層腐皮 $12。鵝肝算粉，唔嚡。超特價套餐全日供應，有三款選擇，晚上收8:30，放工來買個飯都好。

年尾真系比较忙，外卖返屋企食真系最好的选择。今次不用想便入了这间卤府。卤水千层腐皮($12/份) : 上次食完觉得好好食，今次一于叫了两份。腐皮真系好多层，在口，加埋甜酸醋同卤汁，两份真系好满足。今次见到有真系好大只的鹅蛋($30/只) ，好有趣就 叫了一只试试。其实同卤水鸡蛋味道差不多，但系好大只。老板切开4份，4分1入口都差点食唔到，满口都有蛋黄好满足，唔食饭都够饱。最后叫了卤水鹅肾($24)：始终要食返小小肉。鹅肾好入味，好少少弹牙，再点少少醋，真份、好食。

難得去到港島區，食完下午茶周圍行吓睇吓有咩新奇刺激又好玩嘅嘢先，行過見到有間滷水店，門口有人排隊喎，八卦望吓啦，櫥窗見到有啲滷水食物好吸引喎忍唔住上OpenRice睇吓咩comment先！原來係好嘢，一於買啲返屋企試吓睇吓個包裝都非常之虎虎生威問阿女想食咩，佢話想食鵝肝，果然識食，應該係跟得阿媽多慢煮滷水鵝肝，又滑又細膩，入口溶化，淡淡滷水香味，越食越滋味慢煮滷水鵝翼我真係鍾意呢間滷水嘅味道，一啲都唔鹹，鵝翼啲皮，超級彈牙滷水鵝腎鵝腎夠爽脆綜合來講呢間滷水店屬於A級選擇，一啲都唔貴，物超所值

今日天氣有些冷，所以決定買外賣回家吃。經過鰂魚涌，記起上次吃這間，所以今次就買了兩樣滷水回家做晚餐。滷水豬腩肉（例牌）師傅切得好有心機，把整件五花腩再次放入滷水汁中，確保滷水汁能沾上去，而且份量非常多，足夠全家人食。回家吃到確實好入味，而且帶有一些香料的滷水汁份外令人開胃。加上醋汁，好好味。滷水千層腐皮腐皮好鬆軟而且完全入晒滷水味，好鍾意食😋早知買多份。要特別一讚的是我拿着一個環保玻璃外賣盒，那個夥計很用心很仔細的替我放好。服務態度一流。

今晚放工經過海光街，想買外賣返屋企加餸，透過透明櫥窗見到d 滷味油陵陵，都幾吸睛。於是決定點幾味滷味返屋企。見到餐牌上大部分都係慢煮食物，當然要品嚐下，就揀左慢煮滷水鵝翼，大大隻，咬上口非常想滷水味，而且將鵝肉味昇華，即使連皮肉都滲透了滷水，慢煮出來的果然高質。另外，亦有點滷水墨魚和紅腸，兩樣都是常見，而且配上這家的滷水汁，味道更加好，真係食上癮。順帶一提，另外配上的沾醬亦非常惹味，特別是配上墨魚和紅腸，餸飯一流。

經過鰂魚涌，碰巧經過這兒，被撲鼻而來的香味所吸引，就想買些東西回家加餸。這小店雖然做外賣，但是裝修也絕對不馬虎，而且環境乾淨，令人食得放心。這兒選擇很多，我點了一個滷水豬五花肉和滷水千層腐皮。滷水豬五花肉的份量實在很多，一家六口一起分享也足夠有餘。滷水汁已經完全滲透在五花肉內，五花肉層次分明。皮、脂肪及肉都很嫩滑。滷水千層腐皮也很滑，千層腐皮最引人入勝的是咬下去的口感，一層層的腐皮在口中斷開滑走，豆香傳入鼻子，滷水味跑進口中，真是不錯的選擇！個人最喜歡的是醬油和酸汁，兩個汁都各有千秋，令滷水的味道提升到另一層次。

好特別呀！！！！這店裝修好特別的。经過一定要來望望。因為它的鹵水離遠就已經可以被它吸收了~~整個美食構圖已成為了一幅美食畫隨意影已係咪好吸引呢？門外不時有途人停一停，觀嘗此美麗充滿色彩的美食。今此一定要買回试試是否如圖所見的吸引全日set menu已有九款任選。仲要包飲品。不得了。平時食這滷水已不平。但這店價錢只由$68起。另可加其他。例如鵝翼。。。今日買了雙拼飯，鵝肉拼豬手。你望下，係咪好得呢？真係好得好好食豬手好淋身又好入味。鵝肉鮮甜蛋的滷水汁入哂味。只是$78記住只供外賣~~

去到鰂魚涌，經過呢一間小店，被香噴噴嘅滷水味吸引住😍忍唔住停低望多幾眼，見到有好多唔同選擇嘅滷味，啱晒我呢啲懶人，晚餐唔使煮一於就買佢啦！😛呢一次我揀咗滷水五花腩肉、滷水千層腐皮、滷水墨魚片，仲有紅腸添！包裝都幾骨子，靚靚紙袋再配埋木製交叉，再配左四盒醬汁，分別係醬油同酸汁！😋😋返到屋企忍唔住即刻開咗嚟食🥳個人來講比較喜歡食滷水五花腩肉，非常之入味，而且薄切食得更加滋味，每一片都好軟腍，肥瘦均勻！😚令人更加想添多幾碗飯🤩另外我都係第一次食千層腐皮，感覺幾新鮮，豆味尚算濃郁🥰鍾意食素食嘅人都不妨一試，而佢嘅滷水墨魚片，同樣都好入味，好軟腍，唔會太un🥰總括嚟講都幾鍾意，下次都會返轉頭再買

去auntie 屋企食飯 要加d餸 就係佢屋企附近嘅餐廳買d外賣斬燒味 滷水 呢d 就啱晒太古坊d shop 企理過 電車路d shop好適合 auntie 呢類喜歡乾淨的人佢最怕就係d 盒和袋油淋淋呢到都幾多款肉揀 價錢我覺得ok 最緊要味道和份量都好足隔住口罩都聞到 浸緊滷水的味最後pack 左兩大盒 7樣肉滷水唔會太濃和油 偏乾身 和入味有滷汁和 醋點 醋味聞落酸 食落甜甜地 連我唔敢食的都點d肉聞起來有陣 玫瑰露味 唔知係咪最後 cover 前噴的水呢？墨魚夠淋 無渣和咬得斷鵝肉 夠滑五花肉 好大份鵝肝和鵝翼真心正鵝肝好滑 滷味唔重 有陣脂肪味鵝翼 乾身 用手食一流豆腐唔係 平常打冷個種 auntie OK 喜歡仲有 紅腸 就係呢d時候先有得食最後密密食都食唔晒 第二日番丁都一樣咁ok

鰂魚涌太古坊一向多好野食但原來行過隔離海光街 又係另一條食街當中有間滷水鋪叫滷府又用左老虎做標誌 非常有氣勢美中不足係只有外賣 不設堂食好彩住得近 問題不大廚窗掛滿洗滷水鵝 雞 鵝翼 腎等等 要咩有咩最抵食係套餐六十零 七十蚊有交易仲送埋熱飲外賣袋好靚 外賣包裝亦好企理慢煮滷水鵝肉飯 $68滷水鵝肉因為慢煮 所以好鬆化滷水味道不是死鹹 食得岀滷水料層次配菜方面有半隻滷水蛋 滷豆皮 同 鹹酸菜另外仲好細心有額外滷水 同酸汁 抵讚滷水豬五花腩飯 $68豬五花腩層次分明 食到一層肥一層瘦嘅口感師傅係切之前 仲放入熱滷水汁回鍋所以食落仍有熱度 而且好腍配菜同上 份量充足

話說今日係公司太忙，做到食飯時間到都未搞掂晒，急急腳買個外賣飯盒先。落到樓下，經過一檔裝修精緻的餐廳，仔細一睇原來賣滷水食物外賣！店名仲好得意叫滷府，仲用老虎🐯圖案做招牌，新派又有特式！真係好耐無食過滷味，回想小時候，爸媽每去潮洲餐館，一定會叫滷水鵝片，仲有滷水豆腐墊底，諗起都流口水。即刻決定食呢間外賣，叫慢煮滷水鵝片飯，再加兩個滷水蛋同千層腐皮，返公司慢慢嘆！打開飯盒一望，份量好充足，更附上滷水蛋同滷水千層腐皮做配菜， 仲包一杯熱飲，我本身驚唔夠飽，仲特登嗌多左蛋同腐皮添 ，今次應該食唔晒嘞，晚餐有餸加了。太耐無食滷味，但又怕食唔晒，小小地試滷水蛋同千層腐皮。鵝片好夠味，加埋有少少肥既鵝皮，肉香油香互相輝影，齒頰留香，點上附送的蒜泥醋，更加開胃好送飯。 不得不讚，滷水做得有層次，花椒八角味好出，滷既時間好足夠，唔會淨係得咸味無香味，所以蛋同千層腐皮都好好味。 好鍾意千層腐皮，一層包一層，爽口得黎又有香濃滷水味同豆香味，唔錯！今次午餐唔敢叫拼盤，怕食唔晒，試佢既小食為主，試過今次之後，下次我要買成隻滷水鵝返屋企加餸先得！

今時今日只做外賣，染疫風險相對比較低，唔使招呼客人，集中做好食材，總不會令人失望的。慢煮滷水雙拼飯$78，選擇多，包咖啡或茶，合理價錢👍🏻主打滷水鵝，咁又豈能錯過，仲可以多選一款⋯⋯嘩！俾我發現有滷水鵝肝😍😍揀鵝肝之餘加$28要埋雞腎👏🏻👏🏻靚靚嘅外賣包裝，似購物多過似外賣。見到大大碗，有d坦心食唔哂添☺️☺️師傅將d餸擺得好靚，多餸到見餸唔見飯！滷水鵝因為慢煮所以鵝肉嫩滑，滷水汁味香濃😋😋鵝肝見其他店舖價錢頗高，所以冇食，這間滷府居然唔使加錢都可以食到，難得一試，真係好好味，甘香軟滑，極力推介👍🏻👍🏻套餐包的咖啡，大大杯，一d都唔差🤪🤪抵呀👍🏻

今日喺鰂魚涌返工，上網搵到滷府主打我鐘意食嘅滷水，又近office，便決定同同事買外賣返去試下。條街只有滷府做滷水，個門面裝修都幾型格有氣勢，由玻璃窗望入去可以見到色澤均勻嘅滷水鵝，整齊地掛左喺度，仲有大大隻嘅滷水腎，肝，掌翼等，都咪話唔吸精🤩個飯盒pack得都幾精緻，全部唔用發泡膠盒，環保又型格。慢煮滷水鵝肉飯 $68鵝肉滷得入味，唔會蓋過鵝肉鮮香味，肉質嫩滑，鵝皮爽滑，不錯不錯。特選滷味飯 $68有豬五花腩肉，紅腸，豬耳，五花腩肥瘦均勻，肉質軟腍，食完冇好油膩好滯嘅感覺。豬耳有滿滿嘅膠質，好爽好脆，條條都好長，好有咬口。紅腸發揮正常，偶爾食下好滋味。覺得個飯唔夠味嘅話，可以自己添加送嘅滷水汁調味，仲有酸醋汁比你點滷水配料，好貼心。每個飯都有半隻滷水蛋，重豆味嘅千層腐皮，同脆卜卜嘅鹹酸菜，幾好食😋每個套餐都有熱飲跟，凍就加$2，汽水加$6。驚訝係熱飲都ok大杯，用高身杯裝，讚！