滿串自家醃制串燒店 (砵蘭街)

Open Now

Now Closed

我既宵夜食堂每次係旺角想食串燒都會黎，呢度地點方便，旺角地鐵站/油麻地地鐵站行過黎都近，而且開到好夜，夜麻麻收工想食野或者想同朋友飲🍺吹水呢度都係一個好選擇！黎過N次，有幾款係每次必點😋😋😋千層肉汁燒⭐️⭐️⭐️⭐️⭐️岩鹽極品牛舌⭐️⭐️⭐️⭐️⭐️雞泡魚干⭐️⭐️⭐️⭐️⭐️爽口雞腎汁燒⭐️⭐️⭐️⭐️⭐️雞軟骨汁燒⭐️⭐️⭐️⭐️⭐️菠板糖⭐️⭐️⭐️⭐️⭐️

今日第一次去滿串自家醃制串烧店，同好友一齐晚饭，整体体验都几满意。我们试咗唔少推荐菜式，包括雞泡魚干、雞翼、茄子、一口牛、鱿鱼、香肠、薯条、炸蚝烤菠萝。可以话每道菜都有其特色。首先讲下雞泡魚干，入口有嚼劲，味道刚刚好，几适合做小食。至于一口牛同鱿鱼，肉质都系好嫩滑，特别一口牛烤得刚刚好，肉香四溢，值得推荐。茄子系经典之作，茄子软糯入味。不过，雞翼就有啲令人失望，虽然外观靓仔，但味道偏淡，少咗平时鸡翼应有的香气。炸蚝烤菠萝则系个意外惊喜，炸蚝鲜嫩多汁，配上甜甜的菠萝，令人一试难忘。最后要提一提服务，工作人员态度友善，几有耐性。整体而言，除咗雞翼之外，其他菜式都唔错，值得再嚟试多几次。

尋晚本來去另外一間串燒度食，但去到嗰度覺得人氣麻麻。咁我哋就search下附近有啲乜嘢串燒估唔到search返呢一間之前都有嚟食過，我哋去到嘅時候冇乜人，之後越夜越多人佢呢度啲串燒真心係有啲驚喜牛舌好好味，雞皮好脆。蒜蓉燒生蠔，雖然就貴咗啲188六隻但係都係好食嘅。最估唔到佢隻窯雞。超級滑同埋醃嗰啲味好好味。個牛小排就韌咗啲，其他都好好食

從店名「滿串串燒」就可以知道這家店專門提供串燒，而當我食過佢哋餐廳出的食物後，我可以說我真的被這裡的美味所驚艷。店內的裝潢相當簡單，符合旺角地道設計。菜單上有各式各樣的串燒，包括牛肉、雞肉、豬肉、海鮮等等，每種口味都有其獨特的風味。我特別推薦他們的香辣牛肉串，肉質鮮嫩，配上微辣的醬汁，非常開胃解膩。餐廳還可以自己選擇辣粉如果唔夠辣，可以加辣粉！我自己試過加過…好辣不過幾好食🤤食物質量高，口感好，服務也非常友好。如果你想要品嚐道地的串燒美食，「滿串串燒」是一家你不能錯過的好去處。宵夜的好地方。👍🏻

好耐冇食串燒，倒數諗唔到食咩，路過見到就決定係佢啦好耐冇食過呢間，去到見到剔剔紙多左好多新嘢，個店員姐姐話啱啱轉左menu ，都多左好多嘢揀串串味道偏咸，但唔乾叫左個新品鵝肝多士，鵝肝好厚身，賣相幾好，但食落略嫌唔夠香，如何燒耐少少會更好勝子超級大隻厚肉，正整體都唔錯，係坐門口有啲凍

朋友帶我黎咁地道既港式串燒店環境真係一般般, 仲要大熱天時 其實都幾辛苦 😅但係,食物質素又唔差😂 物超所值 !因為大部分串燒都係十零廿蚊一串兩個人飲咗九支啤酒, 飲飽食醉 每人都係二百幾蚊埋單😂 好過去happy hour啦🔥特別介紹其中三款必點串燒 😊圓滿雞 一啖咬落去係驚喜 🤩佢係由雞脾肉變成肉串, 有醃製過所以好惹味!! 皮脆肉嫩好juicy🤤香草紐西蘭羊架 夠曬羊騷味😁超正☺! 羊架夠厚 ,唔會過熟 肉質好嫩滑 !!汁燒雞中翼 好有BBQ味道 個皮脆架🤭味道唔錯!!雖然環境真係一般但係秋涼或者冬天一定會再幫襯😋

佢啲嘢食燒到黑曬，唔講以為食緊碳。睇張相都見到連支籤都燒到黑色斷咗。啲味就唔多講啦，全部都有啲苦🥲最奇怪係佢燒到黑曬，但係啲魷魚係凍嘅🤦🏻‍♀️………..

等左半個鐘 黎左串凍同無味既魷魚🦑絕對唔似燒出黎。跟住黎既燒善都係凍 腸仔都係凍到底點解燒左半個鐘既野係凍既呢？隔離枱阿叔阿姨又猜枚又摸大髀咁，我到底去左邊?Ps仲有野咬到一達達～

今日去睇戲前想食串燒就諗到戲院附近有間滿串係好嘢黎嘅所以想再去重溫下😬原來開咗間分店喺隔離唔使等位Very nice😚今次叫雞泡魚干有日式料理風味🎏食唔停😂焗牛油雜菌好多🍄及蒜蓉喺入邊大❤️跟住佢哋嘅炸蠔嚟到熱辣辣咬入口唔係得炸漿有𧐢味又脆卜卜🤤雞翼又燒到啱啱好又入味、至於煙肉車厘茄🍅係我每次去到必叫嘅食咁多肉要食返啲蔬菜中和下至得🤣不過最有驚喜就係佢哋嘅秘製西班牙豬汁燒Juice有咬口叫完一次又一次👍🏼👏🏻前後寫紙落單加上埋枱及食完都唔洗半小時夠快手🙌🏻食完時間啱啱好😬

同朋友即興約食宵夜，見到旺角呢間串燒店望落唔錯，於是就入咗去食😜見到啲食物十幾二十蚊，感覺唔太貴，於是放開懷抱盡情叫😋串燒基本上幾好食，啲肉餣得幾入味，而且唔係每串都同一種味(食過啲串燒店，全部嘢都一樣味，得孜然粉味)，佢仲提供惹味醬汁，同串燒都好配合~而且啲肉都好juicy😜食食吓有啲口渴，都每人叫咗啲飲品🍻不過埋單嗰陣，真係打咗個突，叫咗30串左右，成$600找數，仲要3個人食都唔算飽。雖然好食，但我諗一次起兩次止啦🙈🙈另外，同餐廳有枱客食煙，雖然佢哋坐得比較近門口，但始終都係室內，都會影響到其他客，店員都冇特別勸阻，立即大倒胃口

呢間串燒，真心好普通，有啲直頭係難食！首先，我未見過串燒係一次過上曬啲野食，吾同野食燒嘅時間都吾同，等齊先上會搞到啲快燒好嘅野凍曬😤嗌左雞泡魚乾，上到黎凍嘅，重有有陣怪味！差！之後雞翼，燒到重乾過我候荷包！又燶！差x2 ！燒魚，燒到好燶，成塊魚皮黑曬🤬牛肉，牛舌，枝豆果啲普通，就吾特別話佢。嗌左甘多野得燒白鱔最好味，之後本住吾好浪費食物嘅心態去食曬呢啲食物。之後再追加左候燒菠蘿。成枱都係垃圾無侍應執台，侍應丫姐重想將候燒菠蘿擺係我食完果堆野食嘅垃圾格離，我叫佢另外俾個兜放入去，佢話:甘轉頭先！😨之後拎住串菠蘿走左，佢雖然之後好快翻黎，但佢果下甘嘅反應，令到我對呢間店好失望😞我同朋有重有嗌一支清酒，佢俾我地個飲清酒嘅杯係好污糟！連最基本的清潔都無！十分失望的一餐，永無下次！好開心影完張相後，一擺入口就係失望😞

服務態度極惡劣，可以鬧返個客轉頭。欽敬！事源一入到去都坐滿人所以我地幾個大男人就坐一張枱細(去過的便知枱有幾大)，我朋友食到差不多見空間窄窄地就過去隔離張枱坐諗住鬆動啲 (隔離張枱剛剛埋單走了)，我朋友坐咗過去就繼續一齊吹水。過咗十五分鐘，侍應帶了兩位客入嚟，本應講句唔該借借就搞掂，我地都明人多張就下的道理(香港嘛)，點知滿口怨言 “喂你坐返過去啦，你坐咗過去我點帶新客入嚟啊” . 👍👍欽敬欽敬。我認我地都食完差不多走了，但這次<飯後甜品>堅長知識。

今日同一班朋友一齊黎食串燒！串燒選項真係幾多，肉類，海鮮類，仲有蔬菜類！我地一黎就叫到一枱都係。依度係即叫即燒，一上到枱就熱辣辣，夠晒新鮮。串燒有少少新疆口味，有孜然粉同其他香料做調味。其實唔洗點汁都好夠味。個人比較喜歡雞泡魚干，燒茄子，燒牛舌，燒粟米，同埋燒雞肶菇。雞泡魚干燒得幾香，加埋沙律醬就更好味。燒原條茄子，開邊之後加上香料，好好味呀！牛舌唔會切得太薄，好有咬口，燒得好香，一啖一粒，不錯。至於粟米，好香甜呀！雖然只係食串燒，不過食吓食吓都幾飽架！

最近有位好同事轉工，同佢farewell 去左食宵夜，去左旺角一間一直想試既串燒店，個名仲好鬼有趣，叫滿串。食完叫系想個三個字，就是正，同正，同好鬼正🤣好中意一口牛，牛味好重，口感好好，而且一口咬落去食到既份量是已經切割好的，好易入口，好貼心，好滿足，再加上兩款泰式醬汁，完美搭配。美中不足系醬汁每次比得五夠多，要一點再點，未配合到我呢d極重口味既人。同埋地方細左d，但始終無影響到食物既美味😋😋😋

今日宵夜時間又到，增肥時刻！約左幾個三五知己又到滿串食串燒。今次因爲三五好友滴酒不沾。所以無叫佢既酒精飲品，除左我之外。佢d酒真係好鬼抵飲。今日有有少少失望。因為平時食開既串燒係熱騰騰的。但今日係凍既。凍左既串燒，無晒風味。真係好失望。可能係唔夠人定唔知點。旁邊有台客叫左好幾次酒，個職員都係唔得閒幫佢搞。所以失望點再這裡。雖然d串燒係凍既，但我地都食得幾開心。一路食一路吹下，飲下我既apple cider. 同埋今日都唔係好多人，所以都幾好吹水唔沫咀🤗🤗。總結，佢既串燒味道依然，但凍晒，失晒串燒風味，所以都失望的。