滿江紅小甜甜 (Closed)

今日做完嘢經過附近好想飲湯，但晚上好多時間其他食店都關左門，於是就去附近呢間食辣野為主嘅餐廳試一次，點左個天麻魚頭湯同埋鴛鴦雞煲（田雞+雞）。因為佢哋滿晒人冇位所以就外賣返屋企食。返到屋企即刻食，天麻魚頭湯味道湯料唔夠濃郁而且太過咸，重鹽味冇乜藥材味。而佢哋個田雞加雞煲直情唔合格，田雞食落去有一浸浸腥味，又話係鴛鴦雞煲，但裏便幾乎搵唔到有雞肉，9成以上全部都係田雞肉🤦🏻‍♀️，同朋友兩個人一致覺得唔好食，咁就浪費咗冇食到。

宵夜熱點小甜甜－平時食開灣仔店，今次出旺角突然想食辣嘢就決定嚟試試～強烈推薦麻辣生蠔煲，每隻生蠔都脹卜卜，煮完都唔會縮晒水；麻辣湯底味道恰到好處，配料有青瓜、薯仔、白蘿蔔，煮到腍晒索晒辣汁好鬼正👍🏻原味焗蜆份量多，食晒成兜都冇沙，用青辣椒、蒜、酒、胡椒、鹽調味，味道唔濃烈但突顯蜆肉嘅鮮甜，連湯汁食一隻接一隻轉眼就清晒😋雞絲鵝腸就有啲失望，鵝腸肥膏太多，有啲咬唔爛嘅感覺，少咗爽脆嘅口感，麻辣汁亦唔夠，同灣仔店出品嘅有啲差距。蒜茸炒萵筍絲爽甜；風沙雞翼熱氣但香口；高力豆沙就好似中式嘅梳乎厘，不過豆沙餡好重陳皮味我地就唔太鍾意。最後介紹埋依杯西瓜奶－以前從來冇諗過西瓜同奶可以溝埋，喺小甜甜試過之後就返唔到轉頭，特別天氣熱辣辣又食完辣嘢，飲番杯即刻消暑解辣🍉

兩公婆好耐冇食過，專登去食，結果超級失望同埋嬲，全煲麻辣魚春魚卜煲同麻辣雞煲都係青瓜同薯仔，啲雞係好老，魚春魚卜煲食都未食一揭開全部都係薯仔，究竟我係食薯仔定係食如春？個味有變晒已經唔再好食，以後唔會再食！

今日突然間好想食辣野，咁岩係旺角，即刻search附近有乜辣野食，最後揀左小甜甜。地方都唔細，人都唔少。因為我地都比較餓，所以兩個人都比夠叫得多野。首先叫左個小食酥炸雲吞食，皮唔厚仲炸得好香脆，好好味。再黎個麻辣魚春魚卜煲同金菇肥牛麻辣燙，全部辣椒浮哂面，夠哂辣勁過癮，餸飯一流，只係魚卜煲再多啲魚卜就更加好。最後食埋麻辣豬手麵，麵底都爽口，而且份量都好大，加埋個豬手都好入味，又唔會好硬，但係就唔算好辣，再辣啲更加好，今餐勁滿足。

講咗成年終於可以約到朋友嚟呢度食飯依家鍾意食辣嘅朋友越來越少，所以要珍惜成枱都食辣嘅朋友啊水煮魚（桂花魚） 每次嚟都必食！魚肉嫩滑又夠辣雞煲肉質入味不乾的麻辣土豆絲 鮮爽麻香 麻辣魚春煲 我至愛 忘記膽固醇 口感香濃不過今晚唔知點解滾好耐都有啲硬🧐辣酒煮花螺 酒味香濃 螺肉索哂啲辣酒汁 正炒萵筍絲 萵筍口入爽嫩無渣 令人一口接一口炸饅頭 脆卜卜 裏面軟綿綿 入口不會很油豉椒炒鵝腸 今日啲鵝腸有幾件有臊臭左🥲 吃不到了焗蜆 啲蜆都不新鮮了 都有陣霉餲味Overall 辣野係ok 嫁

上星期試左灣仔分店，覺得好好食，今晚同同事食飯，旺角會方便d，就揀咗黎旺角食雖然灣仔服務都唔算好，但都好過旺角唔知係咪旺角唔夠人，加水、落單、上菜都慢過灣仔既好多魚春煲係佢哋其中一個招牌菜，但食落有d腥田雞煲同辣子軟殼蟹都食落有怪味，失色過灣仔既好多同埋想食個高力豆沙，佢竟然話7至11點唔會做😒😒好失望🥺🥺上次係灣仔9點半落單都仲有得食今次食完真係好失望😞😞完全唔想再食第二次😣😣😣建議大家去灣仔分店今

前幾天是好友的生日，她很喜歡吃麻辣，知道她10分喜愛這裏，今晚便專程訂了位。這裏的價錢比起外面的川菜館，稍為低一點，不過味道絕對不會遜色。水煮魚$128，魚片嫩滑，魚肉味道鮮甜，份量十足，配料有青瓜、芽菜和薯粉，因為點了小辣，辣到適中，以這個價錢來說， 10分抵吃。🐥👍⭐️⭐️⭐️⭐️麻辣田雞煲$82，田雞爽口彈牙，肉味甜美。以酒精爐加熱半上，這個天氣吃這個小菜，非常合適的。🐥👍⭐️⭐️⭐️⭐️清炒土豆絲，土豆絲爽口鮮甜，帶一點微辣，更加惹味。🐥👍⭐️⭐️⭐️⭐️⭐️辣炒蓮藕片$48，蓮藕片爽口鮮甜，加點辣椒，味道更佳。值得一提的是這裏的蔬菜在大陸有種植場，是有機蔬菜，所以味道更加鮮甜美味。 🐥👍⭐️⭐️⭐️⭐️⭐️麻辣涼粉$38，涼粉爽口彈牙，作為前菜非常合適。菜莆炒蛋$55，菜莆稍為帶點鹹味，加上蛋的香味，用來送飯就非常合適。青檸樹$32，青檸味道酸酸甜甜，10分配合吃川菜，是必點飲料之一。🐥⭐️⭐️⭐️⭐️⭐️👍

20201115晚餐原來我對上一篇食評已經係3年前，普遍黎講，一間食店就算我食過好多次都好，我多數只寫一次食評，因為廢時比人話我係打手，如果寫得2次或以上，一係呢間個人認為非常出色抵讚，一係就差到貼地……我覺得【小甜甜】今晚真係有需要改善一下服務都好一段日子無黎食，今晚相約幾個嗜辣喜愛川菜既朋友相聚晚餐，因為自己已經食過多次，所以坐低無耐已經好快諗定菜單，隨手招來侍應，點左幾個平時食開既菜式……蒜泥白肉麻辣魚卜麻辣田雞煲蒜蓉蒸勝瓜酸辣土豆絲辣子蝦酸菜桂花魚老實講，每道菜我都覺得好食，但係個大叔一係就落錯單，辣子蝦變左辣子雞，酸菜魚又等左好耐，等到餐飯差唔多食完先上枱，期間一催再催再三催，去到我打算取消先施施然攞出黎，問點解要等咁耐又扮聽唔到唔回覆，反而我叫埋單就應得最快，出單又出得快😑至於埋單又係有問題，如果一間餐店平時只收現金，或者卡機有問題都應該一早通知客人，而唔係到客出攞卡出黎先講卡機壞左，如果客人無現金在身呢？希望貴餐館注意一下吧好奇點解張單下面有道酸菜魚取消左既呢？

呢間已經食過幾次，今日特登帶屋企人黎食👨‍👩‍👧‍👧每次必食既魚春魚卜煲🍲極之入味！魚卜爽口，辣得黎又夠鮮😋正！👍🏻👍🏻👍🏻👍🏻👍🏻仲叫左螞蟻上樹！粉絲加肉碎唔但之夠辣，又有肉香～～👍🏻👍🏻👍🏻👍🏻然後第一次叫干炒四季豆，欖菜好香又唔會太咸！👍🏻👍🏻👍🏻回鍋肉比較油，但送飯一流😍😍😍西瓜汁都係每次必叫😛為左解辣👍🏻不過有d太甜最後唔夠飽仲叫多左個紅油抄手，但唔推薦😢因為同我平時食開個d啖啖肉既抄手相比就少肉d，而且係浸住湯既，所以唔太岩我口味🤨不過總體都係好值得再黎食！🥳

以前，每個星期都嚟食，因為貪佢菜式夠多，選擇多，不論係主食，小菜，麵色，都有好多選擇，牛、鴨、雞、豬、魚、蝦、蟹、田雞，都有，上菜快，味道好，價錢比起同類型嘅餐廳平，新鮮，份量都算大，加上，又有火鍋，所以，以前成日都同朋友過嚟食，水煮魚，水煮田雞，辣子蝦，係最好食，不過冇諗過，今次過嚟食，有啲失望，因為條魚唔夠新鮮。。。😔啲肉好實，而且味道唔夠，煮耐左，好彩，最鍾意食嘅焗蜆，依然冇令我失望，仍然好好食，各式各樣嘅冷盤、小食，都值得推介，味道同份量，仍然同之前一樣。

9點幾落左堂，幾個人餓住咁去搵野食，咁岩大家想食川菜就黎左小甜甜啦。我哋都叫咗好多嘢食呀，有田雞煲、水煮魚、牛肉火鍋加烏冬、焗蜆、清炒土豆絲、清湯小雲吞、炸饅頭、風沙雞中翼、龍眼冰、珍寶檸檬茶，不過因為真係好肚餓，所以好多都冇影相📸️❤︎川不涼粉超好食！唔會好辣，有少少麻🤏🏻加埋花生🥜有啲脆脆地既咬口❤︎必叫風沙雞翼+炸饅頭多奶❤︎水煮桂花魚好多辣椒乾，但係一啲都唔辣魚唔算好多，配菜有芽菜&青瓜

近年愈黎愈多人食川菜，今次就經朋友介紹去左試一試新野。本身都有book位，同埋食7點都唔算peak hours，所以一去到就入得。首先，飯前小食有麻辣青瓜，好開胃。之後都分別叫左幾個餸，當中我最鐘意一定係水煮桂花魚片。因為魚片大部分都冇骨，好岩懶人食辣度大約係譚仔3小左右另外，比較有特色既就一定係魚春魚卜鴛鴦煲，係街外都比較少食到。魚春味道似咸蛋，魚卜似爽身花膠，推介大家一試。其他菜式大部分都唔錯，辣椒炒土豆絲、炒虎尖椒、螞蟻上樹、辣子雞、原味焗蜆

呢間小甜甜我食過好多次，每次都辣得好過癮，間唔中就會好想食佢哋嘅麻辣魚春煲，因為實在太好味，而且一啲都唔腥。味道好之餘價錢經濟又實惠🔝本生比較怕魚腥味，但呢個煲一啲都唔腥，仲好惹味，實在太好食！底下仲有好多薯仔、白蘿蔔同青瓜，索晒啲汁勁入味，送白飯一流，一定要試。🔝有雞腎同雞肝，泡椒酸酸辣辣好開胃，令人食指大動。🔝雲吞皮太厚，食落感覺似反炸，可以唔洗試。🔝原盅燉湯，味道還可以。🔝高力係用蛋白發起再包豆沙蓉然後再炸。蛋味濃郁，但略嫌炸得唔夠，外層太濕做唔到外脆內軟，影響口感。

樓上舖既小甜甜，一到夜晚入席，都仲係好多人食，剛好好彩有位，餐牌選擇多樣化，店員少上菜慢，我地等個蜆，等到食完都未黎呀，再三追問店員後，先知原來售完，最後埋單果陣，個蜆又計左入去。價位偏高，但都比地面店便宜了。口水雞本來賣相同個味道都幾好，但令人失望既係佢竟然係熱食咁，明明我一直食開其他舖頭係凍食，所以熱食令到成件事就有啲怪雞，雞肉都好嫩滑，唔會柴，辣味足。麻婆豆腐好滑口，但味道唔太出，佢辣味比較輕微，香又未算好香，種感覺唔上唔落，配白飯都尚可。水煮牛牛好大兜，個底就係薯粉，但薯粉一夾就斷，要掃入碗度食，仲有啲青瓜，芽菜之類，有辣度，牛肉煮得剛剛好，辣到嘴都痛埋，咁刺激，加埋珍寶檸檬茶就爽曬！整體性價比不足，叫做勉強可以，

食物尚算可以，味道和份量方面也不錯。食物和飲品的選擇亦多。但上菜速度太慢，而且職員的態度怠慢，不斷地向不同的樓面伙記追單，前前後後足足等左45分鐘有多但係除左叫食客繼續地等就什麼也沒有了，職員只是重重覆覆重覆又重覆地推搪話廚房係度整緊，而環顧身邊的幾枱食客都不約而同地有相同的情況，最後實在等得太過耐等無可等之下只好結帳，取消未送上的食物。差得很的食肆，認唔住要係度寫番個食評。如果閣下將在晚市繁忙時間幫襯，請做好心理準備，good luck...