漁粉 (Closed)

係樓下見到張廣告牌，好似幾吸引咁，就走左上去睇下。鋪面唔大，但都有8-9張枱，仲有一間VIP房，人多既話可以考慮下預約，獨立一間，方便聚會。招牌麻辣鍋（小辣）一上鍋，已經嗅到陣陣麻辣味，好香。雖然小辣，不過鍋內既配料都唔馬虎，而且越滾越辣，正😋😋我朋友一食辣野，就會滿頭大汗，老闆見到，即刻幫手搞凍d個冷氣❄️❄️，服務態度👍。肥牛同羊片，肉味香濃😋除左肥牛、羊片，仲有黑豚肉，如果想叫肉類就要填落單紙，任點。以上呢d都要填落單紙落單，有竹笙、鮮鵝腸、牛柏葉（打邊爐最愛，索哂湯汁，食落好爽口）、手打墨魚滑（幾彈牙）、鴨血，食物質素唔錯。帶子幾大粒，都幾鮮甜。其他配料就自己出去拎，都幾多選擇，足足有兩大雪櫃裝住。自己鐘意食幾多拎幾多，咁樣幾好，唔駛焗限住每碟份量幾多，咁樣又可以每樣食d，試多d野。勁長既蟹棒，索哂麻辣汁，食落好正。同埋有雞翼同豬頸肉拎，幾特別，係火鍋店黎講小見。飲品櫃選擇都多，除左酒類要額外俾錢外，有韓國飲品、台灣飲品、酸梅湯等都可以任飲。食飽就食甜品，有雪糕、雪條同豆腐花。整體黎講唔錯，除左火鍋，仲可以簡食雞煲/酸菜魚，之後再打邊爐。食物選擇多，而家新開張有78折，幾抵食。

喺旺角行行下街見到街招宣傳這間火鍋放題，新張期內全單78折，好似幾抵食，而且好耐冇同朋友打邊爐。這間火鍋放題店食物選擇都不少，A+B+C放題組合最貴的時段都係$298(未折前)就可以食足120分鐘。.火鍋湯底🍲選擇好多，有🐟酸菜魚、🌶麻辣鍋、海鮮鍋、韓式部隊鍋等選擇。我們選了芫荽皮蛋湯底，芫荽好香濃足料。.A+B+C配料組合💕這個組合就最多選擇又最抵食，有多款肉類🥩和海鮮🦐選擇。個人最喜歡：✨特級安格斯肥牛：肥瘦適中，肉味香濃。✨帶子：鮮味十足，而且大大粒。✨墨魚滑、蝦滑：食落夠鮮味，又彈牙。✨牛柏葉：食落爽口彈牙，吸收晒啲湯汁更美味。.而外面自助區的選擇都好多，都有幾十款。有多款丸類、餃子、肉類、新鮮蔬菜等。個人最喜歡：✨麻吉燒：口感彈牙，食落煙煙韌韌，入面花生好香濃。✨菜肉餃：餃子皮唔算好厚，入邊肥瘦適中，口感不錯。✨豬頸肉：食落肉質爽嫩，很不錯。✨日式特長蟹柳：個人偏愛蟹柳，仲要係特長。.飲品🍺選擇好多，有多款罐裝和紙包飲品，還有韓國飲品揀。.甜品🍰有多款口味的雪糕、雪條，全部都係阿波羅，品質有保證。另外，仲有豆腐花選。

旺角有唔少樓上舖都有餐廳，今次同男朋友就見到有間係board game 林立嘅大廈入面，隱藏住一間新開業嘅川味火鍋，新張期內仲做緊78折添！🥡 麻辣雞煲話明川味，入面有水煮魚、雞煲（麻辣、蒜香、芝士揀）、仲有酸菜魚，食左先開始打邊爐。雞煲就揀左麻辣，整體唔錯，雞入味，顏色都幾靚。🥡酸菜魚店長話招牌係酸菜魚，當然要食啦。一上枱個味聞到好重酸菜味，魚片唔會有骨，又夠滑身，入面仲有芽菜、金菇等嘅配料，魚片連埋個湯一齊食就岩岩好啦！🥡芫茜皮蛋湯開始打邊爐前有好幾個湯底可以揀，我哋就揀左芫茜皮蛋湯，點知好有驚喜喎！湯底係綠色架！店長解釋係因為佢地將芫茜打碎，再用嚟做湯底，成個湯都飄住濃濃嘅芫茜味，仲咬到一條條新鮮芫茜，岩曬啲茜迷🤗🥡火鍋料火鍋料分左a,b,c 三個級別，C 就有安格斯牛，入口有牛味，20秒左右就食得啦！另外，仲有帶子，墨魚仔、蝦等等嘅海鮮。至於丸類就係外面自己拎，出面仲有汽水、雪糕、公仔麵拎添！

本來諗住開返堂食，帶男朋友去打邊爐🍲上到去睇下自助夾野食區，無乜嘢食揀😦男朋友食咗炸魚皮又唔脆又漏氣叫套餐諗住會多啲野食揀，但發現又貴又唔多野食之後睇套餐諗住叫鴛鴦鍋，要加錢合理既但其他湯底又要再加錢，再望望下又見到話假期要再加服務費即係本身已經加左一，但假期去食要再俾多一次，一共俾兩次加一！？講真，食物質素又唔多，又唔係好食得去邊，湯底又鹹，個套餐又唔係抵食喎，但就貴過出面。以呢個價錢差唔多可以去食其他質素好既餐廳🍴真係俾多少少錢食其他野好過啦！絕不會再幫襯🙅🏼‍♀️