潤廚美食

Open Now

Now Closed

自選粉麵餐（雙拼：鹹雞和手作鮮蝦水餃）手打烏冬鹹雞雞件有五件，有啲多肉啲有啲少肉啲，但係整體嚟講係算多手作鮮蝦水餃，真係自家製睇得出入面蝦嘅餡料好多實的的。有三件 我嗌咗蕃茄湯，蕃茄茄湯嘅湯底應該係自己煲嘅蕃茄薯仔湯，但係呢飲得出有落茄汁或者茄膏，所以湯底其實係偏甜同埋有啲油。如果遇到屋企煲嗰種比較單純啲嘅蕃茄薯仔湯當然最好不過佢呢個湯都幾好飲嘅。烏冬係凍肉舖有得買嗰隻好煙靭正正方方嗰隻烏冬。佢哋都煮得剛剛好唔會太腍保持煙靭度。$48真係街坊價，然之後食得飽。包熱飲添。

這間潤廚美食餐廳在屯門虹橋都開左一段時間，一直都想試吓佢嘅早餐和凍檸檬茶啱唔啱自己口味，但每次經過都座滿人無緣一試，難得今次見到有位，就入去試吓。餐廳唔算好大，枱與枱之間還有點迫，但尚可接受。地方都乾淨，員工有禮貌，雖然多客。但送餐速度都快嘅。講返食物質素，我叫左雪菜肉絲米粉，腸仔炒蛋加多士，還有凍檸檬茶，米粉唔會煮到過淋又夠熱，炒蛋整得好滑有蛋香😋，最令我有驚喜係竟然可以配丹麥多士，真係好少見小店式嘅茶餐廳會有，這個值得加分。👍總括嚟講，各樣都好滿意，埋單40蚊，值得再幫襯。

叫左個餃子早餐，有韮菜豬肉同椰菜豬肉兩隻味，共4粒，跟餐既麵包仲可以揀丹麥酥，午餐肉應該一早煎定，唔熱，但以成個餐價錢$40黎講，食物質素同份量都合理，奶茶味道都合格！

今日路經此地，順便同老公買d外賣返屋企嘆吓先。入到鋪頭，感覺好新，好乾淨，老闆同老闆娘都好好人，好好傾，仲介紹咗好多款食物比我哋。1）手工煎餃（韭菜餃&椰菜餃）2）芝士碎蛋三文治3）南乳炸雞翼4）炸蝦餅5）蕃茄湯豬軟骨烏冬真心感覺到老闆係用心製作每一款食物，樣樣嘢都好好味，重點係食完唔會口渴，良心店舖，價錢亦都好優惠，可惜胃部空間有限，如果唔係就可以再買多幾款美食嚟試吓。一定會再嚟幫襯，試埋其他美食。

肥美大隻，足料，竟然有炸鯪魚球，應該係手工野，餐牌選擇多，不過就未有飯餐，環境舒適，新開好新淨，D伙記好客氣有禮貌，另外之前有試過杯奶茶，高水準，值得一試嘅！！

趁放假入來探朋友，見到有間新開小店「潤廚美食」，入嚟幫襯試一試😙。水餃麻辣烏冬店員推介下，叫左個水餃麻辣烏冬加配左大蟹柳。心諗蟹柳姐，可以有幾大？😄碗麵到左，條蟹柳又真係好大wo，仲長過隻湯匙🤭。眼見粒粒水餃都好精神，好似好足料咁。咬落去粒粒有大大隻蝦，好新鮮彈牙👍🏻 烏冬係手打烏冬，個麻辣湯都夠辣。好味道😋炸鯪魚球
一碟4粒，鯪魚球炸得幾香口，彈牙有魚味，唔係死實實粉。⭐️⭐️真檸茶🍋⭐️⭐️食辣野，當然要叫杯凍檸茶啦。當真要讚下杯凍檸茶，茶味好香濃好實在又一啲都唔苦。重點係可以自己「戳戳戳」檸檬既真檸茶😎依家愈來愈多茶記，轉哂用假檸汁茶😩完全錯晒😵‍💫
睇得出依間小店，用既材料及味道都好有誠意，要keep住👍🏻下次再嚟食過。

一嚟到虹橋成日都係食雲貴風！今日突然想去試吓其他嘢！聽到門口有間鋪話啲餃子係自己包就決定去試下！叫咗個餃子麻辣豬骨湯手打烏冬！仲加咗條珍寶蟹柳Tim！餃子有成五粒都幾多！口感結實唔會散開，因為試過係一咬會散開！啲烏冬仲有咬口添唔係普通烏冬！我本人鐘意食好好咬口既烏冬！呢間既烏冬就幾岩我心水！而且杯奶茶喺附近我認為最有水準嘅！仲可以比錢加大啲！我見而家仲有茶餐食，係餐牌無！聽員工講會不定期轉下新野下次會再去試其他

見佢新開張，決定試吓。我同屋企人嗌咗 1️⃣豬軟骨薯粉 同 2️⃣炸雞翼酸辣湯薯粉。豬軟骨幾林，整得唔錯，炸雞翼都幾香口👍🏻。佢主打好似係手工餃子，下次再試吓。如果要挑剔嘅話就係佢外賣盒係用紙兜，會用膠盤分湯，但拎起個膠盤時好容易成個膠盤跌落個湯度😂 可能係因為個紙兜唔係好食力。

小弟昨日食完 旁邊舖的海興車仔麵後！今天決定試埋呢間潤廚美食！真好笑，旁邊舖海興車仔麵有飯供應所謂 潤廚美食 只有粉麵類供應呢兩間舖係咪掉轉左名丫就試一試 滷水三寶上海麵（酸辣湯底） 加8蚊蘿蔔再加多杯5蚊 凍奶茶！先講杯凍奶茶size,比我屋企刷牙漱口杯還要細！d冰仲要多到呢 呢杯野加5蚊會唔會過份左？碗上海麵到了！酸辣湯底彷如清水，只有酸味7舊雞尖，4舊豬腸，2舊雞中翼鹵水做得幾入味，豬腸乾淨但都唔洗咁多隻雞翼尖掛 我食麵者，唔係送酒！食到最後口同牙齒都有d酸....因雞翼尖太多了...最後就係上海麵 同 蘿蔔！蘿蔔 煮得幾淋，好過隔離舖既蘿蔔成條街上海麵 份量唔多，用上最幼身既上海麵..係好食，但食完唔飽...杯凍奶茶，小弟飲兩啖就冇哂咁就5蚊53蚊呢個價錢...紅橋有更加好的選擇！我就唔會再幫襯了