潮盛館

Open Now

Now Closed

【黃大仙區】【潮盛館】同春哥做嘢之後搵地方食飯，佢比較少嚟新蒲崗呢頭食嘢，冇乜諗頭之下是但揀咗呢間路口位嘅潮州嘢嚟試。佢試 $68 嘅「潮盛招牌三寶飯」，由於我哋係兩點半後入座，所以減咗十蚊。有鵝肉、鵝肝、鵝腸嘅配搭，仲有鹵蛋，咁嘅價錢食到呢個味道幾抵。我就試 $118 嘅「醉香三寶飯」，都係減咗十蚊嘅價錢嚟，我呢份就有鵝肝、墨魚、雞髀，好正呀，加 $5 轉「米粉」先驚喜，湯底係雞湯底嚟，好好飲，估佢唔到。跟住我哋都試咗啲小食，先試 $53 嘅「砂薑豬手」，幾大碟，沙薑味又夠香，係唔錯嘅。之後試埋 $47 嘅「藤椒魚皮」，佢哋切得比較細塊，一啖一件，好食，一件駁一件咁食，相當邪惡。我哋都加 $3 要凍飲，佢哋嘅「凍檸茶」同「凍奶茶」都係正常茶餐廳水準，唔錯。咁食法埋單先 $297，抵，原來佢哋啲下午茶都勁平，用嚟做飯堂一流呀。。。（地址：新蒲崗寧遠街3-23號越秀廣場地下G25-G27號舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious

我地叫左一碗鵝片飯，鵝片份量比想像中多，差唔多有十片甘多，而且唔係薄身，咬落啖啖肉沾埋個醋好夾，酸甜開胃。另一碗叫左鵝肉飯，鵝肉好入味，肉質嫩滑又大碗，仲配埋酸菜一齊，酸菜好惹味，我地食唔停。牛飯都係份量超多，一碗都可以好飽肚，更何況呢個甘抵食既價錢，下午茶仲有飯餐減10蚊優惠，加多18蚊就有碟油菜，加38蚊仲可以升級燉湯tim。飲品熱飲係唔駛加錢既，紙包飲品都係解茶解膩岩晒。鵝翼例牌：翼既肉好有咬口，切好方便易食，下面仲有豆腐底。

冬至就到，家族聚餐定在這里，餐廳位於觀塘工廠大廈地舖，離地鐵站有一段路，餐廳裝修得光潔典雅中國風，座無虛席非常熱鬧，看看菜牌琳瑯滿目，傳統菜式新派菜式都有，任君選擇，而且價錢實惠，食得開心又放心。聚餐開始，傳統菜式陸續上台，潮州菜當然是鹵水鵝，首先是鹵水掌翼蚊得入味夠淋，食完一碟又再添，跟住有鹵水鵝頭頸，鹵水大腸，鹵水乳鴿鵝肝鮑魚，冷盤就已經食左幾碟，好過癮。跟住熱葷上台，豉椒鵝腸，鮮菠蘿咕嚕肉，蜜糖燒白鱔，竹炭豆腐，啫啫芥蘭煲， 上湯豆苗，魚肚勝瓜煲，松露蝦多士，脆皮炸子雞，沙律海鮮卷，總共十幾個菜，吃得不亦樂乎，餐廳上菜速度快，服務都唔錯，從頭到尾都有熱茶飲，在人手短缺的時勢算是很好。豐富的節日聚餐收費平均每人200多元，算是性價比高的地方，識飲識食的人總會找到最好的餐廳。👍👍

好有驚喜嘅潮州菜館，就算食lunch時段餐廳都幾滿場。裝修簡單舒適，坐得舒服。午餐有個2人套餐幾抵食，有燉湯之餘有滷水鵝雙拼又有個小菜。脆炸牛奶卷 $58/5條炸得好脆，個牛奶內餡食落棉棉滑滑咁，好有牛奶味好夠香滷水鵝頭頸 $68/原條呢個價錢真係無得輸，原條嘅鵝頸真係好多份量好足。個滷水味好香好濃，特別係八角嘅香味。午市2人套餐 $168燉湯足料，有瘦肉又有螺肉同少量藥材，飲落無味精飲落舒服。滷水鵝肉有得自己揀一樣滷水做雙拼，份量比想像中大碟。滷水味好香，每片都係啖啖嘅鵝肉。揀左墨魚做雙拼，墨魚食落厚身好正。虎皮椒炒鹹肉食落好香豬油味之餘，虎皮椒食落好辣好香。鹹肉雖然比較肥身，不過個油香確實唔會抵擋得住。最緊係嘅係有兩碗白飯跟，小菜配飯食就最好。

好友約我去食潮式午餐，我地去到位於新蒲崗寧遠街3-23號越秀廣場地下G25-G27號舖的潮盛館食午餐，環境舒適，坐得舒服。我和好友點左個 《午市2人套餐》$168 ，有是日豐料燉湯2位，滷水鵝肉拼墨魚，翠綠炒蝦球帶子，白飯2碗，餐飲係熱咖啡+熱鴛鴦。另外點左午市優惠小食：醉香鴨舌 $53，砂薑豬手 $53，宮廷蘿蔔 $28。滷水鵝肉拼墨魚賣相不錯，鵝肉嫩滑好味，墨魚爽滑彈口；翠綠炒蝦球帶子係西蘭花配大蝦球和帶子，好有鑊氣👍；醉香鴨舌好食，砂薑豬手份量不少，豬手軟腍有咬囗，宮庭蘿蔔好味。

呢間小舖之前都食過，今日同屋企人去開啟德行街，想食d特色嘢就又嚟咗試🤩。藤椒魚皮🐠每次嚟都係必點小食之一，魚皮爽脆，佢地自己整嘅青花椒麻麻辣辣好過癮🌶️，$48蚊幾多又夠食。蠔仔粥🦪🥣又係每次都叫，叫一碗就夠哂。最欣賞係蠔仔夠多又飽滿大粒，每一匙都好滿足。醉香三寶飯🦆🍷🍚見到有鵝肝就即刻想試下，幾有驚喜。幾樣餸都有酒香，而鵝肝特別在夠甘香，好好餸飯😝墨魚同雞都係合格水平，幾值得叫嚟試下。沙薑雞米粉🐤🍜呢個驚喜在個米粉，唔係普通福字米粉，係較粗身同埋係雞湯上，好有誠意👍。總括嚟講呢間小店無退步到，叫嘅菜式都係好食同埋份量足，同樣價錢其他店舖可能食唔飽添，所以算抵食，推介大家嚟試！地址：新蒲崗寧遠街3-23號越秀廣場地下G25-G27號舖@chillchill_aloye@潮盛館#啟德美食#潮州菜#蠔仔粥#抵食#小店#新蒲崗美食#食好西#hkfood#香港美食#foodiehk #foodpics #hkfood #foodstagram #foodie #hkig #igers #foodblogger #foodislife #hkfoodie #hkigdaily #hkeat #fo

講起潮汕菜一定係滷水，打冷，海鮮。今日去左一間潮州食店午餐，午市坐滿客人，價錢大衆化。🥣蠔仔粥 $68潮洲粥一向米粒分明，不糊口，蠔仔🦪粒粒漲卜卜，方魚粒香脆，令湯底鮮味提升。搭配芫茜和少許胡椒粉，味道更加出色。🥢滷水豆腐 $20一碟有2件，滷水布包豆腐內裡非常滑嫩，滷汁香氣四溢，清淡中卻層次豐富。🌶️煎釀尖椒 $48一碟有5件，煎釀尖椒釀鯪魚肉鮮香可口，煎至金黃外皮焦香，味道微辣吃得過癮。🥤可樂 $12潮盛館每日仲有午市套餐，價錢大眾化，深受街坊歡迎，午市坐🈵，坐冇虛席。

新蒲崗| 超驚喜創新潮州菜係Mikiki行出來，夜晚9點鐘都仲有人係出面等位，就想試下。蜜汁燒鱔 $168 是日MVP, 食落真係好驚喜，一咬落口會爆汁，外面燒得酥脆，鱔肉厚切爽脆，蜜汁調味恰到好處，唔會太黐立立，又好夠味掛汁。必叫！醉乳鴿 $128好少係出面餐廳有，有乾冰做裝飾，好ig-able! 刀功了得，乳鴿片得每片一樣厚度，好容易食。花雕酒味好香，但係絕對唔會苦，仲有一浸淡淡嘅甜味！成件事好和諧！蠔仔粥（碗） $68一碗份量都唔少，夠二人份量。蠔仔都幾多，又大大粒。蠔仔粥加左魚乾，芹菜芫荽，好香，好食！餐廳環境裝修得很現代，好適合一班人一齊聚餐，價錢合理，9點後仲有85折，好抵食！潮盛館 (新蒲崗)新蒲崗寧遠街3-23號越秀廣場地下G25-G27號舖#潮盛館 #新蒲崗 #潮州菜

一直見呢間野好多人排隊，今日終於有時間嚟試下一場嚟到食潮州野冇理由唔叫滷味於是乎就叫咗滷水鵝片同埋小食雙拼呢個滷水鵝片真係啖啖肉，一啲骨都冇而且肉質都好鮮嫩，肥瘦均勻唔會過肥啲肥膏係哂度/瘦到乾柴加上個味道濃厚，都幾好食咁小食雙拼我哋就叫咗墨魚同埋金錢肚呢個墨魚完全係成晚嘅mvp墨魚肉咬落去好軟屬，而近墨魚咀嘅部份又有啲爽口食落真係好正，再加埋蒜蓉辣椒醋呢個靈魂醬汁令人忍唔住一嚿接一舊咁食而金錢肚嘅份量一啲都唔少，每一嚿都好厚身，絕對唔係是是單單幾條幼絲就算天氣有啲涼，我哋仲叫咗秋冬必備嘅臘味煲仔飯首先，夾臘肉味道濃郁，近皮嘅位置仲要好煙韌成個口感好豐富再加上連埋飯焦一齊食成件事昇華哂整體嚟講呢一間潮州菜都好正宗，價錢嚟講都唔係話好貴，適合同朋友相聚食飯

自從啟德開了Airside 和SOGO之後，人氣度越來越高! 鄰近新蒲崗就有很多地道美食，在Mikiki旁邊的潮盛館主打潮州菜，無論性價比和食物質素也很值得推介當中最難忘的就是「酒香鵝肝」，口感入口即溶而且滑不溜口，我哋本來點半份發現真係好食，所以再encore！客人大部份都是附近街坊，店面唔算大，就算在平日飯點也幾乎滿座，想吃真的要早點去除了潮州菜之外，就連小菜都好出色，土魷蒸肉餅即叫即蒸，土魷幾香有口感，半肥瘦剁房的肉餅沒有肉筋，肉質嫩滑，真係米飯殺手鹽香海蜇手撕雞份量好足 海蜇夠爽口 手撕雞都好食唔使剝骨真係夠晒方便平時外賣加餸都唔錯-方魚肉碎粥估唔到一碗份量都幾多 食潮州嘢一定要 芫荽超多 好清新

Lunchtime 去食個佬飯! 點知大有驚喜!滷水鵝片拼元蹄飯 ($73+10)滷水鵝片肉質嫰滑入味 肉質唔梅 不過都片得幾薄 元蹄質感都非常恰到好處 白飯都粒粒分明唔係一patpat!蠔仔粥($56一碗)粥煮得岩岩好 飯粒夠腍但唔會爛曬 蠔仔新鮮大粒 粉量都好足夠 湯頭清得黎夠味 牛奶卷 ($18/2條)口感酥脆 但係唔夠熱 唔通係預先整好左??下次再encoure要試佢個蜜汁燒鱔!!!! 好吸引好好食咁喎!!!!😆😆😆

-新蒲崗有唔少中式餐廳，開左啟德站，過黎食野就更方便啦👍🏻今次介紹呢間餐廳主打傳統潮州菜，店內環境寬敞舒適。仲要無限時，咁就可以一邊慢慢食一邊同朋友傾偈啦🥰 🪿潮盛特色醉鵝肝 $118/半份以慢煮方式製作，令鵝肝嘅酒香更入味之餘又保持肉質嫩滑。鵝肝油香豐富，酒味更突出鵝肝油香味，入口即溶，餘韻悠長，推薦👍🏻 🐙小食雙拼 $88食潮州菜一定要食打冷！🐷揀左墨魚、脆爽海蜇。墨魚口感滑溜彈牙，蘸上滷水汁，味道清香，唔會太鹹太濃。海蜇爽脆，辣度適中，味道較濃。 🍅桂花紅柿 $36平時好少見到呢款涼拌小食，原本以為桂花只係稍作調味，估唔到原來係有好濃郁嘅桂花味！後勁再有蕃茄嘅酸甜味，清香開胃，必試😍 🦪砵酒桶蠔 $228餐廳用錫紙包好蠔同各種調味料再焗，到上枱時店員先剪開錫紙，所以非常入味，每隻蠔都有成個手掌心咁大，真係啖啖肉😝酒味突出，同時帶出生蠔鮮味😋

我女友是住啟德。所以搵食係新蒲崗一帶街坊最容易不過的。美味佳餚。應有盡有。見到一間餐廳食潮洲菜。二話不說衝了入去**香脆乳鴿**乳鴿的外皮經過精心烹製，金黃酥脆，咬下去時發出清脆的聲音，內裡的肉質鮮嫩多汁，帶有淡淡的香料味，讓人一口接一口，欲罷不能。令人回味無窮。**土魷蒸肉餅**肉餅的口感滑嫩，土魷的鮮味與豬肉的香氣完美融合，蒸製的過程中，肉餅吸收了土魷的鮮甜，讓每一口都充滿了海鮮的鮮美。搭配上香菜和蒜蓉，讓整道菜品更加清新，令人感受到家的溫暖。**魚香肉碎粥**粥的質地滑順，米粒與湯汁的比例恰到好處，讓人感受到濃郁的魚香味。肉碎的加入，讓粥的口感更加豐富，鮮香的味道在口中。令人感到無比滿足。這道粥不僅暖胃，更讓人感受到一種舒適的幸福感。

今日去左新蒲崗行Mikiki 我和朋友叫左黑椒豬頸肉煲-豬頸肉肉質鮮嫩，加上黑椒醬香氣，仲有芫荽同埋枝竹襯托。煲仔烹調方式使得肉質更加入味，搭配上香滑米飯，口感豐富。醉香三寶飯（鵝肝，墨魚，雞脾）鵝肝濃郁滑嫩，墨魚鮮香，同埋雞髀。呢三樣嘢都係攞咗酒去煮成。三者的搭配形成了完美的口感層次。而我們個飯就換咗湯米粉。叫咗一個燉湯，有瑤柱、雞、豬肉燉湯，非常好飲。Visit to Mikiki in San Po KongToday, I went to Mikiki in San Po Kong with my friends, and we ordered:Black Pepper Pork Neck PotThe pork neck is tender and juicy, enhanced by the aroma of black pepper sauce, complemented by coriander and bamboo shoots. The pot-cooked method makes the meat even more flavorful, and paired

香港比較少潮州菜館, 難得發現新蒲崗有一間 "潮盛館", 梗係要去朝聖下🤭🥔炸蠔餅個人認為潮式蠔餅比台式蠔餅好味得多, 台式餅底比較煙韌, 潮式餅底則鬆化香脆, 係我最愛嘅原因😘😘, 呢間嘅蠔餅亦都完全做到鬆化香脆, 而且蠔仔非常鮮味, 大愛🥔潮盛特色醉乳鴿 $128擺盤好靚, 完美呈現整隻乳鴿, 仙氣十足, 鴿肉鮮嫩, 酒味濃郁🥔懷舊炸子雞 $138半隻炸子雞好有水準👍, 皮脆肉嫩, 咬落多汁, 絕不是雪藏雞可比, 仲有埋蝦片拌碟, 好有細個跟阿媽去飲宴feel🥰🥔冰鎮咕嚕肉 $198非常有儀式感, 除咗噴出煙霧, 仲放咗好多冰塊同生果, 啱曬打卡📸, 咕嚕肉甜甜酸酸, 冰冰涼涼, 非常適合夏天嘅一道菜🥔潮盛卜卜蜆 $188卜卜蜆大隻多肉, 而且份量好多, 湯底鮮甜, 充滿胡椒香味👍🥔蠔仔粥 $68/碗蠔仔粒粒飽滿, 飯粒鮮明, 粥底用咗方魚提味, 滲出海鮮味道