濃姐石磨腸粉

Open Now

Now Closed

呢間係我近期最愛嘅石磨腸粉舖頭，價錢抵食，用料有誠意，食物質素令人滿意。由於之前北上消費開始接觸多咗石磨腸粉，所以留喺香港嘅時候就會食呢間，暫時覺得油尖旺區最好吃的腸粉。1.碎豬肉腸粉呢個基本上係每次必叫，首先係佢哋嘅腸粉好滑，亦都食到好濃嘅米漿味，入面嘅用料非常有誠意，滿滿嘅豬肉碎。2.牛腩腸粉呢個又係好熱門嘅選擇，估唔到牛腩同腸粉都幾夾，牛腩大細適中，口感偏腍，配合埋佢哋嘅秘製豉油，食到非常滿足，絕對飽肚

係我食過香港當中最滑最薄既石磨腸粉！豉油又不會太鹹，係廣東正宗石磨腸粉！跟小時候返鄉下食早餐的石磨腸粉一樣味道😭重點價錢又唔貴，即叫即整！ 十分推薦大家去食！今次食左肉碎加雞蛋腸👍🏻👍🏻

知道這間濃姐石磨腸粉一直多食客支持，不過甚少有緣去食。睇濃姐社交平冶方發現佢經已退出佐敦這個江湖地向外闖，由第二代傳人接手。今日經過就來試試，其實幾佩服店家當初改的特別推介的腸粉名字，真係好引人矚目，令人款款都想試。其實想叫亂九咁拉腸，睇下佢有幾亂九咁，不過，最終都係點了黯然銷魂腸。腸粉新鮮熱辣，皮薄軟滑，餡料雖說是碎豬碎牛，但切得唔算碎，一片片分佈平均，幾乎每一啖都有牛肉、豬肉或蛋，由於腸粉皺皮，嗦汁力足，所以豉油不用落太多，細食的人一盒腸粉都夠飽。

知道好快要結業，所以就結業前一天同太座專門去光顧一下，買好外賣坐係附近公園慢慢食。叫左牛肉、叉燒、廚師法辦，份量好足，腸粉好薄好滑好香，餡好足，真係好好味。仲叫左燒賣不過好飽要帶返屋企。去到個陣都有人等僅外賣，可能order多，等左45分鐘，但係囉個陣種熱喇喇。最後兩日，好多口味都唔做。我估之後呢幾日肯定做到傻左，點都好，要講拜拜真係好唔捨得，好希望你地繼續有好既發展，換個新環境再黎過，後會有期喇！

話說濃姐就黎光榮結業喇😢我都未試過秘制牛腩腸 前後幾日都食過我啲至愛一於試下新野啦🆕秘制牛腩腸係最後的時光嘅新產品黎完全唔知應該expect啲咩😌世都估唔到居然係有一舊舊牛腩平均半條兩件一條四件一盒四條咪有成十六件性價比真係爆燈了🤯可惜係每舊牛腩都太大舊喇😌一夾起 腸粉就散唔知係咪好事呢😅另外因為用左瘦牛腩 所以無平時好淋嘅口感我身為怕肥嘅女仔當然鍾意啦🙊但係唔知其他人食牛腩係咪追求尼樣嘢呢🙃🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩🥩總評分食物質素🌕🌕🌖🌑🌑CP值🌕🌕🌕🌗🌑WOW指數🤩🤩🤩🤩🤩encore 👏🏻👏🏻有其他野仲想食 例如五香肉丁蝦仁同叉燒所以有唔會encore牛腩腸IG @masshyupoteto

最近鍾意咗食石磨腸粉，然後先知濃姐腸粉會係8月結束營業，立即搵時間去買嚟食試吓。🥢黯然銷魂腸腸粉即叫即整，拎上手新鮮熱辣辣，份量十分多，裝滿成個外賣盒。腸粉入面有碎豬、碎牛、蛋，腸粉薄身嫩滑，再包住大量嘅蛋，好似食緊蛋餅一樣，非常足料。不過就略嫌豉油鹹咗啲，可以唔好倒哂落去，其實就咁食腸粉都夠哂味！如果要食就留意返濃姐社交平台最新嘅營業時間！！同埋鋪頭無得坐，只有一張枱仔可以企係到食，所以我去咗附近公園坐低食😆😆

🟩位於佐敦官涌籃球場🏀對面嘅濃姐石磨腸粉，開到下午5點，經營到月尾。因為知道就嚟要講bye-bye, 星期六下午都幾多人專程嚟幫襯，濃姐濃哥做到冇停手，要等5至10分鐘左右。濃姐賣嘅係皺皮腸粉，係近年先傳入香港（網上有人話皺皮腸粉係為咗慳工序，食開要卷嘅腸粉先係傳統。我自己就最鍾意食混醬豬腸粉）濃姐嘅腸粉好薄身、爽身，我叫咗粟米🌽腸，💲1️⃣8️⃣，消費滿💲3️⃣0️⃣仲送紙包飲品🧃。豉油甜甜哋好味，建議唔使加其他醬料，更品嚐到食材嘅真味。

今次去食既係佐敦一間石磨腸粉店，佢地間鋪係冇位坐既，我去之前都預冇得堂食，要去附近公園開餐🧐 咁岩叫完餐發覺其實有張枱仔都可以企係度食，地方只夠兩個人用，不過唔洗搵地方食已經好好🤩佢地有蒸麵餐，腸粉，秶飯等等，一場黎到梗係食腸粉啦😋 佢地既腸粉可以自由配搭配料，我就揀左碎豬肉腸（$26）同埋比較特別既秘製牛腩腸（$35）🤓碎豬肉腸佢地係用細小既豬肉片做既，而唔係免治豬肉，個腸粉做出黎既厚度岩岩好，再加埋豉油辣油，真係食得好滿足🥰牛腩腸方面比較新奇，好有牛腩味，食落好似食左件車仔麵既牛腩咁，鐘意食牛腩既人一定要試🤘🏻兩份腸粉亦都好足料🥳份量就唔算好大，價錢亦都適中，佢地有個限定優惠11:00am後每叫夠$30就送一位紙包或罐裝飲品特別要提醒大家既係❗️❗️佢地既營業時間係星期一至六08:15-17:00，夜晚係唔開，一般要番工既人可能要星期六先食到🥲 但係絕對值得抽時間黎食既一間鋪👍🏻👍🏻

好少經過呢度比較隔涉嘅地方，見到有腸粉就試吓，嗌咗個牛肉腸，會送一盒紙包飲品，心諗呢個價錢都算好經濟吓。嚟到有驚喜，粉皮係做到好薄又唔會黐埋一住住，層層分明，難得係咁樣都唔會落好多油分隔層數，平時通常係會食到成口油，牛肉都冇揸，我本身唔係好鍾意陳皮味但呢度陳皮味比較淡，啱晒我。佢個豉油味道都調得啱啱好，唔會太鹹，落多少少可以帶出牛肉味。如果米香再濃啲會完美。下次會想試吓佢個牛腩腸聽落去都好似幾得意。

有齊菜、肉同碳水有一餐😋除左我自己鍾意腸粉之外，尼排成日幫襯濃姐嘅原因係因為成日要照顧老人家🧓🏻老人家要食啲淋身啲、容易消化啲嘅嘢，腸粉正正係一個選擇💪🏻加埋啲重口味啲嘅餡同啲非常香嘅豉油，老人家真係好受落㗎🤩都係諗住說服啲老人家食飯，今次個腸粉得左😝同以往一樣，條條腸粉都有豬肉、生菜，份量都唔少，完全可以代餐！豬肉唔係正係得肥豬肉，少少彈牙，配埋啲爽口嘅生菜碎，口感都幾豐富😚唯一嘅不足可能係豬肉個味道比較淡，要係咁沾豉油😅🥬🐷🥬🐷🥬🐷🥬🐷🥬🐷🥬🐷🥬🐷🥬🐷總評分食物質素🌕🌕🌕🌖🌑CP值🌕🌕🌕🌕🌖（28蚊嘅小食好似好貴，但係當正餐嘅話真係好抵）WOW指數🤩🤩🤩🤩🤩encore👏🏻👏🏻👏🏻👏🏻👏🏻（已回購多次）

️🍖叉燒腸加蔥花 $26 📌足料瘦叉 非叉燒醬炒肥豬肉碎📌腸粉堅硬有彈性📌此腸粉不同彼腸粉我以前喺呢頭返學，經過濃姐就心諗，都係腸粉點解會貴咁多？後來自己做兼職搵錢，食過一次，就一試難忘🥰媽咪教落，食腸粉其實係為食醬😂但係食過濃姐就知道咁樣諗只係因為重來都無試過一條好腸粉😌濃姐嘅腸粉係皺皮腸粉，每層都好薄、晶瑩剔透，如果有餡就會隱約見到🤤同時米香都好出色，無論配咩料都會食得出🤩另外口感都好出色，每次食都係咁，保持到水準，係煙靭有彈性嘅，好似pad thai咁樣😚今次配左叉燒餡，大家都見都係一舊舊叉燒咁樣比，絕對唔係酒樓個啲叉燒醬肉碎🤪一大賣點係佢哋嘅腸粉豉油。佢唔係普通現成嗰啲豉油，而係自己調過嘅。做開熟客仔都幾肯定，因為真係每次都唔同！有時啲炸蒜多啲，有時少啲，有時有啲洋蔥仔添🤣佢哋依家有告緊急又搵緊人頂手，唔知第日邊到可以食到高質嘅腸粉呢🥺*有好多素食腸粉可供選擇🤩🍖🍖🍖🍖🍖🍖🍖🍖🍖🍖🍖🍖🍖🍖🍖🍖總評分食物質素🌕🌕🌕🌕🌕CP值🌕🌕🌕🌕🌕（26蚊嘅小食好似好貴，但係通常都有300g，接近八條腸粉，可以當正餐）WOW指數🤩🤩🤩🤩🤩encore👏🏻👏🏻👏🏻👏🏻👏🏻（已回購多次）

本身無打算食濃姐由於食完餃子唔夠飽關係，打算食個腸粉填埋個肚嘅50%*生意應該難做吧我見有張紙寫住12點後買滿$30 非麵類減$5另外買滿某個金額送紙包茶買完先見到個優惠不過本身價錢都好經濟嘅大家有能力都多多支持*生砌豬肉腸 $28腸粉好滑，好多料，豬肉同菜都好多，豬肉有啲似茶樓食啲牛肉腸，所以豬肉好滑，唔鞋甜豉油用另一個盒仔裝，夠味，份量多，總共有3條，一條份量好多，唔係茶樓個啲牛肉腸咁幼所以$28 真係好抵食，而且填滿左我另外個50%嘅肚😂

喺佐敦返工嘅我，本身喺濃姐嘅超級粉絲，一個禮拜起碼食一次上年八月嘅時候，已經發現腸粉質素有變，十月開始腸粉皮不但厚咗，牛肉仲又硬又厚，豉油冇咗當初嘅香味，味道欠缺層次感今日突然心血來潮，見到最近啲食評幾好，就俾多次機會佢。冇食幾個月，果然，有意外驚喜！質素竟然返返嚟！腸粉皮不但同從前一樣咁簿，牛肉亦有簿到！但多蔥就冇多到😅最有驚喜嘅係，以前辣椒油係免費嘅，上年八月開始每包要收錢，今日買竟然送辣椒油！😱😱😱雖然加咗價，不知不覺加咗兩蚊，以後還會幫襯濃姐

濃姐嘅腸粉真係好好味，佢地自己整嘅配方，令個質地好正好滑，而且雞蛋有蛋香，每次食完都心思思想再食，唯一頭痛就係food panda有最低消費同運費，搞到唔可以lunch 叫food panda😢因為會太貴。唯有一得閒就自己親身去買😎好滿足嘅味道

這間位於佐敦的小店主打純手工石磨腸粉手工製 外表超皺皮這樣才有Feel 😂✳️ 鮮蝦拼雞蛋腸粉 $40附一盒超大豉油 (買腸粉從未見過這麼大盒)這款豉油不濃味 所以很適合直接倒在腸粉裡外表超級皺 單用筷子很難夾起最好用勺輔助 腸粉本體超嫩滑 而且有米香 😋咬第一口就知道這次買對了蝦也算大顆 有誠意啊! ☺️雞蛋是把煎好的薄薄一層層雞蛋捲進腸粉 想不到雞蛋跟腸粉這麼搭 👍🏻這質素在香港賣腸粉的店算很難得了絕對值得再encore (下次想試岡本肥牛腸和蒸米線😉)