瀛食家

Open Now

Now Closed

同事又發現咗一間喺觀塘工廈駱駝漆大廈嘅一間壽司嘢，lunch time嘅時間人好少，基本上唔使排隊～🍱三文魚甜蝦丼三文魚好新鮮同埋都幾厚一塊，甜蝦入口好清爽，每一啖都可以品嚐到鮮甜味😍我嘅同事仲有試咗角切魚生飯，四色魚生飯，都話幾新鮮幾好食😋食完飯之後仲食咗老闆自己做嘅藍莓芝士蛋糕，都好好食🥰總結嚟講係一間好抵食嘅日本魚生飯～所以依家日本嘢都幾適合喺附近返工嘅人士，唔使排隊又夠新鮮👍👍👍

而家好少搵到啲又平！又好食！嘅日本嘢，仲要開到好晏叫咗2個魚生飯，每款魚生都好甜，感覺好新鮮。一個係加料重量級雜錦：海膽，吞拿魚，油甘魚，帆立貝，三文魚，三文魚子，八爪魚，北寄貝另一個係簡單直接：三文魚加海膽啲加膽甜度非常夠另外熟食再嗌咗章魚丸，燒雞翼，燒油甘魚鮫，炸餃子熟悉，樣樣都新鮮整起。附近都剩係得車仔麵，有間高質日本嘢選擇都幾非常唔錯通常夜麻麻附近都剩係得車仔麵，有間高質日本嘢選擇，非常唔錯

依家香港宵夜檔越來越少，尤其是得返啲串燒同茶餐廳。早兩日落觀塘Party Room玩見到有日式嘅宵夜檔開到凌晨四點。就膽粗粗試一時，因為佢哋冇相所以唔知好唔好食😂上到嚟叫咗個刺身丼同埋燒牛扒！價錢唔算貴$150左右。follow佢哋社交平台仲會送埋汽水添。刺身丼飯有水準，$100嘅價錢竟然乜嘢刺身都有得食同埋啲刺身好新鮮。牛扒好firm，起碼食完有牛味，唔係用cheap牛，同埋都幾厚$45嘅價錢絕對物超所值。一定會返食，推薦打完波可以同班friend去食一人一個丼飯已經好夠飽。

同朋友去駱駝漆行街，路過見到呢間日本料理，就膽粗粗去幫襯下，我地就叫1份刺身+1碗拉麵+小食刺身好新鮮鮮甜~由其三文魚好肥美拉麵個湯底都無得輸~好夠味絕對對得住價錢總括而言，無論生/熟食物CP值都高~下次會再幫襯💛💛