烤烤食

Open Now

Now Closed

燒烤店新開，喺北葵涌街市（佳寶）隔離，地鋪。食物質素都好高，員工服務態度良好。今次我哋4個人第一次去幫襯，我哋點咗2個二人餐。分量充足，肉類串燒、蔬菜類串燒、海鮮類串燒都可以自由搭配選擇性高。食串燒梗係唔少得啤酒相伴啦，唔飲酒嘅朋友仲可以order王老吉。正！最後埋單中沒有+1服務費。絕對會再幫襯⋯⋯最後我哋仲拎咗一張外賣紙，見到可以WhatsApp柯打咩叫外賣，個人應為覺得好方便。溫馨提示：what’s app 柯打完打電話去確認，咁就萬無一失啦！

我同屋企人都好鍾意食燒烤。而家屋企附近開咗一間，真係好開心。急不及待去幫襯：開張第一日，我哋已經去幫襯。老闆娘好好人，見我帶我個女一齊食，重請我個女飲可樂。好有親切感！啲食物好新鮮，尤其係燒蒜蓉生蠔、燒腩肉、燒雞腎。味道唔會太鹹、有少少日式串燒感覺。仲有我最鍾意嘅燒韭菜，唔會太油，燒得啱啱好。真係100分。有時夜晚打完機口痕，又會叫下外賣。而家屋企附近有間宵夜串燒檔，真係好幸福啊！間餐廳全新裝修，環境乾淨企理。