燉 (協成行灣仔中心) (Closed)

今日專誠去燉湯專門店飲湯，今日揀左火瞳干貝花膠濃湯$65和冬菇滑雞蒸飯$27，最喜歡食呢度的蒸雞飯，d雞無皮又無骨，啖啖肉，平時食雞最怕咬到d碎骨，呢度就可以食得好安心。呢碗花膠湯好濃郁，好好味。雖然個蒸雞飯份量唔算大，但係$27真係好抵食，經濟實惠，價錢親民。飲埋湯就夠飽。餐廳裝修整潔，乾淨企理。E加仲推出好多款即食餸包方便大家買返屋企，有蘿蔔牛腩、瑞士汁雞髀、玫瑰頭抽雞翼、南乳冬菇豬手、魚香茄子、紅酒牛腩、咖哩薯仔雞⋯⋯

唔係好多地方有雞酒，見呢度有就即管點左個滋補黑糯米雞酒。張相有滿滿嘅材料，當然我亦唔會抱太大期望，但見都成$49一碗，想必不會太差，點知嚟到我都有啲愕然，因為湯裡面冇乜料，只有兩件雞件，一正方瘦肉加一粒紅棗。都唔緊要，最緊要講味道，可惜它真係名副其實嘅雞酒，說係將現成糯米酒煮暖，酒精完全冇蒸發，飲下去同飲一碗酒完全冇分別，實在非常失望！

今天我去醫院復完診後。見肚餓就落去灣仔燉 嗰度食晏 午餐🥣看看餐牌有什麼好食？選擇了咖喱牛筋腩飯，不過店員說沒有牛筋腩，只有牛坑腩所以我要了 咖喱牛斑腩飯🥣跟住再選多一個燉湯，就選擇了鮑魚花膠響螺燉湯。等了差不多5分鐘，店員就送埋嚟我張枱上。我一個人將我所叫嘅所有食清光😋真的好好好好味😋好好好好食😋只係個咖喱牛坑腩飯咖喱汁太少，未能滿足到我。我決定以後一有有時間，一定會再去食過✌🏿都會介紹多啲朋友去食💪🏿

點了「南乳花菇燜豬手」，「花膠螺片燉雞」及「蒸蛋」。先說「豬手」，豬手燜得很淋，但冇味，花菇亦很淋，也是沒有味。本來看見所有食評大家部份都是讚好的，只看到一篇食評係話個燉湯好似茶餐廳嘅例湯，我就諗住咁多讚好，如果只係得咁少劣評，應該都係好味嘅⋯⋯點知真係出事，個燉湯60幾蚊，真係衰過茶餐廳嘅例湯，簡直係世紀大騙案！至於個「蒸蛋」，有幾粒元貝，不過不失，可以話吉野家嘅蒸蛋都更加好食😏好了，我都係飲返鴻福堂嘅湯，真係好濃郁夠晒味道😙

昨天因為身體很虛，跟朋友兩個人一起去Stew飲養生湯。他們的湯藥膳味很重，用料很足，感覺很滋補。之後又點咗小菜，很平價。在Stew花100蚊就食d好好健健康康吃晚餐。Stew灣仔店好大好新，環境不錯

🌹行完山在灣仔落車，是醫肚時候，專登到《燉》探店，買外賣試過多次，堂食是第一次。🌹由於已過繁忙午餐時間，可以揀選喜愛座位，食店是採取自助形式，揀選餐後等叫號碼再取餐，挺方便！點餐選了兩個一人套餐金針雲耳蒸雞🌟🌟🌟🌟咖喱炆牛腩🌟🌟🌟🌟釀苦瓜🌟🌟🌟芋頭炆鴨🌟🌟🌟🌟生菜🌟🌟🌟菜心🌟🌟🌟燉湯🌟🌟🌟🌟🌟燉湯的小菜套餐，小菜分量足夠，味道很不錯，我們食不下全部，蒸雞及炆鴨需要打包回家，晚餐繼續吃，真心抵食。個人評分食物💙💙💙💙服務💙💙💙環境💙💙💙衛生💙💙抵食💙💙💙💙回頭率💙💙💙💙

2020年9月7日今日專誠過黎＂燉＂灣仔分店買外賣返屋企食，今次買左兩個客飯丶一款湯丶一款人氣推薦。包括：原隻花膠燘冬菇(約八頭)丶紅酒燴牛腩飯丶三重奏咖哩薯仔雞球飯丶花膠螺頭燉雞湯。外賣乾淨企理，雖然係外賣，但係都無影響食物質素，依然係咁好味。燉湯係燉足四個鐘，而且材料足丶無味精，非常健康。紅酒燴牛腩就好似羅宋湯咁，有紅蘿蔔丶牛腩粒，牛腩好淋，唔韌，同埋好入味。花膠好大隻，好抵食，好入味。冬菇亦都好大隻丶好厚。咖哩薯仔雞球好足料，咖哩唔辣，適合唔得辣的人。全部野食都好滿意，價錢平，質素高，絕對物超所值！在收銀位置見到有五款新產品，包括：魚香茄子飯丶上湯紅燒燴獅子頭飯丶紅酒慢煮牛尾飯丶金栗紅燒豬腩仔飯丶煎蛋/窩蛋免治燉牛肉飯。

知道最近有新產品推出，就係首度推出的中秋月餅禮盒- 曲奇流心奶皇月餅。依加仲有早鳥優惠，原價$288 ，早鳥價係$208。而且限量發售，可以用whatsapp 訂購，訂購電話60333228。每盒月餅有六件曲奇流心奶皇月餅，附送兩包落神花茶。今日專誠來到灣仔《燉》食野。今日試下食蒸飯，我揀左魚肚滑雞蒸飯(瓦煲)$40 ，再加盅燉湯 - 花膠螺頭燉雞湯＄69。呢個魚肚滑雞煲仔飯，我覺得幾好食，感覺好健康，雞非常滑，而且冇碎骨，啖啖肉。而花膠螺頭燉雞湯非常足料，真材實料，而且絕無味精，確保一定健康。每盅湯都落足心機，燉足4個鐘。下次再試其他款式湯，走果陣見到門口貼左張海報，惠顧任何一款客飯或蒸飯，配任何一款燉湯可以減＄8，不過要留意優惠只限星期一至五，早上11點至下午五點半。

原本見佢好多廣告 呢排又肺炎諗住健健康康 飲個燉湯 知佢網上俾人攻擊 已經唔計政治立場 比次機會佢 始終佢啲電視劇都幾好睇點知失望到冇得再失望...成件事真係得啖笑行到入去 見到燉湯有好多款選擇 第一次試 就當然係試最貴最出名嗰個 澳洲青邊鮑魚花膠螺頭$88...貴就真係貴咗少少 但係原本諗住飲個好飲嘅燉湯都叫滿足由於肺炎肆虐關係 叫咗做外賣返屋企飲一打開個燉湯 當然係搵下鮑魚花膠螺頭啦個湯就得一碗 但我真係搵咗5分鐘 都搵唔到塊花膠去咗邊螺頭又唔見 淨係見到一大堆豬肉瘦肉同埋兩粒龍眼肉 搵到第10分鐘 終於比我見到粒鮑魚 細過我隻手指尾個手指頭 心諗 一定係用晒嚟煲湯搞到縮水啦好 咁我就開始飲佢個湯咦 例湯嚟嘅？咪就係平時食叉雞飯送嗰啲青紅蘿蔔湯？再諗返$88...心諗真係冇下次...今次就當我係無知啦都係靠你啲fans同埋政治支持者送錢你洗啦

早前喺＂燉-養生＂社交平台專頁見到灣仔和荔枝角分店開始提供早餐，早餐只限星期一至六供應，由早上7點半至11點半。星期日是沒有早餐，有興趣的朋友就要留意。今日終於有時間去試下，灣仔分店位於杜老誌道電車站出面，非常方便和容易搵到，一落電車就已經見到。灣仔分店好大間，好多位，地方闊落。早餐選擇都幾多，有7款湯麵，A至G餐，仲配半件牛油厚多士及2款配料，可以選擇太陽蛋/煎蛋/炒蛋/火腿/午餐肉/腸仔。所有早餐都有熱飲，凍飲加＄3。早餐價錢算平，而且豐富。店員有禮貎丶細心。＂燉＂屬於自助形式，所以記得食完之後自己放去回收餐車，因為我見到有d人食完之後走左去，真係好無手尾😕。另外，買外賣都好骨子，乾淨企理。

这家由杨明开的炖汤馆绝对是我的最爱之一。当然阳明的正直爱国也是我喜欢到这裏的原因。晚餐时段来到这裏，很多盅饭都已经卖光。最后点了鱼肚鸡肉饭，加上一个元贝蒸水蛋和蚝油菜心才55元。简直划算到极点。而我朋友点了萝蔔咖哩牛肉饭。他的饭味道听说不错。但我的肯定要给满分。鱼肚爽脆鸡肉非常多，而且鸡肉滑嫩。配上李锦记豉油汁捞饭实在是上佳极品。元贝蒸水蛋配上李锦记豉油汁非常美味。另外蚝油菜心份量非常多才卖16元。简直是湾仔区健康首选。

愛國TVB明星楊明的店鋪一定要支持。他的電視劇機場特警Easy哥破今年收時達到36點有240萬人支持，絕對是實至名歸。下午5點半來到，剛好過了下午茶時間，只好點正餐。點了猴頭菇螺頭燉瘦肉湯和瑤柱蒸水蛋。燉湯真材實料，味道濃郁，一喝就知道沒有味精。猴頭菇和螺肉非常多，49元絕對划算。瑤柱蒸水蛋比較細小，不過只買16元也無可厚非。雖然賣得那麼便宜，但是乾貝肉也不少，配上李錦記豉油，實在非常美味。店鋪職員也很有禮貌絕，對誠意推薦。

＂燉＂在香港有四間分店，而灣仔分店位於杜老誌道電車站前面，即係集成中心對面，非常容易搵。交通方便，可以搭電車直達。遲d仲會開第五間分店，萬眾期待。灣仔分店都好多坐位，幾大。由於上次好多款燉湯都賣哂，好好彩今次可以飲到，我選擇左澳洲青邊鮑魚花膠螺頭燉雞湯＄88，好足料丶味道偏淡，可接受，但係我個人認為可以唔需要落鹽。呢度的燉湯係唔會加味精，非常健康。呢度屬於自助形式的餐廳，自己飲完就要捧去回收車。我覺得呢個做法幾好，好似日本咁，可以令食客慢慢養成良好的習慣，做一個有手尾丶自律的人。香港實在太多無手尾的人。

今日外買咗兩湯一飯（海底椰、鮑魚花膠螺頭、梅菜扣肉）全部都物有所值，尤其是個扣肉味道適中，如果有多幾片肉就100分。鮑魚湯材料豐富，清香。最遺憾係試唔到椰皇燉雞，下次再碰運氣吧！等取食物時見到楊明莊思明，真是天生一對俊男美女！

1月28日下午經過灣仔，突然想食啲輕量餐嘅嘢，見到間“燉”，於是就走入去睇下有無下午餐茶先，竟然見到有個傻豬义燒包2個$18，而朋友就揀咗個梅菜扣肉飯$38。俾咗錢之後，大約等十分鐘就有得食啦，當我見到個梅菜扣肉飯後，再加埋聞到陣味之後，嘩，實在忍唔住即刻將啲梅菜同埋啲肉汁撈飯，真係好好味，唔油亦唔會好鹹，不過梅菜真係多咗啲，而扣肉就少咗啲。食哂個飯之後，個包亦啱啱蒸好，第一眼見到個包覺得好得意，咬落個包就唔算好熱，不過入面嘅餡就好熱，但係食落就好好味。總結：食物水準比預期中好，價錢又合理，有機會一定會再光顧。