燒洒一族 (德田廣埸) (Closed)

近年有不少翻新街市，除咗保留傳統美食，仲搵到唔少新嘢！呢間燒洒一族，除咗藍田德田、啟田街市，南昌、坑口厚德、馬鞍山恆安、顯徑、大元街市都有分店。主打西式燒味，將港式燒味變奏，平民價錢就試到西餐廳燒味。燒豬手係燒洒一族嘅招牌菜即叫即開，份量多到爆晒盒金黃色脆皮好吸引入口鬆化，肉質偏紅軟嫩，帶點肥膏，鹹鹹香香幾惹味，識嘆用嚟佐酒一流！$68原隻燒春雞真係好抵食，原隻絕無取巧打開盒陣陣香草、焦香味，啖啖肉雞髀位尤其嫩滑，點埋小包黃芥辣醬，味道再昇華。瓶裝冷盤酒醉系列，將煮好食材放入花雕雞中，再密封，易於冷藏，方便衞生。今次揀咗燻蹄，即係豬腿，有十多塊，好爽口每件都充滿酒香，用嚟伴湯粉麵都不錯。