燒賣王子

Open Now

Now Closed

這次我品嚐的魚肉燒賣讓我感到印象深刻，因為它的份量相當大，每一口都能嚐到豐富的肉餡。燒賣的外皮也相對較厚，給人一種結實的口感。然而，整體的味道卻有些普通，沒有特別突出的風味，讓人覺得少了一些驚喜。燒賣上淋的豉油帶有鮮甜的味道，這一點讓我感到稍微滿意。豉油的調味為燒賣增添了一定的層次感，使得每一口都能感受到一點鹹香的滋味。不過，除了豉油外，肉餡的調味似乎沒有很強的個性，讓整體的口感顯得有些單調。總體來說，這道肉燒賣在份量上非常充足，但在味道上還有提升的空間。希望未來能有機會再次嘗試，並且找到更具特色的版本。

上次仲係疫情時去過，望緊食咩既時候，有個阿姐拉低口罩打乞嗤，再搵隻帶住手套嘅手抹走啲鼻涕... 之後繼續整嘢食，我即刻去第二間。今日想食煎釀三寶，又唔記得咗上次啲咁嘔心嘅畫面就幫襯左，我本來想要六舊嘅，所以阿姐搵個細紙袋裝，之後我想要多兩舊，佢就將本來裝咗嗰啲到返出嚟換個大紙袋，唔知係邊度跌埋張用過嘅紙巾喺啲煎釀三寶上面... 之後個阿姐拎走張紙巾之後就夾紙巾下面嗰幾舊俾我，我呆到冇左反應。。。俾完錢之後，行多幾步先醒起呢啲咁核突嘅嘢唔係第一次見過，越諗越打冷震，之後就成袋掉左落垃圾桶。

去咗那間好評如潮嘅燒賣王，勁期待佢哋嘅平民美食。一啖啖燒賣，賣相勁吸引，心諗一定要試吓！揀咗傳統燒賣同墨魚汁燒賣，一咬落去，天啊🌟彈性十足，肉汁四濺，個個都係彈牙飽滿。传統燒賣皮薄香嫩，肉質彈滑，蒸得啱啱好；墨魚汁更加係出色，香濃得黎唔腥，獨特風味令人難以忘懷！相比下，酥炸鯪魚球都唔遜色，金黃色外衣嘅酥脆🧇，一啖入口已經聽到脆聲，入面魚肉又嫩又鮮甜，做得好入味，口感一流。總之係，燒賣同鯪魚球都做到外酥內嫩，真係食到停唔到口，完全符合平民美食嘅標準，又好食又抵食，食客你又點能夠錯過呢👍？下次再黎，我一定再試啲咩好食，希望大家都唔好錯過呢間寶藏小店！

𝕀𝔾: 𝕙𝕜𝕡𝕝𝕒𝕪𝕝𝕚𝕤𝕥📍燒賣王子好夠魚味口感唔會粉，食落口好彈牙，抵食大件🤣($20/8粒)，平時食嘅燒賣會濕嗒嗒，呢間反而無呢個問題

上次買煎釀三寶，又一次叫自己以後唔好再幫襯呢間藍田嘅燒買王子。因為係要先俾錢買菲，錢就俾左啦， 但面前嘅三寶好似放左好耐咁，所以我話想等炸下一轉嘅炸豆腐，個條4眼肥仔黑口黑面話我企喺度阻住晒，我唯有要面前嘅野，但我指邊舊，佢就俾另一舊俾我，跟本唔俾你𢵧，當佢夾舊豆腐仲成舊魚肉甩出黎，我同佢講，佢堅持話無甩，返到屋企真係無左舊魚肉，而且無魚味，全部係粉。呢條4眼肥仔係老闆，次次嘅態度都咁衰，連其他d員工都衰過人，買幾次都係佢俾乜，你就食乜，發誓唔再幫襯，唔再受佢氣，快d執啦。

本是最愛的墨魚🦑汁燒賣，變了其色皮，打開時嚇了一跳，味道總是像失色的🥺🥺炸燒賣真是賣少見少，水準也變了，從前有椒鹽的，現在已經沒有，不願再回頭了😭😭😭煎釀三寶依家大件兼好食，不太咸，尖椒夠辣（朋友吃）紅腸頭有咬口，只是不夠熱的………..總數買左$92有三樣

不用多說了 最近手工製燒賣真的很紅但其實我更愛超級邪惡的椒鹽燒賣 😍這次來到有幾家分店的燒賣王子它最特別的地方是有賣黑白燒賣 ($20 8粒)黑燒賣是由墨魚汁製成的手工燒賣而白燒賣是魚肉燒賣跟魚肉燒賣比起來 墨魚汁的更濃味和有少許鮮味 加上因為不是每個地方都有賣所以推這款喔~ 👍🏻👍🏻👍🏻其實魚肉燒賣都不錯 皮很薄然後介紹重點的椒鹽炸燒賣 ($15 6粒)灑椒鹽炸的燒賣真的很犯規! 😍😍😍咬下去脆脆的 但吃裡面卻有軟軟的魚肉口感超好吃~~ 要趁熱吃喔 ❤️💛💜

見佢有啱啱炸好既炸雞脾就買隻食下，俾完錢就同亞姨講唔該要呢隻，佢一手夾咗另一隻無咗大半塊雞皮同埋好似無乜炸過既俾我，我再指住原本我想要果隻，個亞姨話: 俾隻大既你都唔要，你唔好要喇，(我心諗係大隻，不過成塊皮無咗) 佢一路講一路再夾另一隻好細隻既落袋，因為呢隻真係明顯細隻好多，我已即時話唔要呢隻，佢無理我繼續入袋，入完之後同我講 : 入咗袋無得轉。咁都得……… ? 我拎到上手隻雞脾真係好細隻，仲要係凍既添 食落又凍又硬，好似擺咗好耐咁，一d都唔好食之前d亞姨好好人，唔會夾硬嚟，試過買煎讓三寶甩咗舊魚肉，唔使出聲佢都會夾過另一舊，炸脾凍咗佢會問你使唔使翻炸，而家呢班員工真係差到不得了，貼錢買難受。

我買咗一盒炒河、燒賣魚蛋雙拼、煎釀三寶我叫佢河粉落少少辣椒醬比我唔該，個老闆即刻串串供咁話：「冚咗蓋啦wo，下次早啲講啦！」然之後落咗個盒1/2面積嘅辣椒醬比我，佢一路落一路話下次早啲講啦，個老闆完全好似玩人咁，落咁多點樣食？其次個雙拼。佢比咗燒賣雙拼（墨魚汁、正常燒賣），少少嘢都做唔好 - -煎釀三寶係凍，一啲都唔好食。最後員工經常性拉低口罩，一啲衛生意識都冇老闆態度差，上鏡態度同現實態度兩個人大家想中伏可以去試吓以上內容千真萬確

原本諗住買下個野食，見店員阿姨整緊類似韭菜餅嘅食物，於是問吓咩嚟。結果佢同收銀職員隔咗成十秒先答我之餘，仲要用十分輕挑嘅語氣講：「食得嘅野」😑 當然事後我決定唔會再光顧，不過得閒經過應該會再問下佢係咪整緊韭菜餅。🥴

✨椒鹽炸燒賣⭐️⭐️⭐️極力推介，好食到停唔到口😋外脆內軟既炸燒賣，配搭椒鹽，正正正👍🏻✨鴛鴦雙拼⚫️⚪️墨魚燒賣同魚肉燒賣，記得叫靚姐幫手加咖喱汁，好味好味😚

想介紹下依間我成日心思思番去食嘅燒賣❤️，我認為佢嘅椒鹽燒賣係完全值得燒賣關注組既注意！佢就係燒賣王子，係藍田地鐵站出去上兩三條扶手梯就去到啟田商場嗰邊，有好多賣外賣嘅舖頭仔，其中一間就係佢。唔係點需要排隊但Keep住都見到有人流係度嘅，多數都係叫佢嘅煎釀三寶同埋椒鹽燒賣。見到佢嘅煎釀三寶都係即刻喺廚房裏面整啲魚肉落去係好新鮮嘅。講返正題先，因為佢啲椒鹽燒賣係即炸嘅，所以嗌完都要等成10分鐘先有，不過等待係值得㗎😋！上到手真係熱辣辣🔥，雖然佢係冇堂食嘅位置啦，我都忍唔住即刻除咗個口罩食兩粒先。$20有八粒，粒粒都炸到金黃色，勁脆勁熱氣，咬落去好飽滿，真係會覺得裏面軟得黎又彈牙。味道方面佢魚味唔係算係好濃嘅，但係我就係鍾意佢呢一種街頭風味，再加上佢係椒鹽口味，成件事就即刻升華咗😍。由於趕住返屋企，咁另一半就攞返屋企食。過咗半個鐘其實都冇之前咁脆，建議可以擺落氣炸鍋或者焗爐咁就可以keep住原汁原味啦。附近都有其他台灣蚵仔麵、豪大大、清玉等等，想來個小型掃街都可以嚟，一定食飽你！

藍田真係好多嘢食，除咗好多唔同餐廳之外仲有好多外賣嘅小食店～呢一間燒賣王子都唔例外🤣🤣❤️基本上由一開舖到佢哋閂門都keep住有好多人排隊去買佢哋嘅燒賣嚟食~-除咗有蒸嘅燒賣之外仲有炸嘅燒賣，而蒸嘅除咗普通嘅燒賣之外仲有墨魚燒賣。聽講啲燒賣仲係佢哋自己包嘅，所以粒粒都包到好大粒㗎，有時候淨係食四粒當一個下午茶都已經好滿足🤣🤣墨魚燒賣仲帶有少少嘅鮮甜味，夠晒物別😻😻😹椒鹽炸燒賣，都整到好香口😋

藍田最好味既小食店用心製作真材實料又好抵食黑白燒賣好好味墨汁燒賣魚肉好鮮味好中意食佢地既碗仔翅同三寶下午茶搵野食就成日去呢度食碗仔翅再加埋佢地既辣椒油 🌞👍🏻👍🏻👍🏻

啟田商場樓下有唔少小食店，幫襯得最多都可以話係呢間燒賣王子已經食過幾次都覺得keep到水準，佢啲燒賣好食在真材實料，係睇到啲員工喺入面人手包既，粒粒都好大粒，超彈牙。次次去到都必食既自家手工製燒賣 ($15/6粒)，雖然少貴，但絕對好食超有口感，好紮實，完全唔係好粉果種，加埋豉油辣油話咁快食晒。另外仲叫左椒鹽手工燒賣，同樣都係$15/6粒，係即叫即炸所以好脆好香，椒鹽分佈平均，鹹味適中，同樣地好彈牙，炸既正常都會多油少少，鐘意香口既一定要試！見唔少人除左燒賣會買煎釀三寶同豉油王炒河👇🏼而我食左幾次都只係食燒賣下次除左燒賣都要試下煎釀三寶先得