牛車水海南雞專門店 (好景商業中心) (Closed)

📍 牛車水海南雞專門店 -旺角$30 旺角抵食手撕雞飯呢個價錢仲有湯飲 我係唔係唔應該奢求咁多😂 🐓麻辣手撕雞飯 $30不得不說係幾抵但店員態度超差（黑面）轉左手之後質素好參差同我想像中的手撕雞有些少出入 比較大塊底下全部都係雞皮但麻辣好好食 😋 個湯好濃好好飲————————————————————————＜全自費 真實評價＞🔎總結感想 抵食：👍🏻👍🏻👍🏻👍🏻👍🏻 （5分滿分）🉑 可以比多次機會 但如果態度好差真係唔掂😌————————————————————————📍 牛車水海南雞專門店旺角花園街2-16號好景商業中心地下20號舖⭐️人均消費: $30-50————————————————————————#katfoodiesnap #美食分享 #美食記錄 #香港美食 #Hkfoodie #foodie #food #hkeat #hkfood #美食推薦 #美食日記 #香港cafe #香港咖啡店#美食 #海南雞飯 #旺角 #平價美食

自己一個人食，睇下有咩好食～見到一間平民海南雞飯😊只係$35好抵食～雞既份量吾小同埋都好滑D油飯都好重香茅既味道。仲有三種醬汁揀～快靚正下次試下加錢食個雞脾飯先

🐥海南雞飯（$38） - 沒特別點脾或翼，給了雞胸和少少近翼、少少脾位。雞份量不多（應該算少），還好非常滑，油飯很香～🥩巴東牛肉飯.（$40） - 本來想要鹵肉飯加温泉蛋的，但這個名字特別就點來試！原來是星馬那邊的香料牛肉（好像在汶萊有吃過類似的！）牛肉像牛腩，非常淋和入味！香料味也重！汁撈了飯會有辣，程度還可以接受（但牛肉沒有很辣），算是很香口的一道！值得一提的是粟米很甜，不像是罐頭，像是原條粟米🌽弄下來的感覺！

今日做嘢做得晏好鬼肚餓，晏d又要上堂做運動，一於食個飯飽肚頂肚d呢間海南雞成日經過但未試過幫襯，今日諗住俾一次機會。睇左個餐牌大部分都係雞飯，於是我就揀左個海南雞飯，價錢都好經濟，$38送埋例湯，之後有三個醬汁。返到公司即是開個湯黎試試，好淡好淡，似例水多過例湯，其實都無乜味可言。之後試下d海南雞，雖則唔鞋但係零雞味，醬汁普通，酸辣汁好一般，最大鑊係咩，就係佢d飯係硬嘅！但佢唔係粒粒都硬，佢係一啖飯裡面食到幾粒係硬，唔知佢係未煲熟定放得耐，我明白呢個價錢都唔好要求太多，但係飯呢d最基本嘅嘢都搞成咁，食到我個胃而家銀住銀住不可一，不可再！

-//位於旺角·主打海南雞飯、巴東牛肉飯等雖然選擇唔多 但價錢親民👌🏻中環都有分店📍海南雞飯 $34咁大碗只係$34蚊，價錢超抵食🥰包埋甜豉油、薑蓉、辣醬，撈飯一流👍🏻雖然雞肉份量唔係好多，但都唔算鞋口但個油飯 軟硬適中🍚分量對女仔就啱啱好如果唔夠食可以+$3加飯🤣或者加溫泉蛋另外仲會包一碗雞湯，不過我就走咗湯🤣📍牛車水·海南雞專門店 (旺角)旺角花園街2-16號好景商業中心地下20號舖

平時好少食海南雞飯,因為唔係間間都去骨,唔敢搏(本人唔鍾意食有骨野,因為本身生活已經好多野要思考同煩緊,唔想額外再曬精神同時間去慢慢lur骨)早排經我老豆推薦(佢成日周圍行街搵食店),我食左一次呢間既海南雞飯(30蚊),雖然味道係唔錯,但30蚊呢種係無去骨既,食起上黎我唔係咁鍾意之後我第二次去,就去試魯肉飯(一定無骨啦),呢樣反而味道中規中矩左d,而我睇真d之後發覺呢間野原來海南雞飯種類有分3種,最貴果種係海南雞脾飯(45蚊)於是,今日我就第三次幫襯呢間野,要左海南雞脾飯(45蚊),佢呢個雞脾飯係去骨之後切成一片一片,而且眾所周知雞脾得一舊大骨,所以佢去完骨之後理論上食起上黎係全程安全既,照計唔會有碎骨架喇。味道方面,真係一絕,雞脾肉嫩滑入味,油飯又惹味,就算賣45我覺得一d都唔過份(旺角+果個地段,去茶餐廳買個碟頭飯都5十幾啦...)

late dinner tonight, luckily by 10pm and just found this small restaurant for take away order all in accident. ordered the pork dumping with corns, i feel juicy and yummy 😋, very good choice for light dinner at late night 🌙

早排朋友外賣咗半隻海南雞上黎，覺得唔錯，今日過去買lunch頂一頂海南雞引。叫咗一份海南雞跟油飯。雞肉好嫩滑，油飯有南薑香氣，軟硬適中。值得一提嘅係一定要食埋雞皮，真心香！制作都幾認真，跟三色醬汁，有包括濃濃帶甜味嘅黑醬油、薑蓉，同埋惹味嘅紅色酸辣醬汁。個餐跟一杯冬瓜雞湯，有粒粒嘅冬瓜食吓，湯色清澈，味道以清甜為主，食完油飯都唔會覺得膩。平均三四十蚊一個飯又有湯好抵食吓，下次要再試埋個巴東牛肉同埋滷肉飯先！

雖然都有幾個人排隊，但係都好快攞到手。只限外賣沒有堂食。不過勝在性價比高，份量好足好飽肚又抵食海南雞啲肉好滑油飯軟硬適中又唔油膩最重要係嗰三個醬都好好食！值得一試

經歷昨日在「旺角」最多食店的「通菜街」裡面，享用完一碟由於忌廉作為味道基礎，味道偏向比較甜的「鳳尾蝦炒手工麵」之後，發現一道味道出色的食品，醬汁成為不可或缺的一環，很難不靠調味料去製作食品。結果翌日我又為了購買外賣自取「咖喱牛腩飯」，再次重臨車水馬龍，途人熙來攘往的「旺角港鐵站」跟「旺角」。購買完「咖喱牛腩飯」，又要為晚餐裡面的「雞肉」食品而煩惱。結果我在「花園街」旁邊的「好景商業中心」商場樓下舖位，找到一間名稱叫做「牛車水海南雞專門店」，主打新加坡風格「海南雞飯」的外賣食店。雖然「牛車水海南雞專門店」的餐牌裡面也提供「牛肉」類食品，例如「巴東牛肉飯」，但是我始終對「巴東牛肉飯」裡面的實際「牛肉」種類和部位不感信心，所以最後沒有選擇「巴東牛肉飯」。而且我反正已經在「旺角港鐵站」購買外賣自取「咖喱牛腩飯」，真的沒有必要再花錢購買「巴東牛肉飯」，唯有看看將來還有沒有機會購買和試食到「巴東牛肉飯」了。我購買了一盒，由「牛車水海南雞專門店」廚房製造，價錢尚算便宜的「海南雞髀飯」。「海南雞髀飯」裡面的「雞髀」已經被預先處理，把「雞髀」肉去了骨，剩下沒有骨頭的「雞髀」肉整齊切段，鋪在「油飯」上面。

一直都好鍾意食海南雞飯，估唔到呢間細細間嘅店舖！滿足到晒我所有嘅要求！雞無骨..又滑又有雞味！飯硬度適中，超香！如果多啲雞就仲開心😃正宗黑豉油係我最愛，仲有姜蓉同埋酸辣醬，絕配！雖然好多人排隊，但係都可以接受電話外賣，唔使5分鐘就可以攞到外賣，快靚正！店員姐姐有禮貌一定會經常幫襯

食過佢哋嘅中環店 (試過堂食) & 北角店 (外賣) ，都覺得好抵食， 今次咁啱喺旺角 搵完朋友， 行過花園街見到佢哋又開咗新舖， 所以就買個雞飯返屋企做晚餐水準keep到，雞肉好滑，雞皮與雞肉中間有層啫喱，之前電視節目話係骨膠原嚟㗎 跟飯有三個醬 (一個薑蓉，一個酸酸甜甜嘅紅汁，同埋一個甜醬油) 不過唔記得影相~ 可以揀白飯，但係食海南雞當然要食油飯啦！ 佢嘅油飯 都算有味，不錯HK$35蚊有咁嘅質素真係好難得， 仲要三間舖 都好食， 可以話係糧尾恩物呀😂 除咗海南雞飯，佢仲有個 巴東牛肉飯~ 未試過~ 搵機會試下先！ 店員話個汁 送飯一流！見佢寫住 學生，長者，醫護 仲額外有優惠添