王子飯店京川滬廚房 (Closed)

利申，曾經幫趁過杭州店，6年亦幫趁過此店，絕對無問題，於是早一星期已經訂位，一進入大門攞位，就有一個身穿西裝嘅男人用很不屑的語氣話帶他去2號枱，我們莫明其妙的，第一次見面，無得罪佢，唔明白為何有這種態度。食物水平十分之普通，如一般屋村酒樓，但卻收尖沙咀價錢！食套餐，花膠薄如紙，鮑魚算細隻，人參湯淡如水。焗蟹蓋無蟹肉，只有蟹柳絲，有一味紫紗白玉，豆腐無味，連豆味都無。蟹粉小籠包蟹味其淡。唯一可以一讚係甜品，椰子雪粑。（應該係買返嚟）最最最差係服務，侍應們像游魂，自己傾計傾個不停，要牙簽，攞左出嚟，不過隨手放咗落隔離枱。開始等左二十分鐘無嘢上，一上第一樣野之後同時嚟鲍魚同小籠包，咁自然先食鮑魚，要求侍應留低籠仔個蓋保溫。五分鐘後一個疑似經理操內地口音嘅女士，無釐頭走嚟打開蓋，我哋一齊望向佢，佢竟話睇吓你哋食咗未？如果食咗就收走。完全不合格的低水平啦！如果食咗就會打開蓋.等你收啦！PS 張枱相當大，完全無必要急於收碟。結論：一班完全唔合資格嘅樓面侍應，隨意地，胡亂地招呼，使食客啼笑皆非。個人就絕對唔會再幫趁！是見到facexxxxx 內廣告才決定一試，結果非常失望，徹底破壞咗一餐節日午飯！如

見到餐廳做promo, 有個九道菜lunch menu, 每人只需$138，好似好抵，所以去試。點知中伏。所謂九道菜，其實裡面啲嘢好濕碎，燒賣、水晶粉果、腐皮卷每樣一舊已經當三道菜，而且係唔好食，質素比外面普通酒樓差。唯一一道好食嘅菜係乳鴿。就連甜品嘅雪糕一食就知係買啲平價牌子，好似維記、雀巢嘅味道。完全係欺騙消費者。好心啦，做咩要做衰自己個名，你做唔起貴野都用心啲去做呀，唔好用gimmick嚟厄人。絕不推介。

/ 同事見到網上有王子飯店既下午茶點心套餐既訂購優惠，即刻話要帶埋我一齊去試試🥳！(真係超抵價，$99就可以品嚐到王子飯店京川滬廚房既8款頂級手工點心，真係聽到都心動🙈)佢個套餐包括挪威煙三文魚沙律、招牌王子鴿、天下第一「包」、王子蝦餃、公子燒賣、蘿蔔絲酥餅、春卷同埋即焗既酥皮蛋撻🤤首先一坐低，就即刻黎左呢個📍挪威煙三文魚沙律💬個沙律汁酸酸地，好開胃，好好食😋然後就上佢地既📍招牌王子鴿🤩 (半隻)💬本身已經好鐘意食乳鴿既我地都食到停唔到口，好出色啊真係，直情想encore多一隻外賣返屋企食🙈喺食緊乳鴿既途中，就黎左呢個好似人地出面食afternoon tea既架🤣，而架上面就分別有📍(上層)蝦餃、燒賣(下層)迷你叉燒包、蘿蔔絲酥餅、春卷同埋酥皮蛋撻💬點心都係二人分量既⋯蝦餃、燒賣就比較一般，無話特別好食，但叉燒包、蘿蔔絲酥餅、春卷同埋酥皮蛋撻，就真係好出色，好好食😋👍🏻最後食飽飽之後會收返加一($11.4)同埋茶錢$15，每人都係大概$130，我地都覺得好抵，同埋呢間餐廳水準都好高🥰整體上黎講，呢個下午茶真係好抵食，性價比好高，而且都好夠飽，環境都唔錯，員工服務態度都好滿意👍🏻，下次要

今次又係網上見到做緊晚市套餐，有鮑魚、海參同花膠雞湯，剛好父親節就訂個套餐帶雙親去豪下。裝修不用再介紹入正題。🥣生磨杏汁銀肺花膠湯有杏汁香味，熱辣辣味道就淡淡地都有益。🥢花雕滑蛋蒸圍蝦球滑蛋蒸得非常嫩滑，入口帶啖啖花雕酒香，仲有隻基圍蝦好爽彈。👍🥢六頭鮑魚伴鵝掌炆得入味雖不是糖心，但中間有鮑味，鵝掌都非常腍有嚼勁。👍🥢中山王子鴿雪鴿關係有點乾身鞋口。🥢上湯浸時菜清新高纖維不算嫩但都可口。🥢黑松露炒飯飯底乾身香口，粒粒分明越食越想食。可惜太精緻了。🥢雪耳桃膠好滋潤啊！二款材料都好有膠質，非常滋潤。🥢生磨芝麻糕軟滑細膩。👍🙄不得了茶介 $114 包括左茗茶 $60 四位，前菜二小碟 $36，王子 XO 醬 $18網上購劵 $1592 現場補多$285，即平均每位 $470 日本藝人「福山雅治」都有曾經到訪。

有親人告知有網站推出買一送一套票，以大約三百多元就能品嘗八道菜式，仲可以喺1881度食，感覺很超值所以就即刻買咗。購買過程好方便，只需要選擇用餐日嘅日期同時間，就可以唔使再打電話去預約，直接去到食就可以。餐廳侍應好有禮貌，唔會好急咁樣放低曬咁多樣嘢食，會見你差唔多食咗一道菜，先放得下一樣而菜式，份量都啱啱好夠飽，唔會因為價錢比較平而有所減少。而我最鍾意就係食佢嘅灌湯餃，因為湯非常清甜，而且亦都有灌湯餃入面嘅材料亦都好豐富，乳鴿亦都十分之熱辣辣同脆口，十分之推薦大家嚟食!

在優惠網預訂了這間王子飯店想試一下這家菜式，可能只是團購下午茶餐($99/位)，沒有驚喜，一般的王子鴿，像普通茶樓吃的乳鴿質素 (雖然都不錯了)，還有一個點心拼盆，三文魚沙律。服務一般，室內裝修不是很漂亮(不知是否在裝修)，坐位安排也看不到室外風景。可能平常吃晚餐會比較好吧，但這次食評只是一般。

一直知道呢間飯店既食物價錢唔平，知道網上做緊下午茶套餐優惠價，每位$99/8道菜中式下午茶，茶芥，加一現場俾現場環境坐得好舒服，就算2人一張大枱都不會安排搭枱坐，疫情下，呢個安排真係大加分👍首先上枱既係挪威煙三文魚沙律，生菜新鮮，煙三文魚一般，唔差之後每人半隻招牌王子鴿，乳鴿上枱時微溫，唔夠入味，偏瘦👎之後店員拎咗個兩層架過來，上層放咗個蒸籠裹面有王子蝦餃，公子燒賣，下層放咗天下第一包，蘿蔔絲酥餅，與別不同春卷(每人半條) 即焗酥皮蛋撻 , 食物上枱直到食完，半個鐘左右，食物質素一般，份量更加食唔飽，香片茶唔錯，幾好飲咁既價錢，咁既環境，坐係度飲下茶，傾下偈都唔錯。

1881 王子喎，1881 王子喎，下午茶優惠 $99/1人 ，八道菜，痴線嫁！1881 王子喎！1881 王子喎 ！1881 王子喎！當買個位睇景都抵啦，入去影下相都抵啦！咁平，疫症過後一家做唔返，呢排得閒真係要去食多次！8樣野，最鍾意就係乳鴿， 紅燒乳鴿，好好食，好好食，好好食 ！其他都不過不失， 四人限聚，四個朋友坐埋一齊，剛剛好！真係好過份，又要repeat 1881 王子喎，1881 王子喎，1881 王子喎 ！$99

朋友見到app有$99位點心下午茶, 平時呢間要$50幾蚊碟, $99太吸引,一定要試下餐廳係1881, 地段已high class, 入去見裝修同佈置都好高貴,好彩冇著得太街坊,失禮死人好快上左沙律同乳鴿,沙律酸酸好開胃,菜又好新鮮,乳鴿唔係好多肉但係皮好脆, 骨都入晒味,正!之後上tea set架,中式點心甘上真係第一次見,好特別,款式又有多! 其實中式點心賣相可能冇西式甘精緻,但係講岩口味,一d都唔輸蝕,而且咸點較多,唔似西式下午茶大半都係甜品,like

網購了一份「二人下午茶點心套餐」只係$98 位，都幾抵食。發生一小插曲，激死我！店員吾識用app 將我的QR code 做login 仲叫我自己做，我同佢講「我已經付款，系黎食嘢吾系幫你解決問題」之後攪左一輪都吾成功，但最後都可以入座。茶錢加一（另付）$55煙三文魚沙律雖然沙律同點心好似唔系好夾，但味道都幾好，酸酸地醬汁配沙律菜和咸香三文魚，不錯的。「燒乳鴿」每人半隻乳鴿皮十分香脆，肉香細嫩，肉汁豐富，有水準。「天下第一包」乃叉燒餐包甜餐包皮超薄包著豐富嘅叉燒餡，叉燒醬不會過甜，味道ok , 不過吾系勁好味。正常嘅有「蝦餃、燒賣」不過「蝦餃」皮真係太厚太靭、大蝦都好爽甜嘅。「蘿蔔絲酥餠」反而超好味，又香又酥；蘿蔔又甜，基本上的白蘿蔔絲還加上紅蘿蔔𢇁，餡料豐富，有水準，「春卷」是全素，反而冇一般嘅咁肥膩，而且一啲都唔油，不錯，最後甜品「酥皮蛋撻」拎上手都冇乜油，酥皮又輕又薄，層次分明，蛋香突出，甜度適中。

不過不失的點心大時大節諗住食好啲，去咗1881間王子飯店試吓，本來想食晚餐，點知無晚市，所以改為飲茶食點心。打電話訂座時，差啲以為打咗落茶餐廳，粗聲粗氣的，我估是做了很久的前輩，禮貌是有的，但聽電話個陣嚇一嚇。去到1881有專屬𨋢上王子飯店，餐廳環境...嗯...不知怎形容，就是不太舒服，可能我期望是空間比較大的飯店，與預期有落差。我們被安排坐門口位置，那是最後一張，寒風刺骨的風吹進來，只怪我訂座時沒特別要求較好的位置。我們在點心紙上點了數款點心。中山王子鴿 $78 隻偏貴，皮脆肉嫩，但瘦了一點，沒什麼肉魚翅灌湯餃 $78比較細碗，味精正常，不是非常鮮的那種王子蝦餃 $52鮮蝦大而爽，鮮味十足，粒粒飽滿松茸湯鮮竹卷 $48又是期望過高，湯沒有預期中吸引，鮮竹卷反而幾好味鮮竹牛肉球 $38牛肉球好嫩滑，不錯天下第一包 $48這件平凡外表有意外驚喜，麵包非常極之鬆軟，入口幾乎感覺不到包的存在，內涵是西班牙黑毛豬叉，香濃滋味，一件不夠喉，應該一個人可以吃三個😍星洲炒米粉 $128驚份量不夠，叫個包肚的。賣相真的很似茶餐廳，但味道不錯，香口野味，下次可再吃。兩個人食左 六百幾蚊，偏貴剩前菜同茶

又到11月大閘蟹嘅季節！前幾年都好痴線咁不斷食蟹，一次食5-6隻都可以，而家年紀大咗，要節制下，盡量揀下，唔好乜都食！之前係Element食過王子飯店，啲餸都幾好食，所以嚟試下個大閘蟹set.佢個set有分一隻蟹/ 兩隻，其實無分別，只係睇你想食幾多隻.一嚟食咗個小籠包先~ 都ok.然後係主角大閘蟹，比想像中細隻，可能我又用咗出街買個諗法放咗係出面食，當然本身無講明幾大，不過我會想食大隻啲同多啲膏，呢隻～都ok la... 淺嚐！.之後有個湯，無影lu~~ 都ok ge. 花𣄃參味濃，感覺健康.乳鴿~ ok laaa..我中意個菜，個汁！好食！！.個飯係上面個汁，加咗好多分！！！！！.Overall係啲餸好食過隻蟹~ 我食個晚咁啱唔多人，靜靜地傾下計都幾舒服

之前同朋友嚟過王子飯店京川滬廚房，覺得不錯，環境清靜，食物質素也好。於是數月後同家人到訪，結果令我們有點失望。我們點了蒜片牛柳粒$68、松露炒什菌$68、山珍餃$36、鮮蝦菜餃$36、脆炸長春卷$35、砂鍋鮑魚汁海皇飯$168。附上前菜開胃芭樂，還算是平時水準。最差是蒜片牛柳粒，蒜片是冧，牛柳也是冧，但明顯是梳打粉的成效，無牛肉味！其他菜式一般般，只係合格水平！😕

趁週末想出外走走，並第一次食1881裡面的王子飯店。可能來得早，幾乎包場，之後陸續來了一兩桌人。叫左下面幾樣野食：天下第一包—>外表焗得好靚，內包黑毛豬叉燒，好味魚翅灌湯餃—>湯甜，飲完之後好舒服松露炒什菌—>好香黑松露的味道，有三款菇，好足料芝士蝦長春卷—>攤左一陣先食，都仲係脆脆的，內裏有芝士和沙律醬，所以甜甜鹹鹹的王子擔擔麵—>由於本人怕辣，所以叫廚師把醬料和麵分開上，一開始端上來的時候，感覺有點跟外面不太一樣，但之後我混了一點醬料和麵吃，又好好味wor，咁我就不深究啦，哈哈公主燒賣—>正常味道其實仲有即焗酥皮蛋撻都好鬆軟蛋滑，但是忘了拍照

唔掂! 呢個時勢諗住出去食吓飯，都消費吓，點知一肚氣，激到我要第一次寫食評。一向食嘢要求唔算太高，正正常常都就可以。但今次真係嬲到唔出聲都唔得。食咗唔係好多嘢，有一碟紅燒野菌竹笙豆腐。之後睇返餐牌，呢碟紅燒野箘竹笙豆腐$128。可能晌呢啲餐廳算下價菜。聽呢個菜名唔知大家有咩期望。碟菜放低嘅時候都冇咩特別，賣相正常，但係到分菜時候發現...全碟有兩件竹笙咁"多"(張相係已經拎走兩舊豆腐)。唔係兩條，係兩件，一件有一節(唔係一隻)手指公咁大。問待應佢話問過廚房係正常。失望! 如果大家要去就問清楚份量先好叫餸。