珠記

Open Now

Now Closed

「珠記」屹立鴨脷洲市政大樓多年，只做晚市生意，提供各式小炒及海鮮美食。週日晚 walk-in 造訪，全場滿座，需排隊輪候。或許生意太好，店員對正在輪候的食客基本上不太理睬。入座後仍需保持耐性，接受無人招呼理睬的情況。單是執枱點菜小編前後也等了超過 15 分鐘。各式海鮮可到近廚房位置的發泡膠箱揀取，數量有限，售完即止。小編點了一客「蒜蓉粉絲蒸蟶子」及「油鹽焗羔蟹」。蟶子中等體型，口感彈爽；羔蟹蟹羔甘香，蟹肉豐盛甜美，難怪有多枱點選細味。「粟米魚肚羹」魚肚雖多但乏味。此湯羹的評價只屬普通。「椒鹽九肚魚」酥脆不膩口，佐酒一流。「粟米班腩」用上連皮的真斑腩，「走油」後份外惹味，食感實在。「蝦仁炒蛋」滑蛋炒得非常嫩滑，富蛋汁，效果比預期佳。「魚球豆腐煲」無乜特別。「清炒菜心」選材老身乏甜，不好吃。小編對「珠記」的海鮮評價正面，個別小炒亦覺好吃。不過，小編同時對店員的態度實在不敢苟同，大家要有心理準備及耐性才好前來。

今晚的飯局設於鴨脷洲街市樓上的熟食檔，我都是第一次來這種地方晚飯，幾有特色和風味。啲伙記好親民，有求必應。其實這裡有幾間店舖，同事至愛的是珠記，是它的長期客仔，今晚一大班人浩浩蕩蕩上到來，便是由他帶隊的。上來之前，他先到樓下的街市買了很多新鮮海鮮，拿來這間珠記煮。海鮮要花點時間去炮製，所以我們先來幾個小食，叫些啤酒，過過口癮。椒鹽豆腐: 辣燙燙，外脆內軟，送酒唔錯。腰果炒海鮮: 夠鑊氣，海鮮主要是魷魚仔，仲有些雞腎一齊炒，又是送酒的好小食。釀紅尖椒: 新鮮鯪魚肉釀在紅尖椒中，魚肉彈牙，紅尖椒帶點微辣，好惹味。生炒排骨: 其實只是冰鮮豬柳肉 (因為排骨成本高，店主無用排骨好耐)，味道都造到生炒骨的效果。金銀蛋峴菜: 一般水準。第一個海鮮是豉汁炒蟶子: 雖然是細細隻，但是肉質嫩，非常鮮味。第二個是白灼九節蝦:非常新鮮，白灼煮，原汁原味，超好食。蔥爆膏蟹: 雖然不是很大隻，但是蟹膏好多，甘香味美。油炮鮮魷: 啖啖肉好爽口，個汁甜甜地，好味。酥炸生蠔: 蠔是美國桶蠔，用來酥炸是最好不過。脆漿好鬆化，生蠔好juicy。清蒸細鱗: 肉質好細膩，又嫩又滑，魚味濃郁。蜆芥鯪魚球: 又是酥炸的，食極都唔

珠記唔會再去，问你下單時黑口黑面，慘過你埋單時唔夠錢要記數咁嘅様😨😨😨講D自來海鮮要点煑：花竹虾要求去腸 （廚房唔得闲做，最終是沒有去腸的）豉椒蟶子米粉/烏冬唔做！！鮑魚只有黑椒或果皮蒸，其他方法一律欠奉；蒜蓉扇背粉絲蒸到過火老哂！咁嘅服務態度加上咁就收80斤起加工費，全港只有佢咯！埋單時將單只有數字一堆和一個总數，根本無從得知邊樣打邊樣, 睇到O哂嘴啦。海鮮質素点好都俾D咁嘅煑工和服務態度大打折扣- - -， 相信都唔會再返轉頭啦😨😱😱

今日一大班人去左鴨脷洲街市自己買海鮮 再拎上樓上加工 呢度加工係所有海鮮加埋以斤計 唔洗逐樣分開 街市商販清洗海鮮都幾落力 會幫你洗得乾乾淨淨 如果自己買返屋企整 都會慳左唔洗清洗功夫我地買左十樣送 多寶魚、斑、蝦、蟹、大/細聖子、大蜆、鮑魚、小魷魚 自己決定煮法 又或者店會suggest大家都對餐飯好滿意 人均around $250-300（計埋買海鮮和加工）抵食！

好多人去首爾都會去鷺梁津食海鮮，貪佢啲海鮮即挑即煮，保證生猛，其實唔駛去咁遠食海鮮嘅！响香港大把啦！食海鮮最緊要新鮮、生猛游水，嚟鄰近香港仔避風塘嘅鴨脷洲就啱喇！佢哋啲海鮮高質素又好服務，包劏包洗，跟住上一層就可以交俾店家煮喇！我哋一向幫襯珠記，首先佢哋老實，價錢老實，做生意老實，煮法都老老實，其次佢近窗，可以對住避風塘個靚景，心情大好。今日適逢父親節，買咗六款海鮮，有龍蝦、鮑魚、蟶子皇、扇貝、墨魚仔、方脷交俾珠記，另加豉油雞、豆腐魚雲湯、金銀蛋莧菜、薑汁炒芥蘭。龍蝦（蒜蓉蒸）- 珠記啲豉油係自家調配，提鮮之餘又唔鹹，堪稱萬能百搭醬油扇貝（粉絲蒸）- 扇貝剛熟非常彈牙鮮味，真係多一分鐘嫌多少一分鐘嫌少！Yummy 😋 蟶子皇（豉椒汁爆炒）- 又係非常惹味，要加飯喇！鮑魚（陳皮蒸）- 鮑魚最怕蒸得又老又韌，珠記蒸啲鮑魚蒸得剛剛好，真係連阿婆都咬到！唯一可惜嘅係果皮唔香囉！墨魚仔（豉油皇蒸）- 墨魚仔連墨汁原隻蒸，淋上薑葱油同埋秘製豉油，鮮味保留之餘仲好Funny ！點解？食完馬上😁影相咪知囉！方脷（清蒸）- 方脷肉質嫰滑，魚味濃。用最簡單嘅清蒸就最好！豉油雞 - 新鮮肥雞配甜味豉油汁

忙了一整週，星期五終於放假，決定要食餐好幾犒勞自己，搭地鐵直接到利東站一出去就已經見到市政大廈，地點非常就腳。自從開左地鐵之後，珠記變得越來越旺（其實本身已經好旺哈哈），生意興隆好事嘛！珠記除左海鮮出名之外，叫左D香口既椒鹽鮮魷，呢個反而令我地有點點失望，因為椒鹽原來係另上比你沾，如果可以炒埋一齊就perfect，唔會一大口鹽啦！清蒸鮑魚，新鮮彈牙又大隻，入口陣陣果皮味，絕對絕對系值得一食再食既海鮮！作為珠記必點之菜：鹽焗奄仔蟹，果然無令我地失望，仲食到舔舔脷添！叫左兩隻試下，之後想再添食結果太好賣已經無曬了嗚嗚，唔緊要！姐係比機會我地再戰珠記各式螃蟹！！超級多膏，同時又係啖啖肉，加上些少鹽焗既天然咸香，喺口中蕩漾既鮮味真係難以言喻。珠記全部夥計都係自己屋企人，分工起來唔使出聲都知道自己崗位，配合咁多年天衣無縫，時不時都會抬頭睇下邊臺客有需要，服務態度好友善，唔會hard-sell，真心會希望客人食到最優質既餸，無論大時大節、情人節定係母親/父親節，香港人係咪都可以食海鮮，直接黎珠記，夠曬貼地又足料好味啊啊！

今晚一行六人食珠記聽就聽行多，個個都話好食今次就真係第一次食預早留左鮑魚，豉油雞同賴尿蝦好可惜去到珍姐話入唔到賴尿蝦唯有試下其他叫左椒鹽九肚魚，豉油雞，黑椒炸鮑魚，沙嗲金茹肥牛煲，豉椒聖子，油鹽水浸蜆，炒豆苗，豉油王炒麵，多到唔係好記得😂😂😂呢度必試既一定係炸鮑魚！好香口好好食，d鮑魚又勁大隻仲有個豉油雞夠哂入味，d肉又滑！嗌左11個餸，仲有海鮮，埋單先1800蚊左右好抵食！最好係自備酒水唔會另外收費好期待下次再黎食過！

呢晚又走咗去珠記度食。今晚終於有機會帶我兩位講咗好耐要去珠記嘅朋友去食。一行三 pair人，誓要去食到破紀錄。 （紀錄有一次2 pair食咗16碟餸）講番珠記先，其實我幫襯咗珠記好多年。珠姐為人好老實，海鮮夠新鮮夠足兩。價錢抵到爆，小菜獲氣又夠。我成日都唔明佢廚房咁細，點可以煮到咁多張枱，仲要碟碟熱辣辣大大碟。今晚食咗好多好多，不能盡錄。椒鹽鮮魷夠乾身夠厚身，送啤酒一流蟶子新鮮，炒蜆無沙。黑椒炸鮑魚係招牌菜，出面好少食到。正紅燒乳鴿好 juicy有鴿味, 沙田嗰D真係行埋一面。珠姐教最好開邊食，好個斬四舊。好介紹沙爹牛肉粉絲煲，咕嚕肉，煎釀雙椒，炸大腸，粟米班塊，個個都好出色。仲有個魚香茄子D咸魚香到呢。。。生炒糯米飯夠爽身。不過今晚過羊腩煲就麻麻地，D肉太瘦，汁太稀，失咗手。其實佢地嘅一碗白粥一碗湯米粉都做得好出色。好有 heart... 喺咁嘅環境食到咁高水準，珠記。PS:小弟建議直接去珠記叫海鮮，毋須喺街市買海鮮. 因為我唔覺得自己買D海鮮靚嗰佢同抵過佢嗰D。除非你係海鮮專家。

今晚约咗成班舊同事食飯，因為佢地係香港仔黃竹坑工作，所以選擇咗方便佢地嘅鴨利洲街市二樓嘅珠記海鮮飯店，因為要等齊人先点菜，所以飲住啤酒先，藍妹係大部份人嘅愛好，終於等齊人啦，睇完歺牌叫咗: 一個白均蝦，干葱抄蟹，清烝海上鮮，沙爹牛肉粉絲煲，紅燒乳鴿，白均蝦味道鮮甜，魚都蒸得唔錯，好滑，乳鴿都好香，最差都係嗰牛肉粉絲煲，汁太多，终結都還可以，希望下次來食嘅時候，會有進步。

鴨脷洲自從南港島線通車後，由以前交通不便一下子變成觸手可及。今日喺鴨脷洲大街附近做嘢，到咗晚上八點，街上餐廳唔多亦唔太吸引，就走去市政大樓搵食。以熟食中心嚟講，呢度比較的骰，得六個鋪位。見到珠記都唔少人幫襯，即管試下。隨便叫咗幾味海鮮，加大啤一支。潮式蠔餅，煎得脆口，蠔仔大粒而且軟滑無渣。蛋香比蠔味重，係大路嘅味道。椒鹽鮮魷，魷魚新鮮有彈性，切得夠厚所以有咬口。粉漿上得均衡。蒜蓉粉絲蒸聖子，肉質嫩滑，火候剛好。

雖然住喺附近，但係平時比較少嚟街市食飯，有親戚嚟到呢邊，諗住帶佢地嚟街市食餐飯，一共7個大人，3個小朋友。搵朋友訂咗枱，訂咗一條魚同兩隻蟹，條魚比想像中細好多，好細條，最多夠4個人食，呢餐食得唔飽，都食咗超過一千六百蚊，賣單又唔直接比單我地，淨係直接比銀碼我地，所以都唔知條魚同d蟹收幾錢， 但係我哋約略計算過，佢起碼收左我地7百蚊，真係好海鮮價。同埋呢度連最基本嘅豉椒炒蜆都有沙，懷疑冇吐乾淨沙，連續食咗幾隻都有沙，而且啲阿嬸 侍應完全沒有服務態度可言，寧願去酒樓食得舒服啲同仲低食d。呢度連半隻雞都要200蚊，真係仲貴過酒樓，完全冇雞味，又普通，食過一次就算，唔會再來。

今日係星期日，因為珠記不設外賣的關係，所以本來都擔心要等好耐，好彩我地只係兩個人，所以好快就有張細枱坐椒鹽鮮魷上菜的時候連阿姐都忍唔住話：好正一開始見到咁少椒鹽，已經諗緊係咪落錯單呢？因為另外有一個小菜叫：炸鮮魷但當我地咬第一口的時候，即刻明白晒，因為好新鮮呀！根本唔需要落太多調味料，我連跟來的醬汁也沒有點，因為就咁食都已經好好食喇京都排骨沒想到京都骨是用生炒骨的煮法，肉好瘦，最啱怕肥既女士雖然肉好瘦，但又唔會話好乾好鞋，因為無肥肉，我都忍不住一舊一舊咁放晒入口揚州炒飯炒飯比較乾身，不油，都係好啱怕肥既我，但對於比較重口味的朋友來說，可能會喜歡多油的炒飯吧？這餐飯真的好滿足，因為食到新鮮的食物，而廚師亦因爲食材新鮮，不會沿用平常的煮法去破壞食物本來的味道，所以我一定一定會再來呢

好日唔入黎鴨脷洲食飯，心諗大排檔應該都快靚正啦，點知叫四個餸等個幾鐘都上唔齊，叫佢寫菜又唔應又唔理，寫菜好似要求佢咁滯，態度又差，好似你唔叫海鮮佢就采你都儍咁，真係去任何一間大排檔都未試過係咁離譜，以後都唔會再入鴨脷洲食飯！

海鮮小菜夠鑊氣, 好味!自從鴨脷洲通咗地鐵後, 可能生意好咗, 所以珠記大排檔都要限時交枱, 我地一行七人(4大3小)晚上6:00到達, 已經講明要8點前交枱, O.K. 點餸時, 有位短髮亞姐已經好勞嘈, 4大3小叫咗4個海鮮4個小餸, 好快上晒;當時才6:45分, 見仲有時間, 朋友想加多兩個餸,點知呢位亞姐立刻鞋面話: 未必煮到俾你架, 剛才又唔一次落單, 你要8點前交枱架(態度差到無朋友)我哋答佢無問題, 結果都係好快上埋D餸, 大人食完, 小朋友仲有少少食緊.鞋面亞姐已經嚟收枱兼催埋單, 當時才7:25分.成餐飯, 果位亞姐無論上菜或收碟, 都係勞嘈, 黑面!明白你可能太多客, 做得辛苦, 但...我都係想開開心心食餐飯啫, 應該唔會再幫襯啦!

由大排檔到熟食中心，珠記都真係由細食到大，可喜係佢多年來水準依然，無因為賺夠而hea 我地。今日友人難得過來鴨脷洲，一於帶佢試下我嘅老朋友珠記。即日訂位，頭輪已經爆滿，結果要2030。2015到達仲要等下執枱，又有d 無品食客偷雞插隊，建議大家預早訂枱。食海鮮最重要係新鮮，死透嘅海鮮仲衰過唔食，今晚嘅海鮮就完全無lee 個問題。油鹽水蜆：清新，冬菜係亮點，佢嘅咸味係畫龍點晴。大家都有飲湯食粉絲。不過d 蜆就唔算大隻。鼓椒炒蟶子：肉厚，爽口彈牙。醬料啱啱好，唔會搶晒海鮮味，又令佢惹味左。椒鹽九肚魚：金黃色，炸透晒，做到香口鬆脆，食晒成條先醒起佢連骨都唔洗吐椒鹽瀨尿蝦：Lee d 野最好食梗係個殼啦，入晒味，啜啜下幾過癮。蝦身好多膏，啱晒好此道者，咬落去又多重口感。但其實我自己唔鍾意膏（淚），有無得order 無膏版先？菠蘿生炒骨：個醬酸甜比例恰到好處，好醒胃，可惜嘅係d 肉有d 淋，寶寶就不太喜歡，但我仍然食得好開心，菠蘿都唔錯，無用cheap 野。家鄉小炒：基本上係炒雜碎。腰果好正，家人就鍾意佢d 蝦醬同蝦乾，最估唔到係d 魷魚頭尾，細細條，但好彈牙，好惹味！！！白粥：無錯，白粥都要寫