瓏門小廚 (Closed)

知道呢間上海餐廳開左一段日子，今日終於有機會同男朋友來一試。一座底，聽到隔離枱個女仔話個酸辣湯好好味，我都心郁郁想試吓🙄。酸辣湯仲可以加拉面同水餃，正！就叫呢個酸辣湯+水餃試吓。個湯酸度辣度剛剛好，有點喜出望外，真系好適合我呢D鐘意食少少辣既人😋，平時一個人來食都可以，份量剛剛好👍👍！最讚既系呢到既醉雞，平時就算喺D大型連鎖上海店食都無乜雞味（仲有少少雪藏味😔），呢度碟醉雞有濃濃的酒味，D雞肉勁滑，同老闆娘傾多2句，原來佢話每日天未光就去揀新鮮食材，甘吾怪得知食得出鮮味啦！我男朋友就最鐘意食呢到既上海正宗擔擔面，幼滑麵條在惹味麻辣湯料中，伴著豬肉碎和蔥花，好快便食完一碗（注意：麵既份量都幾大份，我應該只可以食到一半😅😅）這裏的甜酸魚柳也值得一讚！個皮真系幾薄，魚肉結實鮮嫩！2個人食真係好飽飽，下次可以再同屋企人來食，試埋其他小菜。正! 👨‍👩‍👦‍👦💖

叫左個水煮牛肉陽春麵 味道都都ok既 但牛肉就少左啲但都接受 大概只有4,5片 另一個係嫩雞煨麵 雞絲少得可憐 成碗麵啲雞絲加埋都唔夠一塊牛肉片大 絕對無誇大 碗麵嚟到果陣 都唔係好見到雞絲 食之前我夾晒所有雞絲出嚟睇過 做咩改個名做嫩雞煨麵 菜同麵就多 餐牌不如寫菜麵配少雞絲 點解要寫嫩雞煨麵誤導客人 盛惠$42一碗 好離譜！好似比40幾蚊食淨麵咁 我問佢地員工 碗麵既雞絲份量係咪真係咁少 佢只係略略回覆一句「係呀 係雞絲嚟架」之後就即刻走左去 以後以後以後都唔會再幫襯！

極為惡劣嘅一次經歷，性價比奇差。圖文不符之餘且員工態度差劣。事源餐牌上列出 "嫩雞煨麵"，菜名吸引，故此一欲嘗鮮。誰不知菜送上時所謂嫩雞只有幾條幼如蠶絲嘅雞絲，搵完一輪先發掘到雞絲數條，驟眼睇仲以為係蛋花添！細問之下先知原來 "嫩雞煨麵"實為 "嫩雞絲煨麵"，何其荒謬。而醉雞更加驚為天人，五十八元換來五件雞塊仔，唔入味、賣相唔吸引、雞身冇肉。完全唔值得一試

因為趕時間，只係食咗45分鐘就走，都算快。叫左4樣野：1) 生菜：好多菜揀，出街食野黎講，最好係佢！不過同上海菜冇咩關係咁。。。2) 炸銀絲卷：皮唔脆，近乎韌。當然，銀絲都唔好預期真係絲，不過都算有一條條。3) 酸辣雲吞：得少少雲吞，湯都過得去，冇咩特別。4) 鎮江骨菜飯：如果菜多返少少會好D，同埋其實好油。D汁淡口左少少，D骨唔太有味。其實佢地咁新，本來係有D期望，就算食物一般，都以為環境同服務會好。點知見住佢地叫D客人坐去邊，真係有點汗顏。明明6點咁早就大把位，有一個人黎食既就叫人坐面壁既位。又有個客剛坐落話個位凍，講左幾次都冇人理佢，佢結果自己搵過個位。雖然佢地唔算冇禮貌，不過待客就真係有點得過且過。。。咁食物質素又唔特別好，環境又逼又凍，服務又。。。雖然大圍又好似冇乜上海菜，但唔知佢捱到幾耐呢？

想食下午茶，於是黎到這間試上海野，問一個男侍應？老闆？有無擔擔麵餐，他很晦氣叫我揀其他，態度很差，最後我揀了雞絲煨面，點知一大碗水仲多過面，稀稀的湯水飄浮左d菜粒，仲有得2，3條極幼雞絲仔的煨面就送上黎了，見到碗野嗰下，呆左。問女侍應點解，她一句野無講走左，再問男侍應，態度依舊差，仲話煨面係咁。我最後決定取消此order。奉勸各位食上海野大把選擇，無必要中此伏。

前排試左呢間新開張冇耐既餐廳, 見佢都有好多款既飯/麵, 仲有D小籠包生煎包醉雞既小食可以叫, 款款都幾吸引, 我就叫左個麻辣口水雞菜飯, D菜飯用左珍珠米煮, 雖然唔算太香菜味但個飯既質地都幾好, 米粒軟硬度適中. 不過碟麻辣口水雞就真係唔係咁吸引...望落口水雞份量都唔細份, 都有差不多6至7舊, 但我最重視既口水雞醬汁就煮得怪怪地...,以往食到好味既口水雞醬汁都係有花椒既麻味和香味, 但呢間既麻辣味就唔覺有, 食唔出有花椒味....反而食到豆豉或者麵豉的既鹹味...個醬汁上面有D花生, 芝麻同埋蔥粒咁..其實如果唔當係麻辣口水雞咁食, 味道都唔差嘅...又或者只係另一個口水雞做法而我未見過姐lunch包杯涼茶好似$43, 價錢都可以啦.

驚訝居然沒食評！因為自己吃得相對健康，午晚餐必定要有菜，但出外吃飯大部分餐廳都是多肉少菜，所以晚餐在這裡點了嫩雞煨麵看到有不少菜時非常驚喜！是切塊的白菜。可惜是湯底很咸，但尚算清，而且非常滾！雞肉份量也可但當然麵量永遠最多。價錢也合理，沒加一。有機會會再來吃！