甜頭甜品屋 (Closed)

雖然已經close左, 但都係想留返個食評先~呢間甜品舖d甜品真係好好食, 勁正! 最正係佢既木糠布甸, 到依家我仲好記得係咩味. 完全冇諗過一間舖仔可以整到咁好似既木糠布甸!仲有佢地芒果豆腐花都係我至愛, d芒果唔係一粒粒咁畀你, 而係一片片咁, 份量勁多, 次次食親d芒果都好甜! d豆腐花係勁滑架!! 真係好正..依家轉左手叫潤記, 但一啲都唔好食, 比起以前差好遠..

今日在學校,lunch time又冇食野...如常忍到放學,一心想試勻沙田區的甜品店,在openrice見到此甜品店做到一月尾,而自己又未試過呢間,就決定試下...門口貼住「本店營業至1月30日」,即係聽日...4點半,店內一個人客都冇,老板娘同兩個店員卻正在忙著...因為得自己一人,所以唔使落單,直接同老板娘講就行了...木糠布甸蛋糕好快出現在面前...從則面看,有多層,但自己卻冇真正數過...木糠香口,與香滑的布甸一層疊一層,層與層之間有點兒薄,死落卻唔係死實,似cheese cake的口感,唔太甜,但夠香...寂靜中又傳來流行曲,而不是中學生的閒聊...因為唔近中學建築群,所以放學唔見又中學生黎食,只見有人黎買外賣...雖然找到一個放學後食甜品的好地方,卻因只做到聽日而失去了...暫別此店,期待再臨...

上次有朋友帶來外賣木糠布甸，在讚不絕口聲音底下如蝗直捲，連紀念照片都沒有惠存。而得悉有關甜品屋快將關門，就趕過來標尾會吧。仍未開舖，但老板娘說可外賣帶走，其他的都不要，主要指定頭牌。仍是老水準，足六層的木糠布甸，麥餅磨成的粉末配上奶香味的布甸，幾分鐘已報銷掉，不愧是鎮店之寶。跟老板娘閑聊，得悉只是個人問題，想休息一下，非無良業主見好即加的問題。希望有機會江湖再見吧！

本身家住廣源,而且又鍾意食甜品wor,所以一個星期起碼都有一日會特登落去食!! 不過佢地竟然做到1月尾就唔做la wor!!! ai..真係好唔捨得! 佢地d木糠布甸真係好好味,我都曾經出去其他地方食過,但係始終都唔及呢到好味...我鍾意夠多層,唔似出面d木糠咁得一兩層!!!其實除jor木糠,都仲有其他好野食ga!~! 但係佢地唔做之後,都唔知仲有邊到可以食到lu....

一家大細去jor隔離大排檔食晚飯,之後就o黎jor呢度食甜品啦!~可能時候仲早掛,所以唔係好多人幫襯. 我地6個人有大有細,所以叫jor好多唔同類型甜品. 老人家當然食紅豆沙同番薯糖水啦,小朋友就食果凍,咁其他後生仔就當然食d特別野啦!!!因為有d甜品睇完個menu都唔明係d咩野,所以就捉住個waitress問清楚啦,佢地態度都好好,慢慢解答我地問題,仲介紹d特別甜品俾我地! 最後我地就order : 紅豆沙,番薯糖水,芒果果凍,烏冬涼粉,雜果豆腐花,同埋最出名gei木槺布甸蛋糕!!佢地效率好快,唔使好耐就有野食啦!~!~ 紅豆花同番薯糖水都煮得好夠時間,味道十足; 果凍就好似jelly咁,仲會加d鮮芒果汁上去; 烏冬涼粉& 雜果豆腐花都係有好多新鮮生果(聽佢地講,有九成九生果都係用新鮮ga!!) 烏冬涼粉就特別d,真係好似食緊烏冬咁,而豆腐花就真係好鬼死滑! 不過最衰就冇熱豆腐花啦....最後木槺布甸蛋糕就真係最正,抵佢咁出名! 不過如果你鍾意食硬身木槺,即係好似澳門版,咁你就唔o岩食啦,因為呢到d木槺布甸蛋糕係好似cream咁,一層一層舖上去ga! 睇得出個甜品師傅好有心機呢...

以往都有去呢間舖買甜品,每次都是外賣,但有次同小朋友去食(並非外賣),小朋友往洗手間洗手,水喉開大少少都比個大嬏姐姐鬧,落柯打及買小玩意時,那個大嬏姐姐仲話\"你睇唔到我做緊野咩\" 好似我地打佢\工咁。之後小朋友食到張檯有污糟,大嬏姐姐又話食到張檯污糟晒,其實小朋友只得三歲多,又怎會知到呢!結果4個員工望住小孩直至食完為止,其實佢\地咁唔想做,咪唔好做囉,唔使向D客人發老俾。

小瀝源好像只有這一家甜品店吧，剛好想食甜品，於是來試試。這裡有一些特別的甜品，我不想冒險，只試了最穩陣的西米露。西米露都幾好食，不會太甜，份量也足。有機會的話，再試試雜誌介紹的甜品吧。

到晚飯時間仲未肚餓, 就打算駕車去有小食吃的糖水店試一試. 去到八點, 無乜人客, 2個人叫了一個朱古力木糠布甸蛋糕, 一個紫米豆腐花, 一客雞翼(四隻)及一客燒賣(六粒).朱古力木糠布甸蛋糕- 幾好味, 唔係好甜, 不過因為由cream做成, 十分"留"紫米豆腐花- 糖水已預先落定, 太甜, 不須落黃糖也可以. 豆腐花不是像街買的一片片"but"出來的. 是制做時已放入碗內成形, 好滑但無乜豆味.雞翼- 又肥又大隻, 好入味, 抵食.燒賣- 普通街邊貨, 一般啦.總括黎講都叫中上水平, 可以再次幫親, 建議去隔離打完邊爐or食完飯, 再去食糖水. 而且環境好乾淨, 食得舒服!

其實我朋友早已告知我沙田小瀝源有間隱世甜品店，試過後真的值得推介。我很喜歡"木糠布甸蛋糕" 和"士多啤梨草蛋" ，尤其"木糠布甸蛋糕" 老少皆宜。因我很喜歡士多啤梨，所以覺得"士多啤梨草蛋" 好好味。其次是糖水亦覺得幾好，我問過老板娘糖水是真材實料自己煮。她們是家庭式作業，感覺好真和好warm，好多熟客。最方便係可以泊車(有多個停車場)，甜品店係中間，兩旁有幾間大排檔可以食完飯然後食糖水，好方便。點解九巴路線介紹食店嘅節目唔介紹這兒呢?

今日我地一行兩人去呢個小瀝源區覓食..目標係飯後點品!!本來見到咁多食評話果個"士多啤梨草蛋"好好食一心想試下啦...點知冇哂喎!!跟住呢個時候姐姐就話"因為呢排d士多啤梨唔靚呀"不過咁多人讚都應該係好野尼既..賣哂唔出奇既!之後叫左個"木糠布甸蛋糕"...同埋"朱古力布甸蛋糕"...兩款口感都幾好!"木糠布甸蛋糕"我較為鐘意...可能"朱古力布甸蛋糕"既味道比較濃d!!所以"朱古力布甸蛋糕"我淨係食左一啖,其餘就由我男朋友幫我執哂手尾!其後叫左個"果林刨冰"...賣相唔錯,但係冇乜驚喜!!比起好多間甜品屋既刨冰份量都係少左d...不過佢地心思撘夠..但係價錢上同呢客刨冰都有d距離..至於味道..就被刨冰下既"糖水"混和至甜冰(刨冰底部係係涼粉)..芒果汁既味道反而冇乜,而其他什果都係份量較少..種類包括有"士多啤梨、奇異果、火龍果、西瓜、芒果"大約都係呢幾款什果...PS:埋單60幾蚊左右...其實價錢都係麻麻滿意!!任何對價錢既不滿,都比果個"木糠布甸蛋糕"攪到鋸哂,因為真係唔錯架!!

早兩個星期二的一個晚上，和朋友到這兒吃東西，那天只有我們和另一檯客人，我們在點食品時，朋友先點了飲品，我還在想要點些什麼.......那位大嬸姐姐居然不肯先給我的朋友落單，還不禮貌地說：你地諗好要咩先，要一次過落單..... "......真不明白當時店內又沒有別的客人點東西，那些店員又沒別的工作(只是站著和其他店員聊天)，就算是忙... 那也不可能不給我朋友們先叫東西吧!!!這樣的服務....... 是不想我們再來的表現吧..............本想開開心心食糖水，怎知道換來的是這樣的待遇，還有那天很熱，但店內的溫度比室外還高........唉...... 雖然附近只得這店吃糖水，可能是不愁沒生意，但有些時候也可以給顧客好一點的服務吧!!!!>.<

我成日都會同我朋友黎呢間野到食架! ~ 我食過呢間野既唔少甜品~ 可以話係常客.. .=.= " 不過我最鍾意食既都係士多啤梨草旦.. .真係好好好好食架.. .不過$10 兩粒就真係貴左少少既.. .^^ " 跟住我又食過呢間野既豆花~ 豆花就冇乜特別喇.. .唔係話好滑~ 有一樣野好好既就係.. .個serive 方面一流~ 佢地著到好普通~ 入到去就好似去左人地屋企咁樣丫! ~

30-7-2005 1528這是我來自沙田的第1個食評，還要係比較僻既地方。在某一日呢度睇到有人在此出食評，於是返工之前，遊完愉景灣後還未夠鐘返公司前，搭下馬鐵後再係愉翠苑轉車入黎呢度，都幾方便，如果唔識入黎最好打電話問問先，答得都好清楚，因為有時都會係附近蒲。入到黎居已過兩點，但仍然未還開門，一心入黎，唔通就咁走咩，還有的時間，便上左去廣源村間大快活嘆報紙。過左差唔多一個鐘在落番去，終於都開門，一個人都冇，我諗呢度係以夜巿為主，附近應該隱藏左其他食店。在檯面雜誌的指引下，點了木布甸蛋糕及Pik Pak 朱古力，這個木如果不喜歡比較硬的質感，千其唔好試，不過都算係幾正宗的做法，味道幾香，我諗硬度不至於花花花在另一個食店中的食評形容法。至於Pik Pak 朱古力，係心型，黑及白朱古力係64之分，會比較甜一些，裡面裡有Pik Pak 糖碎，所以食落去時會有少少Pik Pik Pak Pak，幾得意喎。好可惜試唔到士多啤利草蛋，問過老細，佢話要1900後先至有，下次有機會再入過去試！後話：某日同已離開香港不久的網友傾開好仰慕我可以周圍去食野，還俾左中式豬油包的食店資料，我一定會試，目的只是增

草旦比較特別, 唔係次次食到撞o岩有得食既話, 真係要試試木糠布甸都ok好味, 傳統甜品就一般

haha...今次我又去幫襯lu....近期有個女仔fd生日,所以就搵呢間甜品舖幫我整個生日蛋糕啦! 估唔到只要早一/兩日通知就得la wor!!我個fd 見到個蛋糕都話好靚呀!仲叫我下次帶佢去食其他甜品tim...如果大家有興趣gei,不訪打個電話去問問啦!!!