田村麵包店

Open Now

Now Closed

平民化的西餅店,性價比高,約一磅重多,份量十足,蛋糕面除舖滿新鮮芒果片外,蛋糕頂更加添了密瓜波及提子,餅內竟再內藏芒果,真係估你唔到......喜歡吃芒果的網友,不可錯過。

田村麵包店，屹立深水埗多年，深得附近街坊喜愛；這裏的曲奇及牛油皮蛋撻，多年依然保持水準，雖然不算很驚艷，但比很多小店也要好，而且價錢非常超值(曲奇4安士只是 $16；1磅更底至 $60)。蛋撻$4.5/個，半打 $25，平均也只是4元多少少，而且不是迷你版本，食得自然更加滿足。經典嘅麵包皮多士，相信很多新一代也未必見過，還有很多傳統麵包，有空經過開，不妨一試！😋田村麵包店地址: 深水埗大埔道150號電話: 27777645

很喜歡幫襯一些傳統嘅麵包小店，不但價錢便宜、款式懷舊、用料更加十足，雖然未必每一款都好味，但用心的小店就是值得大家去支持，不要又到快將結業前才匆匆趕來一試！很喜歡吃這裏的曲奇餅，款式多價錢便宜是不爭的事實，雖然味道傳統，但質素往往比很多連鎖店更加出色。今次見牛油皮蛋撻都幾好，而且價錢$4.5/個或$25/半打，咁便宜又唔係迷你size，出面真係連三個都未必買到，最緊要味道都唔錯，咁仲有乜嘢好要求呀！當然如果係酥皮就更加吸引啦，但針冇兩頭利，一分錢一分貨嘛！田村麵包店地址: 深水埗大埔道150號電話: 27777645

鋪頭位於大埔道馬路口 成日經過都冇留意有咩買咁岩今日經過又唔趕時間就入左去買😋-唧花曲奇 23蚊半磅🍪曲奇攞上手仲係微暖😍即刻放一塊入口先啦入口即溶🤪🤪🤪忍唔住要食多一兩塊添牛油味唔算好勁 岩曬我好驚太重牛油味-懷舊雲石蛋糕 4.5蚊一件🧁5蚊有找大大塊 蛋糕密度高比好多鋪頭實在 奶香味濃👅不過個人唔太愛傳統嘅奶油😣題外話 店員態度麻麻😢可能當時接近七點趕收工我問幾多件蛋糕有盒 我住得遠唔想用袋裝佢地好唔耐煩咁答我 個到咪寫左囉！三件呀！咁我諗住買多兩件黑森林 Total四件佢都係搵個袋裝比我 細問下先知原來雲石蛋糕唔入得盒？！🤔🤔抱住巴士就到站嘅心態拿拿淋比錢走人好過😫

小人最愛吃蒜蓉深水埗食物麵包舖也不少但要講到我最喜愛嘅麵包舖莫過於此位置方便首先要讚嘅係無論行幾多次都會聞到香噴噴出爐麵包香味可能蒜蓉包比較突出的氣味所以每次都吸引到我買再講下個包香味濃郁的多蒜香朋友一定要買😹👐外皮少少香脆麵包體積不算少今日有吃了兩個作為我的早餐

去開深水埗，咁去買定d麵包返屋企食啦咁啱見到新鮮出爐嘅麵包又大個，又漲卜卜，又唔貴喎，3，4蚊1個包咁買2個菠蘿包同1個豬仔包返屋企食啦！菠蘿包個皮脆卜卜，好香口，麵包好鬆軟豬仔包大大個，鹹鹹地，包都係好鬆軟，抵食

3蚊一個菠蘿包, 3蚊一個豬仔包 ! 真係去深水埗真係先搵到咁平野食, 而且買既時候仲係去熱辣辣~難怪田村麵包店咁受歡迎, 有朋友住深水埗, 都話呢間店開左好耐,而且麵包, 曲奇, 蛋糕都係平得黎有質責 !!先講下豬仔包 ~唔係空氣包, 新鮮的包真係要趁熱食 ! 食落都飽肚呀 !好耐無食過菠蘿包, $3一個當然唔會係大個, 但都有大半隻手掌呀 !包面的脆脆好正, 好甜 ! 個一刻, 真係想加片牛油落埋去 ! 真係望落去已經好吸引 ~見到小店仲有其他包, 吞拿魚包, 腸仔包都係5蚊個, PIZZA 7蚊一塊,見到有出名的曲奇, 不過未有買黎試.其實好支持小店親力親為, 唔似連鎖店的模式 !下次再試其他款啦 ~

請同事食，買左朱古力味曲奇,牛油味曲奇,牛油味加藍莓醬曲奇各半磅其實一開始有問個呀姐半磅有幾多，佢就拎個細袋仔黎話一半倒，哇，我買完發現好大袋！！雖然平姐，但早知都係唔洗買咁多我覺得朱古力味曲奇最好，雖然唔係話好濃朱古力味，但都幾鬆化的而眾多同事就最鍾意牛油味加藍莓醬曲奇，話覺得個味好食，但個人認為比較硬身同埋個曲奇上果粒藍莓醬係乾ge唔太好味牛油味曲奇冇咩人食，可能大家都鍾意d特別野發現個呀姐喺我地總共買果一磅半之中，牛油味曲奇係佔多左好多，唔止1/3點都好，唔覺得d店員d態度差，可能我好彩啦~不過，我就唔覺得d野特別好食，係平囉

天氣太不隱定 一時天晴一時落雨一時大風一時又悶熱心情都被影響身在深水步既我見天陰陰急急腳回家路經一間平民化的面包店被剛出爐面包的香味吸引左於是望下有乜咁香面包店面積不大 包既款式亦唔多都係一些常見的腸仔包啊菠蘿包啊反而見門口有玻璃櫃放住四款曲奇喎(朱古力口味,蛋白牛油口味,藍莓醬口味同杏仁碎口味)$10 四安士$18 半磅一於買半磅試下啦除了朱古力口味之外其餘各樣要d啦見個阿姐好快手放左各樣曲奇落個白色膠袋度磅一磅就叫我比錢喇有無半磅我都唔係好知未返到去已經急不及待放一塊杏仁碎口味落口好想大叫「好鬆化啊！！！！！！」鬆化過藍色罐果個大牌子好多!!!!杏仁碎雖然唔多 但牛油味加上杏仁味 食過返尋味仲要唔太甜!返到去數一數都有成廿幾三十塊喎原來!媽媽同細佬食過都話正!

今日一個不愉快經歷，令我對呢間野既印象極差，一直都有聽人講過員工黑口黑面粗聲粗氣兼無禮貌，今天我好相信。早上十二時許，本來高高興興諗住買一個蛋糕一家人分享，去到門口發現想買的那一款$38元的蛋糕已售罄，於是便想問一問下午會唔會有得賣，結果換來的是一肚氣。首先，有一個女店員(看上去是大陸人)看見我想問東西，便立即調頭，裝作去幫另外一個女店員(看上去也是大陸人)，(當時店內沒有其他客人)，於是我便追上前問她下午會唔會有蛋糕賣，她只點頭。隨後，我繼續問大約幾點會有，她望一望我之後，不單只沒有理會，立即和另外一個女店員閒聊起來(當時店內沒有其他客人)，當時我當自己可能細聲，故此便大聲一點再問，這時她望也不望，說了一句很細聲的話便繼續閒聊，我<吓>了一聲之後，她語帶諷刺地說: 妳可以訂架(好細聲)。隨後，她問我幾點來取，我話大約五點，並問她如何訂(她所謂的訂)，誰知她又不理我繼續閒聊，真令人氣結!!!!!不知所謂!!!@~@ (可能唔想做生意，數目太少)正當我想走的時候，更令我氣結的是站在收銀機前的那位四眼男店員，他突然隨口 (也可能唔想做生意)但態度也不甚好的說，要食不外乎有兩

呢間野以前都會同媽媽一齊來買野食，不嬲都覺得佢地D包唔多款，不過味道同價錢又唔係太差先會買，不過我地之後都冇再買了，因為發覺佢地衛生唔好，又多烏蠅，但係因為蛋糕幾好，而且又放入雪櫃，應該OK，所以只係生日來買蛋糕。我因為生日諗住自己同媽媽去買個蛋糕啦，咁O岩見佢有包出爐，我就同媽媽一齊買，因為確保衛生，點知有個短頭髮的女人講:「點解要咁夾我D包呀，咁樣冇人要ga」之後就去夾左一個包，掉左入一個垃圾袋，又補一句「你地唔好咁浪費我d野啦」，我見到個包其實冇變樣，只係有一些包夾的痕， 如果要執著，點解唔執著下衛生，而選擇以差態度對客?

因為今日一個不愉快經歷令我對呢間野既印象好差雖然一直都有聽人講過員工黑口黑面粗聲粗氣會鬧人既, 不過唔太為意啦直至今日幫屋企人買蛋撻啦,去到佢話咁岩得2個, 阿姐話15分後先有, 咁就買住2個先啦, 同佢講左我30分後再黎買埋果4個,阿姐都有同我講好, 叫我轉頭黎, 我仲有問埋佢一陣係咪收番半打個price,咁我30分後番去啦,阿姐都認得我, 自己去執左4個比我,點知到收錢個女人就兇我啦, 話無d咁既事, 唔可以收半打個價錢,幾個員工圍我咁滯, 話我第一次去「無講到」要半打, 佢堅持要收單價收錢個女人仲串我話 『一係你唔好買囉』成件事我想講 我唔係為左2蚊而嘈 係佢地真係好無禮貌我唔係無理取鬧 我唔係屈佢地平比我 我亦都一早有講如果你本身係唔比客人咁買既話 點解一開始我問果時你唔講清楚?你可以比個建議我叫我一陣一次買6個平d佢地無不特止 仲要屈我話我根本無講過係要半打 事後先又同我講要一開始比曬錢講真 你一間舖頭開出黎 你唔訓練下d員工 有問題時 就話係個客有問題同埋可以為左一件小事咁樣對d客 做生意可以為左咁少錢 完全唔介意得失一個客我覺得真係好過份綜合間野各方面黎講面包款少, 味道

我都試過田村的蛋墶,唔覺有乜蛋味。啲蛋墶重比太陽曬住, 以衛生情庋同價錢衡量,唔係太化算啫。麵飽只是一般水準。店員嘅服務態度認真麻麻,唔知點解黑口黑靣! 我就唔會推介喇!

打算買包作早餐, 經過這店見到某些包$6有3個, 但鍾情提子麥包的我全選了長型的提子條因為多人買, turnover好快, 不停新鮮出爐, 所以買到的包都好新鮮提子不太多, 非常鬆軟, 有點在食風的感覺~好多人成盒咁買蛋撻, 見到是我愛的酥皮！下次一定要試！

又有蛋撻做tea。蛋漿好多，又夠甜，又滑；個撻皮鬆脆，不黏口，新鮮。牛油味同甜味都非常足夠。食2個都飽晒。