發哥粥底海鮮火鍋 (Closed)

• 羊腩煲 + 粥底火鍋🍲•💵Price: $268 pp-呢幾日氣溫急跌，最岩一定係打邊爐取暖，個日行開觀塘區搵食，見到個套餐都幾抵！有得食暖笠笠羊腩煲之外仲可以打埋個粥底火鍋，所以即刻試下係咪真係CP值咁高☝🏻佢個羊腩煲套餐係每人$268，包左個足料燉湯，焗青口小食，一個古法枝竹羊腩煲，七款固定預設既海鮮同牛肉（包括有鮑魚、蟶子、蜆、扇貝，魚同安格斯牛肩肉等），之後再可以自選八種火鍋配料，最後仲有各款無酒精飲品任飲。一個價錢，超多野食，非常豐富🐟🐠🐮佢個羊腩煲唔係好大鍋，不過個湯頭都幾濃郁，羊肉亦都幾軟腍，入口鬆化個種，唔會好韌同多渣，幾入味，加埋入面啲枝竹同冬菇索哂個汁，好食～食完個羊腩煲佢就會上個粥底邊爐比你，期間店員都好體貼咁黎換碟清走蜆殻之類，服務好好！最後打到咁上下，佢地會上返個粥膽比你，再比啲粟米粒你煮埋個粥食🌽🍲其實除左羊腩煲佢仲有個魚蟹餐同龍蝦餐，嗰度啲店員都建議我下次如果多人先食個羊腩煲，因為如果個粥底加埋呢啲海鮮去熬應該更甜更好食！🦐🦞🦀

行開apm,涷涷地想去打邊爐，喺openrice search 到有間海鮮粥底打邊爐，所以去試吓，喺apm行去都好近，入面座位好闊，坐得好舒服。佢地有自選幾個餐，首先我地叫個海蟹餐，呢d套餐包咗都好多海鮮，分別有蝦、蟹、卜卜蜆、多寶魚、帶子、聖子，鮑魚（2款選一款）、安格斯牛肩肉，仲有8款火鍋配料任選，非常抵食。2款餐前小食，花生同拍青瓜姫松茸燉雞湯，呢個燉湯好足料，大量雞燉制而成，飲落好濃郁。泰式焗青口，焗得啱啱好，唔會overcook,青口仲好juicy。出面有自家制嘅竹庶水，最特別有好多日本果汁飲品珍寶海鮮盤終於黎啦，d海鮮都好新鮮，鮑魚仲活生生，而帶子勁大隻，店員好清楚講比我地知，每樣食物煮嘅時間，好貼心。安格斯牛肩肉，好濃牛肉味，唔太見，入口即溶，而炸魚皮炸得好香脆。牛丸，爽口彈牙，台灣黑椒腸，甜甜辣辣好好味。滑雞件，好嫩滑，自家制韭菜餃，塊皮好煙韌，入面d韭菜勁多，好好食。最last緊係將d海鮮精華煮粥啦，個粥底有菜脯，芫荽同蔥，放落去煮幾分鐘可以食得，實在太鮮甜，忍唔住食咗幾碗。

冬天例牌都一定要打邊爐同埋食煲仔飯呢間之前舊年都食過，佢嘅服務態度令我再次encore～今次揀左海蟹餐🦀但其實佢仲有其他雞煲同埋龍蝦餐只不過今年仲未食過大閘蟹，食蟹嘅慾望多啲😂位位$248就包左基本海鮮同埋8款配料有埋冰鎮鮑魚、青口同埋燉湯～最尾會用湯底煲返個粥-佢地既食物份量完全夠食個湯底本身係米水～蟹係有橙膏🥳牛肩肉肉味濃！想再encore this!佢既脆骨腩都係真既（因為有d係扮😂）最尾個粥肉味海鮮味強🤟🏻所以想食邊爐但好多其他係一定等唔到位既可以黎呢間試～佢d staff好禮貌同埋換骨碟換好密🤚🏻

好耐都冇食過粥底火鍋啦，黎到觀塘Try Try一間冇食過嘅先～叫左個A餐，龍蝦餐，每位288包左每位半隻龍蝦，我地揀左冰鎮鮑魚，仲要包左好多海鮮，有聖子皇、貴妃蚌、多寶魚、黃金蜆、海蝦、時令貝同埋有安格斯牛肩肉！！！！！！仲有8樣打邊爐野食可以叫～～～野飲就係自己去拎嘅，有氣同冇氣都有～上菜前，仲要一人有一壺湯好正！！！開胃小菜都有2樣～每人兩隻焗青口！！！成個set好多野食，食到勁飽！！！野食都係好新鮮～又多！呢個價錢都真係物有所值！！！最後個粥底勁鮮味！！！ 多到食吾哂，打包第二日食～$288 兩餐XDDD

唔打唔撞搵到間質素唔錯嘅粥底海鮮火鍋，呢到招牌唔顯眼，可以話都幾隱蔽，而且佢冰室同粥底海鮮火鍋同時交接咁做，會估唔到冰室下都有粥底海鮮火鍋，仲要係好食！餐廳用心控制食物品質，務求保證海鮮夠新鮮，令食客食得滿意。注意⚠️想食的話要先預約啊‼️.一般嘅海鮮粥底火鍋都係先用蒸鍋將海鮮蒸熟，令海鮮滴出嚟嘅精華滴落底層嘅粥底裏面；而呢度嘅粥底火鍋係來自汕頭嘅食法，湯底使用米水，將海鮮直接放入整個湯底裏面烚熟，而海鮮即使放入水中烚熟亦都唔會沖走海鮮嘅鮮味，同蒸鍋都差唔多，米水感覺仲可以降火，所以兩者來講我就比較鍾意汕頭呢個食法，最後個粥底好食好多，味道更加鮮甜。.🦞龍蝦餐（$288）x2龍蝦真係好新鮮勁靚☺️☺️好正正‼️肉質皎白彈牙，鮮味十足，蝦膏好多好肥美🤤有誠意👍更不用點蘸醬油，原汁原味都好夠味。.包1️⃣開胃涼菜x2（涼拌青瓜+花生）燉湯 x2足料無添加味精，小小一盅湯裏面有菇、大大舊豬肉同雞肉，雞骨燉到一咬就散開，真材實料，好鮮甜，真係好好飲！😻蒜蓉泰醬焗青口4隻青口同樣新鮮，富海水味，肉質爽口鮮甜.2️⃣新鮮鮑魚 或 冰鎮鮑魚 2隻冰鎮鮑魚先用醬油汁煮製，磯煮鮑魚冇得輸，淡淡的醬油香提升了鮑魚的鮮味👍推

一間隱藏喺工業區，完全唔起眼嘅火鍋店，今晚食完之後充滿驚喜。老闆用心解說火鍋配料的食法，煮海鮮的最佳時間，實在令人陪感親切。今晚小編收工後一行二人點算了龍蝦餐，海鮮配料上枱後還很生蜢，生跳跳，勁新鮮。海鮮餐配料有龍蝦，鮑魚，蜆，帶子和其他貝類等等，雖然每樣得一人份量，但絕對夠飽，加上汽水櫃的飲料全部又任飲，絕對係大快朵頤餐廳座位闊落，抽風很好，唔會好似其他火鍋店咁，食完之後成身火鍋味，加上近排肺炎肆虐，保持一定嘅距離之外，令今家更加有安全感總結以300蚊內食到新鮮的海鮮火鍋餐，喺同區內絕對少有，而且飲品任飲，絕對係令人可以帶埋朋友修好輕輕鬆鬆享用，絕對推介。

疫情又爆發，約出街食飯都驚驚地但為咗見朋友，唯有盡量小心啲消毒雙手做好防護以為淨食海鮮鍋，原來有羊腩煲，朋友仔想食羊腩煲，但最少兩位起！好彩我地三個人，咁就揀咗兩個羊腩煲，一個龍蝦餐我最早到咗，6:15到達，全場一個人都冇！侍應亞姐就一早俾咗開胃小菜我啦⋯⋯青瓜好爽口，好食因為我見到飲品任飲，所以就問咗亞姐可唔可以攞嘢飲再慢慢等朋友，亞姐話當然可以啦有好多汽水選擇，但見到呢個咁足料嘅竹庶茅根即時就揀咗啦味道好好，唔太甜，夠清潤揀咗冰鎮鮑魚，都爽口夠鮮羊腩煲，睇落份量唔算好大咁，但我地三個人食都覺得好多羊腩都夠淋，最正梗係吸唒味嘅枝竹啦！啲馬蹄好得意，煲到縮唒水，但又好爽，同平時食嘅馬蹄質感好唔同燉湯好足料，味道濃又唔似有味精蒜蓉泰醬焗青口都幾惹味，熱辣辣都幾好食八種配料揀咗萵荀、蟹粉包心丸、韮菜餃、釀冬菇韮菜餃似手包，好食，餡多又香口，釀鮮菇都幾好食，第一次食釀冬菇嚟打邊爐，都幾特別包心丸就一般街市買嗰啲另外仲揀咗豚肉、肥牛、多寶魚豚肉冇特別，肥牛算係幾靚有肉香回家細心睇返個menu先發現冇聖子！好彩個扇貝係鮮甜好食冇損失到名寶魚都幾滑，可惜啲蜆仔有啲好多沙飲品都算幾好，有韓國有日本飲

一直都好想食粥底火鍋😍今日經過呢間，見有海鮮食即刻去試咗❣️海蟹餐 $248有冰鎮鮑魚😆超新鮮，肉質彈牙店員超詳盡介紹海蟹餐！一開始個湯係冇落任何調味！全靠海鮮嘅鮮味！啲粥仲可以煲到好綿，好好食呀✨黃金蜆超鮮甜，又大隻！✨聖子皇淥十幾秒就食得，超彈牙爽口！✨海蝦🦐彈牙爽口，好鮮甜嘅蝦味✨時令貝😋超大隻！！！✨多寶肉🐠✨安格斯牛肩肉🐮好濃牛味，食落好嫩仲配埋8款配料！真係好高質！我個人好中意韮菜餃，超足料！響鈴都係吸哂湯嘅精髓！可以任飲汽水，仲有竹蓆茅根，清熱解渴🧡

天氣轉涼 無論幾時都啱時候去打邊爐暖暖胃而發哥粥底海鮮火鍋係我一直念念不忘嘅餐廳一入座就有燉湯飲同埋有青口小食 好貼心🥰呢度一共有4款套餐海鮮粥底火鍋有3款 有龍蝦餐、海蟹餐龍蝦同海蟹都有嘅大胃王海鮮套餐仲有得揀食羊腩煲添首先可以揀每位一隻冰鎮鮑魚或者新鮮鮑魚裡面仲有7款固定嘅海鮮 包括聖子皇 貴妃蚌 多寶魚黃金蜆 海蝦同時令貝類 仲有一份安格斯牛肩肉每款都係人頭份量 啱啱好龍蝦好大隻 肉質彈牙爽口 好有驚喜🤩聖子皇非常鮮美 扇貝大粒 爽甜鮮嫩蜆同貴妃蚌都好鮮甜已經可以想像到個粥吸收曬海鮮精華有幾鮮甜🤤除咗以上嘅海鮮同牛肩肉外仲可以選擇8款鐘意嘅火鍋配料食曬火鍋配料後就可以請店員加粥🤤自己可以按喜好加入南瓜粒同芋頭粒加埋芫荽同蔥粒落粥底就更加惹味！！食之前可以加入埋菜甫提升海鮮粥嘅鮮甜味道😚真係好正 而且CP值高 非常值得一試

要數到港式打邊爐 早輪好出名倫哥 我終於搵到青出於籃嘅發哥！ 抵食唔在講 仲要佢啲海鮮新鮮到仲識跳 都係收丁$300 per head!打邊爐來講 環境唔錯呀 地方夠大夠闊 幾個朋友食足一晚好enjoyMenu 有款海鮮加粥底火鍋選擇 我地揀咗龍蝦餐 嗰餐跟咗燉湯兩盅 蒜蓉焗青口 同埋涼拌青瓜 除咗海鮮拼盤仲可以揀八樣食物 仲有仲有！！嘢飲係任飲 仲要連新鮮竹蔗茅根都係任飲！海鮮拼盤包括鮑魚 海蝦 卜卜蜆 聖子 魚鮑魚新鮮到佢爭啲爬咗出碟外！配粥底加少少豉油已經鮮味濃郁 個龍蝦仲新鮮到係咁跳 識落仲有膏 啖啖肉 真係回味無窮 聖子同埋顯基本上一陣已經食得 又係勁新鮮好味日本黑豚肉-完全唔鞋口 新鮮好食 豬味濃郁滑牛肉-唔算好肥 肉質淋稔 真係好滿足牛肩肉-賣相吸引 睇得出好有心機逐塊擺上去 塊塊大子厚度一樣 刀工一流 有別一般肥牛 唔會有成半脂肪 呢度既牛肉脂肪比例唔多 唔洗點豉油已經好好味 好易食下食下就成碟 但由於佢唔似肥牛咁肥 所以多食唔怕 題外話呢度既豉油係自己針的 中意辣椒蔥蒜自己決定 非常好 岩哂每人口味唔同自家製韭菜餃-有自製水餃同自家製韭菜餃 水餃皮好薄 睇到入面啲餡料

之前食粥底火鍋都係同朋友，原來女友一直未食過粥底火鍋，所以今日帶左女友去公司附近嘅發哥粥底海鮮火鍋。龍蝦餐只係$288，而且包埋前菜、燉湯、焗青口、甚至汽水任飲，每人仲可以叫八款火鍋配料，真係抵到爛😱前菜係涼拌青瓜同花生🥜估唔到食粥底火鍋都有燉湯🤩- 蒜蓉泰醬焗青口蒜蓉覆蓋曬成粒青口，加上酸酸甜甜既泰醬，滋味盡在不言中😋- 冰鎮鮑魚🧊鮑魚洗得好乾淨，肉質都爽口，不過配芝麻醬有少少怪🤨- 海鮮拼盤🦞拼盤有蝦、帶子、魚片、蜆同我最期待既龍蝦。龍蝦啖啖肉，肉質仲好肥美。蝦亦新鮮甜美，其他海鮮不過不失。我地煮海鮮之前，職員會詳細講解每款海鮮既烹製時間，確保海鮮唔會煮到老左👍🏻食完海鮮就可以打邊爐！我地可以揀八款火鍋配料，分量係二人份量，肥牛質素唔錯，蝦滑係自家製，肉質結實，味道幾濃郁。煮海鮮既時候，職員提醒我地可以先放入粥底、南瓜粒同芋頭粒。粥可謂吸收曬各種海鮮嘅精華，無任何調味料之下，粥底鮮甜綿滑，另外份量幾多，每人至少有兩碗份量。發哥海鮮粥底火鍋係我食過咁多粥底火鍋之中最抵食，海鮮質素中上，食物款式又多。發哥中午仲有超值午餐，觀塘打工仔絕對不能錯過！

白天冰室🥪晚上變身海鮮火鍋🍲放工約了同事觀塘打邊爐， 發哥粥底海鮮火鍋，日頭佢係做茶餐廳生意，晚上就會變身足底海鮮火鍋， 以新鮮海鮮為招牌，高質素價錢又唔貴一於試吓。店員招呼殷勤，知道我們鍾意食海鮮就介紹了 龍蝦餐給我們。每位$288 果然好優惠。時令燉湯套餐每位包一盅燉湯，新鮮熱辣辣，滋補養顏確實一流，最近秋風起真係暖在心頭。開胃涼菜兩小碟有我最鍾意食嘅手帕青瓜，呢度嘅鹹花生真係好脆好味道。蒜蓉泰醬焗青口青口鮮甜又唔腥，蒜蓉泰醬 甜辣夠惹味，每人兩隻少食多滋味。冰鎮鮑魚冰鎮鮑魚用料矜貴，最醒胃的前菜。龍蝦餐主食每位半隻龍蝦作主食，有氣勢的拼盤賣相。 蟶子皇、貴妃蚌、多寶魚、黃金蜆、海蝦、時令貝 豐富到不得了，經理推介說：為確保新鮮海鮮即叫即撈，好有heart！令我們品嚐到最鮮甜嘅海鮮滋味！安格斯牛肩肉特別提醒我們高級靚牛肉，果然特選安格斯牛肩肉，油花分布均勻，如雪花般的細緻油花分佈，油脂含量豐富，入口即溶。肉質鮮嫩，油而不膩。套餐真係好豐富，每檯仲可以選擇八款火鍋配料，花多眼亂你叫我點揀好呢？！高質素配料我精挑細選的有日本黑豚肉、鮮滑雞、滋補花膠⋯好味到停唔到口，值回票價。海鮮粥話明

好中意打邊爐 但打得多又想搞啲新意思 所以黎發哥粥底海鮮火鍋食個有好多step 好正嘅海蟹餐Step 1係頭盤 燉湯同焗青口小食 燉湯好有驚喜 超級熱辣辣仲好多料 但個青口更搶focus 用左磨得好碎嘅蒜蓉加上泰式汁黎焗 惹味又香口 做開胃菜一流 因為我愈食愈想食🤣Step 2就係重頭戲啦 打邊爐湯底係粥水黎 煮完啲海鮮就會變成鮮甜粥底 而家就要放個海鮮盤落去 入面有好多野架 鮑魚可以冰鎮或者新鮮2揀1 新鮮果款好勁 喺個盤上面都仲見到佢郁下郁下 煮熟左之後好厚肉 口感彈牙 好高質另外就有我地海蟹餐嘅主角 海蟹啦 一樣係鮮甜 多肉 仲有羔 🤟🤟 其實仲有好多大大隻又靚嘅海鮮 不能盡錄 🤪食完海鮮step3就係正常邊爐 可以自選8款邊爐料 其實突出嘅係順德釀冬菇 厚身冬菇加上佢地自己手打嘅蝦膠 多重口感 非常有特色😍食完成個邊爐 仲有個step4! 呢個時候 個湯底已經超鮮甜 加埋佢地一早準備好嘅粥膽就係一煲好綿嘅海鮮粥了 食埋個粥我就飽到傻左了 大滿足呀😝下次約埋一大班friend可以encore🤤

天氣開始涼涼地，又係食火鍋的好時機，早前相約一排無見的友人去了觀塘發哥粥底火鍋食粥底海鮮火鍋套餐。套餐主食一共有四款可以選擇，我地鍾意食龍蝦，所以點了龍蝦餐。先奉上開胃涼菜2款，包括花生和青瓜。再來時令燉湯1盅，可以滋潤一下喉嚨，啱曬愛飲湯的我。蒜茸泰醬焗青口，每人兩隻。龍蝦餐每人半隻龍蝦。鮮活鮑魚或冰鎮鮑魚二選一，可以每人選擇不同。冰鎮鮑魚肉質較彈牙爽口，與芝麻醬好夾。海鮮拼盤:多寶魚、海蝦、貴妃蚌、黃金蜆、元貝、時令貝類海鮮相當新鮮，龍蝦肉夠爽口彈牙，元貝和鮑魚夠大隻。安格斯牛肩肉。自選8 款火鍋配料。我地選了順德釀冬菇，日本黑豚肉，花膠，自家製韮菜餃，自家製雲吞，手打牛丸，炸響鈴和皇帝菜。當中最愛順德釀冬菇，自家製韮菜餃和手打牛丸。竹蔗水和飲品任飲。最後加上適量粥混入湯底中。這個粥必食，因為個粥吸收曬所有海鮮精華，我會加上冬菜和蔥粒，特別香和鮮美。這一餐相當豐富，一定要約好友再來食。

發哥粥底海鮮火鍋 (觀塘)觀塘成業街19-21號成業工業大廈地下1號舖今晚放工，朋友帶我到這裡搵食，位置都可以，在馬會位置轉個灣一直行就到，而這裡同平時食開嘅火鍋有啲唔同，就係粥底海鮮火鍋，但原來都有好多選擇，而朋友選了龍蝦，我就選了冰鎮鮑魚，還有自選8款火鍋配料，落單後好快就有不同食物上枱，時令燉湯先上，材料十足，入口潤喉，再來就係蒜蓉泰醬焗青口，蒜味夠加埋泰醬酸辣開胃醒神！火鍋配料都差不多一齊出來，生猛龍蝦開邊上，見到內裡充滿蝦膏，放在鍋內滾，肉質彈牙爽口鮮味，十分新鮮，而且夠晒蝦膏！而其他海鮮有爽口彈牙嘅聖子皇、肉質飽滿鮮味十足嘅貴妃蚌、爽口彈牙嘅海蝦、啖啖肉嘅多寶魚片等海鮮在粥底滾熟！當然還有肥美肉味濃郁嘅安格斯牛肩肉，真係好忙碌，不停滾！而任品就係任添，在自助位置取，個人覺得竹庶芧根都係一個唔錯嘅選擇！去到尾聲先係今晚嘅重點，同店員講就會將粥嘅配料倒進鍋內攪勻，個粥新味十足，完全夠飽，份量十足！另外牆上嘅裝飾都好有香港嘅特色！