發記腸粉粥品

Open Now

Now Closed

豬潤腸粉，炸兩，差燒腸粉，魚片腸，食過好多次唔同既腸粉，都好好味！肉係新鮮，冇果種放左好耐既怪味，豬潤大大舊，腸粉入面既料好多，好豐富！粥都係大大碗，材料豐富！食過發記既腸粉，去酒樓飲茶都唔會再叫腸粉！因為真係差太遠！放假唔知食咩就會去食發記腸粉😋😋😋睇倒佢既用心同堅持，所以多數都要排隊，但係值得既！已推薦比身邊朋友！

#發記腸粉粥品 我會覺得是港式全日早餐店，全日都有新鮮油炸鬼，腸粉，即叫即煮鮮滾粥等等。我很喜歡吃炸腸，即是腸粉包著油條，餡料超脆口😊 可惜今日售完油炸鬼(油條) ，唯有點其他腸粉，反正都非常好味。豬膶腸、豬膶粥是鎮店名物，我都品嚐過，所以我order 了其他。。。🔹蝦米鮮蝦腸 $20 腸粉一貫皮滑不黏，鮮蝦爽口再配上蝦米香蔥，還有靈魂的甜醬油，一個人極速吃完😋😋😋😋🔹鮮滑牛肉粥 $26 即叫即滾，鮮牛肉無得輸！👍👍👍

同朋友兩個人叫左炸両，同叉燒腸，蘿蔔糕，碟碟都大大份，幾抵食，不過我就覺得我蘿蔔糕太油，至於腸粉都好滑，都幾好食，而且望到其他食雞飯or粥，樣貌都好吸引，都會再去一試。

第一次見到粥鋪會有那麼多人在排隊，非常好奇到底有何吸引之處。門外排隊的元朗街坊都大力推薦。在門外見到他們手寫的介紹，提到他們簡單如蘿蔔糕亦是用心製作，於是決定要試一試。蘿蔔糕非常足料，有冬菇和臘肉，很有家庭風味。不過蘿蔔糕非常軟身，容易鬆散。炸兩和齋腸。這裡的腸粉口感非常軟滑黏韌。腸粉配上甜醬是絕佳的組口。炸兩亦是到粥鋪必食的，一次過食到腸粉的軟滑和油炸鬼的香口。艇仔粥，最喜歡吃裡面的魷魚。一碗份量已經非常多，而且用料充足，食到最後還有大量豬皮。偶爾來吃一吃粥，清清腸胃都是不錯的選擇。

天氣凍凍地，最好來發記粥店吃碗粥，是一間元朗有名的粥店。放工6點多來到元朗，外面已經有長長人龍。吹著冷風，等了差不多半個小時才可以進去。點了一碗豬潤粉腸粥和一碟蝦米腸，5分鐘左右蝦米腸就好快來了。蝦米腸入面有蔥花和蝦米，豉油很香，很好吃，伴粥一流。之後豬潤粉腸粥，我自己很喜歡這裡的豬潤，煮得剛剛好，不會很老，還保持肉的嫰滑口感。男朋友就很喜歡粉腸的咬口，發記將內臟洗得蠻乾淨，不會吃得有豬的內臟臭味﹗

雞粥超好味，好濃郁，仲有一層雞油喺面，雞肉好滑，粥底好綿。叉燒腸普通，無乜特別。午餐時間要排隊，但排得有道理，而且都唔需要等好耐，值得等。粥鋪嚟講算企理，但抹枱都算好求奇。

食品衛生差勁👎，員工服務態度惡劣，老鼠🐭店內四處奔走，價錢不合理，腸粉似一舊屎, 凍奶茶茶味超級苦澀和冰多過茶，食粥🥣好似飲涼水，座位迫又髒，調味品樽千年污穢極惡心。

發記一向出名同多人，再一次去食，水準依舊好先講主角：粥，要咗個魚片粥，首先每一羹“筆”落去，都會“筆”到魚片，好足料，之後個粥底，好香好夠味但唔係落咗味精，應該係啲米煲之前用調味料醃過，所以食落咁香不過，唯一要改善之處係個粥煲得唔夠綿油炸鬼夠脆全店最好食係腸粉，腸粉皮滑一滑，用料又足，蝦大大隻又爽口，仲有叉燒蝦腸呢個選擇，都係賣$20，一次過滿足兩個願望，啱晒想試多啲野但得一個胃既人最好係呢度既腸粉仲可以要求加蛋，加$5佢會幫你蒸腸粉前加隻蛋落去，食落更香，正呀~兩碟腸粉、一個粥、一個油炸鬼，兩個人食到好飽，都係$79埋單，抵食又好食，唯一唔好係坐得逼夾少少同無咩服務，但有好野食，都一定會再去食

我相信大部份喜歡吃粥的人都覺得自家煮的是最好。 家以外的粥店，我只喜歡 上環畢街生記。 前幾天到了元朗發記，好有驚喜。.等了10分鐘左右，我點了 魚腩粥 和 齋腸粉。當我講：齋腸粉唔要蝦米，店員回應：齋腸就係齋腸，蝦米唔駛錢咩！ 我偷笑了。 等待中，我想加豬粉腸，有點怕但都要求了。 店員看看後說可以，之後她在單上加了$12。 我心想$12 好似有點貴。.先送上的齋腸粉是滑的，份量很大。 粥的稀竭一流， 綿滑口感，魚腩好鮮甜美味，有三件魚腩兩件魚骨 （以為全都是魚腩。）至於後加的豬粉腸就太多了，但也好好好味道。 蔥多點會更好，薑絲一流。.喜歡吃粥的人去發記 應該一定會滿意食物的。

因為最近吃得太多熱氣野ge關係，忽然想來點清淡。男朋友就為介紹左呢間粥品小店，仲記得每次路過都大排長龍，今次都不例外大概晚上8點來到，已經要等10張枱，因為店面不大，所以很快就滿座。可能由於食粥ge關係，大家都好快就可以還枱。店員非常有性格，由於Menu貼在店外 所以排隊期間要諗定，一坐低店員會立即落單等左大概30分鐘被安排到坐路邊位置，座位比較不便因為太多人出入，有點危險。我地叫左一個叉燒腸同一個肉片粥，因為仲想掃街食小食呢叉燒腸 $17 評分6.5/10叉燒數量算多，不太肥，醬料在枱上自由配撘。略厭腸粉質地不夠滑，所以入口未有即溶感覺，而且食到較底部時不夠熱。如果能夠多蒸一回會更好。肉片粥 $ 評分7/10肉片多，粥底夠綿滑，一煲都夠哂2個人食。清清地 有時想食下粥 可以去一試。ps 呢到應該出名雞粥，好足料，雞件大份，下次再黎可以一試

本身病病地，咩都食唔落知道呢到有間粥鋪就特登一個人行過黎食坐低果下即刻落左單落單+送到碗粥上黎既時間大概係5分鐘因為自己一個，所以就開住部手機放係台面睇文章一邊睇一邊食，睇既同時無停過手一路食，自問都食得好快點知無啦啦有個女伙計同我講話：「阿妹唔好打機食快d，出邊有人等緊架」我真係無言就拿拿臨食完埋單走人我由食完到埋單都只係10分鐘，對面有人食得仲耐過我仲慢過我呢間鋪真係完全唔驚得罪客人真係未見過趕客走既鋪頭本身自己都係做飲食業但係我從來都唔會咁對d客一碗$25既皮蛋瘦肉粥抵係抵食，但係要受一肚氣走，咁計抵唔抵，自己衡量👋🏻

I love this restaurant. This restaurant serves very traditional Hong Kong food. The price is quite reasonable, around $40. So everyone can eat in this local restaurant. The staff here are very nice too. Although this place is a but small, I love the atmosphere here, very warm.

難得來到元朗，當然不是為看牛牛。而是為了去比元朗更山旮旯的地方，錦田，去我姐的家大鬧一番。大鬧之前，少不免要充補體力，而粥品容易消化，能迅速吸收，回復元氣。這檔粥品不是我誇張，顧客年齡平均五十以上，沒有精緻裝修、特色擺設，呃不了like，打不了卡，但是平實的味道，清潔的環境讓人投下信心一票。甫坐下，我即感到自己其實很可能也是一個心靈上的老人，年紀不大已愛上這些無牙食品。我點了一碟腸粉和一鍋粥，兩者份量十足，絕不欺場，也就撐得本老人胃袋滿滿。腸粉是鮮蝦叉燒腸，用的不是平日叉燒包內毫無型體的叉燒合成物，而是切切實實的叉燒。鮮蝦的份量也不少，蝦肉不霉夠彈牙，配合粒粒叉燒，可謂啖啖餸。腸粉皮尚算滑溜，但太厚，失去了腸粉輕盈的身影，使人十分飽濟，敗筆也！而我點的粥品乃是滑牛粥，粥底綿軟，牛肉量豐富沒有腥味，份量之大，絕對有超過四個飯碗的份量。不過，滑牛粥沒有太稠，喝下去時很自然的便滑進喉嚨，加上牛肉滑軟無渣，絕對沒有吃腸粉時的壓力。成功吃畢兩碟澱粉類，力氣滿滿，放下金錢，便開心到錦田打鬧去了。

在佳记甜品对面，和朋友点了炒面和炸两，各自一碗粥，粥很大碗，最后都没吃完，点的鱼片粥，店员提议拼蚝仔更鲜，好似47蚊港币，蚝仔特别多，所以吃不完，但很新鲜，好味；鱼片比较少，而且很小，一般；因为行完山过去吃，所以一直喝的粥，没吃料，粥用砂锅煲的所以特别绵绸吧，炸两大件但不脆，炒面也是普普通通咯，也算是街坊抵食的老店吧

放工入屯門睇車，當然係睇吾啱，妹夫專程車我地去元朗發記食雞粥。被新假期評為全港第一既粥店。阿妹經常黎食，聽講經常排長龍。好彩今晚等左一陣就有位。一場黎到，當然要食雞粥啦! 我地四個人叫左3個雞粥，再加雞飯，炒面，蝦米腸。雞粥好足料，係蒸好既咸雞 再加落粥底到煮滾，所以個粥好香，雞都好滑。不過我個人食野較清淡，對我黎講就有D咸。阿妹就覺得剛好。我老公吾好食粥，叫左雞飯俾佢。意為係蒸雞飯，原來係白飯加咸雞，都吾錯。不過好多好多雞食吾晒。另外有好多粉面，河粉，米粉，有雜燴或銀芽炒。我地叫左銀芽炒面，炒得好香口。阿妹話蝦米腸都好味，即叫即整，所以等得較耐。聽講元朗無人抄牌，街邊泊滿車，吾知真定假。