相撲手日式放題 (Closed)

訂左8.15台去試呢間放題，入到去，冇乜燈光，好大陣D"醒"味，人又吾多，但也要和後面台D人背對背，都幾吾舒服。D"醒”味係由加$買海鮮plan 嘅燒海鮮黎。一開始order, 緊係刺身先，有一樣野放落口係刺身蝦，幾好味喎。到第二樣三文魚，可接受，馬刀貝，但吞拿魚就。其他野身真係一般。接住吃生蠔，每人每次只可叫2隻，order 紙要問職員取。一提到D職員就起火。我地6人，坐張長台，每次職員放低食物都只放遠處台邊，要客人自己移去中間，若台邊滿晒，要客人放低筷子，幫佢地將D剛放在台嘅食物移到中間，再比佢地將新嘅食物放喺台邊。有次職員"扇"手，將食物掉左滿地下，佢當然好好咁將D落地下既食物銷毁，但吾幫我地落番單law. 食到尾聲，有人派白色一碟仔嘅甜品，話送嘅，問佢乜黎，佢話吾知，叫佢問下廚房，當然吾理人。放題當然不停入單，入十張黎七張，吾講有冇賣晒，總之吾黎。總括，$3xx/人，可選擇其他，冇謂阻住餐廳裡嘅員工發達。

終於等到男朋友放假，大家可以見下面佢接完我收工就帶左我去寶勒巷附近既放題，原來佢一早就book左位入到去已經見到就滿座，睇下餐牌先任食生蠔，不過每次最多叫四隻，食完可以再叫生蠔好大隻好鮮，味道不太濃，剛剛好刺身類，賣相一流！赤蝦好似手指禁粗，而且蝦頭仲有蝦膏帶子和長腳蟹都好鮮甜師傅送既刺身，好精緻好特別，入面係魚背刺身黎日式蟹肉蒸蛋，雞蛋好香好滑，蟹肉份量都好多雞腳雪耳湯，好足料呀！！超多雪耳，而湯都好甜，好似平時媽媽煲既住家湯左：燒多春魚，滿肚子既魚籽，好完整無爛右：燒茄子，超多既蒜蓉，好惹味，男朋友話有d辣，但我覺得岩岩好（愛蒜之人）燒鯖魚，完全無魚腥味！！依個甜品同樣係師傅送既，其實係椰子糕，好香既椰子味好多韓國既飲品，粒粒提子粒同韓國既可樂放題質素好高，又有任食生蠔同長腳蟹，師傅又送好多額外既食物，下次等佢放假再食過

每年父親節都要搵間好味既餐廳去感謝下爸爸上網見到相撲手好多好評，就決定今年去食啦位置都幾方便，尖沙咀站出行去大概五分鐘到我地就book左5:15時段，每位$238即刻睇下有咩好食先食物都有好多選擇，緊有一款岩你心水Round1當然係刺身，原條刺身船！好靚呀！刺身全部都好厚身，啖啖肉！食不停！創意壽司，壽司全部都好細件，一口一件，唔擔心食飯食到飽肚啦黑松露鵝肝同柚子芥末帶子都好出色，芥末夠攻鼻，正清酒煮大蜆，全部都開曬口，唔係死蜆煙肉芝士焗蠔，厚厚既芝士配鮮甜生蠔，無得輸超多牛油既粟米粒，我妹至愛鹽燒牛舌和海蝦，夠曬熱辣辣雪花肥牛鍋，肥牛夠牛肉味，唔會咬唔開最後就叫左西瓜消化下，好凍冰冰又夠甜，超好味，我地不斷嗌今餐放題全家都好滿意呀，食物無得輸，又多選擇，價錢又抵，下次全家再出動

之前嚟食過 感覺唔多好 不過有朋友推介 決定俾多次機會相撲手喇 嘿嘿 今次我地一行六人去呀 真係好興奮呢🤓🤗今次真係食到好飽 要捧住個肚走呢 哈哈一開始 我地就叫刺身先 基本上 叫嘅刺身數目都係齊嘅 咁當然有漏左嘅情況啦 我地有叫吞拿魚架 不過上枱時就無左😯😯講返味道先 刺身好肥美😍😍大多數都新鮮嘅 三文魚夠哂厚切同新鮮👍🏽😋帶子都有鮮味嘅 不過厚切返少少就好喇😊☺️有少少令小妹失望嘅係大甜蝦 雖然係好大隻 不過唔係好夠新鮮啵 仲有螺肉(有殻)個款 肉質夠彈牙 夠爽 不過食到有沙粒嘅😲😳但整體嚟講 係可以嘅✌🏽🤘🏽燒物類點了很多 有很多款式 哩度只係其中嘅一部分咋😍😋個人認為 燒物類較出色吧 哩度有羊架 辣味雞翼 燒茄子🔥🍆首先講下羊架先 小妹我都好鐘意食羊架嘅 哩度嘅羊架都唔錯喔 厚度不過不失 味道好香 燒得嚟仲有少少羊膻味 肉質適中 okay呀👍🏽👍🏽至於辣味雞翼 燒得好靚呀 同埋都幾好味喎🤤😋食嘅時候 皮都仲係脆脆地 肉質都幾嫩滑架 每隻都燒得好平均 味道有少少辣 不過哩隻辣度 不怕辣嘅朋友都可以食到 記得trytry喇😉☺️炸物類 始終都真爭咁啲 好似炸蝦天婦羅咁 蝦好細條 但炸粉

今天星期六下午放假，同事們想攪些活動，但由昨晚開始落雨落到現在，去邊都冇心情啦！其中有同事提議打麻雀，室內活動打風都吾怕，晚上食放題，好節目！我們就上左一位同事位於尖沙咀的屋企，打左半日麻雀，到時候食晚餐，就去左同事家附近的寶勒巷,一間叫相撲手日式放題，因為同事食過說：尼間有長腳蟹和生蠔食，一於食餐好的！店鋪位於樓上，可以搭𨋢或行樓梯上2樓就見到。首先是每人二隻生蠔，這個是一次性的。生蠔很新鮮，鮮味爽口！刺身新鮮，松葉蟹腳鮮甜、三文魚肥美，魚油甘香、北海道帶子鮮甜爽口、相撲手赤蝦超大隻，鮮甜彈牙，翡翠螺、北寄貝，馬刀貝，爽口又鮮美！香草燒焗羊鞍：羊肉入味吾會羶，肉質嫩滑多汁，十分美味！各款壽司即叫即做，壽司飯調味恰當，配各種刺身或熟食材都十分美味可口！鹽燒海蝦：新鮮的海蝦加鹽燒，鮮甜又惹味！芝士煙肉焗蠔：芝士、沙律醬和煙肉都很惹味，加在蠔上焗至金黃色，味道酸酸甜甜，蠔肉鮮甜，煙肉惹味，多重口感，十分美味！天婦羅虎蝦，外層酥脆，蝦肉彈牙：！牛油清酒煑大蜆：清香撲鼻的酒味和鮮甜的大蜆，令人食不停囗！最後送上每人一碟椰汁糕，味道香甜美味！

今晚因爲同同事farewell 去食放題,揀咗呢間相撲手,因為知道佢有生蠔食超開心有勁多刺身種類，而且都係厚切的，食落去口感非常正，而且生蠔都係無限量供應，岩哂我呢d生蠔愛好者特別欣賞佢用木盤裝起燒物上枱，感覺似係食西餐，令食物檔次提升(我係外貌主義者)另外佢哋仲有得用優惠價加配燒海鮮，因為我哋食唔到咁多野，所以冇追加，但係價錢平，海鮮拼盤都好吸引，餐廳仲會有職員幫你地燒埋海鮮愛好者不妨一試。整體感覺都好好，保持一向好的水準，職員收碟都好快，下次都會再去食

同一大班朋友去左尖沙咀相扑手食放題，8點半既時候個場唔full,亦都唔使等位👍🏾特別既係如果係入位前比錢，係會有9折架！大家可注意。我地一尼就叫左好多野食，好好既係我地叫幾多佢地就尼幾多野食👍🏾魚生好肥厚，但最出色既甜蝦！好大好肥好鮮甜，正！另外一樣十分出色既係d串燒，個牛肉串真係好好味，我地食左差唔多50串，好軟，口感一流❣️D壽司比較fashion, 我記得有一款係辣既，都係叫番d大路既壽司比較好～不過值得一讚既係d壽司係極少飯既，唔會話要你食幾舊就飽。而最開心既係我地係食既過程，侍應不停甘送d額外既食物尼！有任食生蠔！好肥美呀可惜無茄汁，但任食生蠔已可回本！ 仲有玄水餅！好驚喜呀！雖然甜品既種類比較少，但其實甘多野食都無咩quota 架啦，哈哈里間放題真係好抵！

見到又生蠔又蟹腳都係$298，諗住衰極有限就試下啦…限時2小時放題，不過有蠔有蟹腳2小時需短但照去馬，gogogo.... 一座底馬上點左8隻生蠔，蟹腳同刺身…生蠔望落都算大隻點知食落淡如水…完全無蠔味無咸味無鮮味仲有好多蠔殼碎，都算啦…點知愈食愈唔對路，食落仲有一陣怪味，唔識點形容就好似梳打水(梳打粉溝水)既味咁上下，食左兩隻就放棄唔敢再食！ 到蟹腳…又係無味淡如水般，蟹肉仲要係霉霉地$298比D咁既野不過唔好比…真係垃圾 成晚已經無心機無希望，唯有食其它野…但除左羊架叫ok外其它都係一般般…完全唔值呢個價錢！… 總結…不知所謂無誠意既食店，可一不可再！！

由於打電話話walk in有位，於是就嚟咗呢間試試。一到樓下就有職員帶我地上樓，然後推銷佢地新嘅燒海鮮餐，每人加多$48，但本身放題已經$268加一，所以最後都冇加到。一入門口有一點點店鋪嘅感覺，但係入到去嘅時候見到唔多客，仲諗緊因爲星期四所以少人啲，點知到開始食嘅時候就明白係咩一回事。首先食物嘅種類都算多，而刺身嘅質素都算可以，但係吞拿魚嘅味就有啲奇怪。最出事食物應該係壽司，啲飯揸到實晒，仲要應該冇落壽司醋，一啲味都冇，食落去相當奇怪，我諗係因為佢地已經做好晒放喺度，所以上菜嘅速度奇快，落單唔夠10分鐘已經嚟晒大部分嘢，當中包括炸物同串燒等，而其他食物都係一般般。相信再嚟嘅機會微乎其微。

放心，我唔係消失了，只是最近需要準備考試，所以封一封筆。 在考試期間也不忘要吃。 所以推介給大家這間刺身一流，款式一流，而且選擇也很多的日日式放題。 選單 ，分類得很好，很仔細，而且很多。 小編特別推介：就是這裏的大蝦刺身！！ 會來這裏食日式放題，也是因為掛念這大蝦刺身！！ 外間的日式放題很少會有大蝦刺身，多數是一個like送一隻，不像這裏，這裏可以任點任叫！就是大蝦刺身也值回票價！ 除了大蝦刺身外，喜歡吃三文魚的朋友也一定要來。 因為這裏的三文魚是厚切的，三文魚充滿三文魚肉的口感和香味。完全可以刺激視覺味覺和嗅覺！ 其他刺身也很正， 但我不詳細介紹了 ！因為我的口已經塞滿了大蝦刺身！ 這裏有不少壽司也是很有特色的。 小編專愛一些獨特的一口壽司。 溫馨提示：這裏的生牛肉壽司也是任叫的，小編覺得味道不錯！牛味濃郁！但因為不太習慣吃牛肉刺身，所以只吃了一件。 這店鋪很多食品也很有特色。 唯獨小編不太推介的就是生蠔。 這裏的生蠔，可能為了控制成本，生蠔不是太出色，可以說是沒有生蠔味。 生蠔可以點樣用？可以學小編用來打卡算了！ 串燒的

朋友話食放題抵,原因係佢食量驚人佢近期睇中左呢晚相撲手因為近佢公司,款式又多大量點心紙,實有野岩食~~~~雖然任食,但都有水準~~~~~魚生都OK,不會太差~~~~刺身算新鮮,帶子鮮甜~~~~~蟹粥好綿,有粟米海帶,又有蟹既鮮味~~~不過蟹唔多,所以味比較淡,清清地最適合放題食~~~~青魚,燒得好平均,魚肉唔鞋,~~~份量剛剛好,~~~熟食都OK,牛肉唔會太硬太熟~~~~雪糕款色比較少,有2款,朱古力同雲尼拿~~~~~大路口味人人岩~~~~~~~~~~~~~

大家如果了解相撲呢種運動的話,就會知道最高級別既選手係橫綱級,今次帶小胖女食呢間相撲手日式放題就台如其名黎到大致唔算好多人,因為未到晚飯時間,好快可以坐底,店內環境走日式風格,首先當然係睇點餐紙,基本上數得出既食物種類都係,由生食到熟食,刺身到串燒,鍋物天婦羅,連鐵板燒,生蠔都有,首先都係會同好多人一樣,頭一轉一定係刺身同生蠔先啦,食材非常新鮮,生蠍部份以放題級數係好大隻,而刺身亦都係非常厚切,串燒熟食方面,當然叫左小弟至愛,羊架出場啦,巨形級別,好大件,食兩件當堂飽哂食到咁上下,汽水雪糕呢d一定走唔甩,全場任食任飲,最後見到餐廳門口有個類似日式魚市場既表演台,唔知係咪有"湯"魚表演睇呢?食完後我地係立即變左相撲手咁款

好耐無食放題啦！好激動好興奮啊！！輪到8點半既時段！個肚已經好迫不及待！！ 😜😜😜 一到時間就沖左入去落order！勁多野食啊！！！一開波！緊係黎一打生蠔啦！好甜啊！！而且真係好新鮮！完全唔腥！似我平時少食生蠔！不是特別好的都食左4隻！！👍🏽👍🏽👍🏽D刺身好新鮮！！特別帶子三文魚！！超爽！！！😛😛😛推介翻燒菠蘿！！真係超好味！！超甜啊！！！我一個人食左6舊！！唔係誇張！！係真係好好味！！好甜！！😍😍野飲種類都好多啊！！而且服務員態度好好啊！環境都好舒服！😋😋仲有個番薯天婦羅！！超級無敵可愛！！細細粒！又好甜好糯！！平時食天婦羅好滯！呢個真係好正！食極都停唔到！！🦂赤蝦都好大條啊！！！！D刺身都好厚切！好肥美！！老闆都比足曬料！！下次要再來！！真係太無敵好吃！任食又有咁既質素！！唔係間間都做到架！！相撲手果然好有實力！！👅👅真係好好味啊D野！！

呢段時間讀書做野樣樣忙 忽略了女友。終於有時間可以喺百忙之中抽到時間，出嚟陪女朋友一齊出去食餐晚飯， 去尖沙咀行下行下街，諗唔到食乜好嘅時候，就上咗openrice 睇到呢一間相撲手日本放題，而我女朋友又鍾意食生蠔同埋日本刺身，就搵到一間價錢中等，又有我同我女朋友都鍾意食嘅生蠔同刺身，就啦啦林book位。我哋簡咗20:45時段入場，坐低之後睇吓order紙，就見到寫明有松島新鮮活蠔任叫😬每人每張只限叫兩隻，我女朋友就即刻好開心叫定第一輪嘅生蠔，黎到都冇令我地失望，生蠔清甜新鮮，落少少檸檬汁已經好夠，我哋當然keep住嗌。之後就到刺身啦，有大大隻赤蝦、好肥既三文魚、鮮甜帶子、仲有松葉蟹腳，新鮮厚肉，我女朋友都食到笑晒口要再叫！壽司方面，我就最欣賞花之戀，成件到鋪滿蟹子！停唔到口！食夠凍野，就到熟食啦，我就點做我自己最鍾意食嘅牛，原塊鐵板上，有薯角做配菜加上蒜蓉汁，我的摯愛！仲試左蒜蓉燒茄子同烤多春魚，亦係無可否認嘅惹味，女朋友就點左芝士焗生蠔同牛油清酒煮蜆，加上芝士嘅生蠔，有另一番嘅風味。總括黎講，我同女朋友都好滿意，今次揀嘅呢間放題，質素高服務好！第日放假都會想再嚟過。

平時買開衫既鋪頭，由屋企樓下商場鋪，搬左去尖沙咁樓上鋪，適逢換季，就趁放假出去走返轉，雖然而家資訊發達，想買咩上網篤一篤就送到屋企，但我都偏愛睇實物，咁先夠貨真價實。因為幫襯多年，同店主已經好熟，猶如朋友，買完野傾傾下就到關店時間，店主話book左枱食飯，問我有冇興趣食日式放題，我當然奉陪啦。餐廳位於寶勒巷，位置都算就腳，上到去感覺好舒適，日本和式裝修，微黃既燈光，配以木枱木椅，以卡位為主，地方闊落。一坐底，店員送上燉湯一盅，清甜滋補，有微微沙參味，唔錯。研究緊點菜紙之際，突然鐘聲響起，原來係即寫劏即切刺身表演，大大條黃鰭吞拿魚，師傅手起刀落下，好快就成為一片片新鮮既刺身，每位客人兩片，新鮮切出黎喎，當然鮮甜爽口，非常美味啦。點菜紙都有近十張，前菜、卷物、刺身、壽司、鍋物、天婦羅、串燒...真係應有盡有。卷物同壽司都唔錯，其中芝士三文魚小卷最驚喜，面層芝士燒到微焦，同上卷內配料夾埋，口感清新唔會膩，我平時不太喜歡芝士都覺得好食。值得一提係，呢度有生蠔食架，我好含蓄，食左半打啫，話晒第一次同人食飯，唔敢太奔放...生蠔隻隻都脹卜卜，入口一爆開，好鮮甜，好香海水味！基評分: **味道(基基