真美味 (Closed)

在這間坐落在亞皆老街交界小食店， 在旺角黑夜最混亂的情況下仍然堅持營業，其服務精神令人讚嘆。為了之前買了一串黑椒牛丸，其實並不平宜$20，牛丸一串有四粒，很細心地每粒都切一半，有點辣，好像加了胡椒一樣。牛丸唔硬、唔黐牙，不過冇乜牛味。新嘗試 － 胡椒牛丸。

呢間小食店 點解可以仲未執點解魚蛋都可以難食成咁 又腥又臭又林 冇口感之餘又冇咖喱味點解燒賣係臭裡面係凍30蚊兜魚蛋 食一粒 掉都掉唔切呃自由行冇所謂 小店要賺錢絕對明白但啲食物 最基本要人食得呀其他本人未試過 但奉勸各位 好肚餓都唔好幫襯 買完即掉就樓上都有joliXxBex再唔係行多幾步 登打士街 都有排你食

夜晚行過好肚餓，想起旺角有不少街頭小食⋯⋯路經呢間「真美味」既門口，雖然行過聞到氣味唔係幾香，唔算咁吸引，但太肚餓既原故都好想買少少野食。全間舖都冇標價錢，所以啲食物賣幾錢真係任啲阿姐開口up。冇標價錢記得要開口問下，而我問格仔餅幾錢，天呀，竟然要$20！聞所未聞有咁貴既格仔餅！再望一眼啲格仔餅，似係放左好耐，因為肉眼睇到覺得淋！回想起有次開口問煎饟三寶幾錢，又係一口開價$30！我同佢講減半先至$20 /4件，無奈地買左，但係唔好食，肉同茄子都得分開又何來鑲？總知大家千祈唔好幫襯呢間舖，餓都要忍住！

所有食物無標價錢，叫左份雞蛋仔竟然要$20，又唔係好食。我買完之後隔離有個女人叫格仔餅，佢聽到$20都呆左咁望住我，我話我都係叫左先知咁貴。以後買野一定要問定價錢真心中伏

琴日太肚餓想買串魚蛋同魷魚食住先去左呢間野..........無睇價錢諗住都係甘上下叫左魚蛋同魷魚，佢收我$20心諗：都幾平啊點知比完錢佢淨係比一串魷魚我仲好串甘話要魚蛋就要比多$20服務態度真係好差今日同同事講起先知佢出名係伏佢態度真係好差啲魚蛋又張漲哂甘如果唔係太肚餓我係唔會叫既隔離有對情侶聽到都o哂嘴我覺得佢甘做生意真係唔太好囉仲要係人流甘旺既區做得好食自然會多人幫襯喇唔會有下次...中伏首選

伏店~伏店~伏店~重要野要講3次 !! 冇價錢牌 價格偏貴 極度難食 魚蛋冇味 臭豆腐唔臭 店舖唔清潔 服務差 廣東話唔正 見過最伏既店 !垃圾中既極品 !大家請勿中伏 勸喻大家唔好幫襯 等佢”汁粒” 間野簡直影衰香港

前一排發現佳記小食唔見之後，開始心心念念想食臭豆腐(果然人都係要失去咗先至會珍惜)。是日遊蕩于旺角街頭，眼前一亮，有一間賣臭豆腐嘅小食店喔！口快快要咗一份過下為食癮。但係一打開個紙袋即知中伏。本應黃金燦爛臭味遠飄的臭豆腐點解會變成一塊黑磚？加咗蒜蓉辣醬后咬一啖，哇，塊磚果然系堅嘢喔。將臭豆腐燒成磚足以見得該真美味店家的地獄廚神功力。又唔臭又唔酥的臭豆腐有乜資格存在于人間?於是我將份嘢送入垃圾桶中。

數年前，網友發現了一間魚蛋店竟要索取天價而令媒體大事報導，到了今時今日，我去吉左兩串野食才發現，openrice竟然沒有此《真美味》分店的 record。那，我就不客氣地要寫首名入球了。魚蛋沒有食了，我反而食了一些極邪極惡的小食，而其中一樣，就是炸大腸。我可以說，這不是我食過最肥美的炸大腸，但味道也是夠濃郁的，而且我仲覺得味道大咸。另外，拿在手仍看見大腸內外有油在冒泡，此時此刻，我 feel 到邪惡在我身邊。更邪惡的，就是我手中的另一串食物，是煙肉卷腸，拿出來拍照時，也是有油在冒泡，入口，煙肉十分之香，腸仔也同樣的香口，總之，這是一個啖啖肉的炸物，卡路里萬歲。好食，街頭小食實在是好食，但因為大部份都是高卡食品，所以，在此我要同大家說，不要多食，不能日日食。