真‧章魚無雙

Open Now

Now Closed

星期日一點鐘到旺中行一行 見唔係好多人排隊就試試 順便去清玉買杯茶既時間 個章魚燒就拎得啦🐙🩵大阪風味 蜂蜜芥末 雙拼章魚燒 $41一擺入口我已經有心理準備係會熱到癲咗 會食到係咁哈氣🙃點知係冇既 落去其實係熱嘅程度，但係真係唔係超級新鮮熱辣辣嗰隻 入口嘅熱度係啱啱好嘅😚大阪風章魚燒🐙係香港食開既口味 每粒都有at least 3粒章魚 都幾驚喜☺️蜂蜜芥末味係都幾甜 但完全滿足到想食碳水化合物既心❤️另一個開心位係仲有好多鰹魚碎😗

呢間章魚無雙有好多分店，之前聽人講呢間係全港最好食既章魚小丸子ॱଳॱ咁西利今日就要黎試試佢！✰⋆🐙黑松露拼明太子章魚燒 8粒 $47去到大排長龍之餘加上即叫即整，都等左15分鐘左右先有得食⌛️咁多款入面，我哋揀左黑松露拼明太子！黎到個章魚燒既賣相好吸引，滿滿既黑松露同明太子醬，聞落好香而且味道好濃郁，章魚燒外皮燒到金黃香脆，每一粒章魚燒入面都有大大粒嘅章魚塊，好足料👍🏻配埋濃郁既黑松露同明太子醬，味道非常出色，每一啖都好滿足😍旁邊既木魚絲份量亦都俾得相當唔吝嗇，同章魚小丸子一齊食好有口感🤤整體黎講，呢度既章魚燒真係好值得一試(๑´ڡ`๑)✰⋆

每次你親旺角掃街 必食一定係呢間章魚燒雖然每次都大排長龍，但係都會肯去排 因為真係好好食🥹❤️- - - - - - - - - - - - - - - - ❤️黑松露章魚小丸子我本身都係黑松露迷 每次見到同黑松露有關嘢都好想去試吓 呢個小丸子嘅黑松露真係比得好多 喺多度見唔到個章魚小丸子添 可想佢嘅黑松露油有幾濃味我自己一個一次可以食三粒 特別係以啦啦咁食係超好食 佢嘅章魚小丸子上面仲有啲木魚絲 成粒擺落口真係勁滿足 間唔中食吓都好開心🥰🥰

用咗咁耐OpenRice都未試過寫評價，呢一間真係第一間服務態度差到要寫。本身之前都食過章魚無雙，今日見到旺中都有就諗住買返份雙拼外賣。去到落單俾錢嗰時個收銀員已經西口西面。咁我都好聲好氣問反佢關於收費啲野，距就已經反晒白眼。真係唔講以為自己俾錢買難受。下次再去到旺中都唔會再幫襯。

今日打算去買啲章魚燒返屋企食，一開始落單店員西口西面話冇八達通都算，一落單嗰陣已經名言話拎走唔洗袋，都冇話要加$1，到取餐嘅時候比個堂食冇蓋嘅盤我，我話我外賣，同我講轉外賣盒要加$1，荒謬至極，明明係店員失誤仲要客人承擔，唔會再幫襯！唔知係咪多人食所以越嚟越寸，幾好食都冇用！

星期二夜晚唔太餓買一份6粒明太子食下唔知係盒太大定你整得太細啦以為物價高整細粒d慳成本又只收現金點知星期四去太安樓食同一間人地正正常發揮差別都好大下咁樣做生意唔怪得人人番大陸消費

章魚無雙係每次一講起章魚燒我都會推爆嘅食肆！甚至覺得佢比日本嘅章魚燒都好食，好符合港人口味！佢除咗係醬汁分量足夠，章魚粒嘅size亦一點都不孤寒，價錢方面都算親民，掃街口痕就一定會去買返一盒。份量有6粒或8粒選擇，而口味亦可以揀單一款或雙拼，貪心嘅我通常都係揀8粒雙拼大滿足！旺角呢間分店見佢通常只收現金，同埋最好就準備定散紙！我自己個人每一次叫都會揀明太子😆私心最愛！雙拼會揀黑松露或蜜糖芥末，反正就係每款味道都好出色，所以點拼都岩心水。落單後等大約10分鐘內通常就可以拎，拎上手熱辣辣，即刻就行去立食區啦😂不過岩岩整起真係超級無敵熱，唔建議成粒放入口。新鮮出爐章魚燒外皮仲係脆卜卜，內餡軟綿綿，章魚大大粒，配上足夠嘅沙律醬兼明太子醬，加埋木魚碎，口感同味道層次十足，令人愛不釋手！好快就食晒仲覺得意猶未盡🥲🥲🥲不過再叫就真係食唔晒，過咗口癮下次經過再食！

如果問我每次掃街會食啲咩 一定係章魚小丸子🐙平時一般都係食呢兩隻味🔥依家介紹俾大家！【雙併8粒——蜜糖芥末味+黑松露味】 $48我唸香港最好味既章魚燒應該就係呢間😙成日都大排長龍！食落外脆內軟😆粉漿感唔重～食落好足料🔥有原隻章魚喺入面🐙每粒都大大粒😙醬料都係精華 有好多沙律醬、木魚！搭配埋一齊食💯蜜糖芥末味食落甜甜地 同沙律醬融合得好好 夾埋木魚一齊食perfect🔥黑松露味就有驚喜！我係一個唔太好黑松露既人都覺得好味！啱啱拿到就聞到一陣好濃既黑松露香！落料絕對冇手軟😆大家可以試吓🔥🔥一個人食一定好飽🤣建議要兩個人share食哦❣️🔔溫馨提醒：嘢食拎上手熱辣辣🔥趁熱食之餘還記得小心熱親條脷啦❤️‍🔥😋：9/10性價比：9/10回頭指數：9/10📍章魚無雙旺角彌敦道688號旺角中心第一座2樓SB02號舖觀塘協和街33號裕民坊YM² 1樓裕民里1B5號舖西灣河筲箕灣道57-87號太安樓第一街A25A號舖尖沙咀厚福街7A號地下D號舖深水埗欽州街37K號西九龍中心1樓111B號舖葵芳葵富路7-11號葵涌廣場2樓C07B號舖天水圍天湖路1號嘉湖新北江商場地下A88號舖#邪惡之選 #章魚燒 #章魚小丸

第一次係太安樓食過都已經回味無窮今次黎到旺中食都無得輸我覺得最好既係可以雙拼，一次過食曬自己想食既味今次我就簡左明太子同蜜糖芥茉落醬方面一D 都唔吝嗇，每一粒章魚燒都會有滿滿嘅醬蜜糖芥末方面唔會話好辣，仲有甜味同芥茉好夾明太子方面，之前有食過有D 明太子會有辣辣既感覺，但呢隻無，簡直令人食上癮

第一次食章魚無雙係佢初初喺葵芳廣場開店，當時已經覺得好食好足料！後來佢再喺旺中開新分店，經過一定會諗起佢～係爭在睇吓嗰日心情想唔想食章魚燒🤣∝✨ 蟹膏章魚燒 $39/6 $45/8雙拼加$2蟹膏係每次必食嘅，鍾意食蟹膏嘅朋友一定唔可以錯過，佢嘅蟹膏章魚燒夠香夠濃夠多醬！啖啖都好滿足！而且每粒章魚燒入邊都有一至兩粒章魚，夠晒足料！今次同朋友食揀咗拼蜜糖芥末，感覺冇葵芳商場咁濃味，食過咁多次始終覺得葵芳商場嗰間質素高少少，但係去開旺角想食章魚燒嘅話都係會揀佢😛∝🪟真‧章魚無雙 (旺角)旺角彌敦道688號旺角中心1期2樓SB02號舖🏷️#chubby_mongkok

通常想掃街嘅時候第一時間就會想食章魚燒章魚無雙都食過好多次通常食葵芳分店或者旺角分店個人覺得旺角分店做得比較好因為佢個章魚燒會做到外脆內軟入邊嗰個章魚粒好足料大大粒好好好有咬口食過幾隻味 比較喜歡嘅有蔥花章魚燒大阪章魚燒（即係原味）&蜜糖芥末味章魚燒肚餓嘅時候可以自己一個食晒成盒8粒有時就會同朋友share一盒覺得旺角店嘅水準都keep得幾好唔錯所以想留個好評俾佢支持下同埋唔知係咪食慣港式口味有時去到日本食章魚燒反而唔係覺得差好遠

旺中樓上好多間小食店，今次想食小丸子，好多口味選擇，就揀左真·蜜糖芥末小丸子試，可以揀6粒/8粒。即叫即整，食既時候仲係熱辣辣～入面真係有粒章魚咖，好好味。如果可以大粒d就好～～～叫左6粒唔夠喉….

旺中有個corner 仔，有好多小食店，次次行過都好多人排隊，同埋企係度食。依間章魚燒係最入面，又最多人排，一定要試下。章魚燒有好多口味，係上面加啲配料，又可以雙拼。因為係即叫即整，要等耐少少。- 真 * 蟹籽章魚燒 (8 粒)超多蟹籽放係上面，係放滿曬，仲有兩隻色，賣相好吸引。下面有基本既醬汁，沙律醬，紫菜，柴魚片，次次食覺得啲柴魚片郁緊。章魚燒外脆內軟，熱辣辣，仲有粒大章魚記得一定要趁熱食，如果唔係會淋咗。

呢間香港人掃街必食嘅章魚燒都唔洗點介紹了🤣食左無數次蜜糖芥末，男友話要支持下其他款唔知點解今次嘅木魚俾少左好多😔不過入面食到大大粒章魚仔補返數明太子醬都好夠嘅 不過個人都係最鍾意蜜糖芥末味🫶🏻

章魚燒即叫即整熱辣辣 面頭有輕輕燒過 令外皮鬆脆 食落好香口 值得一讚入面嘅章魚大大粒 食落粒粒分明 好有咬口 醬汁方面 明太子用料豐富 味道香濃帶點微辣 食落好惹味 但係醬汁較多 令味道偏鹹 加上木魚絲較少 食落有啲單調