石之牛石板日式料理 (Closed)

今日同我爸爸媽媽約食飯，因為工作關係所以都係喺返爸爸媽媽屋企附近搵餐廳食，我媽媽就推介俾我話去食石之牛石板日式料理，講到食牛我當然無問題啦😋我地6點鬆啲就到咗，好彩無咩人，呢間石之牛顧名思義係專係食牛，職員都好用心介紹俾我地，同我地講沙律吧、湯飯自助任裝，我同屋企人分別嗌咗：1） 牛小排套餐 ⭐️⭐️⭐️⭐️⭐️/⭐️⭐️⭐️⭐️⭐️2） 牛板腱套餐 ⭐️⭐️⭐️⭐️⭐️/⭐️⭐️⭐️⭐️⭐️首先，如果而佢呢個價位真係暫時搵唔到一間可以同石之牛去比拼，因為佢哋嘅性價比實在太高，牛小排套餐$188，目測都有200g，而牛板腱套餐更加誇張，只係$62，成隻手掌咁大，而最重要嘅係，牛嘅質素冇話因為價錢而降低，牛味好重，牛香亦都好出色，而佢餐廳仲有唔同嘅醬汁同蒜蓉去配食牛，但我覺得最能夠食出牛嘅味道就係只落鹽同黑椒。所以不論我叫嘅牛小排或者係爸爸媽媽叫嘅牛板腱都讚不絕口，而就算唔夠喉，都可以再另加每100g咁樣加牛，非常之親民。而食牛前整一碗沙律菜，更加清新解油膩感。唯一美中不足嘅係我個石板就唔算話套熱，上到枱嘅時候都唔算太大嘅吱吱聲。🥹最後埋單仲要唔使加一，真係十分之有性價比，真係一分錢二分貨。我媽媽都話好擔心佢地賣到咁平會賺唔到

今天相約好友往深水埗黃金商場購物，入完貨後正直中午又係醫肚嘅時候。好友知我喜歡吃牛🐂,佢推介話喺元州街有一店舖"約石之牛石板日式料理"牛肉質素不錯，咁就當然要去試一試啦😋😋。進入店舖環境舒適，座位寬敞。店舖採用自助售賣機點選落單，非常方便。食品方面有好多選擇:有和牛😋、牛小排😋、牛肩胛😋、西冷牛扒😋、牛板健😋、肉眼😋等等牛肉套餐,唔想吃牛嘅還有🐖豬腩片、🐔雞扒、🐑羊架和鰻魚等等套餐可供選擇。小食/甜品就有牛油粟米🌽、香脆薯條🍟、仙土布甸和3D西瓜糕等。我哋就點選了和牛午市套餐 + 熱咖啡$291和牛小排午市套餐 + 熱檸水$191。師傅料理和牛恰到好處👍🏻，脂肪分佈平均，喺和牛上加點岩鹽和黑椒碎，能夠帶出和牛的香濃和牛肉味，入口嫩滑又充滿肉汁😋😋，真的要給個讚👍🏻!小牛排口感軟嫩，細嚼後可嚐到肉質嘅彈牙和肉汁嘅鮮咁，非常好味😋😋!跟餐還有薯條🍟和牛油粟米🌽都非常好吃。自助吧檯還可任吃羅宋湯🥣、沙律菜杯🥗和日本珍珠白飯🍚。羅宋湯🥣非常好味，貪吃嘅我品嚐了三碗羅宋湯才肯收口😂。"約石之牛石板日式料理"食材新鮮，師傅料理有一手👍🏻,值得推介大家有空來試試😋😋😋!

和牛有渣，五個人食咗一千蚊。貨不對板，和牛是首選給我們的是有根的和牛，而且鐵板不夠熱的，血淋淋的。叫佢換過塊石頭佢一聲不響、三個套餐有兩塊石頭唔夠熱，餃到老人家唔高興！🤮🤮🤮和牛有根食唔到，中服。和牛有渣，五個人食咗一千蚊。貨不對板，和牛是首選給我們的是有根的和牛，而且鐵板不夠熱的，血淋淋的。叫佢換過塊石頭佢一聲不響、三個套餐有兩塊石頭唔夠熱，餃到老人家唔高興！🤮🤮🤮和牛有根食唔到，中服。

撞啱香港人冰室休息，滿月又轉咗手，喺天悅廣場附近都唔知食咩好… 行行下見到有間神石燒，入面好多日式掛畫同旗仔，比佢個裝修吸引咗，又即管試下。門口有日式自助點餐機，自己真係搞唔掂都可以搵店員落單既～ 職員叔叔個樣好似好嚴肅咁，但其實係好細心既，提你點樣燒，又介紹自助bar，仲叫你食多啲添～我自己叫咗肉眼，因為怕生但又唔想食太硬嘅牛肉，叫肉眼呢啲本身較淋、較多汁嘅就好啲。跟住舖頭指示，切開再燒晒四邊，可以睇實佢嘅生熟度，又唔會搞到佢全熟，效果唔錯。佢地嘅燒肉汁配肉眼真係幾好！老公要西冷200g，大大塊午餐實夠食，肉質比較實，但係肉味濃啲，佢就懶醒原塊燒，低估咗塊熱石嘅威力，原本想半生熟，最後變咗medium well，益咗我～ 同時買到個經驗，神石燒真係好考你快唔快手，同埋有無基本燒牛扒嘅經驗～ 如果無乜，就乖乖地聽舖頭指示，切住燒。好彩佢嘅肉夠新鮮，overcooked 少少都唔會咬甩牙，就咁加黑胡椒已經夠晒味。午市有套餐，除咗沙律吧、飯湯任食呢啲基本之外，仲有一份薯條同粟米，又包嘢飲，比其他神石燒體貼，唔洗食完再出去買廢水。薯條夠熱夠脆，唔係萬年薯條，好食！粟米有少少牛油，幾香～ 如果

去完深水埗行街，見這小店入面唔少人食飯，價錢都可以而且不用加一就入去試吓，和朋友各自叫一個餐，牛肩胛200g和牛小排200g，共$348/2人，等咗大約不用10分鐘食物就來到，來到之前當然拿了出面食物先啦。出面仲有新鮮沙律菜杯可以用不用醬汁再搖好再食勁方便。紅湯羅宋湯味道十足濃郁而且勁多材料忍唔住飲多碗，白飯任食再配芝麻幾香。2款牛肉來到約一成熟再用熱石煎，來到熱呼呼勁香，2款肉質幾嫩，牛味都夠，牛小排口感再多少少，整體2款的牛都合格高質沒有失望香脆薯條和粟米，熱呼呼勁新鮮，飲品要了凍檸檬茶味道正常。

最近同朋友去咗一間叫「石之牛石板日式料理」嘅石板燒牛扒餐廳，喺深水埗嘅元州街。石板料理一向係香港人嘅至愛，見到佢門口充滿日本風情嘅裝飾已經吸引咗我入去，入到去嘅環境好chill，裝飾更加滿溢住日本嘅味道，座位空間都好寬敞，而且冷氣都夠凍，喺出面熱辣辣嘅天氣入嚟即刻降溫！佢哋嘅招牌係石板牛扒，真係一定要試！我同朋友各嗌咗一份嚟，佢哋嘅牛扒好厚，一切開就見到肉汁豐富，準備流出嚟咁。食落去，肉質又軟又嫩，真係滲入心頭！最正嘅係，你自己可以控制熟成度，完全按照自己嘅喜好煮熟。佢哋提供芥末醬、黑椒汁同蒜茸汁畀你配牛扒，任君選擇！仲有啦，餐內仲有薯條同牛油粟米，配埋自助吧嘅任食羅宋湯、沙律菜杯同日本珍珠飯，一定食到你飽，一啖一啖都好滿足呢！除咗石板牛扒之外，佢哋嘅菜單都好豐富。唔食牛嘅朋友都唔使擔心，因為佢哋有提供豬肉、羊肉同雞肉嘅選擇，每份大概都有200g嘅份量，真係飽足滿足！佢哋嘅自助吧一啲都唔hea㗎！我哋仲試咗佢哋嘅沙律菜杯，蔬菜新鮮鮮脆，真係好開胃。另外，佢哋嘅羅宋湯亦都好足料，味道濃郁，一啖下去就感受到滿滿嘅滋味。最後，我哋飲嘅係凍檸茶同凍柚子蜜。冰涼嘅凍檸茶帶嚟一股清新嘅味道，而凍柚

小店牛之食今日入到長沙灣, 一向都係小店集中地，但依間好似真係好抵食咁。所以就入左去食。店舖位置係巴士站附近，幾方便依間真係平民食店嘅優質選，完全顧及左我個銀包🥲套餐有平有貴，又有唔同部位可以揀，真係好抵玩店內環境裝修都唔差，唔會有好大油煙👍🏼👍🏼我同朋友點左個牛小排同和牛套餐。套餐有飯，有湯，沙律，粟米，薯條個啲。薯條炸得好正，必試！（仲要係任食）自己燒牛嘅好處就係個熟度可以由自己控制。而且仲確保咗每一啖都係熱辣辣😚😚牛扒厚度好足，唔會簿簿打發你～👍🏼👍🏼我另外覺得個粟米都幾好食，甜甜地，好新鮮🤗🤗我覺得我糧尾個陣絕對會黎多次食佢平價位啲嘅牛🤣🤣朋友叫我到時拉埋佢😂😂

從來冇諗過係深水埗有間咁有獨特既舖頭仔，外邊既佈緻已經係條街到鶴立雞群，對住繁華既馬路，又唔係深水埗既心臟地帶，人流唔多，但佢就堅持去佈緻成日式料理舖頭既味道，入到入面，自助落單形式，自助任食既吧係左邊，廚房右邊，頭頂掛滿日本旗海，美中不足既係座位顏色形象未完美配襯日式，反而有種本土快餐店既感覺，可以話有好有唔好，點解會話佢充滿驚喜呢，不在裝修，在於食物既質素同特色，佢既石板扒類全部都會用一成熟上枱，由客人自行烹調想要既成熟度同加入海鹽和黑胡椒，過程有趣又獨特！ 而因為佢冇高級餐廳果種環境，令我感到舒服和自在，如果係高級餐廳又要夾硬坐好啲講野勁細聲，食野斯文啲，唔岩我！*題外話,舖頭幾細心預備左圍裙比怕油彈既客人使用和牛石板牛原件上枱既時候感覺普普通通，但隨住自己喜好將佢切細沾上舖頭自家製醬汁，肉質富有牛味，就算唔小心整耐左都唔會韌，依然鬆軟又實在，厚度適中，作為男仔我覺得呢個味道齋食塊扒既話好味到我可以鯨吞多兩塊！牛肩胛石板牛初時以為牛肩胛平和牛咁多，味道會唔會爭好遠啦，頂！一樣好味，唔同既係牛肩胛比和牛少一點脂肪酸油脂，多咗牛味和咬口，睇下你鍾意鬆軟彈牛定係牛味實在喇，配菜薯條同粟

想簡簡單單食個据扒，港鐵深水埗站D2出口，步行約6至7分鐘。店內環境清潔整齊，裝潢新式充滿日本風格，牆上掛滿日式圖畫，座位寬敞舒適。菜譜簡單易明，多款石板牛類套餐，任客人點選追加配搭。西冷牛扒$158上枱時喳喳聲，香氣四溢，石板的熱度比鐵板勁得多，貼心是在石板圍著紙圈，以防醬汁四噴，牛味極濃，肉質嫩滑多汁，配上粟米粒和炸薯條。牛肩胛$148上枱熱騰騰，肉味濃，牛肩胛肉質嫩滑淋香，配上廚師特製醬汁更覺惹味。跟餐有自助沙律，沙律菜新鮮甜脆配上果醋和芝麻醬，酸甜味道夠醒胃。餐湯是羅宋湯，酸甜味適中。白飯任食，熱飲一杯為這餐劃上完美句號。

今日去左呢間叫石之牛石板日式料理，係美食集中地深水埗啊，呢度好多好野食價錢又平民，very good架。我呢間就係平靚正之選，佢食扒嘅，牛扒質素好好價錢又合理，我同朋友點左和牛餐（$288）同牛肩胛餐（$128），包左任食沙律同羅宋湯同日本珍珠飯，包你食到飽飽啊！吾洗好耐就準備好上碟，佢係一石板上碟，熱辣辣勁香，佢寫明上碟時牛是一成熟，我可以自己再調教熟度，正，佢有洋蔥汁黑椒汁同 芥末汁選擇，都係自助區，自己拎，方便又吾洗等好好啊。整體感覺都好好，地方都大坐位都舒服，店員服務又吾錯，下次如果經過再來幫襯先。

深水埗真係一個搵食好地方，今日放工去咗深水埗搵朋友食飯，我地好晏先去到呢間石板燒牛，因為唔係喺大街，所以可能冇咩人知道，但食物同環境質素絕對有驚喜門面好闊落，裝飾簡單乾淨，門口餐牌都好清晰一入門口見到裝修風格好和風，但環境都好乾淨，座位都好闊我哋成餐飯都坐得好舒服所有套餐都會包埋沙律杯，羅宋湯，日本珍珠米任食，呢個價錢真心唔係好貴，重點係食物質素絕對唔求其，唔會將貨就價任食既沙律杯，醬汁，日本珍珠米，羅宋湯，全部都係放係自助區任拎沙律醬有麻醬同蘋果醋，蘋果醋好少餐廳見到有，味道有少少酸酸地好開胃，唔係一般餐廳嗰啲訂貨嘅級數，見到店主真係好用心沙律分一杯杯裝，既衛生又方便，食客可以放心食用羅宋湯質素好高，湯嘅用料好足，而且唔係好似成一般西餐嗰啲羅宋湯咁煲到湯料冧晒，呢度湯料好新鮮，少少蕃茄酸好開胃石板燒肉有三個汁，蒜蓉汁，黑椒汁，蜜糖芥末汁，估唔到三個汁都好有驚喜，配肉食真係提升左幾個層次而且唔似一般鐵板餐廳死鹹嘅醬汁，呢三款食完都唔覺口渴，抵讚我哋叫咗一個黑草羊架，一個和牛，每款都會薯菜同粟米🌽同樣份量都好大，食完已經食唔落飯，試唔到佢嘅珍珠米下次一定要再去試一上菜嘅時候，鐵板熱到出晒

一踏入間餐廳就感受到好寬敞嘅環境，有好多位可以坐，仲有啲舒服嘅沙發位。尤其在夏天來到，冷氣的效果非常足夠。見到佢哋嘅擺設都好有心機，唔同旗幟同布畫，加埋音樂，氣氛好好😗😗。啲店員好好服務，好細心，有禮貌👍🏻👍🏻。入面仲有自助吧，食餐包可以任食羅宋湯、日本珍珠白飯同沙律。仲有好多款醬汁同調味料👀👀，有芥末醬、黑椒汁、蒜蓉汁、芝麻醬同蘋果醋。枱上都有岩鹽同黑椒碎。好多選擇配料，可以自己揀，真係好欣賞💛💛。⭐️  牛小排 (200g) 配凍檸茶 $194每個餐都有薯條同粟米。當牛排上枱嘅時候，大概係一分熟，可以自己繼續煮返啱自己嘅熟度😄😄。石板溫度均勻，牛肉好嫩滑，仲有牛肉嘅香味，食落好有肉味同油脂嘅香氣🤤🤤，真唔錯。凍檸茶都好唔錯，甜度啱啱好，有啲微微檸檬嘅酸味，好開胃。⭐️  西冷 (200g) 配熱柚子蜜 $141西冷都好好食，有啲嚼勁，肉味濃郁🤩🤩，油花唔算多，不過分布均勻同有彈性，肉質都幾厚實，好有牛味😆😆。⭐️  羅宋湯真係好鍾意，羅宋湯嘅材料好豐富😍😍，牛肉味好濃郁，每碗都有好多餡料。湯裡面有蕃茄、紅蘿蔔、洋蔥同椰菜等等，酸酸甜甜嘅味道真係好好飲😎😎。呢碗湯已經超越了一般餐廳餐湯的水

自己的肉自己煎系列🤘🏻都好耐無食過石板牛啦! 因為之前食既經驗多數都勁彈油又大陣油煙味，無話特別想再食。今次哩間係係深水埗買完野經過見到，見新開無耐而且店面幾大，目測唔迫狹亦無煙霧彌漫，就入去過下癮啦🍽️哩間硬件係唔錯，有圍裙，有自助區可以任添沙律，醬汁，珍珠米飯同埋湯。重點係佢個自助區乾淨衛生，沙律菜都包裝好一盒盒🥗中意佢仲有蘋果醋for沙律，清新開胃岩我口味🤘🏻羅宋湯煲得好飲夠濃夠酸味，內有牛腩同蔬菜料係入面。扒我地揀左西冷同埋肉眼，百零蚊塊扒，有牛味而且份量足，兩塊都係有少少脂肪係邊位，煎起上黎夠哂香，仲有埋薯條任添! 真係豐富又抵食👍🏻仲有食完都無成身油煙味，讚👍🏻

本身都諗緊星期四應唔應該出去食野，仲要打緊3號風但老公話聽日應該8號🫣+連續幾日雨都出唔到街咁放工都去搵下食可能打緊風，加上收工過到去都8:30 ，哦所以唔需要等位就可以安排入座👍我第一眼見到「和牛」就雙眼發光，同老公講要try try😍而老公就叫左牛小排諗好後原來係自己出去自助機果度買，幾得意同好易用買完Staff好nice，提我地要係自助bar拎野，有羅宋湯，沙律，珍珠米，仲有唔同嘅調味料來點肉類同食沙律用👍咁多嘢食老公真係唔驚唔夠飽😂上菜速度好快，我見旁邊介紹牛會一成熟放上石板，自己就根據喜好煎另外一set仲有薯仔同粟米粒😄仲有個set有飲品😂開動啦🤤✨和牛✨重牛味，油脂適中😎正✨牛小排✨相對和牛，牛咪無咁重，但都好好味🤤值得一提，我係勁鍾意飲羅宋湯既人😂我飲左3碗，求下唔好轉其他湯😂我要再去飲最後埋單$500有找，食到2個牛扒🥩又食到飽一飽，正

今晚行完深水埗電腦商場，見到元州街有間石板燒牛肉店，門口佈置好chill, 而店內裝飾充滿日本風情，座位空間寬敞冷氣夠。這裡主打石燒牛肉，而唔食牛嘅都有豬、羊、雞、魚，每份約200g，任君選擇先食沙律，配合蘋果醋和胡麻醬shake埋食，好Fresh，欣賞佢地獨立預先包裝，乾淨衛生；羅宋湯酸酸甜甜好開胃，有少許牛尾肉增添肉香，仲有椰菜、紅蘿蔔等香甜蔬菜，好味到飲左2碗；日本珍珠白飯，加埋芝麻飯素及海苔，更惹味，以上全是任食😆牛肩胛（200g）| $148上檯時剛好一成熟，朋友鐘意五成熟，即刻放係碟上，咁樣可keep住肉汁；入口結實但完全唔韌，適合唔鍾意食太稔嘅佢。跟餐配牛油粟米和薯條，新鮮炸起，好香脆和牛（200g）| $288石板上嘅和牛，發出滋滋聲，熱辣辣香噴噴，切落去多汁肉嫩，上面放了牛油，特別多了一份牛油香。醬汁有自家製芥末醬、黑椒汁和蒜蓉汁。店長推薦用芥末醬，既唔會搶走牛味，又可以突出和牛嘅肉味其實甜品都好吸引，不過食得太飽，真係無位放落個胃到，唯有下次嚟食過職員好有禮貌，介紹我地有咩推介之餘，仲問你係咪夠飽，對佢地d食物有咩評價等；對於我係ssp食飯係另一種體驗