祥記美食

Open Now

Now Closed

🍗🍜🥟🍜餐廳名: 祥記美食地區: 將軍澳評語:雞翼撈麵 HK$15 - 兩隻瑞士雞翼個味好入味 少少咸甜但好濃味 撈麵係營多撈麵 正常發揮燒賣撈麵 HK$13 - 燒賣有四粒 味道一般 少少粉左啲 撈麵同雞翼味碗一樣正常發揮結論: 呢間餐廳係比較舊式既茶餐廳類別 食中小學生食小食果啲 野食唔差 價錢係呢個時代甚至叫做平或者抵 想食回憶味道值得一試

價錢來說還可以其他餐廳食到悶時會去食下but not recommend環境有點差 用的是摺檯膠椅 還經常有飯粒另外廚房油煙及熱氣也會傳出來應稍為裝修一下炒飯永遠太濕 不是粒粒分明扒類食物很大雪味汁放一會兒就會變成膏狀

上次光顧「祥記美食」，已是一年半前的事！今次再來，發現：1. 食/飲品價格只是微調，微調後依然經濟實惠；2. 小店增設八達通收款；3. 其他的，都沒變，畢竟一年半不算很長時間。從未吃過「祥記美食」的飯餐，決定一試「生炒骨飯」。記憶中「祥記美食」一直都是收到 order 即做 的，是次嗌飯都唔例外，要等大約 15 分鍾。飯餐賣相好，夠熱。肉蔬 / 餸飯比例得宜。十分欣賞生炒骨的脆皮本身帶咸香，調味吸引。醬汁酸酸甜甜，味濃好下飯，絕對發揮到碟頭飯醬汁嘅應有功能！ 好味又熱辣辣，食得好滿足。餐牌槪覽：食飯餐時配杯凍飲，美滿！小食價錢相宜，可以想像到學生哥/妹會好鍾意放學嚟買小食食。車仔麵都是個平易近人的選擇！有機會再來！

🤣自己知幾十蚊唔可以要求太多，但都未至於去到老抽都慳返掛，叫乾炒牛河，真係好乾🤣乾到點呢，河粉痴埋一住都唔緊要，係乾到硬。燒賣諗住都係黎貨蒸熟冇問題，問題係佢唔知落乜汁，好似豉油溝水埋芡，冇味又似鼻涕，下次記得叫佢俾普通豉油好了🥶瑞士汁雞翼⋯⋯應該放左3日以上，唔評價⋯⋯不過開呢啲位做街坊生意真係已經咁上下⋯⋯只係唔會有下次😂行多幾步大把嘢揀，千祈唔好諗唔開入去食乾炒牛河，叫飯類可能會好啲

每次去開慧安商場祥記一定走唔甩小店經過呢3年疫情屹立不倒而且完全冇加價其實真係好有人情味！每次嚟我都一定會食炸燒賣必定要叫老闆加雞醬再飲返杯真正茶記既熱奶茶盛惠$22真心抵食抗通漲會一直支持落去

什扒飯：一般什扒飯都有幾塊扒，腸仔，蛋一打開只得豬牛雞扒，全部好窩心地碎上，但全部炸到好鞋，無調味，有雪味，肉類處理要改善窩蛋牛肉飯：無味，要自加美極乾炒牛河：考牌野，個厨掂唔掂一試就知牛河一般，河粉唔夠乾身痴埋一注注牛肉鞋口有雪味炒得唔夠香反而另加既魚蛋唔錯炸薯條係風琴薯條，送到嚟全部淋哂

之前跟和你Pay搵到一間好正嘅街坊小黃店，舖仔細細但食物選擇勁多，價廉物美，午市客飯或即炒粉炒麵連飲品只係$40左右，仲要係即叫即整又好食，阿姐同哥哥仔勁有禮貌👍 ，絕對可以做飯堂！講返食物質素，真係超值，無論係我自己單拖定係同埋同事一齊去食，平均一個星期最少食一次，我自己就算日日食都唔會覺得悶，因為除咗餐牌上有嘅嘢之外，只要你叫得出而佢哋又有材料嘅，阿姐都會整俾你。我自己最鍾意食佢嘅涼瓜牛肉炒麵，麵身有蛋香，既有脆脆麵又有彈牙淋身部份，涼瓜保留咗佢嘅鮮甜味之餘又有微微天然苦澀味，牛肉有醃過所以唔會好韌，但又唔係用鬆肉粉”嗱”到無哂味嗰隻，加上佢落咗豆豉炒，所以又香又惹味，最重要係食咗咁多次，次次食到尾都無話碟底剩返一大灘油，抵讚👍另外我哋基本上都試咗佢哋大部份嘅碟頭飯、炒粉麵飯、車仔麵、三文治同小食，次次我同同事都覺得好味，無話有伏，至於飲品方面都係正常茶記質素，難得嘅係佢哋有鮮榨果汁、夏枯草及豆漿，同事最愛西瓜汁，我飲過五青汁都係好新鮮，其中西芹味最重，但怕草青味的朋友就未必接受到。

於此店點了三個午餐，五香肉丁火腿蛋炒飯，肉絲炒麵，豉椒肉片飯，說實在從未食過如此難食的外賣，五香肉丁火腿蛋炒飯，以為係最簡單不過的菜式，一定不會中伏，可惜我低估了它的殺傷力，只是吃了一口便送進垃圾桶，無五香肉丁味不在話下，配搭上怪味火腿，整個炒飯難以入口。肉絲炒麵沒有脆麵，肉絲死咸，實在無法想像在吃炒麵，以為自己食緊炆麵。豉椒肉片飯已經叫做可以吃到，雖然都係唔好食，無咩豉椒味，又無打芡，總括然而，連我不善於煮食既我都煮得好過佢，實在令人不敢恭維！

今日同小朋友行完公園就諗住去隔離商場食返個tea🍮叉叉電。今次呢間一睇就知係小店，不過人地話小店先有heart本著呢個精神入去一試，今次因為只係tea，就叫左炸雞翼，豆漿及炸燒賣。雞翼🍗唔會好厚粉，外表炸到都燶燶地，估唔到入邊既肉嫩滑，味道偏鹹，如果鐘意食重口味炸雞既都可以一試。豆漿有豆味但淡，甜度適中。炸燒賣 加左淮鹽，炸到皮脆，燒賣最好食😋

係附近郊遊完，友人帶左我黎呢到掃街友人話呢到係將軍澳美食勝地我地到達的時候已經5點幾，而且慧安園的野食真係好平所以周圍都好多人排隊~~我地搵左間可以坐低食的小食店但由於我地之前已經食左另一D野所以淨係叫左炸燒賣食炸燒賣已經期待已久架啦!!!因為實在太少地方有啦平時都只係去石澳先食到$10/10粒 平靚正!!仲要有椒鹽係面~非常惹味!

以前係將軍澳讀書最鐘意就係黎依個商場，因為好多小食店，仲要係好平好平。估唔到幾年冇黎，依道依然冇變，仲係咁平民。祥記係最愛之一，雖然佢d小食唔係話好特別，但勝在夠多選擇，仲要真係好抵食！最鐘意食炸燒賣，10蚊10粒，仲去邊道有咁平呀，佢炸到面頭卜卜脆，加左d椒鹽好惹味

I tried to list this ages ago on openrice but it got rejected, now it is on the list I can't find those photos.Had the fried shaomai which was really crispy but tasteless, however there are lots of sauces that you can use.