禾稈草主題餐廳 (Closed)

很少來太子覓食, 最近一次應該是來太子食甜品.附近有間點心店人流比較多, 懶得排隊等位, 就當然選擇附近食店.呢間中午時間都同樣多人, 但當日2:00pm 不用排隊可以入座.店舖樓底好高, 座位都幾多, 不點都不迫, 坐得舒服又不嘈吵, 有別於一般茶記.細看才發現店內有好多禾稈草做的裝飾品, 原來係禾稈草主題餐廳.還有草帽, 燈蓋, 舊照片等等的裝飾.餐廳有齊粉麵飯類, 小菜小炒, 煲仔菜. 健康點有蒸品湯羹等等. 午餐, 下午茶, 晚餐均有套餐.雖然都有茶記既食物, 但款式更多於茶記, 因為有特色食品, 主要是台山菜.100% 天然純椰青水 ($35), 1公升既純椰青水, 足夠4人飲用, 價錢合理又天然健康.一點也不甜又清純, 平時飲慣茶記既甜飲或啤酒, 突然有純椰青水可以選擇, 感覺小清新.鐵板風味生腸 $88, 鐵板吱吱聲已經好吸引, 椒汁辣辣地好濃味, 生腸洗得夠乾脆, 不腥.咬落好爽脆, 夾埋洋蔥塊更香口, 食唔停口.椒鹽鮮魷 $88, 炸得香酥脆口, 薄薄炸皮不會膩. 偏鹹既椒鹽好惹味, 配啤酒一流. 魷魚新鮮彈牙, 而且好厚肉飽滿. 份量頗多, 價錢抵食.砂窩台山黃鱔飯

見個餐廳名咁特別，同埋裝修ok，食物種類好多，見個餐廳名咁特別，同埋裝修ok，所以入嚟食晚飯～鐵板牛仔骨：呢個好味，用鐵板上菜熱辣辣香噴噴，十分惹味，特別配埋佢啲四季豆，好有鑊氣，送飯一流～枝竹火腩煲：枝竹吸收了精華味道，火腩份量都唔少～回鍋肉：唔算太辣，但啲肉有d硬～

話說小妹上年割左盲腸就有同事叫我食黃鱔飯，話可以補下咁岩依次出街真係比我遇到間食店有黃鱔飯食於是梗係去試試依間餐廳以禾稈草為主題簡約風格，木製既檯櫈都見店主都用心佈置餐廳話晒專誠黎食黃鱔飯梗係要點番個「台山黃鱔飯」$78小妹因為未食過我想像以為有幾片黃鱔鋪面，好似蒸飯咁點知原來係炒飯底仲要有好多黃鱔入面仲見到有紅棗碎而且有陣陣的果皮味，好味唔怪之聽人講依個飯補身嚕依地小妹係兩個人去但鍋飯係超大，每人都食左三碗上網見到佢個「花甲蒸水蛋」$70 好似好有霸氣咁因為係超多花甲所以都叫多黎試果然真係好多花甲隻隻都有肉，出街食有啲花甲淨係得個殼而佢就唔係另外都叫左個「菠蘿沙拉骨」$78醬汁都幾多，每舊真係啖啖肉，份量都唔少所以食完都好飽順帶一提，佢既「凍檸賓」$25每杯入面都好多片檸檬，值得一讚

經過好多次禾稈草主題餐廳，想試好耐，今日終於食到啦！估唔到呢到碟碟餸都咁大碟，食極都食唔完，三個人都夠食。點了個二人套餐（$238） 套餐包括涼伴雙拼，包括左雲耳、雞翼尖。 禾館鵝同樣份量很多，用窩子端上，夠曬熱辣辣，鵝件肉質嫩滑，還有枝竹，吸收了精華味道，顯得非常入味。想不到蒜子茄茸雲耳浸菜苗也做得出色，菜色做得健康之餘，又煮得好吃，很有家的味道。招牌台山黃鱔飯雖然是細份量，但吃上來一點也不少，平均一人分到兩大碗，果然夠曬份量，而且味道又唔錯。例湯很足料又好喝呢！ 還額外點了個沙嗲金菇肥牛煲（$72），大大煲，好吃又滿足！粉絲吸收了沙嗲汁，非常入味。 套餐還可以優惠價加配飲品呢！選了雜果賓治（$25），清新解渴！

小妹有次喺大陸食左個好差既黃鱔飯仍然心深不忿，今次經朋友介紹下終於食到個正宗又足料既黃鱔飯啦！*無加一*💃🏻。👄特色黃鱔飯 $88👉🏻正宗又足料～飯係炒飯底，所以好有咬感，但唔會覺得太乾～好足料好多黃鱔肉（係肉，唔係絲！），小妹妹鍾意食鱔，好滿足☺️仲有蛋、冬菇片同埋紅棗! 炒飯加埋紅棗感覺好補，特別好岩女士食～份量可以3-4人食～。👄風味鐵板生腸$88, 👉🏻小妹第一次食用鐵板上既生腸！一上枱好似食鐵板燒甘，d汁會彈出嚟，好有鑊氣～生腸爽口，份量都唔少～配有青椒，汁係黑椒汁～。👄燉湯 $48 👉🏻冬蟲草瘦肉紅棗保雞腳--》如果我無記錯既話😳因為好似成日唔同架～想叫就可以問下老板娘有咩靚湯先～。👄椰水 $35👉🏻店內有一支支既椰子水賣～我地叫左2支飲～椰子水好清涼淡口，一d都唔會太甜～。環境&服務：大部分座位係獨立卡枱，坐得幾自在～服務員（我估係老板娘）態度友善～

在太子附近經過這間小店，被餐廳名字『禾稈草』吸引了目光，看看餐牌，原來是吃台山菜。既然未試過台山菜，一於今晚就試試吧  餐廳主要是木系裝潢，牆紙圖案是中式建築，上面掛了一些中式燈籠和中式扇子，設計簡約得來又帶點中式元素，頗有特色。地方乾淨企理，座位舒適，格調不像一般茶餐廳。點了4款食物share:台山黃鱔飯(小：$88)大大的一鍋炒飯，足夠2-3人分享，材料簡單，炒得夠乾身粒粒分明，如果有多些黃鱔就更好了。還點了蜜汁欖角骨($88)。原先不想食太多肉，但既是店內其中一個招牌菜，就點了試試。每件排骨都掛滿醬汁，味道甜中帶少少咸，效果有趣，而肉質軟腍入味，儘使碟上排骨份量頗多，我們也完全清碟。真慶幸有點這道菜！花甲蒸水蛋($70) ，水蛋上面插了不少蜆，排得有點像一朵花，賣相見心思。水蛋確實蒸得滑溜，但鮮味不足，豉油也下得太多。鐵板風味生腸($88)，一上桌鐵板就"滋滋"響，可見成品熱辣辣，香噴噴。生腸洗得乾淨沒有沙，連同青椒、洋蔥一起炒，帶少少辣，十分惹味。這次台山菜新體驗，大成功！

聽朋友講係太子內街開左間主題餐廳，出於好奇我就（行完街）跑左去試啦係太子出沒既朋友都應該知柏樹街都係一ｄ有小小污joe feel既茶記，所日離遠見到一間裝修咁靚既餐廳都幾吸眼球入到去見到都好多禾稈草既裝置，都幾靚，合乎主題餐廳既要求Menu都幾多野食，花多眼亂，用左15分鐘先簡好先黎個小炒類，西芹腰果鮮魷象拔蚌見個名就知幾豐富，本身見佢小炒100蚊有找唔預好多海，點知象拔蚌出奇地好多，而且好新鮮，入口爽脆架！好滿意再叫個openrice好多人食既蜜汁欖角骨一上到我同fd都好擔心，因為好大碟，會唔會食唔晒好浪費。。。但可能因為佢係好香口而且又甜甜地，食食下我地又食得七七八八（絕對唔可能係因為我地大食LOR!!!）最後個花甲蒸水蛋先到，一叫即蒸慢小小，但係絕對值得等待！一黎個樣已經好正，排到一個花咁，男仔一定要帶女仔黎俾個驚喜佢而且D蛋都幾厚幾深，仍然蒸到又白又滑，加埋花甲既鮮味入晒去，而且Ｄ汁有小小酒味，真係一啖接一啖唔停得口非常滿意既一餐，靚環境＋好美食，味道又唔貴：）

放工會合爸爸出太子試千稈草主題餐廳食台山菜, 我們點了特色台山黃鱔飯, 花甲蒸水蛋、陳皮蒜蓉蒸頭腩和凍奶茶, 特色台山黃鱔飯, 原來是炒飯底,炒得好香, 蛋和洋蔥炒得很香, 黃鱔好好, 魚味好香, 好美味的台山菜；花甲蒸水蛋很有特色, 花甲有超過一打,好新鮮好爽口, 水蛋蒸得好滑, 配上熟油和豉油突出蛋的鮮味, 好足料,送飯一流；陳皮蒜蓉蒸頭腩, 陳皮好甘香, 蒸蒜蓉味道香濃, 頭腩好新鮮, 好鮮味, 啖啖肉, 肉質鮮甜, 好食；最後凍奶茶茶味香濃, 好香滑。餐廳怖滿開平碉樓和有關台山的相, 特色的台山菜。

一間外表係西餐廳 而入面係食中菜既食店。 雖然我唔太清楚同禾稈草有乜關係， 但最緊要係佢既少炒好味特色台山黃鱔飯(細) 88 蚊熱辣辣既煲仔飯 入面有葱花 蛋 同最重要既黃鱔肉 . 食落去除左十分夠乾身鍋氣外 仲充滿住黃鱔既味。 配埋辣椒油食口感更佳！蜜汁欖角骨 88 蚊用排骨整成， 出面有一層濃濃既蜜汁係炸到脆皮既排骨上面 甜得黎脆， 而喺蜜汁上面有好多用欖檻蓉 連埋蜜汁一甜一咸另有一番風味 . 排骨比較有咬口充滿住軟骨 又不失表皮附近少少既脂肪 唔錯花甲蒸水蛋 70 蚊水蛋制作簡單 甘先難整得好味， 蛋身蒸到好滑 而上面既花甲新鮮 熟成程度亦都恰到好處 好味鐵板風味生腸 88 蚊見到只係生腸有d猶疑點解要88 蚊 見佢推介就試下， 生腸以鐵板上熱辣辣 , 用左佢秘制既風味汁 有輕微辣 少少酸同甜 再配以三色椒同洋葱 令醬汁更香濃 要黎撈飯十分唔錯 生腸爽口彈牙 熟既程度剛好 十分惹味 係一個幾好既佐酒小食(雖然份量一d都唔少)原盅燉湯 48今日係蟲草花紀子燉雞湯， 湯身有好甜既松草花味 口感清新 配以少少雞油既香味 同紀子既甜味 入面湯渣亦有雞腳同好幾件雞肉落足料 .整體黎講雖然係

今晚和莎莉去完長州, 心情大好! 剛好弟弟小璋把南非的蜜糖送給我，於是我們約在太子的禾稈草主題餐廳!禾稈草又大又舒服，我們3人坐下馬上不用考慮地叫了一個三人餐!首先我們來了半隻話梅花雕雞，用了花雕酒把雞的肉變得又香又嫩滑，而且雞肉很鮮，伴飯吃最好不過!莎莉最愛西芹腰果鮮魷象拔蚌真的很夠火喉，象拔蚌很鮮甜，魷魚也很爽口，腰果又脆又甜，感覺真不錯!上湯時菜用上菜芯加上清湯，真的要多菜少肉，菜芯也很嫩，入口剛剛好!南乳藕片鹹肉，藕片加上濃濃的南乳味又香又脆口，鹹肉被炒得很入味，也很香口!4個菜2杯飲品也不用三百塊，這樣抵吃的晚餐真的很化算!

今晚夜收工, 搵媽媽凳腳食飯 , 搵個大家都方便既位置食飯啦! 好耐都無黎太子呢一帶, 都變左幾多, 多左好多食肆, 媽媽好中菜, 就揀間個樣好似幾靚既餐廳試下啦~個名幾得意, 以禾稈草為題, 裡邊的佈置充滿住禾稈草, 餐廳面積為長形, 枱數不多, 我地被安排坐卡位, 都坐得舒服. 媽媽點了個粉絲肥牛煲, 用料足, 肥牛夠牛味, 菠蘿仲要係鮮菠蘿, 沙嗲同牛呢個配搭真係無得輸架, 呢度個沙嗲咸甜度恰到好處, 好味!薑葱霸皇雞, 個豉油係用左蒸魚豉油, 同個雞好夾, 加埋葱一齊食正呀! 雞肉夠滑, 不過食落有D 靭, 可能太熟既關係, 同埋如果將雞D葱再炒下會更好!蒜子茄蓉魚腩浸時蔬, 呢邊菜一黎既時侯都好有澎湃既感覺, 好足料~! 用左魚鯪魚腩, 加上蕃茄, 白菜仔, 一道清得黎又好醒胃既菜, 雖然有D飽, 但都比我老媽子清哂~ 掂!平日黎講都算多人呀, 呢度比到我當年係深水埗食小菜王既感覺, 當然, 呢度坐得舒服好多啦, 而食物有大牌檔既鑊氣添!

禾桿草主題餐廳外表在柏樹街當中是比較型格的eye catching 餐廳,落地玻璃外面看來是全黑,自成一角。在我家隔壁超方便,去了1~2次。這裡的焗豬扒飯(58HKD配飲料)大份而且真材實料,應該說是近來吃最好的焗飯。芝士絲長韌而有奶香,蕃茄粒大大件而且不是全部現成蕃茄醬,豬扒都有2~3大塊,配蛋飯底一流。老豆吃清光。黃鱔飯有乾紅棗和薑粒香,比較養生,好吃。88HKD細份已經夠3人行同吃。花甲蒸滑蛋(70HKD)賣相漂亮,蛋的確比其他地方滑,並有幾香的燒酒味。配黃鱔飯一流。也試了套餐陳皮蒜茸蒸魚頭腩(65HKD包湯品和一碗飯),其實幾鞋,但都新鮮既。加28HKD升級了個湯,蟲草瘦肉雞腳湯,補身。沒有味精。整體感覺這裡是比較窩心的餐廳,無味精,食材有良心不粗製濫造,比較高樓底而且落地玻璃設計,一邊吃一邊看到老香港特色而且比較靜的街道柏樹街,是舒服的,可以回頭。

到了星期日的下午，家中的附近有很多的茶餐廳，今次去的就是「 禾稈草主題餐廳」。來到的時間是差不多十二時，店內沒有太多的客人，很容易就選了一張卡位的位置坐下了，卡位十分之大，旁邊的就是落地玻璃，雖然外面是街市景但也能給人一少許開揚的感覺。看了一看午餐的餐牌就叫了泰式蝦膏雞粒炒飯和豉汁豆卜蒸排骨飯。例湯(西洋菜湯) 在附近數間的茶餐廳都會出現熱度不足的情況，這一間的湯就十分之熱身，而湯味也不像附近數間的「例水」模樣，西洋菜味十足，也有一些的住家感覺。泰式蝦膏雞粒炒飯($41) 炒飯反而是最平的選擇，在午餐的選擇中也是一些的異數，炒飯上的份量十分之大，對一些細食的女仕們也有一些的困難，味道上雖然沒有什麼特別，飯也不是炒得非常乾身，但蝦膏的鹹味充足，也是味道可以的午餐。豉汁豆卜蒸排骨飯($43)用了一個砵頭來裝的一個食物，令整個飯的溫度能保持一段時間，而這一個飯又是熱度十足，除了名字上的排骨和豆卜外，還有少許的豆角、翠肉瓜和紅蘿蔔，令賣相更加好看，排骨有少許的硬身但都幾入味，豆卜吸了一些的醬汁味道可以，而蔬菜們食落十分爽口，下面的飯有了豉油和肉汁味道十足，只是可能蒸過了一些飯有一

原本去點心專門店, 點知大排長龍, 於是去了旁邊的「禾稈草主題餐廳」。以禾稈草作主題都好特別, 但是店內佈置不太多禾稈草的踪影。午餐有五款, 有中式例湯及餐飲, 價錢四十多元。點了泰式蝦膏雞粒炒飯$42。例湯是紅蘿蔔煲豬骨, 湯內有不少湯料, 味道有住家湯feel, 不錯。炒飯即叫即炒, 呈上時熱烘烘而且聞到好香的蝦膏味。這個炒飯做得不錯, 粒粒分明而且十分乾身, 每粒都均勻的沾上調味。蛋絲不太多但顏色金黄, 加上青葱粒及生菜絲, 賣相及味道都不錯。略嫌蝦膏味不太香濃。在小餐廳有這炒飯水準是意料之外。B女只愛吃湯麵, 這餐廳只有唯一一款的湯麵, 板燒牛枊粒湯烏冬$55。原本是蕃茄湯底, 但為B女改做清湯底。賣相真的普普通通。牛柳粒浸在湯內, 令口感打了折扣。牛柳粒加了大量鬆肉粉, 雖然令口感鬆軟但是味道欠奉而且失去牛肉應有的咬感。西蘭花的莖部有些變黄及黑, 西蘭花還未煮稔, 頗生。烏冬煮過稔, 沒有了烏冬的煙靱口感。令人失望的湯烏冬。最後飲品味道不過不失, 勝在餐廳人流不不多, 可以慢慢歎。

個干炒牛河ok。不過。。。杯凍奶茶叫咗少甜、少冰，但黎到：好多冰，飲咗兩啖甜到根本接受唔到！請佢換過杯。再黎到：明顯少冰，但起泡！個色淡咗、奶同茶味都變淡，但竟然可以依然好甜！加水喉水定加茶！？