秋田麵包西餅

Open Now

Now Closed

近排係大埔區番工，放工有機會就喺附近行吓，探索吓大埔美食，同埋去左一間bookmark咗好耐嘅麵包店。秋田麵包店。記得之前睇過社交平台介紹話大埔呢間麵包店$20買到10隻麻糬波波，仲要粒粒都大大粒。一直都想慕名而來。麵包舖近大埔墟街市，舖頭細細，但都有好多街坊幫襯。當日下晝去到，見到好多麻糬波波放哂係櫥窗，發現好似已經受通脹影響，宜家賣緊$20 / 8粒，但都仍然係CP值極高。麻糬波波粒粒都脹卜卜，好飽滿，有唔同嘅口味，原味、朱古力、芝麻、芝士、綠色既斑斕，更有菠蘿皮麻糬波波。全部味都可以任揀，真係抵到爛。麻糬波波大粒得黎，用料足，唔會好空，咬落去好煙靭。整體好軟熟，個皮一啲都唔會硬，就算放咗隔夜都仲保持到煙靭。配合佢嘅價錢，真係性價比超高。一路行一路忍唔住偷食，十分推薦俾鍾意食麻糬波波嘅朋友！👍🏻

行過舖頭附近聞到好濃嘅咖啡味舖頭好多野都新鮮出爐價錢都好實惠親民仲有我好鍾意食嘅麻薯波波識落味道勁似外面網紅店最緊要係唔使排隊勁方便有朱古力、芝麻、抹茶同埋原味$20有10個

一入到麵包鋪見到好多唔同口味既麻糬波波，已經好吸引啦，仲要新鮮出爐熱辣辣，價錢親民，即刻試了幾款口味：有芝士味，綠茶朱古力味，朱古力味，咖啡味，芝麻味，原味菠蘿皮，麻糬波波食落煙煙靭靭，質感唔會太硬，軟度適中，味道亦唔會太甜，整體上都好味，特別咖啡同原味菠蘿皮更為出色，咖啡味濃及菠蘿皮好香好脆，＄20／10個波真係超低食．

大埔 - 《秋田麵包西餅》📍 大埔懷義街20號地下呢排好似好流行麻薯波波～有好多舖頭都有賣所以我都忍唔住要試下食😆😆不過見到啲岀名啲既麵包鋪要排隊爭住買，有啲卻步呢間平民啲既餅鋪都有賣麻薯波波同埋布丁麵包而且價錢十分親民(๑･̑◡･̑๑)麻薯波波(💰12/6個)芝士味，抹茶朱古力味，朱古力味雖然唔係新鮮出爐，但係都做到煙煙韌韌嘅感覺個麵包皮一啲都唔硬呢個價錢都唔預佢係流心或者爆漿只係要求佢夠脆同埋做到佢嘅口感🥰呢個麻薯波波絕對係冇失望！2蚊1粒黎講都叫做係幾大粒朱古力味只係有啲朱古力粒喺面個包底係原味黎，所以朱古力味唔會太濃抹茶🍵味果款都真係有抹茶味，幾特別唔會怪，係好食既抹茶包✨推介: 芝士味有陣淡淡地鹹鹹地既芝士味，唔會好濃布丁麵包(💰15)見到大大個就叫咗一個嚟食麵包係用咗法包底～比較硬，要夾住布丁一齊食布丁份量好多好creamy，有蛋香味吉士奶香味就唔夠濃🙁整體就一般般相信呢個新鮮出爐熱辣辣會好食好多😗😗我希望我下次可以排到隊試下其他鋪頭既包包☺️

同屋企人係附近行街，記得一個foodie推薦過依間麵包店有最近好興嘅菠蘿麻薯包。即刻沖過黎睇下有冇！咁岩又撞正新鮮出爐唔洗排隊🤤🤤🌈菠蘿麻薯波波 $10@4 / $20@10依個必須要encore‼️首先新鮮出爐熱辣辣，面頭嘅菠蘿包皮好脆好香，加埋麻薯煙韌嘅口感，冇得彈！麻薯食落好足料，裡面都充滿麻薯，甜度適中！仲要咁嘅價錢，冇唔買嘅理由！🌈布甸法包 $15準備比錢嘅時候見到格離有依個包，睇佢興左咁耐都未試過，諗都冇諗就買黎試下！依個我返到屋企焗返熱佢先再食，法包好脆口，唔會韌！入面嘅蛋漿唔似蛋撻個啲咁硬生，似係落左好多奶油落去焗，所以係比較滑身同埋creamy！一個人食嘅話可能會有少少濟，屋企三個人share岩岩好！

❤️‍🔥超推薦全香港最平嘅麻糬波波❤️‍🔥‼️拉➡️睇片‼️🐭 米奇老豬Vol. 197 🐷［秋田麵包西餅］作為超級麻糬波波控 😎來緊幾日會一連出3個posts都係講麻糬波波～今次又比老豬搵到間IG都無location tag嘅港式麵包店啦 🤭大埔果然係個臥虎藏龍嘅好地方！呢間主要都係d街坊幫襯完全唔洗排隊 😜.老豬私心覺得呢間QQ波煙韌程度媲美我的最愛嘅JamesBonBon菠蘿皮麻糬波波啊 🤫（雖然JBB嘅菠蘿皮暫時都係世一）雖然個size只有JBB嘅三分之二 而且無咁漲卜卜 無咁靚仔但呢間嘅價錢真係贏100條街只係💰$10/4個 $12/6個 💰即係$2一個🤑🤑🤑🤑🤑真係平絕全港啊！.🐖🐖《菠蘿皮QQ波》🐖🐖🛑 9.2/10 🛑雖然個菠蘿皮較JBB薄身同埋唔算好脆但係大家睇片都知道係我係用緊九牛二虎之力先搣得開 🤩🤩就知道個麻糬波波有幾咁煙韌啦 🥰室溫食就會比較硬身嘅煙韌 要多d🦷力微波爐叮幾個圈就會軟糯得來好好咬 😋如果焗一焗佢 就會皮脆內煙韌 🤤.🐖🐖《朱古力QQ波》🐖🐖🛑 8.8/10 🛑呢個賣相同脆皮效果就略顯失色d同埋唔知係咪心理作用 好似都無咁煙韌 😅但加左微量嘅朱古力粒粒叮返

細細間麵包舖估佢唔到入邊有咁多好食嘅麵包真係又平又靚零序燈熱賣嘅布丁包都有價錢仲好平最得我心嘅就係菠蘿皮嘅麻薯波波仲有芝麻味都好香兩蚊一粒仲平過自己係屋企整每次行過都買10粒返屋企👍🏻

再行遠一點，走到來文武廟這邊附近看看這間麵包舖，原來這間麵包舖也很好，貼近收工的時候會有折扣優惠。看到有個叫做豬柳漢堡，雖然看來豬柳非常之細塊，但原來內裏沙律醬汁挺多，因此起上來不太乾，而且個包挺軟熟，其實口感又相當不錯。另外因為幾個比較平，就夾了一個冬甩，但是冬甩的質感比較乾，即是面頭有點糖，也難掩她比較乾身的質地。在另一次就發現原來這兒都有熱狗，雖然香腸看來比較細條，但亦一試。餐蛋包上邊有少許芝士，我可能因為比較遲去，因此這次剩下的選擇不多，但這個餐蛋包也不太差。另外在付款時，職員有提示，可以揀多一個，那就可以$14/3個麵包合計優惠。因此就多點了一個栗子包，賣相看起來好像燒餅一般，外皮比較脆身，中間栗子餡料份量不少。後來有一次真的買了那盒蒜油，即是蒜蓉牛油，可以用來塗麵包，據阿姐所說，用來炒菜也可以，如果焗好麵包才搽上面包面頭，就顯得有點兒油膩，因此，還是先搽上多士，然之後拿多士去焗，應該會沒有那麼油膩，而且蒜又可以滲入麵包裏邊。總括來說，大埔麵包店，這間服務都算是數一數二，但是計及麵包質素，這兒有非常普通，只有那個豬柳漢堡是吃過可以再返吃的買左包角仔，三十多元還算大包，外皮香脆

曲奇很鬆脆，很好吃，特別咖啡口味，不太甜，咖啡味濃郁，香口，買了2磅不同口味，放了2，3天快不會潮，芒果糯米糍夠新鮮，芒果肉又多，糯米肉夠煙韌，仔仔至愛，1吃就吃不停口麵包好食有大件，剛巧6點後麵包特價，大大個，1個當早餐己經好飽，好抵食

星期六下午,去完大埔墟街市及熟食中心欽記粉麵食魚蛋粉,再到華輝餐廳買米芝蓮蘋果批,大約3:30pm 就到達第三站秋田麵包西餅,之前聽聞呢間麵包舖有椰粒仔賣,市區好多麵包舖都有椰撻賣,但係椰粒仔真係唔多見到,所以今次大埔行程其中一站專登去呢間麵包舖 秋田麵包西餅位於大埔墟懷義街,如果由大埔墟港鐵站行去鐵路博物館,一定會經過呢條橫街,經過一間幾多人等位o既西餐廳 Munch Now 就會見到麵包舖本來諗住仲有得賣咁罕有o既椰粒仔,應該係間舊式餅店,去到見到門面,原來裝修唔殘舊,店內都算乾淨整潔,睇到門口一邊賣蛋撻,另一邊櫥窗見到大個忌廉蛋糕及糯米糍等甜品,入去店內,見到都係o的普通麵包及蛋糕問過店員後,原來椰粒仔放o係門口側邊o既鐵架上,已經用膠盒入好,共有2層,每層有9粒,總共有18粒,每盒賣$14,於是我俾錢買左一盒就離開,繼續下一站行程買完椰粒仔向太和方向行,途中經過另一間麵包舖,見到門口有一盒盒蛋糕仔賣,但係就唔見椰粒仔當晚返到屋企拆黎食,原來麵包舖用粒細書釘釘實個膠盒,每粒椰粒仔大過一蚊硬幣少少,其實椰粒仔同蛋糕仔差不多大細,都係一盒18粒,一樣賣$14所謂椰粒仔,其實係椰撻入

每次齋妹獨自回大埔時, 總會為我買下幾個麵包. 而每次都係一間我未食過的麵包鋪. 好讓我過過寫食評癮.是次有我常食的叉燒包, 吞拿魚包, 同一個火腿夾包. 第一個被我幹掉的, 是吞拿魚包. 感覺上, 呢度既包偏甜. 油立立的麵包皮. 味道甜美. 吞拿魚肉餡, 份量十足的, 非常之豐滿足料.叉燒包, 也是甜, 醬同肉粒既比例OK, 但這包除了個包甜之外. 個叉燒醬一樣咁甜. 搞到應該好食的變得有點不太好.火腿夾包, 不是一大塊火腿. 而是一塊塊碎火腿夾點蔥夾點肉夾點芝麻. 甜就一定係架啦. 而且個包都幾厚下. 另硬了少少. 感覺上, 呢個包, 翻熱佢黎食會很正.大埔, 舊社區, 非連鎖店多. 不計熟食. 原來食麵包, 都有咁多選擇. 唔知下次我會收到邊一間既麵包呢??