Video
Opening Hours
Today
11:30 - 21:30
Mon - Sun
11:30 - 21:30
Above information is for reference only. Please check details with the restaurant.
之前食過好多次依度嘅章魚燒，一直都好鍾意食，行過就忍唔住幫襯。但自從開咗荃灣新分店，唔知係咪個老闆去咗荃灣分店，屯門依間無咗個老闆喺度，請咗啲其他人整，食物質素就嚴重下降。今次幫襯，真係無論服務態度定食物質素都令人極之失望。落order嗰陣，兩個店員就掛住睇手機，我哋講晒要咩嘢食之後，先慢吞吞咁企起身，唔情唔願咁落單，講嘢嘅態度又極之粗魯無禮，收錢嗰陣一句唔該都無，個語氣好似擺到明想話俾我哋聽我哋阻住佢玩手機咁。叫咗個薯餅餐同雞蛋仔，等咗20分鐘都未有得攞，行過去睇就見到兩個店員手忙腳亂，好似第一次整嘢食咁，搞到周圍多咗好多人喺度等。至於嘢食方面，雞蛋仔淋到好似麵包咁，一啲都唔脆，章魚燒都普通咗好多，既唔脆亦唔熱。以前唔係咁，以前真係好好食，但自從換咗而家嘅店員後我以後見到依兩個店員都唔會再幫襯。估計老闆去咗荃灣嗰間分店，所以屯門依間就得返啲唔識整嘢食嘅員工喺度？荃灣嗰間我都仲會再幫襯，因為上次食嗰陣都係好好食，但希望屯門依間都可以pick up返之前嘅水準。之所以打咁大篇，就係希望老細知道依間店can do so much better than that！😢
continue reading
係屯門做完嘢打算又去搵啲野食吓，醒起凱都戲院附近呢個Go Go Mall有個細細地嘅food court仔，諗住選擇多啲去望下，不過5，6點去到好靜下…可能得返10間鋪有開，然後行下睇下有咩食，見到呢間鋪好大個牌寫住試食價$29個咖喱吉列魚柳飯！我問佢個份量會有幾多，估唔到都有一碗飯份量，唔係一兩啖就完。見佢平成咁就決定叫一份。$29來講我唔會對佢有太高要求，一打開都有2塊炸魚柳，每塊都手掌咁長，咖哩汁係日式咖哩個種，飯都夠我食。話好食就唔係話好好食，不過性價比夠高！
continue reading
買左個4色章魚燒坐低食，都唔知係好彩定唔好彩食咗八粒之後先至見到呢舊疑似發霉嘅物體🤡🤯我行返去同店員講，店員好似無動於衷咁😂😂大家互望左1分鐘之後，先問咗我一句我換返俾你？😂其實我唔expect係呢個反應，我同你反映我唔係想要新嘅一份，而係我希望你搵吓個源頭喺邊度囉😂去到我坐返低見到我將盒野影相，先至行過嚟同我講話影相俾老細睇🥹至於最後點處理，我就真係唔知，但作為一間賣嘢食嘅舖頭咁樣去處理客人反映嘅問題真係完全唔OK
continue reading
屯門都可以食到章魚燒，識食一定食章魚大師，雖然店家有推出多款口味，不過我每次都是買原味外賣，每次都沒有令我失望，粉漿＋章魚＋醬汁的比例都調得十分適中。如果有玩印花卡的話，應該會更常去。
continue reading
記得以前食過質素唔錯，但係今次極為失望賣相係好睇，但章魚燒質素好差👍🏻👍🏻6粒入面有3粒都穿窿，一反轉粒章魚粒就跌出嚟，一拮就變形，好似食緊成Pat醬咁雖然覺得醬汁係好好食，但係粒章魚燒嘅質感，醬汁幾好食都幫佢唔到🫠🫠🫠🫠
continue reading