紅山 (Closed)

一次同成班周事食lunch,盲中中走左入去, 盲中中叫左個魚生飯...自此愛上...48元一個set, 魚生勁多...仲要有湯(雖然我唔飲)或小碟(牛脷..我都唔食)同一個幾好飲又大杯的蘋果汁(亦有橙汁...可樂選...)最驚喜係last會有一個小甜品, 我食過係蜜桃+蘆薈, 整體味道不錯, 份量亦大...吃完十分滿足

較少在新界吃日本菜. 有晚試紅山(前八太郎舊址). 環境與服務幾好. 當晚食了特價三文魚(一磅$78)、烏冬、豬扒飯、sushi、軟縠蟹反卷、加州卷等. 刺身很新鮮和肥美. 卷物和烏冬也不錯. 其他就真的一般. 一向喜愛用餐後食完甜品才走, 但紅山竟沒有甜品供應, 連雪糕都欠奉. 提議他們加埋甜品就好了…….

都話會再嚟咖啦!今次一行六人嚟食,因爸爸唔食生嘢,首先叫咗個燒牛扒定食比佢,因媽咪好鍾意食三文魚,所以叫咗三磅三文魚,鮮蝦天婦羅,生蠔鍋,鰻魚炒飯,香草羊鞍,海膽刺身,唔知乜魚刺身,唔知乜嘢鹽燒飛機魚等等,但係個海膽唔同咗,份量少咗同冇比青瓜片,飛機魚冇乜肉同埋超喊,蠔鍋得兩隻蠔,天婦羅啲鮮蝦我食唔到有蝦味,羊鞍得兩件,起咗條骨,啲肉仲細過隻豉油碟,又,埋單成七百蚊,個個話唔抵又唔好食冇下次,攪到我好唔好意思囉!!!

第一次去個頭到食......初初諗住同其他個d 日本餐廳差不多.....去到間店都算幾大.....環境好舒適......d service 仲幾好.....兩個人......就叫左個咖哩炸蝦天婦羅飯, 蟹子手菤, 中華冷麵, 和餃子, 網燒牛肉d 野食好新鮮.....質素幾好.....價錢方面....係日本野黎講....唔算係貴....下次實約多d人係room 食.....room d 環境都好似唔錯.....

星期日晚走咗去呢間紅山料理食晚飯,八點鐘去到已經全店滿座,我地一行四人等咗兩、三個字就有位,真係好彩,睇完餐牌見到D樓面好忙就快快叫咗幾樣嘢,等咗十五分鐘到,終於有一樣嘢到啦!!個刺身好似一個園景一樣有花有樹真係好靚,D刺身好新鮮壽司一口一件幾好,個炸蝦卷幾特別有個辣醬跟幾好味,燒牛舌好香幾好味,燒青魚都好好味猤 過個炸蝦天婦羅就有D失望,正體嚟講都幾好,猤 過等嘢食嘅時間就長咗D....

喺八太郎舊址,成九點先黎食,兩個人要咗四樣野,鰻魚定食,血池牛肉拉麵,一磅三文魚,一版海膽.一黎就上碟三文魚,好厚好鮮味,仲諗住叫多碟小食,點知食多兩舊開始飽飽地,再黎埋版海謄,好鮮甜,食多幾吓,開始滯滯地,再黎埋拉麵,鰻魚飯,嘩!超豐富,份量又多,仲諗住叫多個小食,真係眼闊肚窄,我們兩人唯有好飽好飽,好滯好滯!

睇到D食評講到天花龍鳳,就同屋企人去食吓啦!一入去坐低D樓面就同我地講,今日有日本飛機貨,我二話說就走去寿司吧前問師父有咩好食啦!見到師父係一個後生仔,心諗都唔會叻得去邊啦!個後生師父叫我食一絛飛機魚,我就話好啦!絛魚上到枱我地全家都同一時間哇了一聲,原來D食評係真,真正見識到呢間紅山料埋理D水準原來可以錦好,呢個後生師父真係好嘢,D魚生非常新鮮,下次我一定會再去。

今日有d事要去荃灣順道食咪晚飯亂打亂撞入o左間日本料理本來無乜期望點知有驚喜呀食物又得賣相又正唔知以為去0左酒店食環境都唔錯食物質素ok 價錢又唔貴我地食0左三文魚(夠晒肥美),海膽刺身(好甜)三文魚壽司炸蝦天婦羅燒多春魚燒池魚找數3百幾

今日去開愉景新城，行行吓去咗中染新城，見到有間日本餐，走入去試吓啦！初頭心諗喺荃灣都唔會好得去邊啦！見D刺身都幾平就叫咗個刺身同埋壽司食，當D刺身嚟到，真係諗唔到D刺身賣相可以覩到呢個級數，壽司賣相都係出奇地好，廚房D嘢都幾好，我諗我會再去食啊。