素悅軒

Open Now

Now Closed

一直都有食開素悅軒，每次都係加錢叫肉骨茶湯底，我好清楚佢應該係咩味道今次已經唔係第一次個湯底淡到好似水咁，我食開所以一打開個蓋睇顏色同埋聞到味道唔同就已經知出事，好明顯就係溝咗水，係淡到連鹹味都冇，如果夜咗唔夠湯可以打電話俾客人問可唔可以轉其他湯，但係呢個湯已經係要加錢先至可以有，仲要溝水賣俾人，實在唔應該今次亦都唔係第一次啲米線碎濕濕，沒有一條米線喺完整嘅長度，我係要用匙羹嚟食，唔夠米線，亦都可以打電話俾客人問可唔可以轉其他麵，而唔係比用剩碎咗濕濕嘅米線客人，有幾次啲米線又唔熟，硬到食唔到所以先至忍唔住表達一下意見，希望老細可以改善一下，注意一下素食店係難得，亦感恩荃灣區有你哋嘅存在，但亦都請確保品質，始終碗麵要百令蚊，請給予質素

真漢子大年初二嚟到荃灣出名嘅素食車仔麵「素悅軒」朝聖，老闆話因為比人捉到要罰 $6000 所以而家冇得坐巷仔，坐返入細鋪仔所以搭枱係在所難免。新春期間每碗麵多收 $10（營業時間唔記得睇添，sor 😅）。第一次食但由於餸嘅選擇唔多，所以都冇選擇困難嘅問題。餸清晰哋分開為純素定蛋奶素，炸薯片個個都話要食，梗係要叫啦。另外叫咗平時車仔麵較少食到嘅素叉燒同牛蒡扒。湯底揀咗肉骨茶，麵底就食河粉。☺️真漢子並冇食過正宗嘅肉骨茶，呢度嘅肉骨茶冇想像中咁咸，但有濃濃嘅藥材味道，可以直接飲，配埋索湯嘅河粉食非常好味。不過河粉就煮得超淋，未必人人鍾意。🙃叉燒就唔算好驚艷，口感亦較淋唔似叉燒，但味道都 okay 嘅。牛蒡扒應該煎過所以好香口，食落亦好彈牙，非常推介。👍🏻嗱到戲肉就係大家都讚嘅炸薯片喇，爽口嘅薯片即叫即炸，薄薄嘅外層脆卜卜，可謂外脆內爽。加咗啲椒鹽响面，初初食覺得好惹味，但後尾覺得似乎冇咗啲鹽冇咁咸，更食到薯味。😋唔知有冇人食到想 encore 呢？問咗老闆另外叫多份都係 $15，麥當勞散嗌一塊薯餅都係差唔多喎，但呢度有三塊，好抵食呀。😛當然仲要提吓佢哋好有善心，會定期派飯盒比有需要嘅人士。店

探險荃灣，會心一笑，搵到間素悅軒。內裏風氣熱鬧哄哄，幾盞燈照得温馨又舒服。麵條選擇好多，我揀咗沙嗲湯底幼生麵同三樣配料，重未夠喉，叫埋份新鮮炸薯片。嘗過嗰粉嫩色泽嘅南瓜湯，真係滋味，係咁滑咁甜，完全無得輸。沙嗲湯底微辣，正中下懷，椰香四溢，重點料足，豆卜、素菇，食落咬落嘴感覺鬆軟得嚟又有少少彈性，勁。要讚嘅係嗰薯片，香脆得黎熱辣辣嘅口感😍，加咗點椒鹽，薄脆到喺呢度都聽到聲音，諗起啲薯片，口水直流。坐外邊大排檔咁，吹住自然風，味道似乎更加提升，對面嘅街坊笑嘻嘻咁同我哋打招呼——呢度真正係有香港嘅社區味道🌆。總結，素悅軒得閑去食，實在係梗係好抵食之選，以平民嘅眼光，呢度絕對值得再黎棧落。下次想試下佢哋素蘿蔔糕，睇落都好吸引！🤤🌿🥢

第一次食素車仔麵，麵底和湯底都好多款揀，配料有純素&蛋奶素店面小小，不過都幾快坐滿，證明受歡迎喇沙湯底 (小辣)叉燒都幾似，平時我唔中意素食加工食品都覺得唔錯必點炸薯片，即叫即炸，熱辣辣第一次食車仔麵有薯片，幾厚身喇沙湯底 (微辣)素鴨吸曬湯汁正，蘿蔔香菇都好入味整體都好好食，不過朋友食開話覺得份量少左，我地女仔食都覺得唔太夠飽唯有去附近食多個糖水><

個肉骨茶好掂， 味道香濃， 飲完之後成身滾曬，一碗三餸米粉已經夠飽，因為飲晒碗湯。環境如果收拾得整潔D會好好多。服務員有礼，食飽飽走嘅時候，佢會同你講‘’阿彌陀佛‘’

我在西方寺禮佛完，往上圓玄學院小巴總站搭下來，81號小巴往荃灣去返終站落車，就會見到。今次叫的三餸素車仔麵是：公仔麵比出面茶餐廳好吃 ，素牛腩像真度很高，素牛丸爽口彈牙，菜都非常嫩口，用了素牛腩汁，湯很好味，加上熱檸檬茶很有茶味，整體總結很美味，服務態度親切，平民化價錢比酒樓更高質的服務質素。聽伙記說最馳名的其中一樣餸是薯片，可惜是我吃完後才聽到，唯有下次再光顧時再點。仲有派飯給老人家，非常善心，值得一讚！

勁耐冇去荃灣食嘢luuu，聽講荃灣有間素食車仔麵，亦是💛，就嚟試下(>^ω^<)✨米線配鹵水蛋、魚蛋、牛蒡扒✨每碗都會有多幾條菜，餐湯原來有得任裝😋講返碗米線先！鹵水蛋嘅鹵水味偏淡😂😂而素魚蛋方面，當然冇真魚蛋嗰種味，都幾香 唔係彈牙嘅口感，我幾鍾意素魚蛋嘅🫶🏻而牛蒡扒係特別嘅，咬落去好有素肉嗰種質感，食落都有牛蒡絲( ´▽｀)勁短嘅食評😂～總括而言，如果以$50三餸一麵都還可以接受嘅。記得之前食過幾次麻辣同喇沙湯底都係偏鹹 今次就叫清湯，清湯米線都唔錯👍🏻餸方面不過不失啦(o^^o)

真係估佢唔到咁好食，特別係出邊搵唔到嘅姜油撈飯，好食到震，我本身諗住見到佢地有素食車仔面，但係去到現場個個都叫三餸飯，可能lunch time, 所以試下，我平時覺得素食好寡淡好難送到飯，但係佢地個味道，咸甜，鑊氣一切都剛剛好，你系feel到每一啖餸都好有心機去煮，而且椒鹽茄子係即炸，超香超惹味，個例湯係蕃茄薯仔湯，完全冇味精，好輕盈。係唔似得一般茶餐廳嗰種例湯飲落去好重負擔，我覺得呢一餐真係好健康，絕對推介

在香港想食素車仔麵，首選荃灣這間巷仔小店，麵底和湯底都好多款揀，配料有純素也有蛋奶素，必定要吃的是炸薯片。唔想食麵亦有三餸飯，只要你唔介意坐後巷就OK。小店距荃灣地鐵站不遠，過天橋再所幾步就到，不過位處巷弄裡，一不小心都容易錯過。食車仔麵可以自己畫紙仔，選擇都幾多甚麼都想試一下。室內座位不多，食飯時間通常都要坐出面，三餸飯的菜式就寫在餐牌上。我選了時菜、冬菇和牛腩撈生麵，另外附了一碗好鹹的湯是要倒落去自己撈下的。今次吃腩汁撈麵我覺得一般，上次來吃湯麵更正。這牛腩吃起來比較像羊腩，雖然都係素肉鍾意叫咩都得。一定要食的炸薯片，即叫即炸要等一陣先有得食，非常香口脆卜卜，中間薯仔片薄得來還有一點厚度，不會只吃到脆漿，上面灑的椒鹽更有提升作用。來這間記得一定要食呀！

噚日(19-9-2022 Mon)我放假,自己送完可回收嘅塑膠後食晏,由於熱氣同唔想食肉,於是走嚟呢喥(上次食評係2021年10月23日刊登嘅呢篇: https://www.openrice.com/zh/hongkong/review/yeah-%E7%B5%82%E6%96%BC%E9%A3%9F%E8%BF%94%E9%BD%8B-e3934352),嚟到時,可能係平日,所以唔full,我坐低後睇車仔麵menu,決定要$60.00嘅三餸撈麵,要鹵水大腸,牛丸,紫菜米粉,沙爹汁.一如以往,坐低後會自動送上素湯,今日係紅蘿蔔菜乾湯,正,可以解熱.不過由於太熱,所以我唔飲住.而撈米好快到嚟,紫菜係跟湯分開另上,食吓牛丸先,質感同口感同真嘅牛肉好似,而味道係充滿豆味.鹵水大腸外形唔似唔緊要,口感可以就得.米粉好熱,口感都係爽,米味濃.紫菜份量亦夠,唔錯.而沙爹汁對我嚟講有啲辣,下次都係唔揀沙爹汁lu.4.2分 好喇,食完至飲湯,菜乾味好濃,但個湯唔會好鹹,啱啱好,之後我都添多一碗.4.5分環境:本身迫夾冇問題,但我坐嗰個位係冇冷氣,而因為個撈米係熱,到我飲第二碗湯都已經大汗疊細汗,男伙記

入左素食青年搵食，好多人都推素悅軒，等我又試下揀食車仔麵。鋪頭唔算難搵，環境未必係最好但相信出品係好既。七點幾去到，老細話做埋我地就收工，因為食材已經賣曬喇。我地真係lucky!其實都好多選擇素鴨紫菜大腸米線，肉骨茶湯底肉骨茶淡左小小，素鴨吸曬湯汁正，大腸一般叉燒蘿蔔炸薯片粗麵，麻辣湯底叉燒惹味，蘿蔔甜炸薯片真係幾好食，即叫即炸。鋪頭好善心，定期都會有派飯盒俾需要人士值得支持。

另一間想寫下嘅車仔麵係素悅軒，佢喺荃灣去圓玄學院既小巴站附近，其中一條橫街窄巷，要細心搵先見到～車仔麵配喇沙湯底，超正：炸薯片，即叫即炸，好好味：有機會出開荃灣再食～

自從葵涌邨疫情爆發後，路過葵青區係死城🥲住喺隔條德士古道就到嘅荃灣區亦出現爆發無一倖免🥺荃灣/荃灣西站附近每間商場商店及餐廳都拍晒烏蠅😪作為街坊可做嘅，就係多幫襯呢區嘅素黃店，希望佢地捱過結業潮，保住自己可揀嘅選擇💛素悅軒，素食車仔麵界算是舉足輕重嘅代表，亦是版主熱愛二人世界嘅地點🥴後巷坐街邊撐枱腳，冇野嘛？呢度食嘅係人情味同良心，除左佢夠黃、免費例湯夠足料，呢度仲會免費派飯盒俾有需要嘅基層，值得支持💛配料一半純素一半蛋奶素，素友可以根據自己需要自由配搭。無論係咩素食流派都唔怕冇材料可揀。麵底例如幼麵粗麵都含有蛋，喇沙湯底就有奶⋯order之前記得小心啲揀😀麻辣湯三餸車仔麵 坊間麻辣米線9成9都係肉湯底💩香港素食米線除左三哥都冇乜，喺素食青年好多人最多人推薦呢間就當然試下😆麻辣湯夠味偏鹹，就算叫小辣都好夠辣，以麻辣湯佢算唔多油，健康人士都唔驚，唯獨唔夠香料香味，只有辣味略嫌單調。叉燒夠香賣相亦唔錯，冇螢光色👍🏻麵筋質感幾腍滑有輕微肉感，只係唔夠燶邊🤣冬菇唔會太韌，但偏細粒又有啲菇腳冇剪就減分🥴用素蠔油炆煮，味道同普通蠔油冇太大分別，味道唔差如果用返大隻啲嘅花菇就更好。至於私心想試多啲原

非常高質素嘅素車仔麵，麻辣湯底好正，炸薯片超好食，樣樣餸都好好食又抵食，仲有湯可以任飲，健康又好味，仲會定時定候派飯俾公公婆婆，真係好好心，好值得支持嘅小店！！

今日係初一又見Openrice好多好評，同2個朋友黎試吓素食。鋪頭細細，裡面有2張4人檯，外面巷仔有4張檯。我同朋友坐裡面，突然有陌生人坐落黎，我話疫情關係唔想同人搭檯，但侍應話「呢張係4人檯坐4個人」。但啱啱走果堆人有大有細最少6個。搭檯搭到隔板都無塊，隔離張檯坐左3堆人，要同陌生人面對面咁食嘢，好難會有下次。不過我由2:30等位到食完離開，佢都好多人幫襯，好受歡迎。食物係正常素食，但可以做到車仔麵係少有。