綠茵閣餐廳 (Closed)

當晚同兩個同學仔上完堂都已經差不多11點，只是想搵個地方傾下計，就黎左呢間餐廳，呢間收零晨2點。一入去都無咩點睇餐牌就點常餐，都有好多餸揀，只是我地都好中意食雞翼，個個都有叫。我食蕃茄肉碎通粉，雞翼，配火腿奄列。個蕃茄湯有驚喜的，夠哂濃，味道都幾好，唔錯，雞翼就炸得有點乾，奄列正常。不過我朋友的米線煮得不多淋，佢食左兩啖就放棄了。難忘的是因為侍應叔叔幾風趣，又好招呼，人流不多，坐得幾舒服，唔趕客，吹下水都唔錯！！

見到門面好似幾亁淨，就入這間綠茵閣試下，一向食野無要求，唔難食都可放入口，但依間野真係好難食…叫左個紅酒燴牛脷飯，個汁唔掂外，牛脷已變黑，而且好亁，好靱，又無味…似食緊無味的牛肉亁，唔會再食第二次!

我應好友邀請，到了油麻地閒聊逛街的，隨意到了此＂綠茵閣餐廳＂用餐的呀！😄😄其中叫了份＂白勺油菜心＂，20圓一碟的！菜心甜也青綠的呀！再加上点蠔油也可添点多些味道的呀！👍👍👍👍👍另，此的＂枝竹魚腩褒＂兼配上碗白飯及例湯，是68圓一份晚套餐的呀！我覺得米飯特好吃的呀！👍👍👍👍👍軟軟又香甜甜的呀！捧極了呀！好！👍👍👍👍👍還有那枝竹同也不錯的呀！就是那魚腩就不咋太好的呀！魚腩有点儿腥味的呀！😊

今晚我們去咗油麻地彌敦道嘅「綠茵閣餐廳」食晚飯！我們叫咗招牌梅菜扣肉煲嘅肉質超乾身同粗「嚡」，煲湯嘅瘦肉都比較滑，梅菜嘅味道亦唔係好香甜！霸王鷄「半隻」嘅肉質比較實，唔係好嫩滑，鷄味亦唔係好濃郁！菜芯炒牛肉炒得唔係好熟，牛肉仲係粉紅色，菜芯好硬身同有好濃烈嘅草青味！相反滑蛋炒蝦仁就炒到過咗火，滑蛋好「嚡」同好老，蝦仁亦唔係好彈牙！土魷蒸肉餅亦都係唔夠熟，肉餅亦都係有粉紅色，土魷嘅份量亦相當少！老火例湯：佛手瓜煲鷄腳湯嘅湯底味道係淡而無味，祇係比清水多啲啲味！

焗鮮茄豬扒飯連快餐店都不如用隔夜飯做飯底，飯又硬又乾，醬汁淡口無味，豬扒雪味極濃，鮮茄肉只得一兩舊，做法hea 底完全不像樣！沒想到如此大餐廳下午茶時間都粗製濫造，怪不得客人不多還有蚊滋烏蠅仔飛來飛去有欠衛生！

星期日下午陪男朋友去旺角波鞋街買波鞋，為食既我地之後邊掃街邊慢步，拍拖行去油麻地...我打算今晚帶男朋友去食心太軟，所以晚餐會食得輕盈d, 我地周圍兩頭望，見到一間港式茶餐廳叫"綠茵閣"，男朋友話成日坐車經過見到，但試就未試過…外觀大大間，貼左餐牌，晚上7:30pm前仲有抵食下午茶餐 ！從玻璃門面望入去，座位寛敞，有TV看...不妨一試先 1.豬扒包拼粟米沙律($30） : 我地本來剩叫豬扒包，貼心既姐姐話跟餐抵食d，雙拼連飲品，又真係喎 ...個包微熱微脆，内裡夾上生菜、蕃茄、青瓜、少少沙律醬加一塊軟熟美味既豬扒，估唔到又几好食！我地切開一人一半，我已經叫男朋友揀大份來食，他仍略嫌豬扒細件，唔細架喇……皆因大半邊扒去左我度 ，呵呵 ！至於粟米沙律就有菠蘿、薯仔等，好醒胃。熱杏仁霜，味道甜道剛好。2.星洲炒米($36） : 我倆既至愛！哈，今次比返大半邊過你……材料豐富有蝦、肉絲、蛋、火腿、菲黃、芽菜、洋蔥、青、紅椒等等，但憋在唔夠穫氣、唔算辣、唔夠味道，偏淡！男朋友食到無哂心機 ，死唔死！凍檸茶，男朋友話ok啦……凍飲加6蚊。我地5點几食，7點前已經食飽，唔要求高既，尚

亂碰亂撞入咗呢間見到餐廳寫住馳各海南雞飯套票即管試試,最快例湯先到好似清水,乜料都無五分鐘後來一碟仔西生菜好迷你下,不過都幾新鮮最後海南雞飯到嘞色水白雪雪,毫無雞油顏色胸骨及雞翼尖位,被一些菜增高給人一種好多的感覺,可惜只是美觀,食落口暖暖地似乎用微波爐丁熱毫無雞味,骨頭仲好多十分之難食.仲有d飯無油不特只.十分鬆散仲係暖暖地,無油香味成個套餐越食越吾知似乜湯好似水,雞多數是骨頭生菜超細碟,飯吾油仲吾熱食兩啖重有頭髮我都係吾食咯肚餓只有埋單去附近餐廳再食

呢間餐廳叫外賣, 聽電話個呀姐態度非常惡劣, 好似佢施捨我咁, 叫豬頸肉紅腸公仔麵比腸仔紅腸公仔麵, 送到黎成個袋都係湯, 要得既野我都照要, 但個湯倒到得番1/3, 仲要搞到我成張枱都係, 我根本無辦法要, 連包濕灑既糖我都照要, 因為屋企有糖我由佢, 叫佢換左個湯我先比錢, 佢話唔得, 打番去聽電話個呀姐同我講如果有人叫開外賣會再送上黎(咁如果無人叫外賣係咪代表唔送?), 總之就會送上黎, 下午好多人叫外賣既, 如果咁都唔得咁唔做你生意, 我好忙(cut我線), 再打去問佢幾耐送到上黎佢話已經送緊(再cut我線同擺明講緊大話), 結果我40分鐘之後先收到個湯, 但路程只需6-8分鐘1.首先我唔明你個湯到我先比錢有咩問題?除非你唔打算再送唔係我覺得無問題2.你好忙就可以cut我線?我唔係話顧客永遠是對的比錢就大灑, 但我唔係乞, 你可唔可以態度好少少, 你好忙我唔忙?總之呢間野就不知所謂, 次次叫完都食到背脊骨落, 邊個想受氣可以去試下

星洲炒公仔麵Nice!!!very 彈牙應該係出前一丁略嫌咸咗少少亦唔够辣叫咗姐姐俾辣醬我順囗一句唔該姐姐满面笑容:唔駛好窩心烘底腿蛋治唔够燶呀仲白白哋架service very good!!!

回公司辦了點小事，去尖東正式地把新車開走，入屯門之前，她要去油麻地的一些煮食器材店購買一些烘焙用品。我好不容易在街上找到一個咪錶位，泊好車後的第一站，就是找地方食 late lunch。在上海街找，沒有一間是合適的，在彌敦道找，有的是貴，又要加一，太太說只想簡單一點。我說不如上去白英奇或卜維廉，她開始火，因為她曾在白英奇上學，說我不要玩她。行到近加士居道，有一間地方好大，招牌又燈光閃閃的茶餐廳，她就搖手一指，對面這一家簡簡單單就行了，食飽要買野。入到來，地方的確是很大，而且非常之光猛，寬敞的感覺亦令人感覺到非常之舒服。我們找了一個卡位，這一個卡位說明是一個六人的卡位，六人得黎空間也的確是夠多，若是換了在旺角區的茶餐廳，這一個大卡位要坐上八個人了。太太要了一個紅燒豆腐飯，在一般的茶餐廳茹素，一般的ABCDE餐優惠就欠奉了，因為大多數的ABCDE餐都是有肉的，素食的羅漢齋等等，也只有散叫。在茶餐廳叫這一種非羅漢齋類型的無肉飯，一定要說清楚是素食，如不是，慣手落蔥落蠔油，更甚是落肉碎，咁就要麻煩人家重做了，說明了就方便大家。說明了，出來的紅燒豆腐味道比較清淡，用的只是豉油加茨汁，清清地而有味

星期六十一點幾想搵個地方食平既早餐的確有難度而呢間綠茵閣既早餐提供到十一點半食物唔錯煙肉唔會炸到乾晒身仍然留有一點肥呢一點肥先係煙肉既價值仲要有新鮮既配菜牛扒同黑椒汁係最好既拍擋佢個汁唔太咸又唔太辣個味岩岩好比起好多茶餐廳呢度乾淨好多靜好多闊落好多仲要有WIFI提供價錢大眾化

當曰行過油麻地見到有新餐廳開張,就入去嘗試一下,order了咖喱豬扒飯 ,吃了第一口,發覺D咖喱加入了新鮮椰汁,非常好食!豬扒切到細細塊,照顧到唔同人的需求!加上碟飯非常大碟,吃完後非常飽,此外碟飯和咖喱分開上,D汁唔會整淋碟飯

是日2個人去試這裡的焗飯, 仲加錢試LE度既特飲, 覺得真係賣相都唔錯...價錢都算公道合理.... 先前試過其他飯都唔差, 所以都不用多說.... 2個焗飯都唔錯, 已經切細一件件, 都好方便進食, 而且份量都真係仲係好大碟, 誠惠$45/碟, 加$8可以飲凍/熱飲, 咁加$10 可以飲特飲, 咁緊係飲特飲架啦..... 值得一讚既係.......LE度既奶茶唔似用奶精沖, 即係一般台式店個D呢..... 佢係真係似中式撞出黎再加珍珠既.... 咁真係感覺健康同好飲好多...... 至於西瓜汁...有顆粒得黎又唔算甜, 唔似飲緊D "糖"水...真係值得一讚....

路過此店見到價錢得宜, 而且幾多選擇, 本想在此地段多做外國人生意, 好食極有限...點知又有驚喜WO.....全部人點咗涼瓜肉片飯, 魚香茄子飯, 海鮮焗飯, 咖哩班腩飯....每個都OK WO.. 有驚喜囉, 仲好大碟... 一定唔怕唔飽先囉.... 前2個飯仲有熱飲送....價錢大約$40-45 又冇加一.... 野飲我就叫左熱奶茶...都係一般啦.. 但係茶餐廳既味道囉..起碼唔係難飲先.... 野食就都唔錯....食哂囉全家都.. 會有再光顧既機會呢...

留意左幾日, 終於約左幾位朋友一起試 。新餐廳, 裝修好清新, 可以話有點似酒樓裝條, 最欣賞是水晶柱, 一般餐廳點會有 ?見見餐牌, 有點意外, 食開平時的常餐都係$26, 這裡要 $36, 真係唔多抵。其他反而接近。在唔抵情況下叫了一個午餐, 叉燒炒瀨粉配熱奶茶, 為左 $38不加凍飲 。因為凍飲還要加多 $3, 真係好唔抵 !等左8分鐘, 好快送到來, 其實賣相真係幾吸引, 份量可以話係多, 叉燒粗絲, 清楚可見, 還是軟軟哋不太硬, 還有叉燒本炒身的味道保留, 幾好 至於瀨粉, 份量多, 硬硬地,追求口感真係可以選擇, 炒得好均勻, 雖然老抽好上色, 但係味道不太咸。熱奶茶, 這裡的糖是包裝形式, 乾淨衞生, 奶茶香滑。不過, 叫做午餐的價錢抵唔抵, 就真係要想想。