維景小食 (Closed)

當日即興去長洲 所以起身梳洗完畢就直奔中環碼頭🥵 肚餓非常 而且中環碼頭附近並沒有小食〰️〰️ 故此我決左光顧位於往長洲的碼頭中內的維景小食✨食物種類多 亦都係大路野 所有食物都有妥善地蓋上蓋子 🫶🏻 由於趕住上船 我隨意地點了燒賣和牛肉球 熱辣辣！ 枱面上亦附有不同的醬汁 包括辣椒油、豉油、喼汁等等 任由食客自行添加🥰🥰🥰 燒賣牛肉球的味道不過不失 就是正常小食部會出售的味道 ☺️ 夠熱已經收貨！ 燒賣和牛肉球都是非常軟糯的 口感不錯！-埋單好像也只是$21/$22 在中環來說 也是挺划算的〰️

今日坐船去梅窩，因為時間關係，係碼頭快快手手買個熱食上船🙊咖哩魚蛋（$10/6粒）魷魚（$12）牛筋丸（$12/3粒）咖喱魚蛋好粉應該係浸得太耐（吾太辣）魷魚剛好 味道較淡牛筋丸冇咩味有點凍同有點怪…

首先落單一啲禮貌都無，呼呼喝喝，落完單企係度等既時候，3條前朝遺物八婆得閒得滯，係度咬耳仔對我評頭品足，發現新大陸甘，一把年紀仲好似井底蛙甘見識甘少真可憐，我個外賣未拎得就要企係度唔走得用生命力硬接繼續俾你地講，一點基本尊重都唔識，枉佢地已達遲暮之年，都無幾年淨，都唔化，奉勸各位生命力滿血先好去挑戰

我明明叫魚蛋燒賣同牛肉球，個姐姐比錯蘿白我，我返轉頭問返第二個姐姐話比少咗魚蛋，佢可以唔道歉，仲推比夾嘢比我個姐姐，話：點知佢傻下傻下，就灑走我啲服務員態度咁差，唔洗指意我再幫襯

今次第一次食 非常失望不是食物的質素差。 只是感覺那些員工們呼呼喝喝 完全沒有服務精神。以後都不幫襯了。 雖然我住長洲寧願喺第度食完先上船， 我幾個 長洲 鄰居都有同感叫我以後唔好幫襯。 應該是獨市生意所以咁惡， 買完嘢多謝都冇聲返去攞多支叉都唔得問長問短，我幫襯一百蚊都要比佢哋串。 我係老闆就換曬啲員工保住 個聲譽。 下次上船前再觀察下有冇改善先。 另外 生菜魚蓉湯千祈唔好飲。 可能有 極大量味精飲完 頭痛， 燒賣 放咗太耐軟曬腸粉唔錯但係 剪腸粉嗰支 剪刀 唔乾淨周圍擺。

平時大家去開中環5號碼頭都會見到1間賣車仔麵 1間賣魚蛋燒賣既鋪頭。我每次去長洲之前都會係賣魚蛋燒賣個間買粉果上船食。每次差唔多有船既時候間小食店好多人排隊等叫野食。我每次黎都會叫粉果食，呢度粉果唔係特別貴（$12蚊）2粒，粉果唔係周圍都有得食，但呢度比起茶樓既仲好味。個粒粉果皮好Q彈，入面料都幾多，佢地又無蒸太耐，塊皮唔會好似有時茶樓既粉果咁蒸到淋晒無口感。之後仲叫左燒賣都係12蚊呢度燒賣就正常無乜特別驚起，但唔會太難食，起碼有小小魚味。其實最重要呢間店係方便返坐船個時肚餓無野食，都唔錯

對於超級愛吃「潮州粉果」的我來說！在酒樓吃到難吃粉果的機率就跟每天早上塞車的機率一樣高！一樣讓人惱火！我也從不曾寄望一間小吃店裡的粉果會有多大的驚喜！然而，在一次前往長洲時；老公就匆忙買了粉果和魚蛋上船！飢餓如我，就咬開一口粉果！我不誇張，我真的被驚艷到了！粉果皮是那麼軟滑卻又帶著嚼勁的口感！咬開後，那飽滿的內餡在裹上剛剛淋上的醬油和辣油，這滿足了我的口腔！這次再搭配上港式小吃第一的魚蛋，爽口彈牙入味，雖說點了不辣的，但魚蛋本身的味道絕對會讓你回味無窮！

喺中環無乜好食，價錢又唔便宜。臨近聖誕食小啲，準備聖誕節飽食一餐。所以今日行去海旁打算行下 hea 下，食小餐。行過呢間食店，大排長龍！好彩無比佢啲咖哩牛腩飯動搖，我只係買串燒賣，唔敢貪心，好味好味！熱辣辣！平凡的燒賣，喺肚餓嘅時候特別好味。^ _ ^^ _ ^其實我仲想食埋其他野，花多眼亂，牛肉，馬拉糕，叉燒包，腸粉。媽呀，好吸引！我減肥大計點算！今次買飯排晒長龍實在人太多，下次必試佢啲午飯！希望佢有送外賣就好，唔洗我啲白領行出去迫食飯。

聖誕節的最後一天假期, 我同肥膏來到中環碼頭, 想不到原來已經改變了不少!改了新的裝潢! 還以為關門大吉了!我們家的肥膏一直都對這家店的車仔麵情有獨鍾!車仔麵3餸 都係33蚊! 其實係碼頭的位置, 算好平了! 肥膏點了 豬皮, 黑柏葉及雞肉腸, 福麵底加底總共 HKD 40.00豬皮是他的最愛, 我也很喜歡, 因為超級入味!看豬皮的顏色就知道了! 好食!最近因為都少食牛, 所以黑柏葉就沒有試。肥膏說好味。雞肉腸跟自己在家吃的一樣, 好味。最好味的, 是福麵! 福麵有佢自己的一個獨特的味道, 加上秘製的醬汁, 就更好食, 同麵好夾。車仔麵最重要的, 就是辣醬這家做到了!另外是一碗小吃, 齋, 牛根丸, 魚蛋及燒賣。總數HKD 42.00齋一直都好好味, 因為跟維景的辣醬好夾! 好好味!另外是魚蛋, 是我喜歡的細魚強, 好彈牙! 肥膏說牛根丸也不錯吃。但是燒賣就有點不對味, 第一沒有蒸得好熟, 裡面有點不熱。而且, 不好吃, 下次就可能不點這個改吃別的!坐在碼頭旁, 吹著海風, 食這個麵, 又食一些小食, 一個悠閒, 放鬆心情的一天!

雖然間店名叫小食店，其實食足三餐都可以，因為其實佢分左三個Zone，一間賣早餐、一間賣車仔麵、一間賣小食，分流做得好好，我因為在附近工作，所以三間都有光顧，之前經常在天星那邊買食物多，但最近工作調遠左，所以這邊比較方便。早餐六點左右就有，有早餐套餐、套餐有三文治、麵食，都係大大分好夠食，價錢大約二十至三十蚊，睇你叫咩啦，我就喜歡吃通粉，因為可以放久一點都唔會太「發」，但其實佢地所有麵食都落大量味噌，建議大家叫姐姐唔好太重手，或者叫三文治，三文治即日制做，唔算得好食，但都好飽肚。午餐可以選擇車仔麵，三十蚊三餸，之前我覺得都幾貴，但現在物價飆升，三十蚊其實已經茶餐都唔夠比，所以車仔麵都係一個好選擇，加三蚊有飲品，那些飲品是罐裝或盒裝，唔係即沖的，可以自己選擇牌子，但都算好抵，但本人建議唔好選擇魚餅，都幾難食。晚餐又可以食咩呢？有無飯食呢？答案係有的，就係糯米飯，本人食過都算可以，普普通通，很多花生💕但真係飽肚，還有黐飯，但如果我選擇，我會比較喜歡前者，因為本人喜歡有味道的糯米。其實還有一些小食，可以做下午茶，但那些小食就唔係咩特別野，只係來貨的魚蛋、燒賣、牛肉，其實這些都可以在一般小食店買

今日黎到中環碼頭食lunch，喺中環去茶餐廳食個飯都閒閒地五六十蚊，$30 三餸車仔麵真係好抵呀~三餸麵 $30油麵麵質彈牙，湯底帶甜。牛腩煮到好淋，夠曬火喉，好鬆化。冬菇好厚身，都係煮到好入味。沙爹牛肉既肉質都OK，夠沙爹味。碼頭外面有好多長櫈，對住咁大個海景食麵，吹吓海風都係一種享受。

三月中旬‧有雨還有幾分鐘就上船，沒時間在別處買早餐了，買了四條腸粉就趕上船。夠熱，但腸粉是非常之腍，加上醬下得不少，變成糊糊的。純粹填肚級數。唯一好處就是便宜，只是七元。

喱到既野食都幾平,仲要味道唔差,幾正呀~!糯米卷,幾抵呀$6有2個,加上好耐未食過,熱辣辣,糯米又好足了,幾好味~!牛肉球,$6有2粒,又係幾好味呀~!

last week 放假入長洲,在5號碼頭發現呢間小食店, 魚肉燒賣好有魚肉香,辣魚蛋真係好辣. 本人住Mei Foo, 先2日路過MTRo既C出口驚見他們影踪, 原來咁o岩在Mei Foo開分店. 除了有我喜愛o既燒賣魚蛋,仲有好多人買o既串燒,串燒好入味個沙dad汁又超香,抵讚! 不過因為即燒文就要等得耐少少. 仲有虊膳同胡椒湯o既粉面,下次要坐低試o下

今日下晝五點幾, 未夠鐘食反但又肚餓剛剛0係IFC 行完街, 落去海邊散步就發現呢間小食點.食左一隻鹽焗鷄腎 ($9), 同腸粉 ($6), 好滿足 ! 鷄腎果種鹽焗無得頂, 食完後牙縫仍留著香味! size 夠晒大件.老闆話好彩我早d 黎, 因為數量不多, 每日大慨六點就沽清.腸粉有四條, 當下午茶嘅話, 份量多左小小, 好飽 我最鍾意佢果d 花生醬同芝麻, 令到整碟腸粉好香 !! 讚 !!!仲有 .... $3 一包凍麥精, 好抵呀!