美味餃子店 (Closed)

美味餃子店湯雲耳椰菜餃 (大)煎韮菜餃 (大)價錢💲: $44/ $43好味程度😋: 3.8/5服務🍴: 3.3/5環境🗾: 3/5性價比🥢: 3.8/5回頭率😚: 3.4/5-又係餃子的時候，今日介紹長沙灣美味餃子店💛記住呢間先係黃，唔好去錯太子啦！呢間係比較傳統嘅餃子店，入面冇咩特別裝修，仲會坐得有少少迫夾🧐-一如既往，我哋叫咗一碗湯餃同一碟煎餃。佢哋嘅餃比較厚皮大隻，入面餡料份量正常😆湯底係招牌野葛菜生魚湯，我就覺得呢碗湯都係偏向淡的，有少少魚同豬骨嘅味，唔會太濃味，清清地😋雲耳椰菜肉餃好爽脆，肉嘅份量比較少同醃得唔係好濃味，所以食落幾清新😌 食到就係原本椰菜有的清甜味。-另一款韮菜煎餃就出色啲，一樣大隻，每隻有煎到金黃色，個底仲好脆👍🏻 咬落去會有啲爆汁，但因為皮比較厚所以就唔係好勁。餡就惹味啲，因為韮菜>肉，而韮菜係勁香🤤 我就建議煎餃配埋佢個豆豉菜鋪辣醬食會更加重口味🥳 整體呢間都ok，係厚皮大隻的傳統餃。如果中意新式多味啲，皮又想薄啲就可以食左甜記先😙

名副其實喎！餃子真係好美味😌 一向都比較鐘意食香口野，所以唔洗諗一定係食左煎餃先🤗🥟煎韭菜肉餃一坐低太肚餓，即刻諗都唔諗就叫咗大碟10隻！！一嚟到見到隻隻都好大，已經心諗一定食唔晒😆 因為真係好！足！料！餃子嚟到熱辣辣，煎到皮好脆！餡料飽滿，好豐富😋 非常香口，不過食落比較油膩。如果驚太油膩嘅，可以揀湯餃呀，餃子皮係比較厚身，不過份量一樣好足料！👍🏻附近有另一間餃子店都好好味各有特色～ 不妨兩間都試下

因為附近食開個間餃子星期六休息，橫掂行開過黎，諗住試下新野餐牌冇附近果間咁多選擇，而且價錢較貴我叫左10隻椰菜木耳湯餃外賣。$44加$1外賣盒。點知佢個外賣盒係cheap cheap 發泡膠！我行唔夠5分鐘，盒蓋係唔可以合實。我行左5分鐘，啲湯有一半已經漏哂落個袋度。而且餃子係放係啲湯度，浸住番到屋企已經爛！相反隔離果間都係收$1外賣盒，佢會分開餃子同湯，又有跟埋醋，同埋辣蘿蔔好食過佢。就算隔離果間餃子冇開，我都唔會再食美味餃子店

叫2個餐再同同事開心Share🤗，就可以一次過食到3個口味嘅餃子🥟。小店屬於舊式老店，座位唔多，食物款式都唔多。衛生情況有待加強👉🏻👈🏻，枱同餐牌比較油笠笠😤。.📍5隻煎雲耳椰菜肉餃 + 5隻煎韭菜肉餃 ($45)煎餃可以揀雙拼，草根分別揀咗雲耳椰菜同韭菜口味🥟，其實2款餃子味道上分別唔大👉🏻👈🏻，因為韭菜同椰菜切得太碎😳，肉嘅比例又比菜多😅，令蔬菜獨特嘅香味難以發揮🥬。不過值得讚吓廚師將餃子兩面煎至金黃色👨🏻‍🍳，香口惹味🤤👍🏻！.📍5隻白菜肉湯餃 + 粉麵套餐 + 豆漿 ($45)全店只有一個午市餃子粉麵套餐，估佢唔到水餃非常大粒🥟，佢哋一粒頂人哋二粒嘅份量🤩，仲要足足有5大粒😋，加埋個麵絕對夠食！白菜肉湯餃味道發揮正常，湯底用咗招牌野葛菜生魚豬骨湯🥬🐠🦴，呈乳白色嘅湯散發住淡淡嘅葛味，感覺健康🌿。但上海麵🍜唔夠煙韌🤫，亦唔太入味😤。個人嚟講鍾意食煎餃多啲🥟，始終外皮脆卜卜較突出。個餐仲配有一杯無豆味豆漿。.MENU

🥟湯雲耳椰菜肉餃拼🥬白菜肉餃 加米線 $44 (10 隻) + $9(米線)⁣ （7/10）湯底係店家每日新鮮煲嘅野葛菜生魚豬骨湯，味道好清好清👀，淡淡地有啲魚味，最重要係冇味精，食鮮味同原味❤️。⁣🥟雲耳椰菜餃：有雪耳同椰菜所以比較爽口👄，醃肉嘅鮮味較突出，好鮮甜。⁣🥬白菜肉餃：白菜味道比較香甜，肉嘅味道冇咁突出😬。⁣我地加左麵底，份量勁多同出面粉麵鋪叫一碗麵差唔多，係勁抵食😍。⁣⁣🌱煎韮菜肉餃 $44(10隻)⁣ （8/10）餃子同樣大大隻，煎得夠香脆、唔會乾🤩🤩，啱啱好，咬落去會爆汁❗️，韮菜味唔算好濃。⁣食煎餃我地幾推薦點佢個菜甫辣椒醬黎食🌶，唔辣、好重豆豉味、好鮮，可以多返啲咸味，配搭得幾好😛。⁣⁣總結：足料又抵食，係糧尾之選，因為包你食得飽🥰🥰。個人比較鍾意椰菜餃，因為比較鮮甜。住得近/經過可以去支持下💛。⁣

路經此處附近煩惱有沒有良心食店，上網發現「美味餃子店」在附近。簡單平實選擇，點咗個餐，抵食！餃子麵仲送飲品。五大隻湯餃子加麵，湯底是有淡淡冬菇味而飲落無味精！好重要因為食味精會頭痛加失眠。木耳椰菜肉餃真係好足料，每一隻都飽滿。連飲品都有heart，羅漢果甘草茶，飲得出有心煲。辣辣油都好味！超讚！

大大隻餃子黃店💛美味餃子店有兩間分店 但留意番喔⚠️長沙灣先係黃店💛太子嗰間係藍店🙅🏼‍♀️淨係做3款口味既餃 雲耳椰菜,白菜,韭菜😋—————🥢雲耳椰菜肉餃 (7隻/$40, 10隻/$45)好餓叫左10隻 跟住我就後悔了😂因為真係好大隻😂飽到痴線 最後飽到傻都係食到7隻only😂餃子皮厚薄適中 內餡豐富😋配埋野葛菜生魚豬骨湯 好香濃 飲落唔似有味精 又唔油👍🏻🥢白菜肉餃麵套餐 ($45)有5隻餃 粉麵 同埋豆漿/羅漢果甘草茶我自己覺得兩隻餃都好好食😍 超足料 係比較傳統既口味 同隔離街既甜記餃子 相比 又係另一番風味😋

提起長沙灣嘅餃子黃店，首推當然係甜記餃子，原來附近仲有間叫美味餃子店，舊式小店格局，同甜記係兩種截然不同嘅風格。天氣太熱，唔想食湯餃，於是叫咗十隻煎韭菜肉餃（我成日覺得，煎餃一定係韭菜最好食，湯餃嘅話，就一定要叫白菜或者椰菜）。一上枱，嚇咗一跳：煎餃比想像中燶，食落口，餃皮頗硬，有少少失望😐，不過入面嘅餡料就味道唔錯。食食下，見同枱其他食客不斷添加小店自家製嘅菜脯辣椒油，轉眼間，成樽嘢只剩返三兩羹，我都唔執輸，即刻𢳂咗少少試下，果然非常惹味，用嚟點煎餃食，味道一流👍。後來聽朋友講，呢間嘅湯餃好好食，好，一於要再嚟試多次。

·舊區嘅餃子店💛🥟🥟🥟湯底係好清嘅野葛菜生魚豬骨湯～啱晒想食得清淡啲嘅日子🥰·雲耳椰菜肉餃 $39韭菜肉餃 $39———不專業評分💯食物指數🍴: 💛💛💛🤍🤍環境指數⛱: 💛💛💛🤍🤍抵食指數🤑: 💛💛💛💛🤍推薦指數👾: 💛💛💛🤍🤍———📍美味餃子店 (長沙灣)長沙灣元州街497號地舖———#ewhk長沙灣 #ewhk黃店 #ewhk掃街 #ewhk餃子 #黃色經濟圈

如果係兩個人去食嘅話，永遠我都係會係叫一乾一濕。貪心的想食吓煎餃又試吓湯餃。佢粒粒水餃都係超級大粒，一啖係冇辦法食得晒嘅😝。佢7pcs同10 pcs嘅價錢其實都爭幾蚊,所以真係冇理由會唔食10pcs嘅。煎餃煎得香脆可口，湯餃嫩滑，新鮮人手包，啖啖都係心機，再加冇味精嘅湯。食完好滿足❤️

隱藏於長沙灣既美味餃子小店，食過真係返唔到轉頭。以前通常去都係食煎韮菜餃，餃子煎得啱啱好，非常香脆，最鐘意就係見到金黃色既邊，好惹味。自家製辣菜脯辣椒醬先係重點！加少少醋，非常開胃，真係食到停唔到。餃子其實都幾大隻，十隻份量一定夠飽。每次去食上碟都係熱辣辣新鮮即叫即煎，真係好難得。有時會加個油菜，同埋自家製既涼茶，減下油膩感同冇咁熱氣。平時自己食，一定會食煎餃，所以冇乜機會試湯餃。之前朋友叫左湯餃，俾左我試，一試後又係停唔到，原來呢度既水餃都十分出色！湯底係野葛菜魚湯，飲得出好足料，另外，原來雲耳餃都好好味，湯底加上辣菜脯又有另一番風味！下次去會再叫👍🏻👍🏻👍🏻

突然間想食餃子🥟，之前食開有間好出名ge餃子🥟店，但係食左幾次，亦都食過佢ge分店，就覺得同當初食ge時候質素下降左，所以就揀左今次呢一間之前未食過ge去食。餃子🥟肉ge種類5係話多，得3種，有雲耳椰菜肉餃，韭菜肉餃同白菜肉餃，3款肉餃都可以選湯餃同煎餃兩種。除咗餃子🥟都有粉麵🍜，不過我就無食麵la，因為淨係食餃子都好夠飽。雲耳菜肉湯餃 (7隻) $39湯餃一上枱就”嘩”左一聲，因為餃子實在太大隻la！餃子餡ge肉比例較少，雲耳椰菜爽口，連埋招牌野葛菜生魚豬骨湯一齊食，個味道出好多，熱辣辣，好正！煎韭菜肉餃 (10隻) $43煎餃等ge時間就比較長，煎餃個皮脆，韭菜ge比例較多，食啖煎餃，再飲啖野葛菜生魚豬骨湯，可以去左種油膩ge感覺，唯一弊處就係煎餃一定要趁熱食，如果凍左ge話，就會食得出好多油，雖然熱辣辣ge時候其實都有好多油🤪，不過真係好好食，食完一啖煎餃，再接住飲啖湯，簡直係完美ge配合呀！舖頭細細，冇乜裝修，地理位置5係話太就腳，勝在價錢公道，最後重買左2打外賣ge生餃子返屋企煮黎食，自己煮個皮都係無穿無爛，正！係一間回頭率超高ge餃子店！

朋友介紹呢間既餃子，黎開呢頭梗係要食啦😍————————🔸雲耳椰菜肉餃拼韭菜肉餃(10隻) $45好大隻！！！佢既料有灣仔碼頭水餃既double，但皮就超薄，細食少少食唔落十隻😂兩隻水餃比起黎，我更加鍾意雲耳椰菜肉餃，d肉唔知點解感覺香d，加埋雲耳好有咬口😍韭菜都好好食，不過略嫌韭菜唔夠香。————————湯底係野葛菜生魚豬骨湯，我覺得偏淡，唔夠味，但水餃真係好好食。評分：🌕🌕🌕🌕🌗

我就嗌左煎韭菜肉餃（7隻$36，10隻$41）我嗌左10隻，真心食得好飽，所以我下次再食嘅話應該會嗌返7隻😂😂講返正題先，佢真係煎得好新鮮滾熱辣，餃子皮亦都煎得好金黃酥脆，所以我覺得好好食😋😋而且餡料好足料，加埋有好多肉汁好juicy，所以我一定會Encore😍😍下次就可能試埋湯餃，睇吓湯餃係咪都係一樣咁好食

又是餃子🥟時間～ 😌 呢間餃子雖然只有三種選擇，分別係雲耳椰菜肉餃、煎白菜肉餃同韭菜肉餃，但貴精不貴多，質素依然不錯，湯底更勝其他餃子店🤤 🥟 雲耳椰菜肉餃 $39/7隻 $44/10隻湯餃size偏大，皮薄而且餡料豐富，雲耳同椰菜爽口，再配搭豬肉有鮮味😙 重點係個湯- 野葛菜生魚豬骨湯，真心好飲🤤，好飲完全唔覺有魚味，似老火湯😙🥟 炸白菜肉餃 $31/5隻 + 飲品叫咗個下午茶獨有炸餃，餃子皮炸得脆口，不過炸餃有d蓋咗白菜豬肉嘅味道，湯餃比炸餃出色。🥛 豆漿/羅漢果甘草茶 $8豆漿偏甜，甜味蓋咗豆味，反而羅漢果甘草茶有驚喜，飲得出係羅漢果天然嘅甜味～ 下次要試埋較多人推薦嘅煎餃🤤