美食園林餐廳 (Closed)

之前食過佢哋嘅自家製麵包🥯，有餐肉包腸仔包同菠蘿包，全部都好好食！比一般麵包連鎖店都正好多，因為佢哋唔係空氣包。於是乎想試吓佢哋嘅早餐係咪同樣高質素。其實我知道呢間野嘅衛生一路都唔係幾好，舊舖嘛，不過我見都好多人食，試一試啦！我結果係叫咗沙嗲牛肉公仔麵餐，跟餐腸同一個餐包。其實我食唔晒嘅，聽阿叔話，我可以淨係拼個沙嗲牛肉公仔麵，跟杯飲品，但鬼叫我又想試吓佢個餐包，於是乎都係成個餐咁叫左。要求佢分開湯上，OK不過要加錢，佢個沙嗲牛麵啲肉質同好多舖頭都一樣，比佢哋醃製到淋晒，冇乜牛肉口感可言。餐包一如以往咁好食！早餐質素不過不失。

有自家制餅制飽的茶餐廳，已經買少見少美食園林已經在灣仔多年，更是24小時營業他們的價格合理，堂食飽點、蛋糕，每件才$8，比一些西式餅店更便宜熱奶茶，香濃茶味，奶味也足夠，相影成趣。蛋撻剛出爐，非常香滑，有蛋香味，皮很脆。個人喜歡牛油皮，但他們只有酥皮。不知道何解，現在少有牛油皮蛋撻。瑞士卷的重點，是當中的鮮奶油，帶點咸味，更能蛋糕的香味。如果雪櫃取出來，則會略嫌奶油太硬，反而失真。他們的下午茶餐，份量比較大，同時個人喜歡飽點，所以每次也是散叫。

新鮮出爐既蛋撻望落表面漲卜卜🥧所以忍唔住買左一打⋯⋯跟住個肚仔就漲卜卜了🙈🙈🙈呢間餐廳賣d蛋撻同飽長期Warm住~所以幾時買都咁熱辣辣 ((實際上d飽會唔會因為過熱而食落乾D我就唔知啦我淨係知d蛋撻好好味🥰🥧 #然而曲奇皮蛋撻既地位都係無法取代

酥皮蛋撻🥚熱辣辣出爐嘅時候真係好難抗拒... 騰騰震嘅雞蛋.. 香噴噴嘅酥皮😍呢度除咗蛋撻好味之外，港式絲襪奶茶即係冇水花之作... 沖奶茶嗰位師傅仲好靚仔添😍順便推介下呢度嘅午餐，每日都有中式西式同埋燒味.. 呢度嘅意粉🍝真係令人有驚喜，好過好多西餐廳，仲有呢度嘅燒味，亦都係好過好多大牌子，燒腩仔更加係冇得輸。 ➿➿➿➿➿➿➿➿➿➿📍美食園林餐廳 (灣仔)灣仔駱克道426-430號地下 (近堅拿道天橋)#酥皮蛋撻 #香港味道 #港式絲襪奶茶#菠蘿包 #雞尾包#燒味#茶餐廳 #美食園林餐廳#eggtart #milktea#pineapplebun#chachangteng#icedtea#tasteofhongkong#為食滑嘟嘟 #腌尖的Van仔 #雲葉哈思#van_snoopy

一星期總有一日會同媽媽出街食飯，今晚揀左最愛既中菜。 行完街買完啲利品，黎左依間茶記。當晚是星期五，幾乎全場爆滿。餐廳選擇十分多款，我們點了數款小菜，味道都相當唔錯！-❤️蠔仔🦪煎蛋🍳材料相當豐富，蠔仔、芫茜份量多， 蛋餅煎得金黃香口。-❤️豉汁排骨煲食飯 即叫即製有誠意， 大約等15分鐘。 冬天歎過暖笠笠既煲仔飯係一件好幸福既事；排骨份量多肥瘦均勻，煲食飯既飯焦最正。-❤️冬菜九肚魚粉絲湯九肚肉白滑嫩口，仲有粉絲，個湯底幾清甜。-❤️桶子油雞 （例牌）雞肉幾入味同嫩口 👍🏻-

有日心思思想去打冷/小炒，但銅鑼灣好似冇乜依類選擇，於是問一個住開灣仔既朋友介紹左依間！同佢講既一樣：雖然冇好靚既裝修，服務亦唔算好好，但食物味道出色呀！我地2人叫左：避風堂炒蝦豉椒炒聖子一上枱已經好香鍋氣！個避風堂炒蝦我最鐘意，蝦起碼有8大隻，隻隻新鮮爽口唔係死蝦，而且避風堂炒法充滿蒜香同埋辣，我最愛呀！另外聖子份量亦都有好多，雖然唔大隻但勝在大大碟，叫左枝青島邊食邊飲邊傾計！朋友冇介紹錯呀！連酒水每人都係$150咋！

由於趕時間所以叫了個叉油雞飯，諗住食完快啲返公司做野。點知中大伏......首先，燒味的份量好少，碟飯成四十蚊但都四嚿叉燒，好唔抵食！而且嚿嚿叉燒都好肥，咬落口全是肥膏。至於啲雞都係好差，斬到件件都骨，真係無啖好食。最差係我未食完碟飯，侍應姐姐已經收左我碟野....如非必要，真係唔洗黎！

標準港式地痞茶餐廳，如果你要顧客就是上帝，要好貼身嘅 service , 同食完要同大廚傾下，咁你可以冇視佢了。但，如果係要有食鑊氣，同係銅鑼灣有正常價錢嘅，呢間算唔錯。干炒牛河唔差，係啲洋蔥生左啲，福建炒飯 ok , 鹹蛋蒸肉餅幾正。其實我仲有食過小菜同啲套餐，水準都係中上之選。黑椒牛仔骨，椒鹽鮮魷果啲小菜唔錯。煲仔菜例如 魚香茄子煲，啫啫雞煲果啲都算唔錯。但啲煲仔飯就麻麻地

态度极差！因为看到端上来的菜不对所以心平气和地问了一句是不是我们点的菜，服务员就态度特别差，说什么要不要吃啊不吃算了。没见过这么做生意的，基本的尊重都没有，再也不会光顾，并且会告诉提醒朋友们谨慎光顾。

之前曾經都在這間食過早餐，但都有兩年前了。今早嚟開銅鑼灣，專登早啲出門口去食早餐，本來想去紅磡冰室，但太多人了，鵝頸橋附近我知有呢間，所以吾想再揾第二度。坐下望下餐牌，早餐都有好多款選擇，但34元比我之前食已漲價了。因為想食飽啲，所以都係選擇有通粉、蛋、包的餐……首先通粉嚟，有什豆顏色鮮豔，賣相不錯，味道也很好，不過通粉腍咗啲……餐肉蛋、腸仔及多士都吾夠熱，明顯是吾係即整，當時吾多客人，應該吾會係侍應太忙送吾切……今日呢個早餐可能有少許配菜，所以賣相ok，如果熱番啲就更好了

有心理準備 食物沒特別 但員工態度十萬個差！感覺好像很不歡迎你問佢地問題，但佢地好似唔想答，又話關佢咩事 你自己揀！ 痴線話雖如此，茶餐廳唔需要咩好service, 但都唔係衰到咁咁hea

晚上經過這間茶餐廳，諗住有小菜食+多款選擇，應該唔差。。。看了menu, 点了茄汁豬扒飯，汁唔似平時茶餐廳食開个啲，豬扒又唔軟身，檸檬茶仲差，不知所謂，又点了多士，如即做的話，會有些熱，但又唔熱。。不會再幫襯

三點三食個下午茶，人生一大樂事也次次經過美食園林都會被它一個個的面包箱吸引，箱內滿滿的面包都是出自自家餅房，真係買少見少!下午茶時間，新鮮蛋撻出爐，人龍開始出現，梗係買返一打食個個撻都脹卜卜，熱辣辣，香氣飄滿半條街。咬一口，酥皮鬆脆牛油味香，蛋芯清香奶滑最緊要唔會太甜，同個皮配合得宜一食再食呀

在我心中呢度酥皮旦撻簡直是旦撻中之極品！！少有茶記仍自設餅房的了，每次經過總會看看，因為呢度有冇麵包師父捧着一大盆新鮮出爐的旦撻出來，呢個場景的密度很高喔！！酥皮旦撻 ＄6/隻熱騰騰，千層酥皮脆夾香，加上香香旦味濃又滑而甜度適中，的確正！每次都會吃上兩三隻才夠喉（溫馨提示：必須小心咬，隨時辣親舌頭）凍檸茶＄12整返杯凍檸茶潤一潤喉就真，茶味較淡......有些失望......但也算中等的（個人覺得呢度的啡和茶較為出色）

返工遲到邊緣時，最快手的早餐當然是買兩個麵包啦！呢度自設工場，麵包都是鮮鮮出爐的，熱騰騰又軟熟，正！呢個酥皮腸仔包是我必吃的，普通麵包舖是沒有的，香甜鬆脆的外皮配上咸咸地的廚師腸，口感非常一流！吞拿魚包，夠軟熟又大個，而且新鮮出爐暖粒粒，好好味呀！頂肚之餘又點少得來杯香滑鴛鴦走來醒醒神呢！茶味夠香啡味夠濃，加上適量黑白淡奶夠哂滑漏！正！