義發中式點心

Open Now

Now Closed

在新港城街市裡面，有一間開業多年，揚言十號風球都會照常營業的腸粉店🤯一直深得馬鞍山街坊喜愛💕近日更得到網媒介紹，吸引了不少人（包括我🤚🏻）特意前來光顧。———————————————————————腸粉 $12/3條 🌟🌟🌟平均$4一條，價格不算便宜🧐腸粉非常滑溜，質感彈牙😊軟硬適中，而且有少許米香🤌🏻但略嫌捲得未算實淨😗與醬汁拌勻後有幾條散開了，但整體質素仍算合格😃而醬汁份量就非常充足，豉油、麻醬這些較稀的醬汁甚至落得過分慷慨😂令腸粉浸在醬汁之中，亦溝淡了甜醬辣醬的味道🙃燒賣 $10/6粒 🌟🌟🌟🌟腸粉店的燒賣通常都會因長期放在蒸籠內保溫而令口感變得過淋，但這裡的燒賣沒有這個問題👍🏻質感依然煙韌軟熟，而且有魚味🐟頗為高質😋咖哩魚蛋 $10/6粒 🌟🌟🌟魚蛋質感彈牙，但咖哩味可以再濃一點，整體味道尚算合格🤔———————————————————————這間腸粉店在馬鞍山屹立多年，是不少馬鞍山人的童年回憶🥰相信所賣的除了是味道，還有是一份情懷😇

住咗馬鞍山19年，睇住新港城街市不停變化，經歷多次加租，今日店舖已經面目全非，當中有一間小店，仍然生存，當年覺得佢哋價錢偏貴，宜家覺得抵食！舖仔細細食物算多選擇，腸粉係佢地主力，燒賣、牛肉、豬皮、咖哩魚蛋、糉、發糕、是日粥⋯⋯幫襯得最多係腸粉辣蛋+燒賣，雖然冇粉嶺四眼佬咁正，不過足夠稱霸馬鞍山！今日三點幾有D肚餓，路過新港城，就入去食腸粉啦！通常都外賣返屋企食，不過今日人少少，決定坐低食。腸粉辣蛋冇叫燒賣，因為見到個叔叔食緊碗疑似皮蛋瘦肉粥，我又叫一碗，姐姐話係菜乾豬骨粥，仲特價$13碗，照食啦！腸粉唔會令你失望，碗粥更加喜出望外，足料足味，咁又完成一餐好味嘅下午茶！是日消費：腸粉$12 辣魚蛋$10 菜乾豬骨粥$13共消費$35

馬鞍山新港城嘅街市都幾多嘢買同埋幾多野食！經過見到有間腸粉望落好吸引，就決定入去試下啦⋯因為好肚餓嘅關係，我就叫咗個腸粉($12有3條)加燒賣($8有6粒)~-腸粉食落都算滑，唔會過厚同硬，配埋甜醬、麻醬、甜豉油、炒過嘅芝麻一齊食好正！-燒賣我就略嫌質感上實咗啲，同埋都比較粉，冇嗰種一食入口軟綿綿帶煙煙韌韌嘅感覺，呢款食落嘅口感係比較死實嘅。-總括而言，腸粉係真係值得一試嘅，燒賣就唔太啱我口味啦😂不過下次我會試下雞腳嘅!😛

[📍香港篇🇭🇰] 腸粉拼燒賣孖寶[📍Hong Kong🇭🇰] Rice Noodle Roll & Shumai呢間隱世小店既腸粉超好食o(≧v≦)o 原因係腸粉唔會太厚皮，或者過硬，而且係滑溜既🤗🤗價錢合理十幾蚊就可以食哂腸粉加燒賣🤤 而加埋甜醬、麻醬都好香😌以前會中意食深水埗間合益泰，但自從因爲米之蓮出左名之後水準下跌，所以都無再幫襯，而家揾到呢間都真心唔錯☺️ 大家得閒去幫襯下👍🏻👍🏻

我不在馬鞍山居住, 但因工作關係要到來這邊, 而義發的一份孖寶, 成為了我在馬鞍山的日常早餐。開在新港城街市內的義發, 店面不大, 但也都設幾個靠邊的坐位給堂食的街坊, 在早餐時間經常出現排隊人潮。而腸粉拼燒賣, 在這裡, 他們簡稱孖寶, 也是我最常吃的組合。以價錢來說, 相比起其他傳統港式早餐腸粉店來說算貴, 但這裡的燒賣和腸粉但確實也都很不錯。幼身腸粉軟糯滑嫩, 而老師傅手做的魚肉燒賣, 口感煙煙韌韌, 皮薄內軟而又不粉在外面很少機會食得到同款的, 義發這裡的燒賣, 是我吃過的燒賣之中, 質素出色的少數。

最愛吃這裡的"孖寶"餐.就是 彈彈的腸粉加燒賣(一次過滿足了兩個貪吃願望)姐姐們調較的豉油味道也不錯.這裡的腸粉質地彈彈的,不會蒸得過淋,燒賣味道及質地也不錯.舖內的姐姐也幾好人. 繁忙時段不易有位坐. 眼見不少人也是買外賣.舖雖小小的,也算坐得ok,也有點點懷舊風味~

馬鞍山街市，算是一個比較多熟食檔的非食環署管理街市。這一個街市，有茶餐廳，車仔麵，煎釀三寶，中式糕點，麵包店，連鎖的排骨飯店，仲有以豬腸粉為主的小食店。多年來在馬鞍山，每次入街市都只去茶餐廳或唐記，其他的都只是試一試就走。可是，當我決定再點評街市內的一間茶餐廳時，發現了一個漏網之魚，就是馳名食豬腸粉的《義發中式點心》。這一天的早上，如常地來到馬鞍山市中心轉車，也特意地，鑽入這街市吃早餐。目的早有了，一入街市就直指這一家小店，為的是美味豬腸粉。$15，4條腸粉加兩粒牛肉，先說普通的牛肉，一口咬入時就知道這一個以粉為主的牛肉，味道同口感都比較 artificial，感覺一般。而腸粉，白白的，亦擁有一種看得見的滑。入口，質感結實而帶點米香，加一點花生醬、甜醬及豉油，又滑又香，味道絕對豐富。很好的腸粉原來有在附近，遲知都也好過錯過了。

每逄出街前, 多數都會走落街市買呢檔燒賣打抵, 佢地個燒賣比一般的燒賣大一倍~我每次都會叫: 唔該$5燒賣拎走, 多豉油少辣油~跟住我就會拎住跑去撘巴士~上車吃, 正啊~ 我都有吃過佢地牛肉, 腸粉, 炒麵, 就冇乜特別~ 不過都好多街坊&學生哥來吃~(燒賣: $5/4粒, $10/9粒)

尋晚幫朋友執屋..一執就早上9點決定出去食個早餐先返去訓..一早去左唐記買左饅頭, 再過黎試下呢間D燒賣用腸粉$6腸份: 幾滑, 汁醬都OK, 不過原來得3條, $2/條, 都幾貴..$4燒賣: 4粒, 幾好食.$4魚旦: OK, 夠辣, 不過唔夠熱.整體都OK的~ 不過貴左少少~

o係偶然o既情況下見到上面o既食評~~講到好似好好味咁~仲要咁o岩o係馬鞍山喎!!!咁近梗係要去試下la^^食過一次之後真係覺得好好味呀~~唔似出面o既燒賣好似食緊舊麵粉咁.....里度o既燒賣真係煙煙韌韌架~~豉油甜味o岩o岩好,令到燒賣更加好味~今日第二次去買~~~$1粒,我買左10粒~拎番屋企俾媽咪同家姐試~~佢地都話好好味呀!!^^仲話好耐好耐.............之前o係觀塘食過里種燒賣,但係已經好耐好耐都搵唔番lu~估唔到今日竟然食得番tim~~嘻下次我一定會試埋d腸粉~睇下係咪都係咁好味先~~

週末走到對我有點遙遠的馬鞍山,就是為了尋找好吃的燒賣,皆因樓下食評的燒賣照片實在吸引。經過清潔阿姨友善地指路,月巴人很快就找到新港城街市所在,炸三寶、車仔麵、排骨飯分別在兩邊引誘著肚餓的月巴人,不過還敵不過這小店門前那一大籠魚肉燒賣吸引目光。老闆娘為我準備食物時,看到魚肉燒賣真的跟坊間的不一樣,即時追加一份燒賣 這是繼屯門某小店後, 另一家用上像合益泰的幼身腸粉,腸粉本身軟糯幼滑熱度足夠,所配的醬汁味道很濃,尤其是濃香的花生醬,真的不錯。魚肉燒賣中間部份呈半透明,有點像麵粉多於魚肉,吃來彈牙而不是鯊魚燒賣那些慘白魚肉和淋之之感覺,而且外皮薄又柔軟,以魚肉燒賣來說算是好吃了! 不枉我長途跋涉來到馬鞍山來吃 不過以港式小食店來說,這裡的腸粉、燒賣價錢偏高,腸粉每條$2而燒賣是每粒$1,不過還算有價值,有些客人一點就八條腸粉+十粒燒賣,比吃飯還貴呢。

果日行經街市，發現這鋪有好多人排隊，好奇心驅使下便一試，見很多人食腸粉,咖哩魚蛋和燒賣，我都一試，試過腸粉覺得很有口感，軟硬剛剛好，醬汁也好好味呢！燒賣也很出色，細問老闆下得悉原來做燒賣的師父已做了四十多年，難怪如此美味！至於咖哩魚蛋味道也很好，夠入味彈牙！～　我諗下次一定會再幫襯！