翠苑甜品專家 (保和大廈)

Open Now

Now Closed

因為喺附近工作關係，我間唔中都會嚟呢度食甜品。因為公司附近冇乜甜品舖，都會貪方便去翠苑度食。每次見到廚房嘅一位女士，都會見到佢黑晒面，態度惡劣，對客人極度唔友善。琴日8號風球落波，我趕返公司做嘢，放工後又貪方便去翠苑食。又見到黑面神，加上發現食物質素每況愈下，我決定以後唔會再幫襯。

今日同同事食完飯就嚟咗呢度食甜品，門口望落去都似係傳統糖水舖，我自己對於傳統糖水都幾鍾意👍🏻今次揀咗芝麻糊食，佢係一個好濃郁嘅芝麻糊，未試過好似接近啫喱咁口感😂感覺都幾特別，味道都不錯😋

已經好多年冇食翠苑，估唔到咁多年都冇進步過。我想食芝麻糊，又想加粒湯丸，點知得芝麻湯丸，我就只係加一粒試味算。點知呀姐叫我加兩粒，我就估到湯丸一定係伏啦。殊不知芝麻糊同粒湯丸都好普通，我是但食完就起身走人，不帶走半點雲彩。我都好聲好氣問店員有冇得比八達通，點知呀姐話「都話咗只收現金落！」我心諗，幾時有講？加上佢講野口音太勁，好難聽得清楚呀！我諗黎緊日子都唔會再去翠苑任何一間分店啦，都唔明點解架店仲生存到！

有一位女士態度好差，問咩講咩都語帶晦氣，得罪佢咁。嚟到叫嘢食，幫外國朋友一次過叫埋，朋友突然轉呔，我都講咗唔好意思，個女士啲語氣仲要單單打打，惡到我都疾一疾。叫咗海帶綠豆沙係融到一粒豆形嘅豆都揾唔到，成碗係一pat綠豆泥湯咁，唔係有啲海帶我會以為佢畀錯嘢我，賣相好難睇，食稀嘅糊仔咁，一啲豆嘅口感都冇。朋友嘅楊枝甘露亦唔好食，冇乜芒果味，同埋食得出係唔新鮮。真係唔建議去，唔好食又盞去俾佢鬧。同行幾位外國朋友，佢哋聽到佢啲語氣都問佢做咩咁嬲。佢真係好失禮。

我每次幫襯佢，都會講到明係要凍嘅，但係佢仍然係會畀熱嘅我有時我會要加蛋，而佢為咗放到隻蛋入碗糖水度，會將我碗糖水倒咁啲先頭先我卒之忍唔住口，問佢係咪又係倒咁啲糖水先至放隻蛋入去，佢起初扮聾，我質問咗佢幾次，佢卒之答佢有我唔放過佢，就話「咪就係囉，食得嘅嘢做乜要倒咗佢呢？」佢又唔答我

好反感，目擊店員無理鬧客，見有兩個女仔未食完已經俾店員大聲趕人，大聲到成間鋪都聽到，俾錢幫襯仲要欠咗佢咁，仲要一而再再而三，鬧到佢哋食完為止，俾佢嘈到我自己都無哂心情食，何況糖水只係一般，簡直貼錢買難受

於1/1/2024黃昏時間，見openrice餐牌價錢ok，本來諗住電話落單，外賣自取，可惜聽電話個員工一聽到我只叫一碗，就好寸咁話 ：「你一碗打乜野電話呀！自己過嚟落單啦... ...」 好彩我一日未俾錢，一日都仲有選擇權，附近大把舖頭歡迎電話外賣，甚至用openrice外賣自取功能... ...唔怪得無生意啦，啲員工咁大權力去自行決定唔接單！老闆， 不如你統計吓，因為啲員工，導致幾多張單無接到啦... ...

呢間野真係極品🙃🙃🙃本身諗住揀一間中式甜品試，入到去之後又催你，即刻落單，連餐牌都未睇倒，諗住有禮貌同佢講話遲少少，再叫佢落單，又串我地「你地唔係未諗好咩?」，心諗都係落單姐。食食下有五人想入，竟然行過黎，話叫人快啲食完走，碗野都未食完，點走啊？😡😡😡😡真是服務質素差到一個點👎👎

星期五晚，我們一行三人晚飯後還有說不完的話題，就決定揾糖水食，由金鐘行往銅鑼灣，在經過灣仔道途中發現這店，又剛好有位，當然要幫襯。應該是由幾名北方女士營運的這店，售賣傳統港式糖水。合桃糊，甜度適中。燉鮮奶，22:15來到，已是最後一碗。桑寄生蛋茶，很有童年回憶的糖水。全店的糖水由二十多元起，在香港寸金尺土的地方，這裡的座位已算坐得舒適，並無出現要背脊貼著陌生人背脊的情況。這店23:00關門，過了幾分鐘，店員阿姐再次提醒餘下的食客要離開，我們當然聽話離開，不阻人收工。看食評見到有人提到店員的態度不好，但我反而覺得阿姐直腸直肚真性情。

經過附近得一間糖水鋪就入去試下，味道一般，樓面呀姨態度差，唔會有下次！坐低睇食咩 已經吹三催四堂食楊枝甘露用外賣碗偏少芒果肉朋友叫左碗碗香芋椰汁芋圓就中規中矩啦！

已經幫襯咗好多次，但係今日外賣自取薑汁燉奶，竟然係酸嘅，打電話去同店員反映，店員沒有驚訝的反應，明顯不是第一次發生。感覺真的很沒有責任心，變質的食物也賣出來。家中老人芝麻糊混燉奶一起吃，吃不出是酸的，當我食燉奶嘅時候先至發現係酸嘅。雖然店員在電話中有道歉，但係食壞肚子可大可小，希望店舖老闆會良心經營，不會再有同樣事情發生。芝麻糊好膠，品質越來越差，雖然價錢好平，但我寧願店舖調高價錢，提高質量，對得起食客。

星期六食腰果糊…味道尚可，但姨姨的態度真的很差..其他分店的態度比較好，灣仔這間分店的意義態度真的很差劣….不會再有下次….假期不想受氣的話，大家想才想清楚幫襯與否

食完飯去咗附近買糖水，呢一間糖水我哋都成日買，因為同一價錢同埋CP值都相當高 有好多唔同中式糖水嘅選擇，只係大概$20多少少！喺灣仔區嚟講，真係算好平 今日就叫咗個合桃糊，外賣拎返屋企食 合桃糊佢味道非常濃郁，食得出真材實料嘅味道，絕對唔係用粉去開！每一啖食落去都充滿着滿滿嘅合桃味 份量來講亦都唔會太少，一打開個外賣，都入得好滿，大大碗非常抵食！鍾意食芋圓或者湯圓嘅朋友仲可以加多$8額外加一份小食 有機會一定再幫襯

同朋友係灣仔附近食完晚餐，見到翠苑就二話不說衝左入去。翠苑有好幾間分店，灣仔分店第一次去，啲姐姐既服務都係同其他分店差唔多，客人唔需要怕醜大大聲講自己想食咩就得。靜靜地等店員姐姐都得既，不過可能時間要耐少少。😆今次自己嗌左喳喳，貪佢多豆，佢既蛋白質成份超級多。喳喳甜度剛剛好，唔太甜，豆唔會煮到過淋有咬感。😄👍😋好啱養生一族同埋老人家食，眼見四周都有好多老人家幫襯，可能就係因為夠平同埋足料。朋友嗌左芋圓合桃露，佢都讚不絕口，芋圓夠彈牙，合桃露有啲合桃渣食得出係手磨既。芋圓份量好多，成碗熱辣辣好暖身。

去親灣仔伊館果頭一定去食嘅中式糖水，重點係而家求其搵一間甜品鋪，普普通通都三四十蚊，但呢間仲係廿幾蚊就有交易。腰果糊：唔會食到一pat pat嘅糊糰，但腰果油分比較多，食完都飽左，由於假日先有得食，又唔多地方食到，都值得試下。芝麻糊燉鮮奶：每次必點，芝麻糊夠香濃，燉鮮奶夠滑，一濃一淡加埋好啱味，呢個食多碗都得。不過店員服務就麻麻，如果外面有人排隊，會叫你食完就好走，想食下甜品傾下偈，呢間就唔啱你啦~