翠苑餐廳

Open Now

Now Closed

#香港美食 #海南鸡饭 其实已经可以了，给的酱料也足，鸡肉烹饪的时间也刚刚好，不会太生也不会太熟，只是说香港的鸡肉就是这样比较绵，给的青菜还可以，正常酱油，汤也是可以，虫草花的汤，比较清甜

沙爹牛肉公仔面其實咩叫沙爹牛肉公仔面呢 ⋯⋯佢落紅椒外賣唔分湯 公仔面都發脹左啦⋯⋯其實而家邊有外賣唔分湯嫁⋯⋯難食都算 唔會有下次 真係好垃圾 好後悔叫 好小寫評論 一早就成肚氣

一開始已食到塊煮過既膠片，太餓諗住算，點知食食下又多一塊，堅食唔落，想投訴，又收左工即係我食左膠片泡飯，太唔衛生喇，美景花園夜晚巳經唔多生意，咁都可以整成咁，有冇搞錯

【乾炒牛河】結塊唔散，豉油炒得不均勻唔夠熱鑊，甚至油分太油膩食完毆胃酸，好彩都有杯嘢飲跟餐可以洗一洗個油膩感。牛肉冇牛肉味但係口感唔錯唔會好鞋。咁嘅價錢我就會揀第二間食喇。【海南雞飯】會比足三個漲了都算係此番個海南雞飯樣啲飯都係好好味嘅鹹香味足夠。雞揀嘅部位呢都係比較靚仔嘅部位，仲好貼心有埋碟油菜。所以總體來講海南雞飯係最健康得來優之選。【例湯】去咗幾次佢哋嘅例湯都係苦瓜豬骨湯，總體來講湯水嘅味道稀左D， 不過比起出邊好多大排檔來講就少咗濃郁嘅味精味，都係good嘅。

今日肚仔餓 所以行過去美景花園搵食其實美景花園餐廳都唔算少自己就未試過呢間翠苑見佢有下午茶所以黎試下睇見個MENU係有下午茶海南雞飯餐😍🔥海南雞飯餐$4️⃣8️⃣翠苑既湯好抵讚！❤️係住家湯😍聽到店員同食客講每日唔同既湯呀好適合我呢種長期冇湯飲既人飲到係無味精🌟！不過海南雞飯個雞好似擺得太耐所以個皮有D乾不過食落覺得肉都係鮮嫩既🤪另外仲有一碟生菜都幾健康🤩個飯都好黃色都有椰香味P.S. 性價比高，下午茶非常抵食！😳一菜一餸一飯湯一飲品，食完一個餐會好飽🤪

屋苑平民晚餐價錢相當平宜，份量足👍🏻👍🏻👍🏻可叫加飯，岩哂二個人食都飽住走門面企理乾淨晚市選擇多，價錢實惠加6蚊有碗綠豆沙，大滿足👍🏻👍🏻👍🏻另外，十分驚喜係加6蚊可轉紅豆冰或雜果冰，雜果份量超過半杯，相當滿足👍🏻👍🏻👍🏻但糖水略甜，少少扣分👎🏻👎🏻👎🏻魚香茄子煲相當大份，足夠二至三個人share一齊食。最後值得推薦係胡椒豬肚滑雞湯豬肚份量多，雞件夠滑，啖啖肉

其實本身美景花園有幾間茶餐廳，呢一間算係新開嘅一間， 諗住去試下。但差唔多每一次都係帶住唔開心嘅回憶離開。本來中午嘅時候諗去試試去嘅碟頭飯主要係為咗去試鹹魚雞粒炒飯落完柯打冇耐， 就有一位侍應放低兩杯嘢飲並同時通知我哋佢哋冇鹹魚，叫我哋轉食其他嘢， 而唔係問我哋嘅意見咁因為我哋主要係想試鹹魚雞粒炒飯幫佢未能提供嘅時候我哋唯有走人呀大多地決定走嘅時候呢位侍應 就完全冇出聲咁拎走咗兩杯嘢飲回頭 就一路返去廚房一路響餐廳度嗌「 佢哋取消呀」， 而且態度十分惡劣令人覺得十分唔舒服我十分之唔明白， 而家係你哋餐廳冇材料， 所以我哋唯有取消。點解我仲要受你哋餐廳嘅侍應嘅氣。溫馨提示： 如果唔想受氣， 去到餐廳盡量避免搵一個差唔多全場最矮嘅事應佢幫你落單咁就可以避免一些唔需要嘅麻煩同埋唔開心嘅經歷。

叫了鐵板什扒餐$78和梅菜鯇魚飯$60，扒餐餐牌寫送西湯及熱飲，但侍應阿姐落單時無問飲咩，後來再問阿姐只答鐵扒餐一向無送飲品和湯,但餐牌確實寫送湯和熱飲...於是只好叫阿姐自己再睇睇餐牌，佢睇完就話從來都無西湯..飲品就有既，西湯而樣係張牌印錯左..係老闆娘整錯..佢自己無錯..聽到O哂嘴...算啦....唔落都落左...個扒餐到左..唔好有咩要求啦，但仍然有錯漏..俾少左隻煎蛋..扒餐餐牌寫明有雞扒豬扒牛扒同雞蛋，又要再追阿姐幫手追廚房...蒸魚餐到左...睇落舊魚好大舊..筷子一督..督唔穿...鯇魚中間未熟...只好又再叫阿姐幫手叫廚房再蒸蒸...蒸完，食完，只求填飽個肚味道算了下次不會再光顧希望附近居民不要中伏希望此舖位可以快d由其他有心經營的食肆頂替

足料好味，下午茶抵食夾大碟。之前食過晚飯，焗豬扒飯都一流地方坐得舒服，亞姐落單又nice。見佢包緊雲吞，啲蝦成隻手指咁大隻下次都要試下我哋住貨櫃碼頭呢頭冇乜啖食，好彩仲有美景花園呢個地方。。。

之前第一次去食早餐，叫咗雪菜肉絲米，味道比較清淡，湯底唔會太濃當時覺得間餐廳都唔錯，過多幾日諗住買晚飯食，就瀨嘢啦先講飲品男朋友叫咗杯凍飲，一杯有5分4都係冰，因為係叫外賣，上到樓一打開黎睇，真係覺得好過分咁我再試食物味道啦～叫咗個xo醬炒飯，哈哈😄個炒飯完全冇落xo醬炒，食落去係冇味落樓去同個老闆講，老闆睇完盒飯即刻叫廚房再炒（其實係我食左一啖果份）順便再提埋飲品問題老闆當時都知係員工同廚房出錯，待客態度都尚可，不過就會減少再食果間囉。。。

諗住喺附近求其食個早餐，見佢餐牌都係沙嗲牛肉麵，雪菜肉絲米應該都正正常常，唔會差得去邊。坐低叫左個沙嗲牛肉米&吉烈魚柳配火腿蛋奄列加個奶油豬。首先沙嗲牛肉米無沙爹味，其實似生滾牛肉米多D完全無味。之後個吉烈魚黎到簡直嚇左一跳，成舊烘燶蛋糕咁。。。 啲粉厚過條魚，仲要勁鹹，個火腿蛋奄列都勁鹹。 奶油豬又冇奶，勁多牛油，總之成餐都好鹹。食完條脷勁鞋 咁簡單嘅嘢都可以做到咁難食 唯一可以話ok嘅就係份量好大，但係真係無可能食得落，都其實可以話係浪費食物永遠 blacklist