老友記快餐 (Closed)

中午12㸃幾去完銀行，肚餓了，經過這裏看到雪櫃貼了常餐及拼麵餐，而且價錢比較平，於是叫了沙爹牛肉蛋米粉。本来没有什么期待，回家试一口，沙爹味很濃，牛肉也不會“鞋”。不過米粉同湯没有分開裝，所以有小小漲。 這小店不甚起眼，在巷口，沒有什麽裝修，像大排檔，但每次經過無論是午飯、下午茶及晚餐時間裏裏外外都坐滿人。这種平民化的地方像是给人放鬆及休息的感覺，所以這么受歡迎。

去完深水埗買電話殼，食飽過後再嘆埋甜品準備去撘車回家之濟，經過老友記門口有明火燒烤串燒呀！雖然我哋已經食咗嘢，但係都忍唔住停下來買番幾串試吓！店舖出面好熱鬧，有幾枱都坐滿了食客。有好多人排隊等串燒，還有的是外賣，我們還是望望店舖入面是否有位可以坐下來才落單，幸好還有空枱，可以坐著看電視！老闆好友善可能因為燒唔切關切，我見到老闆先烚熟串燒後，才拎出門口給店員燒烤的！但一點都冇損食物味道，反而安心確保已經是熟透。不會太辣的沙嗲汁好味呀！串燒又燒得乾身帶點香口，魷魚爽口好咬。煙肉芝士腸既有煙肉香味卻帶有芝士既濃郁，腸仔還有脆皮感覺。雞肉串雞肉不會好多肥肉。墨魚丸裡還有墨魚粒 不會好粉團。

上星期三晚去接完13，佢話想食串燒，想起之前喺深水埗見到呢間串燒，就去試下啦....去到門口見到，食物款式都幾多(見圖)，價錢合理!因為有其他客都準備落柯打，我就同13叫住一串金菇肥牛卷同埋一串墨丸先，跟住其他客亦都落咗柯打....當我地商量緊再叫咩嘢食時，突然間用黎查油個掃趺咗落地(趺咗落地個位即係條街)....我同13即時想佢會點做??佢好好，執番個掃，放埋一邊.....我地即刻放心哂，便繼續唸叫咩!當我地ready再叫時，佢突然間用番放埋一邊個掃同人地柯打咗d串燒查油，我地即時呆哂....之後即時同佢講，我地叫咗個2串唔要油.....我地冇再叫其他串燒，全程留意住我地叫個2串，唔可以俾佢個掃掂到!等左一陣，終於燒好!!我建議同不如唔好食啦，因為見到佢d衛生咁，真係有d陰影。但係13話太浪費，所以最後都食咗.....金菇肥牛卷 - 如果唔點醬汁，根本就冇味!!墨丸 - 燒得唔夠平均，味道冇咩特別!!之後走咗去劉森記食麵.....第日我地兩個都有d肚子不適，唔知關唔關d串燒事呢??

好開心!!今日mum買左一袋串燒返黎我即刻去聞下啦,好香,仲熱架.__.''有2隻雞脾,3串墨丸,2串雞肉!!佢同我講係係大埔道買既竟然有串燒店我住左係附近甘耐都吾知有間甘好食既串燒店牙媽話價錢都吾係特別貴,墨丸燒得好好味!!熱立立,d汁超正雞肉醃得入味..,佢地d汁真係好正我真係要搵日親身去試下雞脾我就沒食啦我想試下魷魚,雞翼,雞腎,牛丸....

29/12(二) 7.30pm提早下班,不厭其煩地遠征天水圍科會御用牙醫後,黃昏時份返回市區,我倆到"高登"格價後,不經意把腳步偏倚到這小店-"老友記".坐於戶外座,跟鄰桌江湖味甚濃的街坊為伴,哽下不少二手煙圈!跟同行的江湖老闆細訴舊事.論回食物,店子以串燒,炒粉麵及米線作主打.咱們來了炸蝦筒$15,燒豬頸肉$8,金菇肥牛卷$12,魚腐,魚皮餃及唐生菜米線$23及炒貴刁$28跟凍飲.炸蝦筒--蝦筒炸得乾身香口,蝦粒中還帶芝士香燒豬頸肉--由一泰國人看守的串燒部,以惹味的花生沙嗲醬淋於焦香的豬頸肉上,僥有風味!金菇肥牛卷--阿梁盛讚肉汁充沛的肥牛卷貨色不俗!魚腐,魚皮餃及唐生菜米線--味精湯底可免進口;魚腐浸泡過久,發脹起來,吃落也沒啥味道;魚皮餃更變壞了,吃不得!態度一流的侍應立時將其收回並道歉,值得嘉許!令人留戀的是其份量大方而煙韌的米線!炒貴刁--這碟滴油不沾的炒貴刁可不能看輕!蝦粒,火腿,叉燒,青紅椒,辣椒,芽菜等配料與爽朗的河粉連成一線,繼而喫出適度的咖哩香!花消不到$100的街坊食店,吃得暢快!

啱啱先係嚟間食店返到來屋企，食咗個公仔麵，個麵好香滑，豬扒都好好食。遠遠哋就可以聞到陣薑蔥炒豬扒嘅味道。我個人的胃口比較大，如果個份量再大D嘅話咁仲好，嘻~嘻。一碟落來18大洋，值。嚟間食店嘅都有好多不同嘅菜色，唔知有D煲仔飯又會係點樣味嘅喇？有機會嘅話會再試下。D伙計都好有禮貌，臨走時留低咗本書係座位度，個夥計見到係咁追出來捭返我。真係多謝曬窩！攢！！

同几個朋友行街返屋企時經過樓嚇呢間食肆，冧住懶得去煮。就隨意order咗几個粉麵，先祭嚇個肚。椒鹽鷄翼米線用咗$18，豬扒公仔麵都一樣，仲有佢哋店仔嘅招牌飯一個，一共用咗$52大洋。我食嘅係鷄翼米線，白色的麵條爽滑夠彈，不過個鷄翼嘅味就淡少少如果加多D鼓油嘅話會好食多D。米線嘅湯水都鮮甜。去同老闆建議個鷄翼嘅味仲可以濃返少少嘅時候，個老細態度都几好，話會改進希望多幫襯。幫唔幫襯就要睇返老細你嘅喇。店麵有少少逼，不過D嘢仲過得去。本身係唸住影返几張像捭其他食家睇嚇嘅，一下子又唔記得咗。如果仲有機會嘅話下次先喇。

上次來嚟度食咗過干炒牛河，覺得個味都几好。唸住再來試嚇，希望個味未變到。等咗几分鐘，個牛河就上台了。一陣香味撲鼻而來，蝦仁好鮮甜，豆芽都好脆。嗯..火候把握得啱好。至緊要嘅係個粉，夾一啖落口，好香又唔會油膩。唔…個味未變到。每人次消費$18.值得推介。

無意中發現呢間米綫王，食咗個美國肥牛米綫$10，D肥牛好好牛氣味，D湯底夠鮮味。自製牛丸米線$18，聽講係祖傳秘方自製牛丸！個肉丸好彈，有好香嘅牛肉味。如果想食到比較正宗嘅又美味噶牛肉丸，不防嚟呢度試下，不過呢間舖面都几難揾噶，門面較偏僻,要上斜路！但係大路口，都可以見得到招牌噶！除咗難揾D之外，其它都係比較好噶！比較實惠，吾好睇巨偏偏細細，但行入去好干淨噶。食店最緊要係干淨同埋注意衛生。雖然偏D，但都做到前面嘅要求！吾錯。值得推介，鐘意食米綫噶朋友不防過去試下。。。。

天氣凍凍地去完黃金買机經過去搭小巴,見到地方的的式,於是試吓食晚飯啦!.個臘腸煲仔飯$28,好味低食,$45招牌小炒皇-正,夠鑊氣,$88招牌二人御寒生鍋,一大盤什錦料好夠多,低過去大x活食,除什菜菇類外,仲有大蜆,竹籤生蝦,牛肉,栢叶,四宝丸,骨清湯底好香!本來想post 個鍋比大家睇!可惜手机冇電!下次在post 嚟!