老川皇川菜風味館

Open Now

Now Closed

終於可以一試坐擁幾間分店既老川皇😍 我好期待食川菜😋平日晚上9:30去到都座無虛席👏🏻 餐廳前菜任食～ 今晚有涼拌青瓜同海帶絲 😍 青瓜爽口 小小辣 🌶️👍🏻海帶亦都好爽脆同帶濃厚海帶鮮味👏🏻酸辣紅薯粉😝 熱辣辣上枱 薯粉勁彈牙爽口 唔會韌到咬唔斷 湯底亦好夠酸 ！ ！ 配合埋中辣簡直係perfect match 🧡 花生就算比湯浸住都唔會淋到泥膠咁 仲卜卜聲👍🏻值得一試🙌🏻點可以少得自選嘅麻辣香鍋😋🌶️ 本身個底已經包咗蓮藕，薯仔 椰菜花等等另外最低自選3個餸 - 豬腸，魷魚鬚 豬頸肉🩷 份量嚇親人！ ！ ！ 所以餸份量都勁多！ 平時出去食呢啲麻辣香鍋就只有辣椒多 其他餸都偏小🥹🥹但呢間絕對係相反 啲餸仲多過辣椒🥰🙌🏻 愛了！ 魷魚鬚必點 好爽口新鮮 再辣都辣唔過佢既鮮味👍🏻 豬腸亦好厚身 juicy !!! 絕對唔會炒到乾爭爭😭 必提嘅係佢本身包埋嘅蓮藕同薯仔都好好食😭 索哂啲麻辣味 成件事勁滿足😍 2個人清得哂真係好叻！ 真係捧住個肚離開😂 自選串燒🩷 川菜點可以唔試吓串燒幾飽都要食😋 娃娃菜 同韭菜索晒啲調味料 勁惹味！翠玉瓜 燒完都仲好爽脆🥰豬頸肉 爽口 🌶️羊架 肉同肥膏嘅比例

今日放假去旺角行街後約咗朋友放工後去晚飯。 朋友係旺角通，話附近有間定價相宜的人氣川菜館，名叫老川皇川菜風味館。 它在旺角砵蘭街101-107A號砵蘭街大樓地下AB號舖。 港鐵油麻地站A出口, 步行約幾分鐘就到，十分方便。 這間是新舖，由樓上舖歐亞廣場搬過來的。 舖面很大，裝修簡約；整齊清潔。以卡位為主，坐得舒服! 菜式主打川菜，種類繁多：水煮類、涼菜、干鍋鐵板、精美小炒和重慶風味燒烤等。 辣度可按喜好自選。店員十分友善，提醒我們有自助任吃涼菜，咁就抵食。 *自助涼菜：手拍青瓜和涼拌海帶、藍妹大啤先來杯冰凍藍妹啤酒，手拍青瓜和涼拌海帶都極具水準，爽口香辣，非常開胃! *口水雞、香辣牛展、蒜泥白肉 (小辣)川菜中必點的，全是很地道的川菜口味! 不會太鹹太辣，麻辣鮮香。 雞肉嫩滑鮮味。 牛展有咬口，香辣味濃。白肉肥瘦相間，配大量蒜泥；真的超正! *重慶風味燒烤：白鱔、雞中翼、雞腎 (小辣)好久沒有吃川味燒烤，配冰凍啤酒就最爽! 白鱔燒烤得微焦，皮好香口，肉質鮮嫩多汁! 雞中翼醃製得好好味，燒得皮脆肉香! 雞腎烤得不會太乾，鮮味有咬口，麻辣味濃! 全是超有水準! 這間老牌人氣川菜館，在旺角

近排天氣凍，所以同朋友揀咗間川菜食酸菜魚暖下胃。發現旺角有呢間川菜店，環境都幾好就試吓🌶️金湯酸菜桂花魚呢道主菜色澤鮮艷，湯底金黃透亮，啲魚全部都好滑嫩，睇到都流晒口水。我哋揀咗食桂花魚，因為桂花魚魚肉鮮嫩啲，啖啖肉，而且啲骨都好大條唔會驚哽親。食落每一啖都能感受到魚肉嘅鮮美同酸菜嘅爽口，非常開胃。酸菜魚配菜我哋揀咗肥牛、娃娃菜同大豆芽菜，每一種配料都為整體增添咗唔同層次感，襯埋個湯底真係好好味。肥牛唔係平時打邊爐嗰種好薄嘅肥牛，都幾厚肉。娃娃菜同大豆芽菜襯埋啲酸菜，味道同口感都啱啱好。果然係呢度台台都嗌嘅一道菜。🌶️清炒萵筍絲呢道小菜睇似簡單，但其實係我最期待嘅一道。因為其實整萵筍絲係要花好多功夫，萵筍絲快炒之後都保持到原有嘅新鮮同脆嫩，我同朋友都好快清晒成碟。廚師用心調味，完全唔油膩，非常適合搭配啲重口味主菜。我覺得呢道素菜喺繁重肉類之中，可以加翻啲清爽感，真係好正！🌶️脆皮牛奶卷呢道菜一出嚟就已經吸引到我，金黃酥脆嘅外皮真係好靚。外皮炸到啱啱好，入面就係柔滑嘅牛奶餡，口感對比真係令人驚喜！呢個牛奶卷唔單止好睇，食落去更加一口接一口，三舊真係唔係好夠，好想嗌多啲。呢道菜真係好適合開胃小食

今晚同朋友去咗呢度dinner,一入到去，感覺好熱鬧，四川風格。首先試咗爆漿椰汁流心球，一咬下去，椰汁即刻流出，真係好好味，唔會太甜。接住就係泡椒魚籽，辣味剛好，魚籽好鮮，食落去好開胃。然後嚟到麻辣小龍蝦，肉質好彈牙，麻辣味十足，真係忍唔住一隻接一隻。川北涼粉都唔錯，滑滑地，搭配啲醬汁，清爽。香辣鵝唇真係驚喜，口感有嚼勁，香辣味好濃，令人一試成主顧。最後，澳洲珍寶蚝，新鮮到不得了，味道更清新。飲品方面，我試咗粉紅夏日，色澤好靚，味道清爽，啱啱好搭配啲辣菜。整體嚟講，「老川皇」真係好正，食物味道夠地道，環境又好，我一定會再返嚟，推薦比所有鍾意辣嘢嘅朋友！

泡椒田雞呢道泡椒田雞可以話係辣味控嘅福音，田雞肉非常鮮嫩，滑得嚟仲帶有啲彈牙嘅口感，完全冇腥味。湯底用咗四川特有嘅泡椒，酸辣開胃，第一啖入口已經感受到味蕾嘅衝擊力。泡椒嘅辣係滲透入田雞肉度，辣中帶酸，愈食愈開胃，唔會停口。🌶️乾鍋黃鱔乾鍋黃鱔就係上海菜嘅經典菜式，鱔肉外層煎到微焦，帶有陣陣焦香味，但內裡仲保留住滑嫩嘅口感。配料方面有脆爽嘅洋蔥、青椒和紅椒，亦加了入辣椒，令成道菜更加有層次。🐟孜然羊肉孜然羊肉係一款極具異域風情嘅菜式。羊肉切到啱啱好嘅厚薄，炒香後仲保持住肉汁，完全冇羶味。配埋滿滿嘅孜然同辣椒，令香味更加突出，每一啖都帶住濃郁嘅孜然香同微微嘅辣勁，真係好過癮，面頭再鋪滿芫荽，非常惹味。🐑

🥘麻辣乾鍋，一嚟到已經見到好多嘅辣椒，真係令我哋留口水都流埋，我同朋友本身非常鍾意食川菜，所以見到網上呢一間新嘅餐廳評價都唔錯，所以先過嚟幫襯！果然冇令我哋失望！有豬肉卷土豆魷魚白蘭花，每一個項目都非常入味，豬肉卷嘅味道再加埋本身辣辣地，我哋都覺得非常容易入口，入口亦都唔會有一種好強好唱口嘅麻辣味道，呢個位控制得非常好，亦都食到廚師嘅鑊氣！我同朋友本身都非常鍾意食魷魚，辣魷魚，非常爽口彈牙，非常好吃！土豆片就有啲咬口，整體我哋都覺得呢一個麻辣乾鍋都做得唔錯！🥘手爪餅非常香脆，而且份量絕對唔少，我同朋友都幾鍾意佢香脆口感，作為小食嚟講我哋都覺得唔差！🥘擔擔面嘅味道非常傳統，而且辣辣地嘅口感令我哋非常開胃！分量都唔少再加埋本身其他香菜嘅配合，令到成個口感更加多元化！面質嚟講，我哋都覺得唔錯，餐廳唔會煮得太軟身，保持個面嘅口感同埋咬口，所以我哋都覺得正！🥘餐廳出邊自助區亦都有好多唔同，川菜嘅小食包括有手拍嘅青瓜，有啲驚喜嘅係任食，味道嚟講都非常唔錯，我覺得非常爽口！作為前菜令我哋非常開胃，啱晒鍾意食小食嘅朋友！酸蘿蔔都有少少辣，不過朋友就話非常好食，因為佢切得好薄，所以成個味道非常入！整體都

今日又同朋友去旺角食飯，今次朋友介紹老川皇餐廳食川味，我哋都好中意食川菜，愛食辣，所以我哋好有共識咁一齊去食川菜。1.金湯酸菜魚(小辣）份量比較大，湯底好濃，但味道很鮮甜，較比其他餐廳酸菜魚無咁重味精，但湯底很好飲，而且配白飯一流。2.手撕包菜（小辣）真係一款經典小菜！這道菜色香味俱全，包菜很鮮嫩和脆口感。小辣的調味剛好，配合蒜香和調味料，味道層次非常豐富。無論是當前菜還是配飯，都是極佳的選擇。3. 尖椒雞腎（小辣）尖椒雞腎味道鮮美，椒香四溢，雞腎彈牙，口感獨特，令人意猶未盡，非常下飯，值得一試！4. 百香果水果茶👍解辣

今日去咗旺角做嘢，全日冇食嘢，又好想食一啲辣嘢，就去咗呢間餐廳度食！呢間餐廳又幾好㗎喎，佢有麻辣辣青瓜、同埋酸蘿蔔俾人任食，自己去counter度攞就得啦，凍水熱水都係自助我就叫咗三款嘢食：1. 夫妻肺片2. 鐵板孜然炒羊肉3. 紅糖糍粑1. 夫妻肺片夫妻肺片勁大碟先至70幾蚊，我最鍾意佢就係夠多蔥，同埋夠多芫荽！！每$1夫妻肺片都可以夾到好多蔥同芫荽一齊食，雖然佢係內臟，但係處理得好好完全冇奇怪嘅味道2. 鐵板孜然炒羊肉離遠已經聽到渣渣聲，啲羊肉炒得好香口，冇臊味，而且唔會太老，佢啲配菜洋蔥都好好食3. 紅糖糍粑佢係即叫即炸嘅，好就好在個紅糖係分開上，咁樣唔會整到腍晒，唔叫飯叫呢個甜品食就啱啱好夠飽！呢間餐廳啲員工好注重衛生，有個客係咁打乞嗤，勁大聲暴龍嗰隻，啲員工個個即刻拎口罩嚟戴

今日同朋友行旺角，順道來了這餐廳吃川菜。蔥爆牛肉餐（$58）：蔥爆牛肉的味道鮮美，牛肉保留了肉質的鮮嫩，同時與蔥的芳香融合，形成獨特味覺體驗。牛肉切片厚度適中，吃起來嚼勁十足。蔥的脆嫩感與牛肉的軟嫩形成對比，使整道菜更加豐富。泡椒雞丁餐（$58）泡椒的酸辣風味為整道菜增添豐富層次感，讓人一口吃下去便能感受到香辣味，非常開胃。雞肉鮮嫩，保持了嫩滑的口感，搭配上泡椒後，讓整道菜更加美味。手抓餅（$30）：手抓餅的外皮經過煎炸，外層酥脆，而內部保持柔軟，這種對比使得每一口非常享受。白菜豬肉餃子（$48）白菜和豬肉的搭配非常經典，白菜的清甜和豬肉的鮮香相得益彰。豬肉的油脂使餡料更加潤滑，而白菜提供輕盈的口感，增添層次感。餃子皮柔韌適中，吃起來非常舒適。餡料的汁液在咬下去瞬間流出，讓人感受到濃郁的肉香和蔬菜的清新。

內地朋友推薦老川皇，話呢度既川菜夠曬正宗餐牌選擇多兼價格合理貼地招牌必點一定係酸菜魚，份量足，魚肉鮮嫩多汁，食落唔腥冇骨，而且酸菜份量超多，湯底濃郁，兩個人share岩岩好涼拌木耳份量超多😂食落爽口開胃宮補蝦仁-係宮補雞丁蝦仁版🤣醬油，糖鹹甜調味，濃縮所有精華超香的乾辣椒，花椒帶來微微的麻，配埋新鮮既蝦仁，令人食到停唔到口香港少見既甜品炸鮮奶都可以係度搵到，外脆內軟，口感滑溜，內層鮮奶又濃又香，絕對推薦

呢度真係好有特色，特色在於夥計們主動帶動餐廳裏面嘅熱鬧氣氛，推動到食客講嘢都要大聲啲，令到成間餐廳都好似好熱鬧咁。仲有記得安咗 WeChat 先至好嚟，佢哋嘅落單QR已棄Chrome 投 WeChat。免費口水雞，同阿姐溝通吓糊裏糊塗就享用得到㗎啦。免費嘢，細細碟過下口癮OK嘅。魚香茄子，茄子真係好肥美，好大碟，成隻肥矮瓜俾晒你。樟茶鴨，雖然細細碟，但係都好好肉。四川擔擔麵，湯底雖然清清地，但係個麵質又幾煙靭好味。夫妻肺片，有胃好大碟真係要夫妻兩個人先食得晒。白菜豬肉餃。好奇怪呢一間分店只係做白烚，冇得煎。唔開心嘅，即管喺度同啲姐姐溝通吓，會令你笑顏常開 煩惱盡消。

天氣轉涼開始成日都想食啲熱嘢香辣嘢暖胃經過見到呢間川菜舖頭好大間好寬敞入邊都座無虛席 好彩啱啱有一台客走咗唔使排隊一入到去姐姐好友善同我哋講有小食飲食拍青瓜任攞真係冇得頂 醃得入味好開胃叫咗個酸辣粉好抵 主菜就梗係要食乾鍋一嚟到份量多到有啲嚇親！所有配料都落得好足 唔係平時其他嗰啲乾鍋舖頭擺好多辣椒蓮藕實際好少餸 呢一度樣樣都好足料 絕對唔留手！真係要大贊 食到好飽捧住個肚出門口調味我都好鍾意 麻麻辣辣比例啱啱好 送飯好正之後仲嗌咗啲串燒飲品好多選擇 鍾意食川菜絕對要一試！

平時食開歐美廣場嗰間老川皇 原來宜家搬左落地鋪 都係位於砵蘭街 新裝修環境闊落 坐得更加舒服👍🏻老川皇都食左好多年 食物質素一路都keep到水準🥘大份又足料 價錢合理 宵夜同朋友聚會好去處🍻全部食物都可以揀辣度🌶️唔係好食得辣既我都揀左少辣 川菜有少少辣先好食😋🍜鐵板水晶粉必食推介💫用鐵板上 熱辣辣 水晶粉煙煙韌韌 仲有啲酸菜一齊炒 🫛長豆角睇圖都見到好大份 豆角爽脆啱啱好 有啲豬肉一齊炒🥓四川燒白四川名菜咸燒白家常做法 豬肉鮮香軟爛肥而不膩 一口一片好過癮 底下仲有好多梅菜🐥尖椒雞腎 送酒送飯都一流 好有鑊氣 雞腎香口🍹百香水果茶好多生果 真係有百香果係入邊🍊大大杯 每次必點的飲品🍉 📍老川皇川菜風味館 (旺角)旺角砵蘭街101-107A號砵蘭街大樓地下AB號舖

旺角油麻地區開了很多新餐廳，其中川菜最得我心❤，川菜和粵菜很大分別，大量小吃涼拌菜，簡直是眼花繚亂，樣樣都喜歡，款款都想試。熱葷的種類也很多，有幾樣平時沒機會試的，今天都一樣樣試齊，非常滿足。首先掃碼餐廳二維碼，可以送一份口水雞或白切雞🐔，太好了，當然不會錯過。皮脆肉鮮，雞有雞味，絕不馬虎。😋啤酒🍺鴨，🦆🦆是招牌菜，用沙鍋燜軟鴨塊，再加入四川窩筍份條，啤酒味不明顯，但味道很好，鴨肉特殊的味道是粵菜裡吃不到的。👍👍清炒窩筍絲 ，超大份量，特別喜歡的菜式，嫩綠色的窩筍絲，炒得油亮香脆，看賣相就已經愛上了。🥬🥒烤魚🐠一條，肥美的大魚放在烤爐上，伴以青瓜豆芽粉條洋蔥等蔬菜，還送了一碟生菜和丸子，煮滾烤魚後再放生菜和丸子一起煮，整個菜式是豐盛豐潤，魚鮮菜爽，味道調得適中，不會很鹹，讓食材的原味突出，灑上香菜和芝麻，我們是吃不停，越吃越香。😋😋套餐還包括白飯🍚飲品，價錢實惠，所以中午都滿座，每道菜都可以選不同的辣度，做法很友善，還有幾款自助小吃任吃不限，所以很受歡迎。🥳🥳

出色川菜總令人回味，朋友經常到訪的親民川菜餐廳「老川皇」最近於砵蘭街開設新分店，款式選擇多元豐富-🔹酸菜魚餐微辣配米飯及飲品，點選凍奶茶酸菜魚份量多，片片雪白軟嫩有魚香；金湯濃郁而鹹香適中，配上酸菜、蘿蔔、芝麻及薯粉等配菜，飽肚又滋味-🔹宮爆蝦仁點選微辣，蝦仁份量同樣豐富，爽口彈牙，調味恰到好處；配上大量經油炸的酥脆花生，很下飯-🔹小炒黃牛肉同樣點選微辣，薄切牛肉緊緻有嚼勁，帶有不錯的牛香；加上大量芫茜、芹菜及紅椒等材料，鑊氣足又惹味-🔹干煸四季豆四季豆鮮嫩香甜，調味沒蓋過食材自身的味道；炒得乾爽，毫不油膩-🔹粉紅夏日點選少甜少冰，啖啖青檸香做到酸甜平衡，加入脆口爆珠增加口感層次