老川皇

Open Now

Now Closed

係佐敦經過一間食川菜嘅餐廳，朋友話想試吓，餐牌嘅選擇都幾多我哋揀咗幾個小食，首先有尖椒皮蛋，皮蛋係半透明，裏面係帶點流心感覺，好特別再點左川北涼粉，係似啫喱嘅粉條，再加辣椒做調味另外叫咗野生長壽菜，食落有點似海草，味道偏鹹，但爽爽地嘅質地好有趣最後叫咗水煮牛肉，牛肉嘅質地好柔嫩，配上重口味嘅辣椒油，感受到川菜嘅魅力，如果鍾意食辣嘅朋友可以叫大辣叫左杯柑桔青檸蜜，咸咸地超解渴，味道又好建議大家可以叫一些清淡嘅菜式，可以平衡一下味蕾

川菜是我的最愛，無辣不歡，是晚來到佐敦的老川皇尋求刺激的感覺。食物價格算經濟，不會太貴，當晚二人埋單共二百多元，經濟實惠，飽肚離場。口水雞半隻 $98 - 半隻份量有睇頭，浸在辣油中的口水雞，很美的畫面，感覺火火辣的，雞肉嫩滑有口感，醬汁調得不錯，非常惹味。另點了一碗白飯，配口水雞一流。蒜泥白肉 $58 – 表面的蒜泥完全覆蓋了白肉，這裡的白肉有一點厚度，更有口感， 白肉底下有一些青瓜作配菜，爽脆的青瓜帶來清新的感覺，最出色是蒜泥，非常重口味，到了第二天口腔仍有蒜泥的味道。韭菜豬餃8隻 $32 – 餃子是手工水餃較有口感，韭菜味道突出，很惹味，湯底可選酸辣湯底或豬骨湯，我們選了酸辣湯底，不過如果有煎餃子的話會更好。重慶酸辣粉 $26 – 很喜歡薯粉QQ的，可惜只點了小辣，味道略不夠，靈機一動加了一些口水雞的醬汁，發現味道提升了不少。配青島啤酒透心涼。

有朋友喺佐敦呢頭返工，佢話今晚想食辣嘢，於是就上openrice睇吓有咩揀，見到呢間四川菜好似幾吸引，於是就同佢嚟試吓。餐廳唔大，但好多內地人都嚟食，成晚都人來人往，一直都爆滿，我諗應該冇揀錯啦。因為我唔太食辣嘅，所以同個朋友講明唔好嗌咁辣。佢咁岩叫咗兩個小菜都係豬嘅嘢嚟，一個係豬肚，另一個係豬肝，兩個男人竟然叫左兩碟內臟，不過兩款嗰味都唔錯，送飯一流。酸菜豬肚令我諗起，低俗喜劇話食呢個咸酸菜牛歡喜，不過原來用酸菜嚟炒豬肚都真係幾好食，酸酸咸咸，又有少少辣，真係百感交集呀。土匪豬肝原來係用咗尖椒同埋芹菜黎炒，豬肝爽口，咸咸辣辣，送飯又係一流。其實呢間野仲有好多小菜，但係兩個人真係唔食得太多。朋友話下次要再嚟食要再加多少少辣。

之前食過油麻地果兩間老川皇，今次黎到佐敦呢間，本身諗住再食佢呢間店的串燒，但原來佐敦店係冇串燒食架!雖然有點失望，但一場黎到，同友人講不如試下川菜啦!小菜款其實有好多，揀左好耐終於揀到幾個菜式一齊食!毛血旺($142)，毛血旺之前係其他地方都有食過，但未必入味!這裡的毛血旺都幾大盤，內裡包括有黑柏葉、牛柏葉、腸仔、芽菜、豬紅等。因為我們並不是好食得辣，所以只是點了小小辣。眼上去紅噹噹的，以為會好辣，好在個辣度岩岩好。冇諗過D餸都幾入味，唔會淡淡的，用黎送飯都不錯!干煸四季豆($65)，我們都是點了少少辣，四季豆炒得幾有鑊氣，熱辣辣，咸辣度適中，都是一個送飯的好菜式。王老吉($18)，這裡的王老吉雖然貴了一點，但是食四川菜食辣唔飲王老吉好似差點什麼似的，所以便點了一罐解辣!總括黎講，這次算是第一次食四川小菜，原來味道都唔錯，而且都幾好味!下次要再黎試下其他小菜!

油麻地、佐敦出名食肆臨立，而我最喜歡到横街窄巷尋食，因為不是連鎖式餐廳。我們最後還是選了最愛的川菜作今天的晚餐。因為我們6時半就用餐，所以完全不用排隊。翻開餐牌，每種類的價錢都非常相宜，不知不覺點了滿桌子的食物😅冷盤：口水雞 (例牌)真的從未有見過例牌是這個份量😱😱雞肉的質感嫩滑，肥瘦適中，而且味道帶麻又不會太辣👍🏻👍🏻果然是這裡的皇牌菜！熱食：干鍋肥腸以一個熱鍋端上來，很有誠意吧！肥腸份量都是極多，而且不會太肥，加上洋蔥、青椒一起炒，很是惹味！熱食：夫妻肺片以麻辣的口味炒香各種內臟，鮮香可好。熱食：麻辣土豆絲土豆的口感偏爽口，辣味不是很重，是淡淡的味道，不太偏好土豆的我都應該吃了一半。熱食：魚香茄子認知中的魚香茄子都是以煲仔菜的形式，這款卻是以小菜的形式上菜，魚香味不算太重，但配以微辣的肉碎，真是很好下飯。熱食：重慶酸辣粉重量級的酸辣粉，有齊榨菜，肉碎，花生，薯粉口感QQ，價錢都只是$26-，非常實惠！

原本打算去買外賣見到門口寫有套餐水煮魚可以跟飯$55，入去同個啊姐講，佢就問我要咩魚我問返佢有d咩揀，之後順便問埋幾錢，個啊姐同我講要$192，咁我就同返佢講門口寫住$55，佢就以嘲笑既態度同我講而家冇嫁啦，我就算啦諗住走啦，出到門口個啊姐仲要大大聲同食緊飯既客講而家仲邊會有呀。個下真係火都黎，你間野已經唔符合商品說明條例，仲要以嘲笑既態度係到講。

Ask you to dine in but keep asking you to shift to another table when you have started your meal. Show no respect to their customers! Worst service ever. 不知所謂的服務

今個冬天不太冷見轉天氣即刻去食辣補補食冬天食辣是第一享受 中午走去跟同事食一餐辣開心下一到就叫了幾道美食水煮魚 一定不可少 以前好怕佢面頭上的油 一直唔敢食但食開就愛上了喱到可以揀唔同的辣味仲重要食落唔係一種死辣係那種又香又麻的感覺酸菜魚生片酸酸地的感覺 開胃到令人再添幾碗飯葱爆牛肉 宮保雞丁兩樣雖然在其他店 大排檔都會食到但廚師炒得好香濃 夠哂鍋氣入裡夠料 好多塊肉唔怕唔夠同事分冬天中午時間 同同事食到辣野 就係一大享受！再戰再戰

去佐敦搵食一定要行入後行先搵到好嘢食，今次因為同事好想食佳佳甜品所以喺附近搵咗一間餐廳入去食架晚飯，天氣凍凍地咁梗係食辣野啦！食川菜一定要食水煮魚，呢度嘅魚肉非常嫩滑，而且切片個大細剛剛好，油唔算太多唔會食到成口油，辣椒亦都唔會過份多搞到成兜野都淨係得個辣子，佢係有香料同埋強烈嘅八角花椒香味，唔使一陣就清左啦。另外叫咗個辣子雞粒，細細碎碎嘅雞粒同埋青椒炒埋一碟，非常香口，送飯一流。當然要叫菜啦，最鍾意食嘅川菜就係萵筍絲，爽爽嘅口感加上少少鹽嘅調味已經係一度非常出色嘅菜式，仲可以中和返辣油同埋麻辣嘅味道，清清口控。

我是成都人，来hk上学三年了吃地道川菜的机会很少。今天特地来到佐敦这家老川皇尝鲜。二人点了担担面，水煮鱼和蒜蓉油麦菜。担担面忘记影像，但是确实味道一般（做法不是很正宗），感觉就是汤面+辣子油，略有些失望😔但是这家的水煮鱼意外的好吃，我们点了小辣所以真的一点都不辣，底菜也很正宗地只放了豆芽没有鸡肋的黄瓜粉丝等。肉质很嫩，美中不足是小刺有些多。蒜蓉油麦菜不过不失，油有些大，但还是很香的。总体而言是不错的一次川菜体验，希望以后hk能有更多正宗的川菜小吃店!

今日同同事去佐敦食飯，揀咗一間主打川菜嘅餐廳，價錢睇落都幾平，一於入去試吓味道點先我哋叫咗半打炸饅頭，干扁四季豆，酸菜魚同埋個章茶鴨。炸饅頭外邊脆加埋煉奶一齊食，好食干扁四季豆風味十足，四季豆入曬味，咸香味四溢酸菜魚佢有幾種的選擇，分別係不同種類既魚，價錢當然有分別，我地選擇左最基本個種，質素都唔差，魚片都好滑，不過就有啲細骨，湯底夠濃，酸菜味都好出，唔錯章茶鴨夠實肉，少少咸香，加上煙燻既味道，都幾好食餐飯只係食左300元到 ，性價比好高

作為一個嗜辣之人，愈來愈多人問我究竟香港地哪裡吃辣比較好，你知嘛，畢竟我地九龍人，吃川菜次次上深圳真的很要命架！老川皇可以就是我的川菜飯堂，原因無他，川味夠香夠正宗，所以今天友朋之遠方來，就帶佢品嚐過癮川菜。蒜泥白肉一碟好既蒜泥白肉，蒜既質素好重要，原因係半碟都係蒜蓉！這裡的蒜很新鮮，而且白肉肉質很幼嫩，配合川椒的辣味，味蓄刺激十足😍酸菜桂花魚這道菜不會很辣，好岩不太吃辣的朋友，酸菜帶出來的甜酸帶出魚的香，微辣亦點綴了整個湯頭的鮮甜，魚肉亦很嫩滑，我地魚連湯一併食哂！干鍋菜花因為鑊仔上，一路keep 住炒，所以鑊氣十足！蔬菜很爽脆，而且回鍋肉也很嫩很好味！炸饅頭金黃色的饅頭外脆內軟！沾上甜甜的煉奶，用黎做晚餐的甜品，很滿足呀！作為一個嗜辣之人，愈來愈多人問我究竟香港地哪裡吃辣比較好，你知嘛，畢竟我地九龍人，吃川菜次次上深圳真的很要命架！

很懷念這裡的魚香肉絲，中午再來。但看餐牌之後轉心意叫了尖椒雞腎。雖然雞腎切得有點薄炒得有點老，但味覺非常惹味，油也很香，少少辣。午餐只是45元即叫即炒，很是值得。

今天lunch ，很想吃辣的，就來了這間吃了。這是我婆婆以前帶我來的！平宜又好吃！Lunch每個小菜加一碗熱騰騰的飯都只是 $45-$50。酸辣麵就更抵食了！$28麵底加每個餸$6！今天我點了口水雞、紅燒茄子、樟茶鴨。吃水雞雖然很辣，但是辣得沒有層次，就如你所見的只得紅油，但勝在份量多。紅燒茄子是我最喜歡的菜式，茄子真的是煮得恰到好處，但軟食中，調味好吃，真的很好下飯。其實我之前沒有吃過樟茶鴨，真正的樟茶鴨是不是這麼的干？是不是這麼的咸！咸得我不太吃得下去！而且肉不多啊！另外，再點了碗麵，真得很多餸和麵底！很抵食！記得之前和婆婆來吃她最喜歡的酸菜魚，吃得津津有味，可能今次點的菜色不是自己這麼喜歡的，所以沒有上次吃得那麼回味！但看看這個價錢，就覺得十分抵吃！

來這裡總是吃酸菜魚，但份量有點多，所以，今次點了第一次叫的魚香肉絲。嘩，酸酸香香，肉絲很嫩，即叫即炒，熱辣辣，很好吃。今次點了少辣，但，如果叫中辣應該吃得更開懷。很開心。新選擇沒錯。午市，45元