老川皇

Open Now

Now Closed

吳松街原來隱藏住呢間四川小店，外觀上似普通茶餐廳，但實際上係間好有風味嘅四川菜館。四川菜當然唔少得水煮菜式，但我吔怕太辣，煮係試下其他菜式先....小食 ~ 涼伴海帶 : 雖然冇寫係什麼麻辣，但其實都係辣嘅，比想像中惹味好多，叫咗BB辣，但已經好夠辣，正!!鐵板水晶粉 : 真係用鐵板上嘅，黏黏嘅冬粉，配上辣椒仔(差啲以為係什麼肉條)同蒜粒，貌似豉油撈冬粉，原本來好夠辣同惹味，唔洗加配菜都好好味。干鍋田雞 : 田雞唔係每間餐廳可以食到，呢度有唔少田雞菜式之餘仲有係鍋上嘅，好惹味。加上青椒、紅辣椒、洋蔥等配料炒成，唔算好辣，好好味。鐵板茄子 : 除咗特別在係用鐵板上之外，茄子切成一段段，中間再釀咗啲肉，加上辣汁，係食茄子嘅另一番風味!柚子蜜 & 檸檬柚子蜜 : 飲品方面就真係似茶餐廳喇，正正常常冇咩驚喜。

哩間老川皇食過好多次，不過佐敦分店就第一次去。星期五驚多人等位，所以6:30就去到。不過店入面已經滿左七成人，好彩早黎😀。我同朋友各自點左個麵，之後加左幾個小食。因為我同朋友都唔食得辣，所以全部揀左小辣。食得辣既朋友，不妨食中或者大辣挑戰下。酸辣粉口感煙煙韌韌，哩種麵質好吸味，酸辣湯湯底同芫荽味道入哂麵到，好食開胃。啲花生係湯入面，但仲好脆👍🏼。哩到既擔擔麵同出面食開既有啲分別，冇花生醬既味道。不過就鍾意佢款麵夠幼夠淋。辣辣地都幾過癮。哩個土豆絲係我每次黎都必食😆。土豆炒到軟硬適中非常爽口，土豆切到一條條，唔長唔短有口感。簡單既辣椒炒製完全冇搶過土豆本身既味道，好食👍🏼。哩個茄子真係不得了。個鐵板係超熱，上枱時啲醬汁仲翻滾緊。個茄子煮到超淋，完完全全吸收哂醬汁精華，茄子中間仲釀左啲碎豬肉，🤤諗返起都想再食。哩到既飲品甜度適中，唔太甜。我揀既哩杯菜蜜可以解辣解渴之餘仲可以澗喉👍🏼👍🏼。

早排喺湘X滬食咗個酸菜魚真係難食到呢…同朋友誓要決定再食一次好食嘅！見到呢間店好評如潮就試吓嘍😙。八點零去到都唔需要排隊，入去仲見到有幾個外國人嚟食，心諗咁出名？叫咗個涼拌海帶、酸菜桂花魚、樟茶鴨同蟹黃豆腐。首先，以為實冇死嘅涼拌，份量係好多，但口感一啲都唔清爽霉晒咁…😨所以食咗幾啖都冇再食。跟住就係樟茶鴨，上碟份量唔算多賣相擺碟都亂晒，口感同味道同一般食開嘅燒鴨都差不多😐，不過不失。然後終於到酸菜魚！雖然未去到嘩嘩聲，但正常好多😢，酸菜同魚都叫做融為一體嘅，細心啲食都仲食到魚味，而且聽阿姐講點咗個冇乜骨嘅桂花魚等唔太食魚／驚啃魚骨嘅朋友都可以安心咁食，而且魚口感嫩滑冇腥味，不錯，雖然好像只有半條魚的說。最後一道蟹黃豆腐，真係簡直係垃圾…🤮得咸蛋黃同幾粒切咗片嘅蟹柳就當係蟹黃…都算，咁都整得難食先係重點！冇豆腐味之餘咸蛋黃亦唔夠香，融入唔到啲豆腐度。浪費金錢、QUOTA同時間…不過眼見其他客人都係一鍋二鍋辣椒…咁奉勸大家想嚟嘅就一定唔好叫呢啲小菜😅。又一餐。

呢間店子小小，但經常都幾多人幫襯，之前有食過，水準不俗，可以寫吓。黃金時段，真係坐到門口的。好彩已經入秋，室外食川菜亦唔會太熱。門口掛有大菜牌，標明了午市套餐的價錢，五十左右包飲品，都幾實惠。乾扁四季豆 $65一般的乾扁四季豆會帶有肉碎，而且十分油膩，食頭幾啖 ok, 底層就怕怕。呢間只用上梅菜和四季豆，沒有肉粒的，亦唔油，從頭到尾都食到好乾爽。梅菜炒乾了，咸咸甜甜好香好惹味。四季豆條條新鮮清脆又爽口，係我食過最正的乾扁四季豆。樟茶鴨 （例）$58好香的熏鴨味，乾身冇乜汁，但鴨卻完全入味。鴨比較瘦，幾乎沒有肥膏油脂。唔太清楚點煮，但食到佢有啖啖花椒八角等的滷水味，用來送酒應該相當不錯。干鍋田雞 $98有個火 hit 住的干鍋，份外熱辣。多辣椒，多麻子，多洋蔥，十分惹味。唯一係D田雞切得太碎，索左多汁，好辣，亦食到有點累。不過味道實在是不錯的，久違了的好川味。凍檸樂 $19夠大杯又多冰，係食辣野的好伴侶。店子雖小，枱櫈已經全舖滿，但餐廳亦唔會為左做多轉生意而要求客人坐迫D。一般細 size 的四人枱，兩位坐左之後亦沒有被要求搭枱，呢點相當抵讚，所以實際坐位還算是寛敞的。

今日來到佐敦老川皇食晚飯，京川味道我和太太都很喜愛食。晚上8㸃多，裡面經已很多人，室內裝俢古色古香，尤其是天花，充滿了故宮的風格特色。薑蔥糕蟹$320。我們要了個薑蔥糕蟹，上枱已聞到飄過來的一陣香味，糕蟹蟹肉入味鮮甜，糕蟹最最吸引的是橙色的蟹糕，橙色的蟹糕軟滑回香，真的非常推薦。三絲炒米粉$58。炒米粉裡面有紅蘿蔔絲，雞蛋絲，腸仔，蔥粒...等。與粉絲一齊食更顯爽口美味。泡椒鳳爪$25。無論食泰菜還是川菜，我都喜愛食泡椒鳳爪，喜歡泡椒鳳爪爽口，酸酸甜甜夠口感及夠惹味。

先生說很久未食過樟茶鴨了，那濃郁的濃香真是很回味，之前在老川皇食過，所以今日來到佐敦老川皇。餐廳裝修充滿了中國古代風的裝飾。樟茶鴨例$58。樟茶鴨比起燒鴨干身少少，但是比燒鴨味道入味及回香，所以第一次食樟茶鴨就令我喜愛上了。薑蔥恙蟹$320。格離枱正食薑蔥恙蟹，非常吸引，見到忍不住也跟著要了個薑蔥恙蟹。廚師用了大蒜白芯，所以看落以為放少了蒜，大蒜白很入味爽口，濃度適中的汁液，挂著蟹的外殼，廚師已貼心扡將蟹鉗的殼拍碎，入口先感覺到汁液充滿蟹的甜味，蟹鉗肉質清爽很鮮甜，真是食到停不了口，真是又鮮甜又好味，真是推薦。要了2個飲品，蜂蜜檸檬柚子茶$17，柑桔青檸蜜$19，為今餐的特色風味餐更添美味

<電話響不停>餐厅一直都系保持住。一入又一出，有人就在就会有人再入，店舖係條食街，隔离就系庙街，旅客好多。。外卖电话响个不停。餐厅天花部份用嘅系中国特色风味嘅装修。我同朋友两个人坐四人卡位，都几松动。<两碗面，猪肚同蟹> 一人，130蚊左右简体字？？<重庆酸辣粉> 26hkd面粉好粗身，汤底非常酸，叫咗小辣，食得辣嘅朋友都会接受到嘅辣...值得一试，好易饱肚。< 担担面 > 26hkd上面有啲沙嗲酱嘅担担面（叫左唔辣味嘅）standard味道。<椒盐软壳蟹> 142hkd椒盐味重，。用好大量嘅油去炸到壳硬軟唒，可以直接吞落去，方便进食唔使吐壳，如连饭食一流，但太饱啦<酸萝卜炒猪肚>呢只萝卜，味道好独特，同平時食开嘅味道有啲唔同，呢个酸度非常之强，啱晒中意食酸嘅朋友，猪肚炒得弹牙，大厨落左好多嘅配料去，味道香浓濃，加埋黄色嘅指天椒非常酸咪咪唔食得劲辣的，記得千奇唔好食

星期六約5點左右就肚餓，天氣漸涼想食辣因此一試老川皇，真的好吃啊！-因幸運地還未到晚飯時間，口水雞尚有套餐供應我們兩人叫了口水雞套餐 $48 (口水雞+白飯+飲品)干鍋肥腸 (散叫) $92辣子雞 (散叫) $96另加一碗白飯 (散叫) $10-口水雞是傳統的做法，所以是凍上的冷盤**小妹是川菜愛好者，吃過很多餐廳的口水雞會熱上****當然冷熱都好吃，不過傳統正宗的口水雞是冷盤來的**份量十足，背+胸+脾+翼各部位都有，一個人吃相當足夠辣度可因應個人喜好選擇大中小，我地試了小辣，辣得岩岩好，十分惹味。-這道干鍋肥腸，送飯配酒都一流師傳炒得好夠獲氣，再配上熱爐座熱上枱，可能怕豬腸冷卻後咬感變差，相對感覺會變肥膩，這個做法十分貼心，勁好食！-最高評分的辣子雞，工序繁多，上枱已經聞到味道夠麻夠辣夠熱，雞是連骨切碎再炸，炸完再配上大量辣椒及香料炒，都係勁好食！-吃飽飲醉埋單，300蚊都唔駛，叫3樣野，全部水準都很高，下次要再來試吃水煮魚啦

去到佐敦見到老川皇原來有開地舖，依間似乎主打西川小菜。中式裝修最近D病毒好利害，同行友人已經作病，怕喉痛今次又只敢叫唔辣嘅食物，見到其他枱上嘅辣辣菜式，只能留待下次了。蔥爆牛肉夠火喉，唔算好油，牛肉嫰滑。好耐冇食過樟茶鴨，佢係西川唔辣涼菜嘅一大代表，用樟樹葉及茶葉熏鴨，係四川成都大廚為慈禧太后做的菜式。因為用肥嫰公鴨先醃製，後蒸煮再煙熏，成品嫰，大多油份巳經去除，加上熏香，會不自覺地食完一件又一件。外婆菜抄蛋係小品家常菜，咸香配飯

星期五晚約左好朋友食川菜，上網研究左好耐揀左老川皇因為睇食評好似好正宗。老川皇有幾多間分店，我地就揀左佐敦分店。鋪頭唔大，但係都可以坐到好多人。我去得比較早，到七點半左右就全場爆滿了。而且比較有趣既係，客人有7成都係講普通話，睇黎呢間真係有正宗川味！我都開始好期待天花板裝修好有特色菜品選擇非常多，本餐牌超級厚，用左一點時間先睇得曬。炒菜由50-200不等，大多數肉都係百幾蚊一碟。全部都好想食唔知點揀添酸菜桂花魚$192上台果陣真係嚇一跳，因為好大盆！冇錯，係滿滿既一盆啊。酸菜同魚既份量都非常多，四個人食都夠。酸菜同魚既搭配真係無敵，尤其係魚肉仲非常滑。雖然係酸辣，但係完全冇掩蓋到魚既鮮味，真係好難得！平常川菜比起食材本身更注重香料的搭配，但係呢個酸菜桂花魚除左有四川獨特既香辛味之外更有鮮味的食材，所以好加分。白菜豬肉餃$32一份有八隻，餃子皮非常有咬口，感覺應該係手工餃子皮，鍾意北方餃子既我覺得好好食。肉餡又多汁，正酸辣粉$24呢度食一碗酸辣粉同街邊檔一樣錢，真係好抵啊。可惜我地揀左小辣，冇咩味道。下次要中酸中辣先。剁椒娃娃菜$60除左酸菜魚，呢碟係今晚我覺得最好食既！！娃娃菜非常甜，

友人屬辣界，今天被她拉來挑戰川菜。印象中川菜的辣不是一般麻瓜能處理，所以有點怯。吃辣怎能少得冰凍啤酒！首先挑戰的是酸辣粉（小辣），看上去不是很辣，攪勻辣汁後，湯底變得又酸又辣。跟薯粉味道很夾，挺開胃的。酸菜魚是我至愛，最愛滿滿的魚肉。這次點了中辣。出乎意料地不太辣，酸酸的很開胃，很快已吃了大半盤。桂花魚很滑，肉質鮮嫩，魚肉又不會散開，推介！鐵板肥腸是友人至愛，說佐酒一流。不過對我來說，有點咸。壓軸挑戰的是剁椒娃娃菜（小辣），肉眼可見粒粒紅辣椒。不是很辣，辣界新手應該handle到，味道不錯。整體來說食物不錯，而且侍應服務周到。

平時都好鐘意黎佐敦搵野食，因為我知道你一個有好多味道好又性比價高既野食。我哋叫咗中間加錢嗰隻與佢唔係桂花魚桂花魚係完全冇骨，叫左中間價果隻魚係食到魚既鮮味咖！估唔到係香港都有酸菜魚食而且份量超大！唔算去到好辣，又唔腥 好好送飯仲有呢度都有障茶鴨、 鴨好大份又好味， 咸得黎肉好嫩，又食到茶香， 幾正四季豆一樣係勁大份，唔會太spicy 三個送兩個人食夠曬都係大概250$ 好抵食唔得閒番大6食呢間可以一試🤣🤣

堅持排隊20分鐘，和隔離桌同時點菜，隔離桌已經吃完，催菜3次，一個肥肥地戴黑框眼鏡的女服務員話我地知全部未開始煮，叫我地等唔到就取消曬。一路餓住個肚等咁鬼耐，被咁的服務員對待，而家真是咩世道。一間飯館若然縱容咁樣的服務員對待顧客，點保證上給顧客的菜可安全食用？！非常生氣，唔會再去，呼籲大家都唔好再去！！！！！！！！！！！！！！！！！！！！！！！！！！！！！！

有時坐小巴，都會路經呢條街。呢間川菜小店特別 sharp 。皆因舖頭雖小，但門外經常都有不少人排隊，有街坊，有遊客，證明薯不簡單。今日又路過此地，時間尚早，唔多人喎，一於入去一探究竟。入面果然人山人海，好在仲有最後一張枱，立馬坐低咪遲疑。餐牌選擇超多，豬、牛、雞、鴨、魚、田雞、內臟、蔬菜乜都有。有選擇困難症的我們，當然叫枝藍妺，邊歎邊諗啦。藍妺大啤 $29 蒜泥白肉 $58頭盤叫左蒜泥白肉，上枱時以狐疑左一陣，大家你眼望我眼。Lasagna in Chuan style???你以為係肉醬千層麵？非也！其實係蒜泥白肉呀！超多蒜泥又夠辣，重口味，大愛呀！仲有好多青瓜絲墊底，夾住肥肉，入口即溶又絲絲爽甜，好正！干鍋菜花 $80蔬菜類我地點左干鍋菜花。有個小鍋㷫住，一滾起就火紅火綠咁，香味四溢仲有吱吱聲，著實色香味聲俱全。酸菜魚 $132酸菜魚夠大盤，魚片數量很多，尚算滑漏有魚味。可惜有不少碎骨，食起上來要小心點，食野唔好講野。酸菜很酸，湯底很香。叫左小辣唔算辣，喜歡辣的朋友可以叫辣D。或者轉攻水煮魚，應該都幾吸引。叫兩碗白飯，完美的一餐。

中國菜系之中，我最愛是川菜，原因可能是愛辣愛濃味的原故，所以不管麻辣火鍋、口水雞或是酸辣粉，統統都是我的所愛。今日吃的是老川皇，它賣點不是奢華的裝修、妥貼的服務，而是四川小店的風味。午市的人數尚多，等了一會才入座，午市推介選擇款式多，共二十多款，有蒜泥白肉、香辣牛展、夫婦肺片餐等，價錢四、五十元。午市餐牌主餐牌 - 粉面、水餃、米粉飯主餐牌 - 涼拌菜主餐牌 - 精品菜系主餐牌 - 精品菜系水晶肘子 - 與其他水晶肘子不同，將肉切得薄薄的，口感有點像蒜泥白肉，但味道當然是肘子，挺特別。四川擔擔麵配牛腩 - 湯底厚實，四川辣醬富風味，麵條是值得一讚的部分，餐廳用上幼麵，麵身相當順滑，而且軟硬適中。樟茶鴨 - 味道有點像南京鹽水鴨，咸咸香香，但樟茶鴨經過煎炸，外皮乾身脆口，令人愈食愈想食，最適合配上啤酒相伴。小店來說，價錢、選擇、味道都不錯，值得一試。