老樹旗艦店 (Closed)

經過佐敦無限次，次次都錯過一間榴槤專門店，今次專程來到「老樹旗艦店」，吃一餐痛快的榴槤大餐。唔好以為只得榴槤食物，其實仲有意粉提供，來一個「元貝龍蝦汁煮意粉」加8蚊仲可以叫杯特飲，我點了「洛桃花梳打」。元貝龍蝦汁煮意粉好香，份量剛好，意粉比較煙韌帶硬身，味道都算合格。洛桃花梳打，顏色好吸引，味道都酸甜，十分醒胃。主角出場了「 法式貓燉蛋加榴槤軟雪糕」，軟雪糕有很濃郁的榴槤味，配上濕潤的法式蛋糕內含榴槤蓉，簡直超甜香滑。「 特濃榴槤蛋糕」賣相造型同榴槤一模一樣，打卡一流，蛋糕鬆軟，外面是cream，餡料有榴槤蓉。我哋係超級榴槤粉絲，最後點都要來一杯「 花琛冰-特濃A級貓山王特飲」，是一杯用榴槤肉加冰打造而成，再加上香滑的豆腐花鋪面，味道香濃美味，啱晒夏天飲用。

🔻老樹一間榴蓮甜品專門店💁🏻‍♀️樓上設有雅座 仲有露台位置😯環境唔錯 餐廳仲會播放森林/大自然嘅音樂😌.花琛冰🥤天氣咁熱即刻叫返杯凍飲💆🏻‍♀️飲落奶味比較重 仲食到一絲絲榴蓮肉.榴蓮焦糖燉蛋🍮焦糖即時燒的 所以表面好脆👍🏻燉蛋好滑 榴蓮肉集中係底層.特濃榴蓮蛋糕🧁蛋糕造形好吸睛👀表面撒上可可粉 海棉蛋糕夾雜住榴蓮肉👅口感豐富.小編同朋友覺得呢度嘅甜品唔會過甜👍🏻👍🏻如果係超級榴蓮控可能會覺得唔夠榴蓮味😆除左甜品之外 呢度仲有新鮮榴蓮賣🤓超級榴蓮控一定可以大飽口福😚

世界上沒有不愛榴槤的人只有未愛上榴槤的人🤣.🔸特濃榴槤蛋糕🍰外貌協會既小編比佢榴槤既造型吸引左👀造型蛋糕比人感覺通常得個樣同一啲都唔好食😵呢間既味道比想像中好得多👍🏻係有一絲絲既果肉係入面當然cream 都係會多d 但就係滑溜cream 黎既🤗.🔸原味榴槤瑞士卷🍰食cake roll 都係想食到鬆軟既蛋糕 呢件很讚喔‼️而且蛋糕仲有淡淡榴槤香👃🏻加埋一絲絲既榴槤肉 係正既🙈.🔸花琛冰小編最推既🙆🏻‍♀️夏日炎炎 有咩爽得過 將榴槤肉打成沙冰再加上榴槤肉 成為特飲🥤😋消暑一流 飲完仲透心涼💨.一向唔好水果副製品既小編試過呢間之後 會有再想食埋其他甜品既衝動👻可以一試🙆🏻‍♀️人均消費：$75推介指數：👅👅👅👅👅👅👅（7/10）Encore指數：🤙🏻🤙🏻🤙🏻🤙🏻🤙🏻🤙🏻🤙🏻（7/10）

今日有榴槤控嘅朋友帶咗去榴槤，一入到去即刻俾佢durian甜品吸引左，好想快d同durian bb 親密接觸。餐廳主要以森林做主題好搞笑，樓梯嗰度有好多草叢嘅painting , 座位都幾闊落啲舒服仲有啲花花裝飾。我就叫咗個榴槤撻25$ ，入面有滿滿榴槤蓉正到。比坊間cheese tart正太多。由於我哋真係好鍾意食榴槤所以我哋直接要咗一個原隻喵山王榴槤， $468， 佢有唔同嘅價位，大粒細粒嘅價錢都唔同。我哋一共有四個人食四個人食$468嘅啱啱好，大概一人有兩舊，呢個榴槤真係非常之好食，like回甘嘅榴槤一定要試吓。不過朋友就比較鍾意食啲creamy啲嘅榴槤， 佢話鍾意食金枕頭多啲喎，我就鍾意食貓山王啦，最重要嘅係佢哋其實原來真係喺馬來西亞空運返嚟㗎。唔使飛到去馬來西亞都有得食。

朋友都係好鍾意食榴槤，佢就上網搵左呢間專食榴槤嘅甜品店，價錢都唔太貴一個人大概50幾蚊，覺得佢哋嘅裝修非常之好， 好有心機咁樣，位置都好適合同朋友吹水傾計，個樓梯仲有好多又油畫。一共有好多款甜品睇到眼花撩亂都唔知揀邊個食好，試吓呢個特龍榴槤蛋糕，店員同我講呢個係上面沈左個可可粉，入邊用咗班蘭蛋糕，仲有好多榴槤蓉添， 真心印象好深刻 。另外都叫咗個榴槤瑞士卷，瑞士卷入邊有啲cream同埋榴槤蓉，個蛋糕都幾送院不過呢個cream就多咗少少，但係因為榴槤真係好正所以都幾好食。後尾店員見到我好似好鍾意食榴槤仲送咗一舊細細舊嘅BB貓山王俾我試吓，估唔到超級好食呀，比金枕頭好，仲凍冰冰地咁。

平時食芒果諗起許留山，食榴槤嘅話你會諗起乜嘢。朋友介紹之下原來有間做榴槤嘅餐廳， 今日就去佐敦try下。一行到入去個餐廳完全俾佢Surprise，佢哋嘅樓梯好有心思咁樣畫左畫。仲用咗叢林嘅音樂。作為好鍾意食榴槤嘅我即刻叫咗個榴槤芝士撻，入邊都有唔少嘅榴槤果肉，真係又creamy又香另外叫咗個芒果榴槤蛋糕呢個就普普通通，榴槤嘅味道比較淡，比較適合一啲唔太鍾意食榴槤嘅人。到今日嘅重點就係要左一個BB貓山王，一個大概有六舊左右， 榴槤係偏向回甘，真係同一般街市買嗰啲都幾大分別，食過返尋味， 忍唔住再買多個，不過怕熱氣都係留返下次。

每逢夏天，大家會諗起咩生果？西瓜？荔枝？龍眼？小妹就會諗起榴槤！金枕頭、貓山王、青尼、干腰... ...每一種都令人食指大動。日前小妹發現位於佐敦嘅「老樹旗艦店」，唔單止有貓山王榴槤賣，仲有好多榴槤副產品，合晒我「何車」！尤其是貓山王芝士撻（＄２５），香濃芝士配上新鮮榴槤肉，啖啖都係芝士同榴槤嘅香甜滋味，雙方居然唔搶對方風頭，配合得天衣無縫！店內各款卷蛋（＄２２—＄２５）都用上北海道3.7牛乳同福岡雞蛋製造，除咗綠茶、焙茶同栗子口味外，其餘咖啡、紫薯同原味都有貓山王榴槤肉，細細件就充滿榴槤香，蛋糕軟棉，忌廉細滑，小妹周不時都會打包幾件返屋企品嘗！店內仲有各式榴槤甜品同雪糕，相信係榴槤愛好者嘅基地！

这间不是网红店，貌似知名度比较小，大概因为没有做营销🤔香港本地朋友👱🏻‍♀️推荐来的，据说是全港最好吃的一间猫山王榴莲…所有的榴莲都是马来西亚🇲🇾进口…所有的食品都是榴莲制作…和朋友来一人点了个榴莲雪糕，非常非常浓郁的榴莲味道，上面有个马卡龙，然后…连马卡龙都是榴莲味道的…！！！很惊喜的是那个甜品师推荐了一个新的甜品给我们，上面有一个很可爱的榴莲形状，他说是牛油，尝了一下，连牛油都是榴莲味的😱😱😱然后上面放了一整个猫山王榴莲，超好吃，满满的都是肉，子很小，猫山王简直就是榴莲中的战斗机，榴莲之王好吗！！金枕头可以靠边～和服务员聊了一下（服务员都是本地香港小哥哥，态度很好很热情），新来的甜品师原来是酒店的米芝莲法式甜品师，用酒店的标准来做的这些甜品，所以质素相对很高…不过他们的普通话都很烂，吃一下甜品调戏一下小哥哥感觉还不错～哈哈，他们心情好还会额外送一些甜品🌸🌸🌸他一共有三层，闲来无事的下午去二楼吹冷气吃榴莲～感觉人生真美好😍😍店名：老樹旗艦店 (佐敦)地址：佐敦白加士街105號地舖（佐敦地铁站A出口往麦当劳方向，十字路口见到麦当劳转进去，他的附近就是网红佳佳甜品店）

有時都會經過佐敦, 近排先發現有間榴槤專門店平時大多數都會係買成個榴槤返屋企食, 或者有部份糖水店會有榴槤食品但呢間榴槤專門店99%都係榴槤產品, 仲會有成個榴槤賣今次就試咗兩款 - 榴槤瑞士卷 + 特濃榴槤蛋糕買完之後, 店員就帶咗我地上二樓, 原來樓上有位座架, 露台仲有張大枱, 可以同三五知己一齊食座位仲有一個個榴槤抱枕榴槤瑞士卷內嘅餡料全部都係貓山王榴槤, 咬落去真係有一絲絲榴槤肉感覺同食原個榴槤好接近特濃榴槤蛋糕個賣相似箭豬多啲, 其實佢應該係想做到好似榴槤釘個啲效果特濃榴槤比榴槤瑞士卷味道更加濃郁, 真係要飲多兩杯水先得如果唔係榴槤迷, 但有想試下, 可以叫店員介紹一下, 因為有幾款係比較少榴槤味架!咁就可以陪一啲榴槤控嘅朋友一齊去啦!

每年都會過新加坡食榴槤，喺香港已經冇食榴槤好耐。剛有朋友啱啱食完樹屋有六折，所以去試吓用榴槤整嘅蛋糕。要落咗order先可以上樓堂食，對老人家來講有啲不便。服務一流，只要你還想點佢哋盡量都滿足你，十分有禮貌。雖然都係用榴槤整嘅蛋糕，但始終都唔及就咁食榴槤咁好味，有朋友唔鍾意食榴槤都有另外一啲選擇。買咗榴槤芝士撻返屋企俾我老公食，佢話好好食。最後都係忍唔到手，買咗一個貓山王返屋企食。我還是鍾意就咁食貓山王

#老樹旗艦店 ————————————————————————可能適合對象：#榴槤 #榴槤蛋糕 甜度（5星最甜）：⭐️⭐️濃度（5星最濃）：⭐️⭐️⭐️⭐️（榴槤好濃）🍴：餐具 ✔️/ 蠟燭 ✔️ / 冰袋 ✖️/ 紙盒✔️🏷：✔️（免費）💬：店員好樂意介紹佢哋嘅出品，Friendly，對出品熟識。佢哋嘅投入感，唔似只係店員咁簡單。🛒：佐敦 #cakeup_佐敦站🔘：件裝/ 1-3磅（4日前以電話或親身預訂）💰：件裝 $55；1磅 $390；2磅 $780；3磅 $1170————————————————————————性價比：中下Caketionary 歷史上，食過兩次榴槤蛋糕。兩個嘅外型都做到好似一個榴槤咁。當然比較上，@freshfresh_3d 造型一定冇 @matthewshongkong 咁真。但價錢上，我又唔覺得$1500咁值得去食，所以，真係要推介榴槤蛋糕，我哋都有好大嘅hesitation。點知，俾我哋搵到一間出名食榴槤嘅舖頭，仲有榴槤蛋糕，就試咗個細嘅。首先講外形先。奇怪嘅事發生咗，現場問咗店員攞個蛋糕影相，點知唔明點解，攞到返去時，蛋糕落咗妝咁！明明現場張相，係喺外面好似完美地撒左一層

路過都試到有驚喜既榴槤芝士撻，仲要樓上坐位舒服，行上去時氣氛好似去左森林咁，播住雀鳥既叫聲，加埋唔同動物拎住榴槤既牆畫，都可以好chill呢佢仲有好多榴槤甜品，榴槤控要試下喇貓山芝士撻🧀Durian cheese tart撻皮脆，不過差咁啲牛油香，貓山榴槤蓉係撻底，好香好香，不過如果想試到芝士味先有建議試左撻面先，如果唔係就只係食到榴槤味喇🤣HKD25/pc老樹佐敦

去到門面唔大要行上一層先係用餐處。 野吃都OK過得去。 + $20 有茶 。 叫多左個$25 榴蓮芝士蛋撻！ 我係榴蓮迷。 的嘢吃無話好好吃， 但都可以去試下咁！ $69 就可以再吃。 如果正價我覺得偏貴。

無意中經過佐敦，見到舊樓有間店舖叫「老樹」，覺得個名幾得意，就望下賣咩野食，初初意為係一間普通賣甜品既舖頭，再望望先知原來係專賣榴槤甜品既！跟住就心思思想試下啦！由於趕時間關係，無坐底慢慢試，只買了件榴槤瑞士卷返屋企食。未打開個盒前，完全聞唔到榴槤味，但一打開就香到不得了！由於成家只有我一個食榴槤，唯有自己自私食啦！🤣個瑞士卷好軟熟，cream同榴槤肉分量好啱，又唔太甜，實在好好味！終於明白點解細細件要$45，原來係有原因架！就係好好味羅！下次經過一定要堂食杯榴槤軟雪糕，要$60杯架！一定會好好食呢！😋

經過見到大大隻字“貓山王” ，作為榴槤愛好者，梗係要試一試啦！店員話，呢到所有榴槤食品都係用貓山王製作，今日仲有星期五六日先有既榴槤軟雪糕，一於就試下啦！$60杯，齋睇價錢偏貴，但係食第一啖，即刻覺得抵左！好滑好重好香榴槤味，睇介紹話加左奶去製作，但係唔覺奶味，反而似成杯榴槤溶，一定要試啊！迷你榴槤瑞士卷話哂第一次幫襯，梗係試迷你版先啦！卷身好軟好棉，我就覺得味道偏淡，老公就覺得咁樣無咁滯仲好，如果鍾意少少淡淡榴槤香既，可以試下！店員仲有推介法式焦糖貓山蛋，下次又有藉口再黎試過！