老祖食堂

Open Now

Now Closed

入黎東涌專登搵間出面無嘅黎試試，仲要米芝蓮推介，應該唔會差得去邊。因為係平日下午黎，等咗5分鐘就有得攞。啲粉又鞋又粉又淋的... 個"湯"就粉湯黎。料係豬皮/肥膏但又唔係香。最好食係啲榨菜，唔會太咸或個味太激動。食咗半碗放棄咗。唔明點解呢換嘢要40蚊。XO 醬炒蘿蔔糕炒得幾好，份量幾足。都幾多料，蝦米亦見到唔少，不過都幾多油。食食吓浸落碗粉個"湯"度去下油...估唔到都ok，個皮都冇話淋同甩 XD總結：食個炒蘿蔔糕。怕油可能唔叫XO 醬會好啲。

今天愉景灣半天遊完結後經過東涌東薈城順道享用晚餐再回家，選擇食代館獲得米芝蓮 2023 推介的「西關老祖」旗下的「老祖食堂」-🔹極黑‧黯然銷魂飯 $68+$12 配 XO 醬‧炒椰菜叉燒選用西班牙黑毛豬腩肉製成，肥瘦相間的叉燒肉嫩爽彈，肉香濃郁；配上燶邊的煎香日本流心蛋及黑毛豬油飯，味道層次豐富又滋味炒椰菜大碟份量足，炒至爽甜，加入惹味微辣的 XO 醬，足夠美味-🔹酥炸雞髀什錦炒油麵 $58配菜：黑毛豬油渣、杜洛克黑叉燒粒、菜脯；送飲品雞髀即點即炸，製作需時；灑上七味粉的雞髀炸至皮脆肉嫩，肉質緊緻嫩滑而鎖住肉汁，雞肉入味而毫無雪味；炒油麵加入豬油渣及叉燒粒，吃得滿足飲品凍奶茶飲到港式的味道，甜度適中，口感順滑-🔹家鄉風雙拼煎肉餅系列 $58梅菜肉餅拼土魷肉餅，配白飯及例湯肉餅豐厚緊緻，豬肉鮮味而肉汁豐富，脂肪比例不高；梅菜肉餅梅菜鹹香剛好，配上甜豉油豐富了味道層次；土魷肉餅土魷鮮香，蒸煮火候剛好

食過幾次東薈城food court，老祖食堂算係最穩定發揮亦水準非常高嘅一間食店，不愧為入選米芝蓮推介嘅店舖！每次來必點黯然銷魂飯，星爺食神同款的飯！一顆流心嘅太陽蛋，肥廋適中的叉燒肉，特調的醬，香香的～ 勁欣賞佢煎嘅太陽蛋，不單止留心，圍住嘅邊全部係煎香嘅香口！ 叉燒好有肉味～ 另一必點的香煎豬扒什錦炒油麵，佢嘅什錦有叉燒肉切粒、肥肉、酸菜、䓤等等，非常開胃，也好有鐵板炒嘅感覺～大塊的豬扒，而豬扒炸得出色的乾脆、肉質鬆軟兼juicy！叫炒面，仲會包飲品喔～另外套餐仲+$18 有多款小食可選～ 我擺左爆炒•XO醬炒蘿蔔糕！喺小食店或者喺茶樓食嘅炒蘿蔔糕傾向濕漉漉，呢度好乾身加入埋佢哋自家製嘅，醬越炒越有香味，就咁食到好香味嘅xo醬。鑊氣喺口裏面慢慢散發出～

今日唔想煮飯 所以同小朋友去咗附近商場嘅food court食飯 見到開咗間新餐廳 - ✨老祖食堂✨ 仲要係米芝蓮推介 即刻試試先！杜洛克·黑叉燒飯系列 極黑·黯然銷魂飯 $70用西班牙🇪🇸杜洛克豬肉整成嘅叉燒 肥瘦均勻 嫩滑多汁 配埋兩隻日本煎蛋🍳撈勻食 再加埋碗精華靚湯 $70真係好抵食👍🏻黑叉燒配酥炸雞髀飯 $78叉燒一樣咁好味 大大隻生炸雞髀真係抵讚 做到外脆內嫩滑多汁 配埋靚湯 食落唔會太乾古法老祖西關瀨粉 $40榮獲2023-24必比登推介系列！選用西班牙🇪🇸杜洛克豬肉提煉出香口惹味嘅豬油渣 好香脆 配埋辣菜脯同蔥花 口感非常豐富榴槤系列飲品 $44+榴連迷必試！選用馬來西亞D24榴連蓉 加入3Q鮮果嘅椰椰冰 試咗其中兩款 - 3Q榴連椰椰冰 & 3Q榴連芒芒冰 滿滿嘅榴連味 飲落非常解渴！3Q榴連芒果冰 $58份量好大碗 兩個人食都得 上面舖滿咗芒果同3Q鮮果 下面係綿綿嘅刨冰🍧 食落唔會太甜 飯後食啱哂👍🏻

是日Vivian行outlet順便睇戲，睇完上到最頂層food court醫下空虛小肚肚，見到呢間menu係米芝蓮必比登推介，一定要食下😋Menu極黑 •黯然銷魂飯 $70 （套餐加配$12 ：迷你西關瀨粉）舊叉燒係精華，好腍，好軟，又夠厚，真係好好味，仲有兩隻太陽蛋，呢個價錢，呢個份量超級抵食迷你西關瀨粉Menu寫住係必比登推介，Vivian表示一定要order🤤瀨粉配炸到脆卜卜豬油，仲有葱花&菜脯，口感好豐富酥炸雞髀豬油撈 $68 （套餐加配$18 ：XO醬•爆炒蘿蔔糕）D豬油好脆卜卜，咬完就溶化，好香，撈飯超夾，雞髀如圖咁大隻，雞皮夠脆，雞肉嫩😋XO醬•爆炒蘿蔔糕👍🏻👍🏻推薦呢碟必食，蘿蔔糕外面炒到脆卜卜，𥚃面好軟，配埋XO醬真係會食唔停口每個餐仲會送碗湯，幾清甜，冇味精，飲完唔口渴

睇演唱會前需要餐肚，所以去左東薈城搵食：） 最方便就係上food court食野，最多選擇～ 兜左一個圈之後我比老祖食堂個米芝連吸引左😆同其他food court一樣，叫完餐之後有個提示器比你埋位等野食：無特別加野飲，但就附上左一碗湯，清清甜甜～🥢 極黑．黯然銷魂飯好足料！！有打孖上嘅煎荷包蛋，見佢係用日本蛋，蛋黃好黃，𠝹開係流嘅！👍🏻 肉呢就唔係一般嘅港式叉燒，望耐去我覺得似拉麵嘅叉燒～ 佢啲肥瘦好均勻，哎落去仲要好好咬口！！係我個人鍾意嘅口感～ 而且肉嘅數量亦都好夠送飯～ 另外想提嘅係佢個汁，開頭見佢寫極黑，諗緊係咪啲好濃嘅豉油，但原來食起上嚟係甜甜地嘅～🥢 XO醬．爆炒蘿蔔糕鑑於個人本身好鍾意食蘿蔔糕，所以都叫左份嚟食～ 首先夠晒熱辣辣。睇得出XO醬落得好足，有好多蝦米、榣柱碎！蘿蔔糕一粒粒亦都好方便可以逐口食！佢炒得都夠脆，就算食到最後放涼左，食入口其實都仲食到個面係脆的！之後再去開expo會係我嘅醫肚選擇😚

可能係期望越大，失望越大啦，老婆一路話呢度有間米芝蓮腸粉🤤，一心晏晝入嚟食個飯，叫咗一個西關瀨粉，一個叉燒飯，一個炸糭，加埋個XO醬腸粉先講西關瀨粉，差😖差到想講粗口🤬我自己食唔慣完全冇彈性嘅粉，可能係其中一個理由，但係你試想一下有乜嘢好食嘅東西，會係煮咗放喺度幾個鐘頭，拎返出嚟都仲會好食？🤯試想像吓喺街邊嗰個碗仔翅，佢啲粉就係放喺嗰啲兜度，跟住你落order就兜返一碗出嚟俾你🤢米芝蓮？如果咁樣都有米芝蓮，米芝蓮執咗佢吧啦叉燒飯，叫做可以接受👌🏻，舊豬肉食得出有小小玫瑰露酒嘅味道，火候都OK，用嘅係比較靚嘅豬肉部位，睇得出有用心整嘅，但個飯同個叉燒完全係唔關事😹，叫得米芝蓮，我諗我期望係有多啲層次，起碼嗰個米有啲彈性，或者吸汁，即係個飯同個叉燒起碼係夾嘅，但基本上呢兜嘢完全唔關事😰，叉燒同個飯，唔好話朋友，直頭唔識咁，$70，叉燒飯中規中矩啦🙄XO醬腸粉，都可以接受，算係呢四碟嘢入面最好食，但都係嗰句我期望米芝蓮係有層次，呢兜腸粉屋企都炒到😓炸糭就更加唔好講，我唔想再提呢個似薯餅，但係又唔係薯餅入邊放嚿臘肉嘅物體😓伏，中伏中到要打食評，你就知道有幾伏，如果抱住中伏嘅心態去試一試亦未嘗不

哇～我諗都有成幾年無去過東涌, 係食代館見到一間叫老祖食堂 有個飯叫黯然銷魂飯🤭直程俾佢個名吸引咗😆.極黑．黯然銷魂飯 $70原來特別用咗西班牙杜洛克豬腩自家製成黑叉燒，肥瘦均勻配埋香煎太陽蛋🍳撈埋一齊食簡直不得了仲要係米芝蓮推介 .黑叉燒配煎雞扒飯 $74雞扒煎得好香脆 內裏嫩滑叉燒口感非常好，好入味而且夠juicy.XO醬．爆炒腸粉 $45XO醬勁多勁足料而且炒得香口，好有鑊氣

係foodcourt最外面既店未行到入去已經見到米芝蓮推介2023既牌本來比foodcourt都有米芝蓮推介而吸引過去望到menu見到價錢都好抵食於是就同朋友都決定要食依間! 黑叉燒配香煎豬扒飯 黑叉燒配香煎午餐肉飯 黑叉燒比較肥岩晒我成舊放入口超好味用豬油撈飯超香超級邪惡飯既份量都好多但加埋豬油一齊食就忍唔住食好多 午餐肉係厚切同埋豬扒都煎到好香脆 每個飯都會跟一碗湯 湯飲落好清甜可以中和返比較濃味既飯而且蘿蔔都煲到好淋好入味 加咗小食酥炸雞脾 因為我本身好中意食炸雞脾所以見到都會叫而依度除咗黑叉燒外連炸脾都超級出色 大大隻好肥美聞落已經好香隔離枱本身只係叫咗兩個飯見到我隻炸脾即刻行返去再叫多咗隻 外皮炸到好香好脆邊食果陣仲邊滴緊油啖啖肉好嫩滑想方便食啲仲可以叫職員切開 之前無諗過係foodcourt都可以有咁高質既野食超級滿足!

老祖食堂 東涌達東路20號東薈城名店倉7樓704號舖食代館8及8A號舖簡單食材，特別炮製 都可以米芝蓮 唔一定係貴嘢或者五星級酒店先食到呢個商場入面嘅food court開啟最前面嘅就係呢間老祖食堂黑叉燒配香煎雞扒飯半肥瘦黑叉燒 自家製 Juicy入味 豬油滲晒落去飯嗰度撈埋一齊食☺️雞扒皮脆肉實 表面落左少量辣粉XO醬炒菜 唔算太辣 好多蝦米仔酥炸雞髀🍗勁脆 呢個雞髀我俾10分 基本上雞油都炸乾了外面望落去好乾身 食落去依然Juicy

今日去咗東涌食飯，好多選擇，但係比呢一個招牌吸引住，寫住2023年米芝蓮，我相信一定有吸引到，同埋有水準，所以一定要去試，我哋叫咗個客叉燒陪香煎雞扒飯，賣相非常吸引，而且分量十足，仲有香港已經好少見到有豬油撈飯，但係呢間有好多選擇，真係好吸引呀，因為豬油撈飯真係好香噴噴，而且仲有香蕉土魷肉扒煎蛋飯都係非常吸引，肉餅唔會太鹹，味道啱啱好，而且又唔會太多肥豬肉，真係肥瘦好均勻，真係好專業水準啦，而且呢度嘅服務質素非常好，侍應好親切，非常主動殷勤，我真係覺得食得好舒服好安心，而且我覺得佢哋嘅黑毛豬油撈飯一定要叫呀，豬肉嘅香氣撈飯，真係非常入味，而且個醬汁真係要食越吸引，真係食多啲飯都得啊，仲有好推介佢哋嘅XO醬咋，金龍燒賣，有12粒，非常豐富，外脆內軟，超正👍👍👍

今日好開心，同屋企人去東涌行街，我見有啲肚餓，於是上網搵吓東涌有冇好推介，見到好多人都推介呢一間有米芝蓮2023推介嘅食物，食物質素好好，真係非常吸引，於是去食，見到賣相已經好開心，真係好正，靚到不得了，好專業水準，所以一定要試呀❤️真係有米芝蓮水準，尤其我好推介西關風味嘅奶粉，分量十足，而且賣相不提，我都好推介佢哋嘅香煎梅香鹹魚肉餅煎蛋飯，個煎蛋真係靚到不得了，仲有我好推介黯然銷魂飯，個太陽蛋真係整得好好食，味道一流，個肉質鮮嫩，肥瘦均勻，甜甜地，又夠淋，而且佢哋加埋甜豉油汁，真係好好食呀，真係好開胃，食多幾碗飯都得，仲有佢哋可以加唔同嘅消息，我真係好推介佢哋嘅XO醬蘿蔔糕，煎得好香脆，而且色香味俱全，真係好吸引

東涌food court好多嘢食但黎到門口就見到寫住2023米芝蓮😮Menu好多經典港式飯餐但特別嘅就係黑叉燒同依家少見嘅豬油撈飯！-黑叉燒配香煎雞扒飯 $74叉燒肥瘦均勻，甜甜地又夠淋👍🏻雞皮都煎得好香脆😋加埋甜豉油好好食而且份量都唔少-迷你西關瀨粉 +$10 跟set有豬油渣 蘿蔔乾 蔥粒 冬菇 外型同食落都有啲似狗仔粉全部配料撈埋一齊食好夾🤤-香煎土魷肉餅煎蛋飯 $68肉餅調味唔會太鹹，而且又唔會太多肥豬肉肉餅嘅邊邊位仲有少少脆添🤣煎蛋蛋黃流心撈飯食好正🤤-XO醬爆炒腸粉 +$28 跟set腸粉炒得外面焦香之餘入面唔會淡茂茂！炒得超好味！而且仲有蝦米仔一齊炒😍好推薦大家食呢個小食👍🏻-食物模型嘅炸糉好特別，不過太飽試唔到下次黎決定再試試！

今天约了朋友到东涌体育馆打球，时间不太多，所以到了东荟城名店仓7楼的食代馆打算速吃个晚餐，逛了一圈，看到食代馆入口右边的第一间老祖食堂写着“米芝莲推介2023”，就被吸引了。点了黯然消魂饭、酥炸猪肉棕和XO酱炒萝卜糕，黯然消魂饭的腩肉晶莹剔透，加上2只流心蛋十分满足；炸棕外脆内软，还配上砂糖，十分美味；萝卜糕色香味俱全，还有青红萝卜粟米汤送，吃了顿丰富的晚餐有充足的体力去打球。另外看到有黑毛猪油捞饭系列、XO酱炒肠粉和西关濑粉也很想试，下次一定会再来。

東涌Food Court 食米芝蓮！極黑•黯然燒魂飯 $70呢一個唔係普通嘅叉燒飯，真係令你食到驚喜嘅黯然銷魂飯，佢特別配製嘅醬汁同叉燒真係相得益彰，切片嘅叉燒口感剛剛好食落去好Juicy入味，加上醬汁撈飯即係越食越上癮，再加埋隻太陽蛋當你一食落去蛋汁流開嘅時候真心不得了！香煎豬扒豬油撈 $68真係唔係周圍有得食嘅豬油撈飯，呢一個香醇黑毛豬油撈飯10個推介一定要叫，豬肉嘅香氣撈飯，入面口感真係冇得彈，再加埋外脆內軟嘅香煎豬扒，整個配合入口層次好豐富，豬油撈加埋醬汁即係越食越惹味！加$10套餐 迷你西關瀨粉佢係2023米芝蓮推介系列，如果你覺得食唔晒太多嘢就可以加佢個套餐叫呢個迷你嘅瀨粉，將佢變做小食都好滋味㗎！加$28任食一款滋味小食 XO醬•爆炒腸粉另外套餐種類仲可以揀小食，我哋就揀咗炒腸粉，估唔到真係超級香好有鑊氣，XO醬完全融入咗腸粉入面仲有唔同嘅配料咬落去口感一流！老祖食堂 (東涌)東涌達東路20號東薈城名店倉7樓704號舖食代館8及8A號舖