聯發茶餐廳

Open Now

Now Closed

夜晚七點鐘入到嗰間餐廳，見肚餓即刻落單，叫咗兩個煲仔飯（臘腸排骨、鮮牛肉臘腸），等到八點鐘都冇得食，其他遲入嚟嘅枱就食緊，跟住問侍應點解，佢話煲咗嗰啲北菇雞飯先。我就反問佢都係用個爐嚟煲啫，點解要煲咗煲仔北菇雞飯先。好明顯係漏咗單，漏咗單仲多多解釋，對唔住都冇句，侍應個個都口黑黑面。我老婆因為驚佢加料，所以唔等，我哋即刻買單走咗。今時今日嘅服務態度，唔怪得知咁多人北上食飯，所以香港乜嘢夜繽紛都死啦！補充一句，依間咁嘅茶餐廳一啲都唔平，飲咗一杯凍檸樂都要收32蚊，仲要咁嘅服務態度，希望佢早啲執笠。

懷舊茶餐廳暖笠笠煲仔飯🍲聯發茶餐廳📍九龍城侯王道2-4號地下1號舖食臘味煲仔飯暖笠笠🧡臘腸、臘肉，秋冬食呢啲好暖身呢間茶餐廳以蛋料理聞名。其實我已經黎過幾次，高質茶餐廳，價錢又相宜。裏面裝潢充滿懷舊地道香港味，出面經常人龍不絕，非常受歡迎。▫櫻花蝦臘味煲仔飯 $108這道菜色上桌時，煲仔散發出的熱氣讓我們直呼過癮。一口嘗試，那滿滿的蝦香和臘味的香氣瞬間填滿整個口腔，米飯外酥內軟，蝦仁鮮嫩多汁，真的是令人回味無窮。▫窩蛋牛肉煲仔飯$ 108一打開蓋就香味撲鼻🔥🔥，調味本身較淡，但加埋自家製豉油，甜鹹味出哂黎！我覺得出色既煲仔飯一定要成個底都有焦🤣🤣夫復何求呀！• 整體•食物: 𝟺/𝟻環境: 𝟺/𝟻

一向都多人推介九龍城《聯發》今日一於試試港式茶餐，黎到見到門口都有小部份人排緊隊，不過都唔洗等好耐就入得啦，沙爹牛肉湯意粉，湯底沙爹味濃郁，充滿香料的香氣，牛肉醃得入味，沙嗲感受到濃郁花生同香料香，意粉煮得剛剛好，有咬勁，而特產入面配煎雙蛋，仲要係反蛋燶邊架，啲蛋煎得啱啱好，蛋白熟爛嫩滑，蛋黃保持咗流心狀態😋令外叫多份炸餐肉條，餐肉條炸得金黃酥脆，而且食落唔會柴，炸得啱啱好唔會太油膩。而且每條餐肉都切得剛剛好，大小均勻總括嚟講聯發下一次會回頭嘅茶餐廳，聽聞佢哋嘅炒蛋都做得出色，我下次會試吓埋佢哋嘅炒蛋

📍九龍城 聯發茶餐廳話說今日過完海去玩AIA，喺中環諗唔到有乜好食，於是就搭咗巴士嚟到九龍城覓食。因為時間已經有啲晏，所以好多餐廳都閂咗，見到呢間茶餐廳仲開住，於是就入左去。餐廳係行傳統港式茶餐廳風格，但係佢嘅菜式有啲都好新奇，我見到有一個午餐肉切到好似薯條咁，超搞笑😂٩(˃̶͈̀௰˂̶͈́)و蔥油雞扒撈出前一丁佢呢個出前一丁真係非常出色，滿滿嘅蔥油撈埋落去啲一丁度，淡淡都香噴噴。再加上佢嘅雞扒好滑，而且煎到個皮好脆，正呀。法蘭西多士傳統西多士一定係最好食，加埋中間嗰層嘅花生醬，同埋面頭嘅牛油仲有糖漿，食過返尋味啊🤍鹹牛肉奄列配多士佢嘅鹹牛肉份量十足，加埋佢個多士係有搽咗牛油嘅，所以好香好脆。鮮榨檸汁檸樂飲品方面都好有驚喜，我真係第一次試鮮榨檸檬汁。應該係師傅喺入邊用咗好多檸檬，所以檸檬肉超多，感覺好fresh。

比左4舊幾水仲要比佢串，真係仲係好嬲，完全冇服務態度可言，離曬譜！快啲執啦！本身都諗住食完，人都比左錢走左，件事過左就算，但而家諗返起真係好嬲，呢間茶餐廳啲服務態度原來係咁差。我地一入去話6位，由於當時真係差唔多滿枱，得一張卡位4人同中間唔係卡位既2人枱。入黎果陣被迫分開坐。講真，呢間野係我同老公覺得服務態度同食物質素唔錯，所以先想帶屋企人黎食，點知結果係要分開坐。第二：食食下，見到好多人走左，眼見有啲枱冇人，咁我同老公咪同侍應講想轉枱，轉去同屋企人附近既枱，因為我地入黎都係話6個人既，咁而家有枱想轉過去。侍應不停回應係：等一等你等陣先。我就話等得黎都食完啦，但我都等，比足面你。跟住，個侍應話老細佢地傾緊我地轉枱既問題，我話：下？轉張枱都要開會牙？咁緊要牙？老公：咁我地轉左會點呀？係咪會報警？侍應：你地等等先等等先。我地其實已經等左好耐，再等真係食完。我同老公冇理佢，拎住啲麵同飲品轉左台。我開始後悔揀左呢間同屋企人食，搞到成件事勁尷尬。第三，最後比錢，果個疑似係老闆娘既物體仲要串，我比錢佢，佢話：單呢單呢？都叫左你地唔好轉枱啦，單又唔見，你地食咩丫！我果下佩服左自己，只是反左下白眼，答

今日我去咗九龍城侯王道既老字號茶餐廳-聯發茶餐廳食飯。呢間茶餐廳已經開咗好多年，係呢頭非常出名既一間餐廳。聽聞影帝周潤發都係常客!我叫左滑蛋鷄扒丼，一口店方馳名的滑蛋配合秘製甜豉油，食落比較特別。另外，朋友仲叫咗炭火叉燒煎蛋飯，飯煮得好香，叉燒有肥有瘦，肥瘦適中，煎蛋煮得剛好，蛋黃有少少流心，撈埋飯食味道好好。而且佢地叉燒蜜糖醬汁都好正，餐廳一啲都唔慳皮，成個飯都有汁，令整個飯更加香，朋友食慾大開即刻扒多兩啖!

聯發茶餐廳餐廳位於九龍城侯王道二至四號地下,餐廳主打炒蛋和各種特色外脆內軟的牛油多士,還有早餐,常餐,茶餐和特餐,供客人選擇,餐廳歷史悠久,裝修簡約帶有點兒懷舊味道,設有卡坐,光猛乾淨,餐龐週不時爆滿,雖然服務員忙個不停,招呼仍體貼到位。滑蛋蔥花叉燒飯$68叉燒蔥花和滑蛋鋪滿整碟飯,香蛋味嘅滑蛋真的很嫩滑,叉燒份量都不少,食落好香口。乾炒黑椒牛肉意粉$70牛肉意粉炒得夠乾身,有鑊氣.不肥膩,牛肉有牛味唔會韌,意粉軟硬適中。花生醬多士$22多士厚身,香濃的花生醬粗粒有口感,餐飲品有熱咖啡熱檸水。

九龍城嘅呢間聯發茶餐廳就之前已經介紹過 其實佢本身都幾出名 因為好多藝人都會嚟食😂😌 而且小編覺得佢哋呢間茶餐廳雖然已經有啲歷史 但係都算係幾衛生 因為有啲茶餐廳除咗懷舊亦都係殘舊 😂 但係聯發茶餐廳俾人感覺係非常乾淨企理😬 而且啲侍應哥哥姐姐全部都好nice😌😛.🐷茶餐小編就好鍾意食茶餐嘅 因為佢哋嘅茶餐好豐富😌火腿 炒蛋呢間茶餐廳嘅炒蛋非常之滑 唔係間間都整到咁🥚🍳 小編非常鍾意 然後會將牛油多士夾埋炒蛋同火腿一齊食 牛油多士個多士係脆到爆炸 加埋啲牛油 香到不得了😛仲有 叉燒湯意粉🍝 個湯意粉都真係幾好食 啲叉燒本身都幾有味 唔係啲乾到好似柴咁樣嘅叉燒😌叉燒口感又好嫩滑 加埋個湯本身都唔錯 意粉都煮得剛好 有啲咬口😌.🐷凍檸茶就算係冬天定夏天 小編都好鍾意飲凍檸茶😛 小編覺得茶餐廳裏面嘅凍檸茶比起出面嗰啲檸檬茶好飲好多 雖然出面嘅檸檬茶好多花款 果香、鴨屎香咩都有 但都係茶餐廳裏面嘅檸檬茶係最香嘅.🐷炭火叉燒蛋飯 （煎蛋）見到呢度其中一個招牌菜係呢一個叉燒蛋飯 小編嘅媽咪就揀咗煎荷包蛋 隻蛋裏面嘅蛋黃🥚仲有少少流心😛叉燒好入味 煎蛋底面微焦 仲有個炭火味道 食落好香好美味🤤 加啲

九龍城聯發出晒名食滑蛋，連發哥都成日去。呢度可以食到美味炒蛋之餘，職員態度有禮，唔會催人落單，食得放心無壓力😆除左炒蛋之外，其實其他野都好食。🥞法蘭西多士 $44呢度只有一個下午茶餐，就係西多😆時間14:30-18:00提供，價錢比一般茶餐廳係貴d,但真係好食d既。見Order嘅時候，餐廳店員好貼心會問個個客人有花生醬得唔得。佢既西多花生醬特別香濃，帶粗粒花生，可以咬到花生粒粒，非常香脆，加$10有得配雪糕一球，加曲奇朱古力雲呢拿味雪糕球，更加無得彈😋👍🥢炭火叉燒飯 11am後提供配煎蛋$88，配$炒蛋$98，配煎蛋就係最正宗既"黯然銷魂飯"！😋叉燒肉味香，蜜汁夠，令整體叉燒味道特別香甜；多瘦少肥，比例啱啱好，外表又唔會太燶，難怪發哥都鐘意黎呢度食叉燒。🥘窩蛋新鮮牛肉煲仔飯$1086pm後提供有飯焦架！🤩焦香脆口嘅飯焦，程度啱啱好，少啲技巧都搞唔掂☕️熱奶茶搭杯熱奶茶，絕對係香港茶餐廳嘅標配啦！嚟到呢度一定要試，茶香奶滑，口感香醇厚滑，值得試

我和朋友最近到了九龍城，一個以美食聞名的地方，我們十分期待這次晚飯的體驗。我們選擇了九龍城的聯發茶餐廳，聽說他們的菜色豐富多樣，讓人難以抉擇。我們點了一份炭火叉燒飯，一看到那香噴噴的燒叉燒和蛋，就忍不住垂涎三尺，入口的瞬間，一股濃郁的叉燒香氣沁入鼻中，肉質嫩滑多汁，每一口都帶來滿滿的滿足感。另外，我們也品嚐了櫻花蝦臘味煲仔飯。這道菜色上桌時，煲仔散發出的熱氣讓我們直呼過癮。一口嘗試，那滿滿的蝦香和臘味的香氣瞬間填滿整個口腔，米飯外酥內軟，蝦仁鮮嫩多汁，真的是令人回味無窮。結束了豐盛的晚餐，我們還點了一杯熱朱古力和一杯凍檸檬水解渴，讓我們充滿了活力。

聽說這茶餐廳出名炭火叉燒飯，晚上七時來吃，高朋滿座，需要在門外排隊。叉燒甜美可口，肉質明顯經過挑選，但似乎感覺不到炭火燒烤後的味道，叉燒飯配上滑蛋，有日式飯的感覺，98元一碗可以一試的。

九龍城食泰國嘢好似變咗香港人嘅常態，但其實九龍城都仲有好多其他好嘢食呢日為咗呢間社交平台網紅店而嚟到九龍城，結果亦都好符合預期，真心正晚餐早咗去到，所以都仲叫到個西多士，個西多士係必食嘅炭火叉燒炒蛋飯$98用炭火燒腳嘅叉燒同平時燒味舖嘅叉燒係真係唔同嘅個叉燒邊脆脆哋又炭香味，叉燒份量好多件件都係半肥瘦啱啱好炒蛋好滑半生熟份量多過個飯，真係兩啖炒蛋一啖飯茶餐$68茶餐可以揀餐包或者多士，叉燒通粉亦都可以轉做雞扒通粉，配搭非常之多元化個通粉係大食妹鍾意食嘅質地，雞扒亦都煎得好香法蘭西多士$44西多士蜜糖自己落，作為超鍾意食甜嘢嘅大食妹，就好似唔使本咁落西多中間有厚厚嘅花生醬，注意用嘅係粗粒花生醬，係有花生粒嗰種，所以食落更加有口感

邊個話去九龍城只可以食泰菜架？今次黎到九龍城同大家分享既系一間看似平凡卻不平凡既人氣茶記 一 由「澳牛」第三代主理既 聯發茶餐廳 《食神》入面有一句經典對白： 「只要用心，人人都可以系食神」滑蛋依樣嘢，話易吾易，話難吾難，但又差之毫釐，謬之千里。要掌握好火喉同時間，都真系需要相當經驗同心機。今次就試左聯發既招牌：🌟炭火叉燒滑蛋飯 $98滑蛋有蛋香之餘，質感非常滑溜叉燒夠淋，仲有小小燶邊位更加分配埋佢地既特制自家醬油 🤤👍

來點不一樣：漩渦蛋包西炒飯🥚🍳🍅🍚少有茶記咁用心整，賣相好📸份量多😋😋 加埋杯熱鮮奶🥛#飲飽🍳漩渦蛋包西炒飯 HK$88漩渦蛋唔單止外觀好，食落都滑溜溜，而且蛋量十足。西炒飯粒粒分明，餐肉粒香噴噴。🥩蔥花玉子牛丼 HK$98我曾經食過，覺得幾滋味。老公本想食返招牌炭火叉燒，可惜賣晒，推介佢呢款，我試咗嚿牛，水準保持到。🥛熱鮮奶 HK$24我成日撞親，而家開始飲返多啲奶，補充鈣質。飲完熱牛奶好好瞓，一啲都唔腥。🥛凍杏霜 HK$24老公飲飲下就濟咗😆 我都有飲下，杏霜都係my favourite，營養價值高。選擇多，具創意，去開九龍城唔一定食泰國菜嘅😘😘

我今日去九龍城行街，專程拜訪聞名之久的聯發茶餐廳，它位於候王道2-4號地下1號鋪。由於聯發茶餐廳的歷史悠久，店內是傳統的裝潢，兩邊的卡座和中間的方檯，甚有懷舊的原味。我點左滑蛋照燒雞扒丼$98，北菇雞杞子煲仔飯$108及雪糕咖啡$38。煲仔飯是即叫即煲的，所以需要耐心等候。雪糕咖啡最先奉上，拿著香濃的熱咖啡，慢慢倒入盛著雲呢拿雪糕的玻璃杯內，深啡色的咖啡流在白色的凍雪糕球上，甚是好看；倒完咖啡後，就急不及待的用茶更來吃熱咖啡中的凍雪糕，真是另有一番風味。服務員收走空玻璃杯後，熱辣辣的北菇雞杞子煲仔飯和滑蛋照燒雞扒丼，就一齊奉上。北菇雞杞子煲仔飯一上檯，就聞到香噴噴的雞香味，配上秘製豉油，真係好味道！滑蛋照燒雞扒丼也是熱辣辣的，雞扒燒得的香口，雞扒厚切，肉質軟腍，雞皮脆口，很有水準。