肥仔記麵家

Open Now

Now Closed

銅鑼灣有唔粉面店, 無論是車仔面還是魚蛋粉面, 都要三十蚊左右。要食得好食既更加唔止呢個價錢。有時路過見到呢間"肥仔記", 單送$28, 雙送$34, 呢區黎講算是合理於是搵日就黎試下好唔好食啦~今次叫外賣拎返屋企試, 可以分開湯另上, 一樣都係收返$34至於食物既素質就普通啦, 沒什麼特別唯有湯底估唔到係用雲吞面湯底, 以為係一般魚蛋粉湯底。黃金魚片頭+魚肉春卷米線黃金魚片頭：很普通，一般街市買到既最普通果隻，而且有雪藏味。見佢寫"黃金"還以有炸過，有少少伏呢～：魚肉春卷：春卷還可以，幾香魚肉味又唔會腥，當然都係冇炸過既，但味道不錯可以一試。：湯底＆米線：湯底意外用了雲吞面既湯底，個湯少少淡淡的不會太濃重味精味。比較岩食得冇咁重口味既人米線就比較易淋ｄ，有些少發脹，不過都ｏｋ的，比較岩喜歡吃淋身冇咁彈口米線既朋友。若果對粉面要求不高，普通吃的話呢間都唔錯，價錢叫做合理。

近期去咗粉麵世家食過虚有其名又性价比不乎的云呑麵，就决定今后有時间去比較其它食店有何分別。今天周六就来个遲来的早餐云吞麵。湯底比較濃，云呑大大粒，吃到爽口蝦肉，知道是即叫即煮；麵也夠爽口。相比老牌麵家(查看前评），28塊一碗無得輸！

是日約左朋友等佢個陣又餓餓地求其搵間野食 諗住是但搵間近佢屋企嘩通常啲xx記都應該幾好食點知真係伏伏伏！真係可一不可再個呀姐服務又差送菜好似乞食咁大大力放大佬，我有比錢架食到我成肚火

今晚OT到好夜，臨近9點半，就在銅鑼灣SOGO對面渣甸街行到邊食到邊，記得中間大冷巷有家碟頭野，但經過見到原來已經變左這家麵館，個門面幾有格調，入面好有傳統中式Feel, 加上好多木檯凳，我最Like, 那就揀呢家啦.....吃雲吞麵的麵館其實間間都差唔多，不過這家的裝修真係幾獨特，好像電影中的客棧Feel!! 同埋都幾衛生!你睇佢每張檯都有小盤醬料，好清潔又好整理，其他麵館除左正斗粥麵專家你都好少見有咁整潔....值得一讚!! 鋪內與鋪外都充滿這個Design既餐牌，非常清晰，我今晚就來個潮洲魚蛋墨丸河，阿姐收到我柯打就大叫"魚蛋墨丸河"，那我就話我要潮洲魚蛋呀，佢覆我就是魚蛋囉....唔記得叫阿姐加腩汁，一叫佢就做野..... 賣相一流，我以為潮洲魚蛋有別於魚蛋，因我之前在街市是有分的，正宗的潮洲魚蛋我吃過是灰灰都色，魚味之上還有少少豬肉味，但這裡的魚蛋就是魚蛋，無我所想像的潮洲魚蛋.....哈哈! 算啦，試真佢既魚旦同牛丸都超彈牙，好爽口好好味! 加腩汁也好有誠意，真的加埋舊牛筋腩比我，非常濃味！佢既腩汁應該落左好多柱候醬，色香味都好!$34在銅鑼灣.....有我最Like既木

下午路過銅鑼灣，見肥仔記麵家，就吃個粉麵套餐，套餐有魚肉春卷、魚皮餃、黃金片頭、蟹籽鮮蝦雲吞等共十八種選擇。就叫了一客柱候牛腩河、生菜及豆漿，收三十六元，中午在銅鑼灣算抵食。生菜青綠新鮮，份量稍少，平時在家食菜均為清汆，忘記交帶不下蠔油，就試試吧，蠔油缺蠔味，質素普通。柱候牛腩河牛腩炆得夠火喉，腍甜入味，略嫌過瘦，若是加入些少牛根，會更理想。豆漿不夠滑，甜度適中，餐後一杯，解渴。 

呢間咁既野真係好離譜未食完既野，未飲完既豆漿都可以收走，叫佢一係加錢換可樂，個伙記都仲可以話「比返豆漿你，大人有大量」直情趕客啲野又唔係話好好食，勸大家唔好去食，廢事因為個小小錢而受氣

今時今日，不管是茶記或是甚麼食肆，吃一次少不免以五十元為起錶位，尤其以銅鑼灣區為甚，低於此價位者少之又少，要不是同事帶到，小人根本不知道此店的存在。一個午餐有湯麵、有菜、有飲品，才三十多四十元，性價比甚高。一餸麵餐$38要了雲吞粗麵，雲吞大大隻，肉味尚可，粗麵亦煙靭。而兩餸麵餐$44的是鯪魚球及蟹籽墨魚丸河粉; 這碗比較失色，魚丸有欠鮮味，蟹籽跟墨魚丸兩樣混在一起擦不出火花: 兩種味道皆不突出，跟一般墨魚丸完全無異。油菜有生菜和芥蘭的選擇，份量挻多。飲品是又烯又淡的豆漿，小人不太喜歡。不過為著荷包著想，應該會再來，無他，勝在夠平。

工作過後，餓到暈咁滯，但係銅鑼灣間間都貴，難得比我搵到間抵食 一碗粉面，一碟油菜，加杯豆漿，先38蚊，係銅鑼灣係一件幾難既事。我嗌左個牛筋河，油菜同豆漿都係一般般，不過牛筋佢炆到好軟，但係食落滿口都有膠質既感覺，夠哂火侯

福興里原本2家食店已經結業, 變成這家「肥仔記麵家」。麵店不太大但放滿枱檯, 下午茶時段依然人山人海。對於剛剛行完書展的我, 左一袋右一袋, 要入座真係好唔方便。頭頂上的冷氣剛好吹正頭頂, 真的不太好受。未食已後悔入座! 急急地點了雪花肥牛併蟹籽墨丸河(加腩汁)。肥牛味道十分一般, 蟹籽味蓋過墨丸味。腩汁湯頭味道淡, 河粉厚身又鞋口。一碗水準一般的麵食, 双併連凍奶茶只需$41, 這價錢在這區來說實在抵食。奶茶味道不過不失。失望只有它的的環境及服務。可一不可再。