肥公車仔麵 (Closed)

今日下午一點鐘，個肚餓到似穿窿，去完銀行去肥公，離遠望見有人龍，急步上前排隊中。各式粉麵，$7一份，餸就主要分$7及$10，叫了炸魚皮、魚皮餃、鯪魚肉及墨魚腐皮卷，加埋一杯豆漿，承惠$48。炸魚皮，唔脆。墨魚腐皮卷，質感怪怪，食落好多粉漿，雖然食到有墨魚粒，但完無墨魚膠嘅質感，每一口都只有一團粉。魚皮餃，$10有3粒，大大粒，彈牙，美中不足係可能天氣熱，食品長期暴露空氣中，食落有好輕微嘅異味，但真係算唔錯。鯪魚肉，係今之叫嘅4款餸之中，最有驚喜，雖然整到好似街邊車仔檔食生菜魚肉嗰啲咁細粒，但勝份量多之餘仲食得出有魚味，絕對唔係車仔檔嗰啲粉漿多過魚可比。豆漿味道一般，豆味唔太濃，但勝在唔太甜，加上只係$7一杯，你仲想點？4餸一河，連豆漿都只係$48，咁嘅價錢，咁嘅質量，食到飽一飽，絕對絕對收貨無投訴。

通常食車仔麵都係去深水埗嗰兩間人氣車仔麵， 其中有一間真係覺得好食到冇對手，雖然係咁間唔中都試下其他車仔麵，見到呢間大部分都係好評， 特登嚟試試。時間早嘅關係，唔使等位。叫咗一個雞翼豬手墨魚卷伊麵，另加墨魚卷酸齋蟹柳蘿蔔米線。首先，個墨魚卷唔得， 係冇口感同爽口嘅感覺， 只是一團麵粉。 伊麵最離譜冇煮熟透，得個硬字！ 食到冇心機。 好彩豬手叫做唔差，同埋雞翼都可以，但係呢碗已經唔係做得出色嘅車仔麵😕😕另一碗米線，酸齋唔好期待似出面齋舖買嘅酸齋， 味道較淡， 蟹柳一般， 蘿蔔係苦嘅 米線亦唔彈口。所以總括以上其實得50分。唯獨可讚嘅係廚房阿姐服務態度好，同埋見到啲人話計錯錢，我就冇計錯囉。 試一次就算😕😕

係社交媒體網站見到有人推介呢間車仔麵，今日有時間特登過黎一試，可惜結果不似預期🥲麵檔係好舊式格局，先叫餸後俾錢再搵位坐，舖頭有兩層，上層樓梯都幾斜，拎住碗麵上去要好小心。今次試左河粉，魷魚，牛柏葉，魚蛋，牛筋腩，豬紅同豬腸，除左河粉食落正常，d餸分量雖然幾多，但我竟然全部都覺得唔好食，特別魷魚收最貴但我覺得係最唔好食🤦‍♀️另外我覺得車仔麵個湯底同辣汁都係靈魂，但湯底食落冇咩味，加辣原來只係剪幾隻辣椒，真係冇咩特式可言。總結價錢親民，舖頭好有舊式車仔麵既感覺，可能有啲人會食回憶既味道，但我覺得味道真係麻麻，應該唔會食第二次。

星期六朝早去開旺角，行過見到有好多人排隊，應該冇乜中伏掛，諗住試吓😙麵都算多選擇，油麵，米粉，粗麵，米線等等都有，另外仲有幾款菜，菜當一個送計，今次選擇咗西洋菜。跟住直接喺淥麵位處揀送，送都有好多選擇，同男朋友每人揀咗幾樣，好多餸都好似好入味好想試😝滷水雞翼好入味，每碗仲有三隻，都幾佛心，牛磅金錢肚有出面牛雜舖嘅水準，滷水冬菇同豬紅份量算多 ，亦好林，值得一試。成碗米線，份量選多，女仔可能食唔晒😝可以即時買嘢飲，俾完錢之後 ，有樓上位置可以坐，不過拎住熱辣辣嘅米線，上上層係一個挑戰🤣🤣炎熱嘅夏天，上層冷氣風扇充足，唔會食麵食到流晒汗，地方尚算清潔👏🏻下次想試吓其他餸，傳統車仔麵舖買少見少，埋單人均大約40幾蚊，可以一試~~~

今日十五十六食車仔麵還是食韮菜豬紅腸，雖然最後打算食後者，但地鐵出錯方向，去咗另一邊，見個天開始黑，趁未落雨，行快兩步嚟到呢間好多網友介紹嘅名店。名店果然係名店，未到埗，離遠已經見到門口一堆人，行前望真啲，原來已經有十多人排隊，相比前面那間燒味食店的門可雀羅，真是大相逕庭。門口沒有餐牌，望入店內檯面亦不見有餐牌（後來買完坐底，先發現在店內一角的牆上貼上一張A4大細嘅紙，估計係價錢牌，但字太細，我亦無再考究），但從外望入去亦離見到有什麼選擇，只見門口有位淥麵姐姐忙碌地淥麵，但不理了，先排隊，到時見到乜就按感覺去選擇就好了。原本打算叫幼麵，但見前面兩個人都叫油麵，我為求穩陣，當然亦選擇油麵，然後第一睇見到豬手，又記得谷友貼過啲靚靚豬腸出嚟，再加埋我至愛嘅豬皮，一個三餸油麵就咁形成，承惠$38，店員問我加唔加嘢飲，我心血來潮加罐忌廉，一共$43，即係話罐汽水只收$5，相當之抵，之後在堂食見到原來除咗又罐裝汽水之外，仲有枝裝可樂，杯裝檸茶，杯裝奶茶同埋豆漿，下次有機會會試下。食物方面，豬手好腍，但有少量豬毛😖，豬皮好爽，但有一兩件食到成口豬毛，完全估佢唔到😱😱🥺，豬腸好肥，但清潔得好乾淨，份量

好食 但係好似收錯錢後面念佐下好似收多佐一碗係 通菜+芽菜+雞翼+魚蛋+河粉+蘿卜 應該係7+7+10+7+7+7=45另一碗係 生菜+豆腐卜+豬腸+牛筋腩+粗麵 應該係7+7+10+10+7=41兩碗應該總共買單86但係當時最後收佐我160幾最後 牛筋腩 豬腸 雞翼都非常入味好食蘿卜甜 魚蛋彈牙 出品絕對OK嘅

車仔麵真係要食肥公真係無講錯，簡簡單單嘅車仔麵最重要就係D餸要夠入味。聽講雞翼係必食嘅，真係炆得好入味，江湖傳聞仲要係話3點後食會好味D，因為時間耐D會更加入味。豬皮都好掂，爽得黎又會吸咗D湯。豬大腸正就正在佢係用豬嘅小腸，就係攣吓攣吓嗰個部份，食落更煙軔同埋少D肥膏。酸齋都好食，其實就係D腐皮麵筋，不過因為厚身D所以好味過D豆腐卜。佢個牛筋腩又係一絕，入味到呢。

這份香港車仔麵的麵條Q彈有嚼勁，湯頭鮮美，是香港的傳統美食之一。攤子提供了豐富的配菜，包括牛腩、牛肉丸和魚蛋等，讓人可以搭配多種口感。攤子的湯頭口味比較濃郁，帶有一絲甜味，是車仔麵的獨特風味。此外，攤子的價格也非常實惠，是一個非常經濟實惠的選擇。總體來說，這份香港車仔麵的麵條Q彈有勁、湯頭鮮美，豐富的配菜和實惠的價格都是值得讚揚的。如果你想品嚐香港的美食，這份車仔麵是一個不容錯過的好選擇。

我今日經過呢間人氣車仔店見冇人排隊即刻入去食返一碗先。麵底要油麵，叫咗三個餸，分別係牛筋腩、豬大腸頭同埋豬肺，其實本來仲叫咗豬皮但係佢俾漏咗我，加埋一罐可樂盛惠$43 ，真係好抵食。佢其實有牛腩同埋牛筋腩揀，我揀咗牛筋腩，真係炆得好入味，佢嘅牛筋腩唔係分開牛筋同牛腩而係一啲牛腩肉會連埋啲筋位一齊，所以好好食口感好好，始終有時真係炆得好入味，佢嘅牛筋腩唔係分開牛筋同牛腩而係一啲牛腩肉會連埋啲筋位一齊，所以好好食口感好好，始終有時正牛腩有機會會韌少少。豬腸頭原來就係真正豬大腸，早知就咁叫豬腸就會係豬小腸嘅位，因為豬小腸煙韌啲我自己比較鍾意多啲，而且仲平兩蚊添。鍾意食豬肺其實就係鍾意佢入面嗰啲氣管爽口，而且個肺嘅質感都係我喜愛嘅。走嘅時候已經排長龍了。

我本身都好鍾意食麵，尤其係車仔麵，因為可以試到好多唔同種類嘅餸菜，太子呢間車仔麵，長期都需要會排隊，特別係午餐時間，人龍都很長，不過好在負責出餐嘅都有幾位店員，所以都算快就到我排完落單，呢到嘅餸都超級多款揀，我特別鍾意豬腸因為滷得夠入味，而且仲好肥美，食落偏腍帶爽，同埋洗得幾乾淨，唔會有陣陣怪味，而牛筋都燜到好腍好入口，筋位有一點點肉，宜家冬天菜仲有我鍾意嘅西洋菜，好新鮮唔會有渣，豬皮都係必叫，好入味好爽腍

聽聞已久的肥公車仔麵，終於去試咗一試，人龍未到好誇張，當天6點左右到已經無曬米線，叫咗個粗麵，加生菜、牛肚、豬手，加咗腩汁同少量咖哩汁，咖哩汁唔算好辣，加咗兩隻汁，所以湯底都好濃，牛肚已經好入味，不過剪得比較大塊，但好在都好冧，唔會哽，豬手同樣好冧，索晒啲汁，兩者份量都多

長期排長龍車仔麵店今日究竟發生咗乜嘢事竟然唔洗排隊梗係立即狗衝啦。叫咗四個餸真係好少可叫咁少，皆因轉頭約咗人食飯。我叫咗牛筋腩、豬手、豬皮同埋豬大腸，搞到成碗野充滿豐富骨膠原。炆豬手炆得夠淋兼好入味而且肉質好有彈性，又唔軔，一句講晒就係掂。豬皮夠厚身口感好爽同埋索晒啲汁好正。豬大腸全部都係小腸部份特別煙韌，腸內有肥膏令d豬腸特別香。牛筋腩又係炆得又淋又入味唔會韌，多蔥又真係又正又開心。食完真係好滿足唔掛得成日都要排隊啦。

車仔麵群組力推嘅旺角肥公車仔麵🍜 大約1點半嚟到，已經見到有條人龍排緊隊🚶🏻‍♂️🚶第一次嚟唔知點買🤔 原來要入排住隊入去自己order 完野食自己拎埋位，而個位都係需要自己搵嘅🫣 由於坐室外太熱喇🥵後尾有叔叔幫我安排轉咗位上樓上閣樓仲有冷氣架添✌🏻 叫咗5款餸，有豬大豬🐖 魚皮餃🐟雞翼🐔豆卜同蘿蔔，個麵底係米粉，🐖豬大豬醃得好夠味同都幾軟淋，仲好厚肉👍🏻🐟魚皮餃就正常嘅四州魚樣餃咁冇乜特別🍗雞翼都瀂得好好，好入味，雞肉🐔又唔會煮到鞋晒，仲好嫩滑🥳🍢豆卜專登叫嚟試佢個湯底嘅，可以吸晒啲湯嘅精華🙈 個湯底甜甜地飲完唔口渴，記得要加佢嘅辣椒油🌶 辣味唔係好強但佢係炒到好香🥕白蘿蔔瀂得好淋好入味，白蘿蔔冇根👍🏻🧋凍奶茶正常茶記嘅凍奶茶但偏奶🥛

之前都食過幾次肥公，有一兩次都發現阿姐計多咗幾蚊，我諗住唔係爭太多就算。今次因為趕時間，買番去先留意到，我叫嘅魚蛋，龍蝦卷同魚皮鮫都係$7, 伊麵$10, 冇加菜，咁總數應該係$31, 點解會收我$43?!下次去買嘅話自己要計清楚條數先好買！

🤩 太子｜肥公车仔面 40HKD #丁丁香港探店地址：旺角鴉蘭街地下5號C舖-上次是一年前了张同学说车仔面不好吃我说一定要带你来尝尝好吃的车仔面！吃完他表示：以后可以常来-「車仔麵」「牛筋」「牛腩」「油面」「萝卜」我最爱的是油面！他们家的牛筋和牛腩也很软烂入味个人觉得比文记要好吃！好像是牛肉类的10元一份其他的要便宜一点这次吃了41块不知道为什么两年前我能吃77块……