肥公車仔麵

Open Now

Now Closed

12點45分去到，見到大概10個人排隊，以為應該真係正嘢啦，排咗5分鐘，終於到我，可能我又生得矮細少少，前後都排咗2個高大亞叔！我望住煮麵亞姐，(我同煮麵亞姐係eye level高度)佢都望我唔到，直接用對筷子指住我後面個亞叔叫佢點麵，去過嘅就知，煮麵亞姐係隔住大玻璃叫人點麵，所以大嗌都無用，後面個亞叔點完麵，我忍唔住fing手示意我係到，佢仲妙口妙面，真係火都嚟，ok..成功點到麵加菜，再點埋一早諗好嘅菜，傳菜姐姐好好，幫我拎去其中一個位到食。。先食菜。正常啦，菜好難煮得衰豬皮，鹼水重腐皮龍蝦卷，同食麵粉無分別，口感差，食咗一啖，就無再食牛肚，係唯一好食嘅餸麵，正常啦，又係好難衰應該係我叫嘅餸有問題，我覺得呢間嘅車仔麵，平平無奇，用50蚊去食碗魚蛋粉好過！費事受氣！

搬咗新舖嘅肥公明顯貴咗，不過聲幸好仍然好似以前咁好食。叫咗酸齋、豬大腸、豬同律牛筋腩四個餸嘅油麵加菜芯底，加多罐Coke Zero，盛惠$72，我都比呢個價嚇咗一嚇。不過個牛筋腩又真係炆得幾入味，個豬大腸乾淨得黎又唔會乸走晒啲豬大腸味，豬皮又爽又入味，酸齋都係正嘅。另一碗淨餸唔食麵，白牛柏頁、冬菇再加個菜芯墊底，加腩汁，盛惠$35。冬菇雖然細粒咗少少，不過都仲算厚身。白牛柏頁都夠爽脆，算係食得過嘅。

今日黎到肥公車仔麵，我試咗佢哋嘅車仔麵，包括魷魚、魚蛋、豬紅、豬皮同牛柏葉河粉中辣，加多腩汁。餐廳環境簡單，唔需要太高要求。焦點係食物味道。車仔麵真係好正啦！魷魚彈牙，魚蛋鮮甜有彈性，豬紅同豬皮香脆多汁，牛柏葉肉質鮮嫩。河粉煮得剛剛好，有咬口，加上中辣嘅調味，味道香辣醇厚。多腩汁令味道更濃郁，增加層次感。總括而言，肥公車仔麵嘅車仔麵好好味，食材新鮮，味道豐富。餐廳環境簡單，但係食物係焦點。如果你鍾意食車仔麵，呢度係一個值得試嘅地方！

明明煮得好食，唔明點解用啲咁差嘅牛腩牛筋，真係砸自己招牌。建議老闆入啲靚嘅硼牛腩試吓俾人選擇，一個月後睇吓邊樣多人食，情願你俾少件或者賣貴啲，都希望食好啲。係都要我寫夠200字先至可以評分同埋發表，浪費時間，但因為希望佢哋改善，我就寫啦，我喺附近返工經常來食，係佢哋嘅忠實擁躉，但係每一次都要避過佢嘅牛腩同埋牛筋，因為實在太垃圾，非常抱歉我用垃圾兩個字，今日我試牛筋，又係全部留返俾垃圾桶食，真心希望你哋做得好。

今日去開上海街買吓啲爐具同洗手間用品嘢！諗住肚餓睇吓附近有冇好嘢食，心諗附近就算有間茶餐廳都食住先，因為真係太肚餓，見到一間叫做肥公車仔麵個名又好似幾特別，但係仲要係車仔麵唔好諗啦，好過食茶餐廳先！呢間舖頭同普通車仔麵舖頭啲餸都差唔多望落去，我叫咗豬腸，豬紅，雞翼仲有魷魚，仲有其他車仔麵好少嘅豬肺，價錢唔算好貴！豬肺炆得好腍，樣樣餸都好入味😋如果係呢啲地區有一間咁嘅車仔麵真係唔錯，好食過好多旺區嘅車仔麵，真係估佢唔到！我諗食完呢次就算唔係過嚟買嘢都會特登過嚟食吓！講真真係幾好食！

味道：好傳統份量：都多地方：窄/ 食得趕咁多出名既車仔麵，我會覺得肥公唔錯地方清潔乾淨，唯一討厭係食得趕，地方窄，自己一個去食都 ok，如果有朋友一齊去，食飯傾計就唔建議就算單拖再去，我都肯定會外賣走，唔會揀堂食

以前去肥公，真係大碗又抵食，雖然人迫迫，要等位，都算係一種風味。但自從搬咗去新舖，羊毛出在羊身上，加價不特止，啲餸仲少咗，一杯凍檸茶加碗車仔麵要成$72 ，食過一次，唔會返轉頭，要同肥公分手啦！

今日要出太子道買車票，想起肥公自從搬舖後未來過光顧，上openrice看一下地圖，很快便找到，原來是距離舊舖不還的地方。雖然是午飯時間，新舖的人龍沒有舊舖那麼長，只在門外排了幾人，所以很快便買到。食車仔麵，一定不可以心大心細，尤其是有選擇困難症者，更不適宜在這種傳統一邊排隊，一邊點食物的流水作業式店舖點餐，要眼明口快，立即決定要點選那些食物，以免阻礙後面排隊的人。今天我點了河粉作主食、食品方面點了芽菜、豬手、豬大腸、豬皮及牛膀五款，共$66。它的份量真的不少，比一般的車仔麵檔多。記得第一次來光顧時，豬皮和豬手都是很多毛，但今天完全沒有，而且每樣食物都燜得很腍，而豬皮就夠爽夠厚，非常難得。完全吃不到辣的朋友，切勿點選味濃的食物，因為它會帶點辣味的。最後，新店的面積比舊舖面積大了一點，坐位亦比以前舒適，有機會的話，我會再來。

知道佢係長期人龍店，特登過左Lunch Time 先嚟，3點幾嚟到，排左5-6個人，好快排到叫野食，位置都得返門口高枱位。食物方面好夠份量，每個餸都好多件，唔知係咪我少食，同出面啲車仔麵比，覺得有好多餸，特別係冬菇同埋雞翼尖嗰啲，好似食極都有咁～我第一次嚟，見食評話佢份量已經比之前少左，really？！因為3點幾都未食過野，堅肚餓，一野就叫左粗麵4餸+豆漿，係覺得個麵底唔係好入味，其他餸：冬菇、雞翼、蘿蔔、魚蛋就好滿意都好夠味👍同意大家講個環境係污糟同埋無服務，特別係我張枱前面嘅醬料位佈滿大家食麵彈出嚟嘅湯汁，所以唔好要求咁多，入嚟只求食碗麵就好，但總結都覺得佢幾大碗又抵食，絕對會再嚟。

搬咗新舖咁耐，第一次去食，以前每次去食肥公，都係因為平靚正加大碗夾抵食，今次係夜晚7點先去到，記得以前已經收咗舖，還好仲未收，應該會做埋晚飯時間.點咗我愛食嘅幼麵，豬小腸，雞翼，豬皮，再配埋佢嘅辣辣哋咖哩汁，再加埋甜醬撈埋幼麵食，簡直very good! 飲埋可樂Total $54 今次係滿意嘅，確實價錢貴咗，份量少咗，但係$54食呢碗車仔麵+可樂以今時今日市價來講算係合理如果硬要同以前嘅肥公來比較，過去就讓它過去吧，硬要掛住嘅話，自己都唔多開心，幾好味都無用不過，間鋪真係好污糟，成地都係垃圾，真係切切實實嗱渣麵，如果愛乾淨嘅朋友，千萬唔好入去，真嘅，因為你入到去係唔會有服務嘅，入去目的只係想食碗好味車仔麵走時見隔離有間粉麵舖，$40碗牛雜麵，坐得舒服，乾淨企理，如果怕污糟，怕坐得唔舒服，都係一個選擇

網上有人話佢係車仔麵界天花版，作為車仔麵鐵粉，當然要揾機會試試。首先我唔食牛，而叫又忘了唔應該試太普通嘅紅腸，所以呢款無謂評價了。因為叫米粉都驚驚地返到屋企伷吸晒湯，好在沖完涼再食仲有湯係到。個冬菇無份量尚可，中細size都有6粒仔，都算彈牙入味，下次可再食。但係，魚蛋就死實左D，唔彈牙，仲要末到到腥，但有無一個魚蛋香味，唔啱我口味。個酸齋，因為係湯內，林林地好味嘅，可以再酸D，我食過一間，炸到少少硬身，其實我幾鍾意，呢到淋身嘅酸齋有另一分風味，但易入口，都係可再食嘅一個選擇。而個湯底，因為佢無方間一D有唔同湯底味可選，就一個原如味加腩汁，又唔差喎，如以清湯計，我飲晒全部湯，唔咸，唔口喝。暫時未覺得去到天花版，都係會keep住想再食嘅車仔麵檔。

網上見到有介紹太子車仔麵，見到呢間係好評如潮，同埋客人非常期待佢重開，所以都特登過嚟試。星期六大概2點3嚟到門口已經見到有大概10人排緊隊。佢係流水作業式嘅你嗌咗嘢食俾咗錢之後先安排你入座。我哋等咗大概10分鐘就開始嗌我哋要嘅食物。第一碗：豬肺豬皮南乳豬手河粉第二碗：豬腸牛腩牛肚油面。另外加凍檸茶全部加埋共$114但係我哋都要企咗一陣先有位。佢嘅湯底其實係腩汁，而辣都係你自己加放枱面嘅類似潮州辣椒油。豬肺一碗有差唔多五六嚿，每舊都係大磚嘅色入口係入味而又爽，係驚喜。豬皮就一般佢有啲入味，有啲就好大塊，只係爽脆豬腸就有震少少嘅味係肥嘟嘟嘅腸入邊好多肥膏南乳豬手係入味，而且係淋，入口就溶牛腩入味而淋，好味牛肚量都多，爽口都算OK檸檬茶，茶味比較淡，係比較稀嘅，唔算好味總括而言，呢間嘢設最低消費$35，係好多得意嘅餸選擇，味道都幾好，食到車仔麵嘅原始風味，推薦但座位環境太過逼夾。

一直都有食開肥公，之前以為佢光榮結業超傷心，好彩原來只係搬位，仲要喺返附近，今日終於可以幫襯吓。一大碗勁開心，老老實實，我又覺得味道係差唔多嘅，不過價錢真係貴咗，但係衣家乜都貴晒，要體諒吓嘅，講真快餐店食個Lunch都要大約$50啦。睇吓今日食乜餸先︰牛腩︰必點之一，夠入味，唔會un唔會鞋，保持水準。豬皮︰唔會淋Pat Pat，夠爽口，都炆咗一段時間所以夠入味唔係滖水淥兩淥就比你嗰隻。豬小腸︰必點之一，叫嗰陣記住要叫豬小腸。小腸比大腸好食，因為煙韌D有趙口D兼且又少D肥膏。酸齋︰大件好味，不過覺得件數比以前係少咗嘅。加埋生菜底同一罐可樂，$72，貴係貴咗，不過仍然會繼續支持。

由細食到大，早以前以為佢裝修，點知原來搬新舖，滿心期待佢再次開業，點知。。。舖頭位置方便咗，但舖面細咗好多，座位少咗好多只有一層個個自修室位，重點食物質素下降，價錢仲要貴咗。。。個湯底無以前咁濃，面仲有鹼水味，啲餸俾少好多。。。而家要排隊仲要無位食，唔買嘢食唔可以入舖攞位，而且只要一食完放低筷子立即有人收碗趕人走。。。如果你一個人黎食都還可以，但同朋友一齊就真係唔好以前會覺得性價比高，而家會覺得貼錢買難受又一間小店可以不了。。。

今日同事講開，肥公搬了舖從新營業，所以一行四人點齊餸，特意去買外賣回來去試一試能否保持水準，四碗車仔麵分別係1)豬腸，牛筋腩，生菜，米粉，咖哩汁2)豬腸，牛筋腩，生菜，米粉，沙嗲汁3)豬腸，牛栢葉，蘿蔔，伊麵，沙嗲汁4)豬腸，鳳爪，豆腐卜，沙嗲汁去到排隊嗌餸到攞走，全程約十分鐘，以午餐繁忙時間來說，算很快捷。食物味道，所有人對豬腸之味及份量都表示滿意，而其他餸亦很夠味，略嫌牛筋腩較少只得兩件，及咖哩汁唔夠味，似清湯一樣。但最使人失望係收錢找贖，我們四碗共收了48+48+58+51=205元，因每一碗蓋亦寫明價錢，但根據價目表，「汁底及外賣碗」並無表示需要加錢，細心一計會發現兩碗48元(1及2)所示價錢與價目表係一致，但另外兩碗(3,4)卻分別被收取多10元，即消費205元內有20元為收多款項，原應為185元卻收超過10%之誤差，但因未有即時發現，亦因路途遙遠，未有回去商討。在此發表只希望店舖能改善一下收錢找贖之錯誤，不要只靠「心算」，買部計算機都不為過。